पुणे – आयटी कर्मचारी आणि विद्यार्थ्यांच्या हुक्का पार्लरवर छापा टाकून पोलिसांनी ९ तरुणी आणि २२ तरुणांना पोलिसांनी अटक केली. पिंपरी-चिंचवडमधील िपपळे सौदागर येथील हॉटेल लुकलुकवर पोलिसांनी शनिवारी रात्री हा छापा टाकला.
अटक करण्यात आलेल्या मुलींमध्ये काही अल्पवयीन मुलींचाही समावेश आहे. तसेच काही जण आयटी इंजिनीअर्स आहेत. हॉटेलच्या तीन व्यवस्थापकांनाही अटक करण्यात आली आहे. पोलिसांनी दिलेल्या माहितीनुसार, सांगवी पोलिसांच्या गस्तीवर असलेल्या पोलिस पथकाला िपपळे सौदागर येथील हॉटेल ‘लुकलुक’मध्ये बेकायदा हुक्का आणि मद्याची पार्टी सुरू असल्याची माहिती मिळाली. त्यानुसार रात्री एकच्या सुमारास पोलिसांनी या हॉटेलवर छापा टाकला. त्यावेळी नऊ युवती आणि २२ युवकांचा नशेमध्ये धिंगाणा सुरू होता. हे सर्व जण हडपसर, हिजवडी, तळवडे या आयटी पार्क भागातील कर्मचारी आणि विद्यार्थी आहेत.
पोलिसांनी त्यांना ताब्यात घेतल्यानंतर ‘आम्ही जेवणासाठी इथे थांबलो होतो,’ असा कांगावा केला. मात्र, हे सर्व जण मद्याच्या नशेत असल्याने पोलिसांनी त्यांना अटक केली. दरम्यान, या सर्वाची सकाळी अकराच्या सुमारास िपपरी-चिंचवड महापालिकेच्या यशवंतराव चव्हाण स्मृती रुग्णालयात वैद्यकीय तपासणी करण्यात आली. यामध्ये हे सर्व युवक-युवतींनी नशा केल्याचे आढळून आले. पोलिस उपायुक्त उमाप यांच्यासह सहाय्यक निरीक्षक सुनील गाडे, फौजदार अनंत व्यवहारे, सुरेश माने, अर्जुन पवार यांच्यासह पथकाने ही कारवाई केली.