मुंबई- अहमदनगर जिल्ह्यासह राज्यात दलितांवरील अत्याचाराच्या घटनांमध्ये वाढ होत आहे. सरकार पातळीवर याबाबत ठोस उपाययोजना होत नसल्याने शुक्रवारी वानखेडे स्टेडियम येथे नवे मुख्यमंत्री शपथ घेत असताना सरकारचे लक्ष या गंभीर घटनांकड़े वेधण्यासाठी मुंबईत ठिकठिकाणी विविध संघटनांनी आक्रमक होत तीव्र आंदोलने केली. यात फेसबुक आंबेडकर राईट मुव्हमेंट (फेम), संभाजी ब्रिगेड, कबीर कला मंच, रिपब्लिकन सेना, कायद्याने वागा, दलित अत्याचार विरोधी कृती समिती, आंबेडकर सेन्टर फॉर जस्टिस एंड पीस, डॉ. बाबासाहेब आंबेडकर नॅशनल असोशिएशन ऑफ़ इंजीनियर, नॅशनल फेडरेशन ऑफ़ पेट्रोलियम, एस. सी. एस. टी. एम्पोलीय असोशिएशन आदी संघटनांच्या माध्यमातून आंदोलन करण्यात आले.

शुक्रवारी चर्चगेट येथील वानखेडे स्टेडियम येथे नव्या मुख्यमंत्र्यांचा शपथविधी समारंभ होत असताना, सरकारचे लक्ष वेधण्यासाठी मरीन ड्राइव्ह चौपाटी परिसर, चर्चगेट पूर्व पश्चिम, तसेच वानखेडे स्टेडियमच्या मुख्य प्रवेश द्वाराजवळ सनदशीर मार्गाने आंदोलने करण्यात आली. यावेळी प्रचंड पोलिस बंदोबस्त असताना सुरक्षाला छेद देऊन संघटना कार्यकर्ते सरकारविरुद्ध घोषणाबाजी केली. या आंदोलनात सहभागी झालेल्या साहित्यिक उर्मिला पवार, उषा अम्बोरे, आनंदराज आंबेडकर, राज असरोंडकर, कुंदा प्रमिला निळकंठ, सिद्दार्थ मोकले, रेवत कनिंदे, वैभव छाया, सुमेध जाधव, सुधीर ढवले, सुबोध मोरे, संजय रणदिवे, फिरोज मीठीबोरवाला, अॅड़. संघराज रुपवते, किशोर कांबळे, रेखा कांबळे यांच्यासह हजारो कार्यकर्त्याना पोलिसांनी अटक केली. तसेच त्यांची रवानगी येलो गेट पोलिस ठाण्यात आणि मरिन लाइन्य पोलिस ठाण्यात करण्यात आली.

दौडमध्ये हजारो यवतमाळकरांचा सहभाग
यवतमाळ : देशाची एकात्मता आणि राष्ट्रीय एकसंघता टिकवून ठेवने आवश्यक आहे. त्यादृष्टीने एकात्मता दौड महत्वाची ठरणार असून यातून एकमेकांप्रती बंधुभावणाही वाढीस लागण्यास मदत होणार आहे, असे प्रतिपादन जिल्हाधिकारी राहुल रंजन महिवाल यांनी केले.
सरदार वल्लभभाई पटेल यांच्या जयंती दिनानिमित्त जिल्हा प्रशासनाच्यावतीने मोठ्या प्रमाणावर राष्ट्रीय एकात्मता दौडचे आयोजन करण्यात आले होते. दौड विसर्जीत झाल्यानंतर स्थानिक पोस्टल मैदानावर झालेल्या कार्यक्रमाप्रसंगी जिल्हाधिकारी बोलत होते. यावेळी प्रभारी मुख्य कार्यकारी अधिकारी डॉ.कुळकर्णी,
अप्पर जिल्हाधिकारी लक्ष्मण राऊत, निवासी उपजिल्हाधिकारी राजेश खवले, उपजिल्हाधिकारी नरेंद्र फुलझेले, नरेंद्र टापरे, श्री.सिरोडकर, डॉ.राजेश अडपावार, उपवनसंरक्षक प्रमोदचंद लाकरा, अप्पर पोलीस अधीक्षक जे.बी. डाखोरे यांच्यासह विविध विभागाचे अधिकारी उपस्थित होते. पोस्टल मैदान येथून सकाळी 8 वाजता जिल्हाधिकाऱ्यांनी हिरवी झेंडी दाखवून दौडचा शुभारंभ केला. त्यानंतर पोस्ट ऑफीस चौक, एलआयसी चौक, बसस्थानक, नेताजी चौक, पाचकंदील चौक, येरावार चौक अशी फिरत दौड पुन्हा पोस्टल मैदानात विसर्जीत झाली. या दौडमध्ये हजारो यवतमाळकर नागरिक स्वयंस्फुर्तीने सहभागी झाले होते. तसेच विविध सामाजिक संघटना, शाळा, विद्यार्थी, एनसीसी व स्काऊट गाईडचे विद्यार्थी, अधिकारी, कर्मचारी मोठ्यासंख्येने सहभागी झाले होते. संपुर्ण मार्गात दौडमध्ये सहभागी झालेल्या विद्यार्थी नागरिकांनी राष्ट्रीय एकात्मतेसोबतच स्वच्छतेचा संदेश दिला. हातात घेतलेले फ्लेक्स, जनजागृतीपर संदेश व वाहनावर लावण्यात आलेल्या बॅनरद्वारे हा संदेश देण्यात आला. सहभागींनी मोठ्याप्रमाणावर एकात्मतेचे नारे देऊन हा संदेश संपुर्ण यवतमाळकरांना दिला. विविध सामाजिक संघटनांनी वाजत गाजत तसेच संगीताच्या माध्यमातून आपला सहभाग नोंदविला. दौडमध्ये संघटनांसह विविध संस्थांचे पदाधिकारी सहभागी झाले होते.

केंद्रीय मंत्री नितीन गडकरी यांनी देवेंद्र फडणवीस यांना मिठाई भरविली. त्यावर मिठाईचा गोडवा जिभेवर  ठेवत ‘नितीनजी, डोक्यावर हात असू द्या, मी महाराष्ट्र घडवतो की नाही बघा.!’ असा आशीर्वाद फडणवीसांनी मागताच गडकरी सद्गदित झाले.

मुंबई – वानखेडे स्टेडियमवर ऐतिहासिक अशा सोहळ्यात, खच्चून भरलेल्या गर्दीच्या साक्षीने विदर्भाचे सुपुत्र देवेंद्र फडणवीस यांनी महाराष्ट्राचे १८ वे मुख्यमंत्री म्हणून शपथ घेतली आहे. राज्यपाल विद्यासागर राव यांनी फडणवीस यांना पद आणि गोपनीयतेची शपथ दिली. या निमित्ताने भाजपचा पहिला मुख्यमंत्री महाराष्ट्रात विराजमान झाला आहे.
पंतप्रधान नरेंद्र मोदी यांच्या प्रमुख उपस्थितीत फडणवीस यांचा शपथविधी झाला. या सोहळ्यातील शिवसेना पक्षप्रमुख उद्धव ठाकरे यांचीही उपस्थिती खास अशी ठरली. शिवसेनेने या सोहळ्यावर बहिष्कार टाकला होता. मात्र, आज दुपारी भाजपाध्यक्ष अमित शहा आणि केंद्रीय संरक्षण मंत्री अरुण जेटली यांनी फोन केल्यानंतर उद्धव यांनी बहिष्काराची तलवार म्यान केली. गर्दीमुळे उद्धव यांना काहीसा उशीर झाला. देवेंद्र फडणवीस यांनी शपथ घेतल्यानंतर उद्धव तेथे पोहोचले.
भाजपचे ज्येष्ठ नेते लालकृष्ण आडवाणी, मुरली मनोहर जोशी, माजी मुख्यमंत्री पृथ्वीराज चव्हाण, माजी उपमुख्यमंत्री अजित पवार, छगन भुजबळ, प्रफुल्ल पटेल, आंध्र प्रदेशचे मुख्यमंत्री चंद्राबाबू नायडू, छत्तीसगडचे मुख्यमंत्री रमण सिंह, राजस्थानच्या मुख्यमंत्री वसुंधराराजे शिंदे, गोव्याचे मुख्यमंत्री मनोहर पर्रिकर यांच्यासह अनेक धार्मिक गुरू, उद्योजक, चित्रपट सृष्टीतील मान्यवरांनी या सोहळ्याला हजेरी लावली.
यांनी घेतली शपथ
कॅबिनेट मंत्री
एकनाथ खडसे, सुधीर मुनगंटीवार, विनोद तावडे, प्रकाश मेहता, चंद्रकांत पाटील, पंकजा मुंडे, विष्णु सावरा
राज्यमंत्री
दिलीप कांबळे, विद्या ठाकूर