पुणे- दारू आणि हुक्क्याच्या नशेत धिंगाणा घालणा-या २० तरुणी आणि २६ तरुणांना लोणावळा शहर पोलिसांनी बुधवारी रात्री साडेबारा वाजता गोल्ड व्हॅली, तुंगार्ली परिसरातून ताब्यात घेतले. पार्टीवर अचानक पोलिसांचा छापा पडल्याने दारूच्या नशेत चूर होऊन अश्लिलपणे नृत्य करत असलेल्या युवक-युवतींची मोठी पळापळ झाली.
लोणावळ्यातील तुंगार्ली भागातील गोल्ड व्हॅली परिसरात एका बंगल्यात काही मुले व मुली डिजेच्या तालावर धांगडिधगा घालत असल्याची खबर पोलिसांना मिळाली. त्यानुसार पोलिस, डिटेक्शन ब्रँच पथकाने या बंगल्यावर छापा टाकला. त्यावेळी त्यांना तेथे काही मुले आणि चेह-यावर मास्क लावून अतिशय कमी कपडयांमध्ये काही मुली अश्लिल चाळे करीत संगिताच्या तालावर धुंद होऊन नाचत असल्याचे आढळून आले. पोलिसांनी त्यांना ताब्यात घेऊन अटक केली. हे सर्वजण मुंबईतील एका विधी महाविद्यालयातील शेवटच्या वर्षाचे विद्यार्थी आहेत.
हुक्का पार्टी पोलिसांनी उधळली
Join us on social media
|
|
|
 |
जाहिरात
Copyright © 2026.