पालघर – मुंबई-अहमदाबाद महामार्गावर शनिवारी सकाळी कारला झालेल्या भीषण अपघातात तीन जणांचा जागीच मृत्यू झाला तर दोन जण गंभीर जखमी झाले.
सकाळी साडे अकराच्या सुमारास मुंबई-अहमदाबाद मार्गावरील मेदवान खिंड भागात हा अपघात घडला. अपघातात मृत झालेल्या या व्यक्ती एकाच कुटुंबातील होत्या. पुणे शहरातील ते रहिवासी होते. तर गंभीर जखमी झालेल्या व्यक्ती मुंबईतील रहिवासी आहेत.
अपघातातील जखमींना जवळच्या रुग्णालयात उपचारासाठी दाखल करण्यात आले आहे. अपघातातील मृतांची ओळख अद्याप पटली नसून त्यांच्या नातेवाईकांशी संपर्क साधण्याचे प्रयत्न सुरु आहेत.

यवतमाळ – प्रजासत्ताक शिक्षक कर्मचारी संघाच्या वतीने ३ मे रोजी बचत भवनात एक दिवसीय शिक्षणक्रांती परिषदेचे आयोजन करण्यात आले असून, विविध विषयातून विचार मंथन होणार आहे. या परिषदेचे उद््घाटन डॉ. यशवंत मनोहर करतील. तर डॉ. अशोक पाळवेकर हे अध्यक्षस्थान भूषवतील. स्वागताध्यक्ष अ‍ॅड. रामदास राऊत हे आहेत.
सकाळी १० वाजता होणाºया उद््घाटनीय सत्रात मंचावर निवासी उपजिल्हाधिकारी राजेश खवले , डॉ. अनिकेत भडके , महाराष्टÑ राज्य शिक्षक कर्मचारी संघटनेचे अध्यक्ष अरुणकुमार हर्षबोधी ,सं.गा.बा. अमरावती विद्यापिठााचे सिनेट सदस्य डॉ. सुभाष गवई हे मान्यवर उपस्थित असतील. दुपारच्या शैक्षणिक सत्रामध्ये ‘वर्तमान शैक्षणिक धोरणाने समतामुलक, शोषणमुक्त समाज निर्माण शक्य आहे काय’ व ‘शिक्षणक्रांतीसाठी महिलांची भूमिका’ या दोन महत्त्वाच्या विषयावर अशोक बुरबुरे आणि डॉ. लिला भेले भाष्य करतील. अध्यक्ष म्हणून डॉ. सुभाष गवई हे आपली भूमिका मांडतील. समारोपीस सत्रामध्ये डॉ. अशोक पाळवेकर, देविदास घोडेस्वार, अरूणकुमार हर्षबोधी , शिक्षणाधिकारी (माध्य) चिंतामण वंजारी, शिक्षणाधिकारी(प्राथ) डॉ. सुचिता पाटेकर व प्रा. सिध्दार्थ भगत हे मार्गदर्शन करतील. यापरिषदेच्या निमित्ताने चर्चासत्र, नाटिका, विविध क्षेत्रात काम करणाºया मान्यवरांचा सत्कार तसेच ठराव वाचन आदी कार्यक्रमांचे आयोजन करण्यात आले आहे.
बॉक्स …
काव्य गझल, मुशायºयाची मेजवानी
यवतमाळ प्रजासत्ताकशिक्षक कर्मचारी संघातर्फे ३ मे रोजी म्हणजे बुद्धपौणिर्मेच्या पूर्वसंध्येला सायंकाळी सहाला मराठी गझल, मुशायºयाचे आयोजन करण्यात आले आहे. जिल्हाधिकारी कार्यालयातील बचत भवनात आयोजित या मुशायºयामध्ये सुदाम सोनुले, किरणकुमार मडावी, अनंत चांदुरकर, विद्यानंद हाडके, आनंद शेख, अनिल कोसे, प्रमोद संबोधी, शशी थुल, सिध्दार्थ भगत यांची उपस्थिती असणार आहे. अध्यक्षस्थानी उर्दु शायर तथा नाटककार अशोक बुरबुरे राहणार असून या निशुल्क कार्यक्रमाचा रसिकांनी लाभ घ्यावा, असे आवाहन शिक्षक कर्मचारी संघाचे जिल्हाध्यक्ष संजय गुजर यांनी केले आहे.