यवतमाळ, दि. २५ – गेल्या अनेक वर्षापासून चौकशीत असलेल्या मुंद्राक शुल्क घोटाळ््यात ८० लाख रुपयांचा अपहार झाल्याचे स्पष्ट झाले आहे. याप्रकरणी वडगावरोड पोलिसांनी तत्कालिन विस्तार अधिकारी प्रल्हाद पारवे यांच्याविरुद्घ गुन्हा नोंदविल्याने यवतताळ पंचायत समितीमध्ये अनेकांचे धाबे दणाणले आहे.
तत्कालीन विस्तार अधिकारी पारवे यांनी ग्राम पंचायतींना अनुदानाची रक्कम नियबाह्य रित्या वितरीत केली. ग्राम पंचायतीना कमी जादा रक्कम वितरीत केल्याची तक्रार दाखल करण्यात आली होती. चौकशी समितीपुढे अनुदानित रक्कमेचे अभिलेख, खर्चाची उपप्रमाणके, कामाची अंदाजपत्रके, मूल्याकंन, नोंदवह्या, रोखपंजी विस्तार अधिकाºयाने सादर केली नाही. सन २००९-१०, १०-११, ११-१२ या वर्षामध्ये ग्राम पंचायतींना मुंद्राक शूल्क अनुदानही अधिक वितरित केल्याचा प्रकार समोर आल्यानंतर विस्तार अधिकाºयावर २९ लाख २६ हजार ५७५ रुपयांच्या अपहाराचा ठपका ठेवण्यात आला होता. तसेच ग्रामीण क्षेत्रामध्ये प्रशासक म्हणून कार्यरत असताना, पारवे यांनी प्राप्त ५१ लाख ७ हजार ८०४ रुपयांचाही घोळ केला. एकूण ८० लाख ३४ हजार ५४९ रुपयांचा निधी शासकीय निर्देशानुसार ग्राम पंचायतींना वाटप न करता पदाचा दुरूपयोग करून आर्थिक फायद्यासाठी कमी अधिक प्रमाणात निधी वितरीत केल्याचा प्रकार चौकशीत सिद्घ झाल्यानंतर काल बुधवारी गटविकास अधिकारी संजय ईश्वरकर यांनी वडगाव रोड पोलीस ठाण्यात तक्रार केली होती. पोलिसांनी याप्रकरणी पारवेविरुद्घ शासनाची फसवणूक व अपहार केल्याप्रकरणी गुन्हा नोंद केला आहे. या घटनेमुळे पंचायत समितीच्या कामात घोटाळे करणाºया कर्मचाºयात खळबळ उडाली आहे.