यवतमाळ – येथील जिल्हाधिकारी कार्यालय परीसरात असलेल्या साहाय्यक मत्स्य व्यवसाय कार्यालयात आज मंगळवारी सकाळी ११ वाजताच्या दरम्यान दोन अज्ञात युवकांनी धडक दिली. त्यांनी सोबत आणलेल्या काठीने टेबल, काच आदी साहित्याची तोडफोड करून घटनास्थळावरून पळ काढला. यावेळी कार्यालयात साफसफाई करणाºया महिलेव्यतिरिक्त एकही अधिकारी, कर्मचारी हजर नव्हते. तलावाच्या कार्यक्षेत्रात नसलेल्या एका संस्थेला कत्रांट दिल्याच्या कारणावरून ही तोडफोड झाली असल्याचे बोलले जात आहे.
जिल्ह्यातील धरण, तलावात मत्स्य बीज निर्मिती व त्याचे उत्पादन घेण्याकरिता शासनाने मच्छीमार संस्थाना कत्रांट देण्याचे धोरण तयार केले आहे. या पार्श्वभुमीवर दरवर्षी जिल्ह्याभरातील विविध संस्थाना त्यांच्या कार्यक्षेत्रातील धरण व तलावाचा ठेका देणे अधिकाºयांचे कर्तव्य आहे. मात्र गेल्या काही वर्षात अधिकारी जिल्ह्यातील तलावांचा शासननियमाप्रमाणे कत्रांट देत नसल्याचे वास्तव आहे. यावर्षी सुध्दा कार्यक्षेत्राबाहेरील संस्थेला तलावाचा क त्रांट देण्यात आला आहे. तालुक्यातील उबंर्डा तलावाचा ठेका मिळण्यासाठी दोन संस्थानी साहाय्यक मत्स्य व्यवसाय कार्यालयाकडे प्रस्ताव सादर केला होता. यामध्ये एक कार्यक्षेत्रातील तर एका कार्यक्षोत्राबाहेरील संस्थेचा समावेश होता. यामध्ये कार्यक्षेत्राबोहरील संस्थेला ठेका देण्याच्या हालचाली सुरू असताना, उबंर्डा कार्यक्षेत्रात येणाºया संस्थेने न्यायालयात धाव घेतली. न्यायालयाने याचा निकाल संस्थेच्या बाजूने दिला. शिवाय मत्स्य विभागाचे एआर यांनी सुध्दा कार्यक्षेत्राबाहेरील संस्थेला कत्रांट देण्यास विरोध केला. मात्र अधिकाºयांनी या आदेशाला केराची टोपली दाखवित नियमबाह्यरित्या कार्यक्षेत्राबाहेरील संस्थेला तलावाचा कत्रांट दिला. काल सांयकाळी अधिकाºयांनी हा ठेका दिल्याने आज संतापलेल्या दोन अज्ञात युवकांनी कार्यालयातील टेबल, काच व इतर साहित्याची तोडफोड केली.

यवतमाळ – विद्यार्थ्यांच्या शारीरीक व बौद्घीक विकासासाठी राबविण्यात येत असलेल्या मध्यान्ह भोजन योजनेच्या आहारातून इयत्ता पहिले ते आठवीत शिकणाºया तब्बल १६० विद्यार्थ्यांना विषबाधा झाल्याची खळबळजनक घटना आज मंगळवारी उमरखेड तालुक्यातील मुरली या गावी घडली. विषबाधेच्या या गंभीर प्रकारामुळे जिल्हा परिषद शाळेतील नियोजनशुन्य कारभारही चव्हाट्यावर आला आहे.
उन्हाळी सुट्टया संपल्यानंतर २६ जून रोजी शाळेचा पहिला ठोका पडताच जिल्ह्यातील शाळा चिमुकल्यांच्या किलबीलाटाने दणाणून गेल्या. शाळेचे सत्र नियमित सुरु झाल्याने विद्यार्थ्यांना मध्यान्य भोजन देणेही सुरु झाले. त्याचप्रकारे आज मंगळवारी मुरली येथील जिल्हा परिषदेच्या शाळेत १९० पैकी १६० विद्यार्थ्यांना शिजविलेला आहार देण्यात आला. काही वेळाने आहार सेवन करणाºया मुलांना डोळेदुखी, मळमळ व उलट्याचा त्रास सुरु झाला. त्यामुळे उपस्थित विद्यार्थ्यांसह शिक्षकांमध्येही भितीचे वातावरण निर्माण झाले. आज आहारात विद्यार्थ्यांना मटकी द्यायची असल्याने तीला मोड यावी म्हणून पाण्यात भिजवुन ठेवण्यात आले होते. त्यात पाल सदृश प्राणी पडून ही विषबाधा झाल्याचे पालकांमध्ये बोलल्या जात आहे. मुलांना वाढता त्रास पाहून काही पालकांनी १०८ क्रमांकावर फोन करून रुग्णवाहीका बोलविण्यात आली. सद्यास्थितीत विद्यार्थ्यांवर येथील प्राथमिक आरोग्य केंद्रात उपचार सुरू आहेत.

यवतमाळ – महाविद्यालयीन युवकांना मारहाण केल्याप्रकरणी जिल्हा पोलीस अधीक्षक रंजनकुमार शर्मा यांनी सहा चार्ली कमांडोला तडकाफडकी निलंबित केले. या कारवाईमुळे पोलीस दलात खळबळ उडाली आहे. पुरुषोत्तम बावणे, राजू कुडमेथे यांच्यासह अन्य चार चार्ली कमांडोचा यात समावेश असल्याची माहिती पोलीस सूत्राने दिली.
परराज्यातून शिक्षणासाठी आलेल्या महाविद्यालयीन युवकांना मारहाण करण्यात आल्याची घटना रविवारी रात्री घडली होती. याप्रकरणी विद्यार्थ्यांनी सोमवारी जिल्हा पोलीस अधीक्षक रंजनकुमार शर्मा यांची भेट घेवून फिर्याद मागितली होती. त्यांनी या घटनेची गंभीर दखल घेत काल रात्री तडकाफडकी संबंधीत चार्ली कमांडोच्या निलंबनाचे आदेश काढले. रविवारी चार्ली कमांडोचे पथक रात्रगस्तीवर असताना त्यांना रात्री दरम्यान विद्यार्थी फिरताना दिसले. याबाबत सुरूवातीला चार्ली कमांडोनी विचारणा केली असता उडवाउडवीची उत्तरे दिली. त्यामुळे चार्ली पथकातील कर्मचाºयांनी विद्यार्थ्यांना मारहाण केली. याप्रकरणाची तक्रार घेण्यास शहर पोलिसांनी नकार दिल्यानंतर विद्यार्थ्यांनी थेट पोलीस अधीक्षकांची भेट घेतली. त्यांनी तडकाफडकी निर्णय घेत सहा चार्ली कमांडोना निलंबित केले. या कारवाईमुळे जिल्हा पोलीस दलात खळबळ उडाली आहे.