नाशिकरोड -नाशिकरोडच्या दत्तमंदिर चौकाजवळील शहाणे ज्वेलर्सवर आज भरदुपारी पडलेल्या दरोड्यात रोकड आणि सोन्याची लुट करण्यात आली. दरोडेखोरांनी केलेल्या गोळीबारात दुकानमालक व त्याचा मावस भाऊ जखमी झाला असून, त्यांच्यावर खासगी रुग्णालयात उपचार सुरु आहेत. नाशिक पोलिसांनी ठाणे ग्रामीण पोलिसांच्या मदतीने चित्तथरारक पाठलाग करुन तीन सशंयितांना शहापूरजवळ अटक केली. त्यांच्याकडून मोटारीसह, शस्त्रे, मोबाइल जप्त करण्यात आले आहेत. उपनगर पोलिस स्टेशनमध्ये गुन्हा नोंदविण्याचे काम रात्री उशिरापर्यंत सुरु होते.
नाशिक-पुणे महामार्गावर दत्तमंदिरजवळील ड्र‌िम प्लाझामध्ये अभय अरुण शहाणे यांचे शहाणे ज्वेलर्स हे दुकान आहे. दुपारी दोनच्या सुमारास त्यांचा मावस भाऊ सागर सोमनाथ शहाणे (वय२६) दुकानात एकटेच होते. त्यावेळी हिंदी बोलणारा एकजण लाल व्हर्ना कार (एमएच १२ जे.सी. ६५२४) घेऊन दुकानाजवळ आला. अभय शहाणे कोठे आहेत, अशी चौकशी केली. ते थोड्यावेळाने भेटतील असे सागरने त्याला सांगितले. त्यामुळे तो निघून गेला. अभय शहाणे तीनच्या सुमारास दुकानात आले. त्याचवेळी चौकशी करणाऱ्या तरुणासह चौघे दुकानात आले. पिस्तुलचा धाक दाखवून सोनं व रोकडची मागणी करू लागले. कारचालक वरच्या रुममध्ये बसलेल्या सागरजवळ आला. त्याला पिस्तुल दाखवून रोख पन्नास हजार आणि दहा तोळ्याची लगड बॅगमध्ये टाकली. सागरला घेऊन तो खाली आला. तेव्हा अभय शहाणे यांनी त्या सर्वांना प्रतिकार करण्यास सुरूवात केली. त्यामुळे लुटारुंनी त्यांच्या पोटात गोळी मारली. पिस्तुल आपटून काऊंटर फोडले. तेथील सोने बॅगमध्ये भरले. एका लुटारूने सागरला खाली पाडून त्याच्यावर पिस्तुल रोखले. तो त्याच्यावर गोळी करणार इतक्यात त्याने धाडसाने पिस्तुल खाली पाडले. दुसऱ्या झपटीमध्ये त्याचा मोबाईल खाली पडला. जखमी अवस्थेतही अभय शहाणे यांनी टेबलवरील काचा लुटारुंच्या दिशेने फेकल्या. त्यात धारधार काच एका लुटारूच्या पोटात लागली. दोघांचा प्रतिकार पाहून लुटारू कारकडे पळाले. सागरही मागे धावला. त्याने चालकाच्या काचेवर बुक्की मारली. परंतु, दरोडेखोर पळून गेले. हा प्रकार पाहून परिसरातील अजिंक्य वालकर व त्यांच्या मित्राने मोटारसायकलवरून मोटारीचा पाठलाग केला. परंतु, ते मुंबईच्या दिशेने पसार झाले.

यवतमाळ- कर्नाटकातील सीमाभागात येळ्ळूर येथे मराठी भाषीकांना मारहाण करून जखमी करण्यात आले. या घटनेचे पडसाद आज यवतमाळातही उमटले. महाराष्टÑ नवनिर्माण सेनेच्या पदाधिकाºयांनी नेताजी चौकात कर्नाटक सरकारच्या पुतळ््याचे दहन करून या घटनेचा निषेध नोंदविला.
कर्नाटकात सीमाभागात राहणाºया मराठी माणसांवर अन्याय सुरू आहे. यात कर्नाटक सरकारकडून मिळणारी वागणूक निषेधार्ह आहे. या घटनेचा निषेध नोंदवित महाराष्टÑातही कानडी भाषिक आहे, हे कर्नाटक सरकारने लक्षात ठेवावे, असा इशारा यावेळी देण्यात आला. सोमवारी ५ वाजता नेताजी चौकात असलेल्या मनसे कार्यालयाजवळ पुतळा दहन करून घोषणाबाजी करण्यात आली. यावेळी मनसे जिल्हाध्यक्ष अशोक पुरी, अनिल हमदापूरे, संजय देठे, देवा शिवरामवार, नीरज वाघमारे, विकास पवार, अभिजित नानवटकर, अमित बदनोरे, अंजू चिलोरकर, रेश्मा आठवले आदी उपस्थित होते.

लढविलेल्या एकूण जागा राष्ट्रवादी काँग्रेस 69 लढविलेल्या एकूण जागा २00४ची निवडणूक २00४ साली काँग्रेसला मागे टाकत राष्ट्रवादीने ७१ जागा जिंकल्या. मात्र, निकालानंतरच्या वाटाघाटीत काँग्रेस कोट्यातील २ कॅबिनेट व १ राज्यमंत्री पदाच्या बदल्यात राष्ट्रवादी काँग्रेसने मुख्यमंत्रिपदावरचा दावा सोडला. आधी सोडला होता दावा राष्ट्रवादी काँग्रेस 124 157 वर्धा : मंत्रिपदे सोडा, आघाडीत संपूर्ण मंत्रिमंडळ वाट्याला आले तरी मुख्यमंत्रिपदावरील दावा राष्ट्रवादी सोडणार नाही, अशी स्पष्ट भूमिका राष्ट्रवादी काँग्रेसचे प्रदेशाध्यक्ष सुनील तटकरे यांनी रविवारी वध्र्यात मांडली.
राष्ट्रवादी १४४ जागांच्या भूमिकेवर ठाम आहे. तशी अटीतटीची वेळ आल्यास पक्षाचे नेते शरद पवार आणि
काँग्रेस नेत्या सोनिया गांधी यांच्या पातळीवर हा मुद्दा निकालात काढला जाईल, असे सूतोवाच राज्याचे उपमुख्यमंत्री अजित पवार यांनी यावेळी केले. राष्ट्रवादीच्या निर्धार मेळाव्यानंतर आयोजित पत्रकार परिषदेत त्यांनी ही माहिती दिली.

मुंबई- इंडियन मुजाहिदीन या दहशतवादी संघटनेने मुंबईत बॉम्बस्फोट करण्याची धमकी मुंबईचे पोलिस आयुक्त राकेश मारिया यांना पत्राद्वारे दिली आहे. यामुळे, मुंबईसह राज्यात हायअर्लट जारी केले आहे. या धमकीपत्राची पोलिस कसून चौकशी करत असून सर्वत्र पोलिस बंदोबस्तात वाढ करण्यात आली आहे.

या निनावी पत्रातून १९९३ च्या मुंबई स्फोटांची किंवा तत्सम घटनेची पुनरावृत्ती करण्याचा दहशतवाद्यांचा इशारा  स्पष्ट होत आहे. या पत्रात गाझामध्ये मुस्लिमधर्मीयावर होत असलेले हल्ले आणि त्यांच्या हत्येचा बदला घेण्याची धमकी सुद्ध देण्यात आली आहे.  हिंदी आणि इंग्रजी अशा द्विभाषीक पत्रातून पाठवलेल्या मजकूरातून ही बाब उघड झाली आहे. यात ‘१९९३ मध्ये तुम्ही नशीबवान ठरला होता. मात्र आता हिंमत असेल तर आम्हाला थांबवून दाखवा’ अशी धमकी दिली आहे.

पत्राखाली इंडियन मुजाहिदीन या दहशतवादी संघटनेचे नाव आहे. हे पत्र कोणी आणि कोठून पाठवले, तसेच हे पत्र दहशतवादी संघटनेने पाठवले की कोणीतरी जाणुनबूजून मस्ती करत आहे, याचा पोलिस तपास करत आहे.