यवतमाळ, दि. २८ – जिल्हा परिषदेच्या वतीने राबविण्यात येत असलेल्या परिचर पदाची लेखी परीक्षा ४ जानेवारी रोजी घेण्यात येणार आहे. २२ नोव्हेंबर रोजी घेण्यात आलेल्या परिचर पदाच्या लेखी परीक्षेचा पेपर विस्तार अधिकाºयाने फोडल्यामुळे ही परीक्षा रद्द करण्यात आली होती. परिचर पदाच्या ४५ जागांसाठी तब्बल १८ हजार उमेदवारांनी अर्ज केले होते. ११० परीक्षा केंद्रावरून ही परीक्षा घेण्यात आली होती. पेपरफुटीमुळे जिल्हा परिषदेच्या पदभरतीला गालबोट लागले आहे. यापूर्वी रद्द झालेल्या पदाची परीक्षा घेण्यात आली होती. त्या परीक्षेला मोठ्या संख्येने उमेदवारांनी पाठ फिरवून रोष व्यक्त केला. आता परिचरपदाच्या रिक्त पदासाठी ४ जानेवारीला लेखी परीक्षा घेण्यात येत आहे. परीक्षा निर्विघ्न पार पडावी म्हणून जिल्हा परिषद प्रशासनावर ताण पडला आहे.
४ जानेवारीला परिचरपदाची लेखी परीक्षा
Join us on social media
|
|
|
 |
जाहिरात
Copyright © 2026.