कल्याण – मुलीवर बलात्कार करणाऱ्या सावत्र बापाचा पोलीस कोठडीत मूत्यू झाला आहे. प्रदीप भानुदास ताटे ( वय- ३२) असे मूत्यू झालेल्या आरोपीचे नाव आहे.बलात्कारप्रकरणी ताटेला कोळसावाडी पोलिसांनी २४ मे रोजी अटक केली होती. त्यानंतर कल्याण न्यायालयाने त्याला ४ दिवसांची पोलीस कोठडी सुनावली होती. ठार मारण्याची धमकी देऊन सहाव्या वर्गात शिक्षण घेणाऱ्या अल्पवयीन मुलीवर सावत्र बापाकडून लैंगिक अत्याचार होत असल्याची धक्कादायक माहिती समोर आली होती. त्यानंतर रविवारी या प्रकरणी गुन्हा दाखल करण्यात आला होता.
कल्याण पूर्वेत श्रीमलंग रोडला नांदिवली गाव परिसरात प्रदीप ताटे हा पत्नी मुलांसह राहत होता. प्रदीपच्या पत्नीला पहिल्या पतिपासून एक मुलगा आणि एक मुलगी आहे. प्रदीपची पत्नी अंधेरी येथील एका सुरक्षा संस्थेत गार्ड म्हणून नोकरी करते. त्यामुळे ती दोन-तीन दिवस नोकरी निमित्त बाहेर असते. काही दिवसांपूर्वी पत्नी कामावर गेल्याची संधी साधून प्रदीपने अल्पवयीन मुलीवर लैंगिक अत्याचार करुन याची कुठे वाच्यत केल्यास जीवे ठार मारण्याची धमकी दिली. गेल्या अनेक दिवसांपासून ही बाब पीडित मुलीने बापाच्या भीतीपोटी दडवून ठेवली होती. मात्र, अत्याचाराला बळी पडलेल्या मुलीला शारिरीक त्रास होऊ लागला. त्यानंतर धाडस करुन या मुलीने घडलेला धक्कादायक प्रकार आईला सांगितला. मुलीच्या आईने तात्काळ कोळसेवाडी पोलीस ठाण्यात धाव घेऊन आपल्या नवऱ्या विरोधात तक्रार नोंदविली होती.

अहमदनगर – नगरच्या कोतवाली पोलिसांनी संशयित म्हणून ताब्यात घेतलेल्या दलित तरुणाचा आज सायंकाळी खासगी रुग्णालयात मृत्यू झाला. पोलिसांनी मारहाण केल्याची नातवाईकांची तक्रार आहे. तर पळून जाताना तो जखमी झाल्याचा दावा पोलिसांनी केला आहे.
पारनेर तालुक्यातील नितीन बाळू साठे या तरुणाचा मृत्यू झाला आहे. काल रात्री पोलिसांनी त्याला चोरीच्या संशयावरून ताब्यात घेतले होते. चौकशी सुरू असताना शौचाला जातो असे सांगून तो विवस्त्र अवस्थेत पोलिसांची नजर चुकवून पळून गेला होता, असा पोलिसांचा दावा आहे. काही वेळातच पोलिसांनी त्याला पोलिस ठाण्यापासून काही अंतरावरच पुन्हा पकडले होते. त्यानंतर त्याला रुग्णालयात दाखल करण्यात आले. तेथे उपचार सुरू असताना सायंकाळी त्याचा मृत्यू झाला. याची माहिती मिळाल्यानंतर त्याचे नातेवाईक आणि दलित संघटनांच्या कार्यकर्त्यांनी रुग्णालयात धाव घेतली आहे. पोलिसांच्या मारहाणीतच त्याचा मृत्यू झाला असून पोलिस तो पळून जाताना जखमी झाल्याचा बनाव रचत आहेत, असा आरोप त्याचे नातेवाईक आणि संघटनेच्या पदाधिकाऱ्यांनी केला आहे.

पुणे – जिल्ह्यातील कुख्यात गुंड आप्पा उर्फ प्रकाश हरीभाऊ लोंढे (५५) याचा उरुळी कांचनजवळील सिंधवने रोडवर गोळ्या झाडून खून करण्यात आला. सकाळी मॉर्निक वॉकला जात असताना अज्ञात हल्लेखोरांनी त्याच्यावर गोळीबार केला. त्यानंतर जखमी झाल्यानंतर त्याच्यावर सत्तुराने वार करुन हत्या करण्यात आली. गुरुवारी पहाटे साडेपाच वाजण्याच्या सुमारास ही घटना घडली.
लोणी काळभोर पोलिसांनी दिलेल्या माहितीनुसार, आप्पा उर्फ प्रकाश लोंढे आज पहाटे मॉर्निंग वॉकसाठी बाहेर पडला होता. घरापासून काही अंतरावर चालत जात असताना दबा धरुन बसलेल्या अज्ञात हल्लेखोरांनी त्याच्यावर गोळीबार केला. त्यामध्ये आप्पा गंभीर जखमी झाला. गोळीबार केल्यानंतर हल्लेखोर फरार झाले आहेत. त्यांच्या नातेवाईकांनी त्यांना त्वरीत हडपसर येथील नोबल रुग्णालयात दाखल केले. डॉक्टरांनी याबाबतची माहिती पोलिसांना दिली. त्यांची परिस्थिती चिंताजनक असल्यामुळे त्यांना ससून येथील रुग्णालयात हलविण्यात आले. मात्र, ससूणच्या डॉक्टरांनी त्यांना मृत घोषित केले. घटनेची माहिती मिळताच उरुळी कांचन परिसरात तणावपूर्ण वातावरण निर्माण झाले आहे. त्यामुळे घटनास्थळावर बंदोबस्त ठेवण्यात आला. आप्पा उर्फ प्रकाश हरीभाऊ लोंढे यांची बारामती, हवेली, दौंडसह पुणे जिल्ह्यात दहशत होती. त्यांच्यावर विविध प्रकारचे गुन्हे पुणे जिल्ह्यातील पोलीस ठाण्यात दाखल होते, अशी माहिती सहाय्यक पोलीस निरीक्षक रंजीतसिंह परदेशी यांनी दिली. लोणी काळभोरचे पोलीस निरीक्षक अभीमान्यू पवार, सहायक पोलीस निरीक्षक रंजीतसिंह परदेशी, पोलीस पथकासह घटनास्थळी दाखल झाले. त्यांना घटनास्थळावर गावठी पिस्तुलाची एक पुंगळी सापडली आहे.

कल्याण,ठाणे – वेगवेगळ्या क्षेत्रात प्रामाणिक पणाने समाजिक कार्य करत असलेल्या व्यक्तींना शासनाकडून किंवा विविध सामाजिक संस्थेच्या माध्यमातून,त्यांनी केलेल्या कार्याबद्दल त्यांना अधिक प्रोत्साहन देण्यासाठी गौरविण्यात येत असतो.व राष्ट्रीय मानवसेवा चिकत्सा रत्न पुरस्कारने गौरविण्यात आलेल्या डाॅ.तानाजी चव्हाण यांची भेट घेऊन आमचे प्रतिनिधी सतिष राठोड यांनी संग्रहीत केलेली माहिती.
राष्ट्रीय मानवसेवा चिकित्सा रत्न पुरस्कार हे आरोग्य क्षेत्रात उत्कृष्ट कामगिरी करणार्या डाॅक्टरांना देण्यात येतो.असा हा पुरस्कार सोहळा दि.२१ मे या दिवशी औरंगाबाद येथे पार पडला.या कार्यक्रमाला प्रमुख अतिथी मा.ना गिरीषजी महाजन ( जलसंपदा मंत्री ), मा. हरिभाऊ बागडे (महाराष्ट्र विधानसभा अध्यक्ष), मराठी चित्रपट नायिका मानसी नाईक उपस्थित होते.आणि डाॅ.तानाजी चव्हाण यांना मा. हरिभाऊ बागडे (महाराष्ट्र विधानसभा अध्यक्ष) यांच्या हस्ते राष्ट्रीय मानवसेवा चिकित्सा रत्न पुरस्कार देऊन गौरविण्यात आले.
* डाॅ.चव्हाण यांचे प्राथमिक शिक्षण *
डाॅ.चव्हाण यांचे प्राथमिक शिक्षण एका छोट्याश्या खेडेगावातून झाले असुन प्राथमिक शिक्षणातही स्काॅलरशिप व नवोदय परिक्षा यशस्वी झालेले आहेत.
* डाॅ.चव्हाण यांचे वैद्यकीय शिक्षण व वैद्यकीय सेवेतील वाटचाल *
पुणे विद्यापीठ, औरंगाबाद, मुंबई, स्री व पुरुष नसबंदी शस्रक्रिया तज्न्य. तसेच पुणे विद्यापीठातून MBBS चांगल्यागुणाने उत्तीर्ण झाल्यानंतर,शिर्डी साईबाबा संस्थान येथून कामाची सुरुवात.
त्यानंतर महाराष्ट्र शासनाच्या आरोग्य विभागात नासिक येथिल बोलठाण व न्यायडोंगरी गांव येथे वैद्यकिय अधिकारी तसेच नांदगांव येथे तालुका आरोग्य अधिकारी (THO) पदावर २००९ पर्यंत कार्यरत.व २००९ पासुन जळगांव जिल्ह्यातील चाळीसगांव तालुका येथे THO जून २०१४ पर्यंत कार्यरत. जून २०१४ नंतर आजपर्यंत ठाणे जिल्ह्यातील बदलापूर-अंबरनाथ येथे वैद्यकीय आरोग्य अधिकारी म्हणून कार्यरत.
* डाॅ.चव्हाण यांना वैद्यकीय सेवेतील मिळालेले पुरस्कार *
सन २०११-१२ मध्ये महाराष्ट्र गौरव पुरस्कार, व यापूर्वी शासन सेवेतील आदर्श आरोग्य अधिकारी ,आदर्श सर्जन पुरस्कार व आदर्श कारभार पुरस्कार ( Administrator Award ) असे अनेक पुरस्काराने सन्मानित झालेले असुन शासन आरोग्य सेवेत उत्कृष्ट प्रशिक्षक म्हणूनही गौरविण्यात आललेे आहेत.
मार्च २०१५ मध्ये महाराष्ट्र राज्याचे वित्तमंत्री मा.ना सुधीर मुनगंटीवार यांच्या हस्ते नागपूर प्रशिक्षण संस्था येथे Best Monitor Award ने सन्मानित झालेले आहेत.
प्राथमिक शिक्षण छोट्याश्या खेडेगावातून झाले असुन, परिस्थितीवर मात करुन आजपर्यंत यशस्वी वाटचाल केली आहे.त्यांच्या पत्नी सुध्दा डाॅक्टर असुन,सध्या विक्रीकर विभागात अधिकारी पदावर कार्यरत आहेत.
* डाॅ.चव्हाण यांचे “जगरत्न प्रतिष्ठान” संस्था व कार्य *
डाॅ.चव्हाण यांचे “जगरत्न प्रतिष्ठान” ही संस्था सामाजिक, शैक्षणिक व आरोग्य क्षेत्रात कार्यरत आहे.
“जगरत्न प्रतिष्ठान” यांचे जनसेवा आरोग्य संस्थेमार्फत गोर-गरीब ,गरजू, अनाथ व वृधांसाठी मोफत आरोग्य सेवा पुरविण्याचे कार्य करीत आहे.तसेच डाॅ.तानाजी चव्हाण व सौ. डाॅ.सविता चव्हाण यांचे तरुणांसाठी वयात येतांना घ्यावयाची काळजी, आणि ” दशा व दिशा ” या विषयावर मोफत मार्गदर्शन शिबीर राबवितात.
* भविष्यात या सुविधा मोफत देण्याचा मानस *
भविष्यात सुसज्ज व सर्व सुविधायुक्त दवाखाना, हाॅस्टेल, वृधाश्रम व तरुणांना मोफत मार्गदर्शन व सर्व आरोग्याशी निगडित समस्यांवर मार्गदर्शन व सल्ला केंद्र उभारण्याचा मानस आहे.
डाॅ.तानाजी चव्हाण यांना पुढील वाटचालीसाठी आमच्या ” महाराष्ट्र न्यूज नेटवर्क ” व वाचक परिवारातर्फे हार्दीक शुभेच्छा………