नवी दिल्ली (प्रतिनिधी) – अडीच दशकांच्या क्रिकेट कारकिर्दीत सचिनला जेव्हा जेव्हा दुखापतींनी सतावले तेव्हा तेव्हा सचिनच्या दुखण्यामागे तो वापरत असलेली जड बॅट कारण असल्याचा निष्कर्ष अनेकांनी काढला.
सचिनला अनेक क्रिकेट तज्ञांनी हलक्या वजनाची बॅट वापरण्याच सल्ला दिला. मात्र सचिनला स्वत:ला हलक्या बॅटने खेळणे कधीही मानवले नाही. जेव्हा जेव्हा सचिनने बॅट बदलून खेळण्याचा प्रयत्न केला तेव्हा त्याच्या फटका खेळण्याचा (टाईमिंग) वेळेवर परिणाम झाला.
मला अनेकांनी हलकी बॅट वापरण्याचा सल्ला दिला पण मला त्याचा कधीही फायदा झाला नाही असे सचिनने त्याच्य ‘प्लेइंग इट माय वे’ या आत्मचरित्रात म्हटले आहे.
जेव्हा मी फटका खेळायचो तेव्हा त्या फटक्यामध्ये ताकत येण्यासाठी मला वजन लागायचे. यात टाईमिंग महत्वाचा होता असे सचिनने म्हटले आहे. सहजतेने फलंदाजी करता येणे माझ्यासाठी महत्वाचे आहे. जो पर्यंत मला फलंदाजी करताना सहजता वाटते तो पर्यंत मी कुठे खेळतोय, कोणाविरुध्द खेळतोय हे महत्वाचे ठरत नाही असे सचिनने त्याच्या आत्मचरित्रात म्हटले आहे.