लोकपाल कायद्याच्या अंमलबजावणीला प्राधान्य
नवी दिल्ली- लोकपाल कायद्याची अंमलबजावणी करणे तसेच इतर भ्रष्टाचारविरोधी चार विधेयके मंजूर करण्याला केंद्र सरकार प्राधान्य देणार असल्याची माहिती कार्मिम विभागाचे राज्यमंत्री व्ही. नारायणसामी यांनी दिली.लोकपाल कायद्याचे नियम सर्वांना सूचित करण्यात आले असून लोकपालचे अध्यक्ष आणि सदस्यांच्या निवडीची प्रक्रिया सुरू झाली असल्याचे ते म्हणाले.भ्रष्टाचार विरोधात आवाज उठवणा-यांच्या संरक्षणासाठीचे विधेयक, भ्रष्टाचाराला प्रतिबंध घालणारे सुधारित विधेयक, नागरिकांची सनद विधेयक आदी विधेयके सध्या संसदेत मंजुरीसाठी प्रलंबित आहेत. ही विधेयके संसदेच्या आगामी अधिवेशनात मंजूर करवून घेतले जातील, अशी ग्वाही काँग्रेस उपाध्यक्ष राहुल गांधी व पंतप्रधान डॉ. मनमोहन सिंग यांनी यापूर्वीच दिली असल्याचे ते म्हणाले. संसदेचे अधिवेशन ५ ते २१ फेब्रुवारीपर्यंत भरवण्यात येणार आहे.
स्पेशल रिपोर्ट
Join us on social media
|
|
|
 |
जाहिरात
Copyright © 2026.