नवी दिल्ली – भारतीय हवाई दलाचे मालवाहक विमान मध्य प्रदेशातील ग्वाल्हेरजवळ कोसळल्याचे वृत्त असून या घटनेत वैमानिकासह पाच जणांचा मृत्यू झाल्याची प्राथमिक माहिती मिळाली आहे. या अपघाताच्या चौकशीचे आदेश देण्यात आले आहेत.
सुपर हर्क्युलस सी-१३० जे या विमानाने आग्रा येथील तळावरून उड्डाण घेतले होते. मात्र, ग्वाल्हेरपासून ७२ किलोमीटरवर असलेल्या शोपूर-रघुनाथपूर भागात या विमानाला अपघात झाला आहे. हे विमान मलेशियाच्या बेपत्ता विमानाचा शोध घेण्यासाठी वापरण्यात आले होते, तसेच उत्तराखंडमध्ये आलेल्या भयंकर पूरावेळी मदत पोहोचवण्यासाठी या विमानाचा वापर करण्यात आला होता, असे सूत्रांनी सांगितले.हे विमान दोनच वर्षांपूर्वी अमेरिकेकडून खरेदी करण्यात आले होते. अशा प्रकारची केवळ सहाच विमानं भारताकडे आहेत.
हवाई दलाचे विमान कोसळून ५ ठार
Join us on social media
|
|
|
 |
जाहिरात
Copyright © 2026.