यवतमाळ : बहुजन समाज पार्टीचे यवतमाळ विधानसभा मतदारसंघातील उमेदवार मो.तारीक मो. शम्मी आणि त्यांच्या भावावर दाखल खोटे गुन्हे नोंदविणार्यांवर कारवाई करावी तसेच या दोघांवरील गुन्हे मागे घ्यावे, अशी मागणी पोलीस अधीक्षकांना निवेदनाद्वारे केली असल्याचे येथे घेतलेल्या पत्रकार परिषदेत सांगितले.
स्थानिक प्रस्थापित पुढार्यांनी अधिकाराचा गैरवापर करत पोलीस विभागातील अधिकार्यांना हाताशी धरून शम्मी यांच्या विरोधात गुन्हे दाखल करून घेतले. हा प्रकार राजकीय वाद निर्माण करणारा आहे. निवडणूक काळात उमेदवार आणि पक्ष कार्यकर्त्यांना मानसिक त्रास देण्याचा हा प्रकार असल्याचे यावेळी सांगितले. न्याय न मिळाल्यास आंदोलनात्मक पवित्राही घेतला जाईल, असे यावेळी सांगण्यात आले. पत्रपरिषदेला मो.तारिक मो.शम्मी, राजा गणवीर, शंकर धनकुलवार, प्रदेश सचिव पंडित दिघाडे आदी उपस्थित होते.
