गडचिरोली, दि. २५ – गडचिरोलीतील माजी जिल्हा परिषद सदस्य आणि काँग्रेस नेते बापू तलांडी यांची रविवारी सकाळी हत्या करण्यात आली आहे. गडचिरोलीतील निमलगुडा या गावात राहणा-या बापू तलांडी यांना रविवारी सकाळी अज्ञात हल्लेखोरांनी गाठले. यानंतर गोळी झाडून त्यांची हत्या करण्यात आली.  या हल्ल्यानंतर निमलगुडा गावात तणावाचे वातावरण निर्माण झाले आहे.

नागपूर : पाचपावली बारईपुरा येथील कुख्यात गुंड डोमा याची त्याच्याच जुन्या मित्राने मारहाणीपासून वाचण्यासाठी दगडाने ठेचून हत्या केली. या घटनेमुळे परिसरात तणावपूर्ण वातावरण निर्माण झाले आहे. आरोपी रोशन तोटे याला पोलिसांनी अटक केली आहे.
मृत उमेश ऊर्फ डोमा शामराव चामटकर आणि आरोपी रोशन तोटे हे बारईपुरा पाचपावली येथे एकाच वस्तीत जवळपासच राहतात. दोघे जुने मित्र आहेत. परंतु डोमा नेहमीच रोशनला मारहाण करीत असे. शुक्रवारी सकाळीसुद्धा डोमाने रोशनला मारहाण केल्याची चर्चा आहे. उमेश ऊर्फ डोमा काही वर्षांंंंपूर्वी अवैध दारू विक्रीशी जुळला होता. त्याच्याविरुद्ध खुनी हल्ल्यासह अनेक गुन्हे दाखल आहेत. परंतु सध्या तो चकना चौक येथील एका गॅरेजमध्ये काम करीत होता. शनिवारी दुपारी १.३0 वाजताच्या सुमारास रोशन घरी परतत होता. त्यावेळी डोमा आपल्या घराजवळच डोक्याखाली दारूची रिकामी शिशी ठेवून झोपला होता. डोमाला पाहून रोशन दुसरीकडे जाऊ लागला. डोमाची त्याच्यावर नजर गेली. त्याने त्याला आवाज दिला परंतु रोशन पळू लागला. रोशनला पळताना पाहून डोमाने त्याला दारूची शिशी फेकून मारली. रोशन खाली पडला त्याला मार लागला. रोशन पडल्याचे पाहून डोमा त्याला पकडण्यासाठी पोहचला. परंतु रागाच्या भरात रोशनने दगड उचलून त्याच्या डोक्यावर वार केला. तसेच तुटलेली काचेची शिशी त्याच्या पोटात खुपसली. जखमी अवस्थेत त्याला मेयो रुग्णालयात दाखल करण्यात आले. डॉक्टरांनी तपासून मृत घोषित केले. उमेशच्या भावाने दिलेल्या तक्रारीनुसार होळीच्या दिवशी आणि शनिवारी सकाळी उमेशचे रोशनसोबत भांडण झाले. या कारणावरून आरोपी रोशनने उमेशचा पाठलाग करून त्याला दगडाने मारून खाली पाडले. त्यानंतर पुन्हा दगडाने ठेचले. पाचपावली पोलिसांनी गुन्हा दाखल करून आरोपीस अटक केली आहे.

कळंब -अपंग, जेष्ठ नागरीक असल्याचे खोटे पुरावे सादर करुन बनावट पास काढणारी टोळी सक्रीय झाली आहे. अशाच प्रकारातून दुसºया व्यक्तीच्या नावावर बनावट पास तयार करुन एक युवक एसटी बसमध्ये प्रवास करत असल्याचे आज उघड झाले. चालक व वाहकाने बस पोलिस ठाण्यात लावुन या युवकाला पोलिसांच्या स्वाधिन केले.
मुन्ना उर्फ निलेश बन्सीलाल कोठारी (२९) रा. कात्री असे आरोपीचे नाव आहे. आशिष झलके रा. कात्री या युवकाच्या नावाने बनावट पास काढून त्यावर स्वत:चे छायाचित्र लावले. यवतमाळ येथील आयटीआयमध्ये शिक्षण घेत असल्याचे पासवर नमुद केले. आज सकाळी उमरखेड -नागपूर या बसमध्ये तो यवतमाळ वरुन कात्री येथे जात होता. यावेळी वाहक गोविंद पिराजी चनेबोइनवाड (३८) रा. उमरखेड यांनी त्याला तीकीट काढण्याबाबत विचारणा केली. त्यावर मुन्नाने पास असल्याचे सांगितले. यावेळी वाहकाने पास चालत नसल्याचे सांगताच सदर युवकाने वाद करुन मारहाण केली. त्यामुळे वाहक व चालकाने बस पोलीस ठाण्यात नेऊन मुन्नाला पोलिसांच्या स्वाधिन केले. पोलिसांनी कसुन चौकशी केली असता, पास बनावट असल्याची कबुली दिली. याप्रकरणी पोलिसांनी मुन्ना कोठारी याच्याविरुद्घ गुन्हा दाखल केला. राज्य शासनाकडून एसटी प्रवासाबाबत विशेष सवलत देण्यात आली आहे. मात्र निव्वळ आपल्या फायद्यासाठी अनेक नागरिक खोटी कागदपत्रे तयार, पुरावे सादर करुन ही सवलत पास मिळवित आहे. त्यामुळे महाराष्टÑ राज्य एसटी महामंडळाला लाखोंचा चुना लावत आहे.

हिंगोली अकोला राज्य महामार्गावर हिंगोली नाका ते अकोला नाका दरम्यान जड वाहनंाची वाहतुक मोठ्या प्रमाणात वाढली असून ही वाहतुक बायपासमार्गे शहराच्या बाहेरुन वळविण्यसाठी बायपास सुरु करण्याची मागणी सातत्याने होत आहे. जेणेकरुन शहराच्या अंतर्गत भागातून होणार्‍या वाहतुकीचा ताण कमी होईल. या महामार्गावर सातत्याने होणार्‍या लहानमोठ्या अपघातामध्ये महामार्गावर दुतर्ङ्गा वाढलेले अतिक्रमणही कारणीभूत आहे. तसेच हिंगोली नाका चौक, पुसद नाका चौक, बस स्टॅन्ड चौक, अकोला नाका चौक आदी भागात वाहतुक पोलीसांची ड्युटी असली तरी पोलीस वाहतुकीकडे लक्ष न देता केवळ वाहनधारकांना अडवून त्यांच्याकडून दंड वसुल करण्यातच जास्त लक्ष देतात. पुसद नाका चौक तसेच पोस्ट ऑङ्गीस चौकामध्ये पोलीसांच्या डोळ्यादेखत मोठ्या प्रमाणात अवैध वाहतुक धुमधडाक्यात सुरु आहे. या अवैध वाहनामध्ये नियमापेक्षा दुप्पट तिप्पट संख्येने प्रवासी भरुन भरधाव वेगाने वाहतुक केली जात असल्यामुळे हे ही अपघातांचे एक प्रमुख कारण आहे.