
तंजावूर -तमिळनाडूतील तंजावूर येथे मार्क्सवादी कम्युनिस्ट पक्षाच्या कार्यालयावर अज्ञात व्यक्तिंनी तीन पेट्रोल बॉम्ब फेकल्याची घटना घडली. या हल्ल्यामागचं कारण अद्याप स्पष्ट झालं नसून घटनास्थळावर क्रूड बॉम्बचे काही तुकडे सापडले असल्याचे पोलिसांनी सांगितले.
या घटनेत कोणतीही जीवित वा वित्तहानी झालेली नाही. कम्युनिस्ट पार्टीतर्फे या भागात वाळू माफियाविरोधात आंदोलन करण्यात आले होते. त्याविरोधात काही राजकीय नेते अस्वस्थ होते, अशी माहिती सीपीएमच्या नेत्याने दिली.









