रत्नागिरी, दि. २५ – रत्नागिरीतील दापोली येथे पर्यटनासाठी आलेल्या सहा पर्यटकांना समुद्रात जलसमाधी मिळाल्याची दुर्दैवी घटना रविवारी घडली. हे सर्व पर्यटक पुण्यातील असून मृतांमध्ये दोन लहान मुलांचाही समावेश आहे.
श्रृती डांगे (वय १३), संगीता ओझा (३४ वर्ष) आणि पवन (वय ६ वर्ष)  अशी या तिघा मृतांची नावे आहेत. पुण्यातील दत्तवाडी परिसरात राहणारे चार कुटुंब उन्हाळी सुट्टीत पर्यटनासाठी दापोलीत आले होते. आंजर्ले – हरणे समुद्रातील अडखळ खाडीत  हे पर्यटक पोहण्यासाठी उतरले होते. मात्र पाण्याचा खोलीचा अंदाज न आल्याने नऊ जण पाण्यात बुडू लागले. या घटनेनंतर स्थानिकांनी नऊपैकी तिघांना यशस्वीरित्या पाण्यातून बाहेर काढले. मात्र उर्वरित सहा जणांना जलसमाधी मिळाली. सहा पैकी तिघा जणांचे मृतदेह सापडले असून उर्वरित तिघा जणांचा शोध सुरु आहे. या घटनेनंतर पुण्यातील दत्तवाडी परिसरात शोककळा पसरली आहे.

नागपूर – लोकसभा निवडणुकीच्या वेळी अनेक मतदारांची नावे वगळण्यात आल्याने एकच गोंधळ उडाला होता. यात दोष कुणाचा, यावरून प्रशासन आणि मतदारांमध्ये चांगलेच वाद झाले. या वादावर कुठलाच तोडगा न निघता प्रकरण शांतही झाले. आता लवकरच विधानसभेच्या निवडणुका जाहीर होतील. याची तयारी म्हणून येत्या १६ जूनपासून मतदारनोंदणी अभियानाला सुरुवात होणार आहे.
राज्याचे मुख्य निवडणूक अधिकारी नितीन गद्रे यांनी नुकतीच नागपूरला येऊन उपजिल्हा निवडणूक अधिकाऱ्यांची बैठक घेतली. मतदार नोंदणी अभियानाबाबतही या बैठकीत चर्चा करण्यात आली. मतदार नोंदणीची मोहीम राबविताना योग्य ती खबरदारी घेण्याच्या सूचनाही देण्यात आल्या. मतदारांनीही अधिक जागरूक राहून आपले नाव नोंदवावे आणि यादीत आहे की नाही हे तपासावे याबाबतच्या वारंवार सूचनाही देण्यात येणार आहेत. यापूर्वी राबविलेल्या मतदार नोंदणी अभियानात नागपुरातील सहा विधानसभा मतदारसंघांतील मतदार मोठ्या संख्येने कमी झाले. यात निधन झालेले, नावे पुन्हा पुन्हा असलेले, दुसऱ्या मतदारसंघात बदलून गेलेल्या मतदारांसह गेल्या अनेक वर्षांपासून वास्तव्य करीत असलेले मतदारही कमी झाले. १ जानेवारी २०१२ मध्ये दक्षिण-पश्चिम मतदारसंघात ३ लाख ५७ हजार ११५ मतदार होते. त्यानंतर १ जानेवारी २०१४ रोजी प्रसिद्ध झालेल्या यादीत मतदार कमी होऊन ३ लाख १३ हजार ३५९ झाले. याचा अर्थ ४३ हजार ७५६ मतदार कमी झाले. हेच चित्र दक्षिण, पूर्व, मध्य, पश्चिम, उत्तर या मतदारसंघांतही पाहायला मिळाले. सध्या नागपुरात सहा विधानसभा मतदारसंघांत एकूण १८ लाख ९९ हजार ४०० मतदार आहेत. त्यामुळे विधानसभेच्यावेळी मतदारांनी आता अधिक जागरूक राहून आपले नाव नोंदवून घेण्याची गरज आहे. विधानसभा क्षेत्रातील कमी झालेल्या मतदारांचा फटका संबंधित उमेदवारालाही बसू शकतो. त्यामुळे उमेदवारांनीही अचूक मतदार याद्या तयार व्हाव्यात, यासाठी सतर्क राहण्याची गरज व्यक्त होत आहे.

यवतमाळ – येथील शिवसेना उपतालुका प्रमुख रामनारायण उर्फ दादू इंद्रजित मिश्रा (४०)रा. उमरसरा यांच्या खून प्रकरणातील तीन आरोपींना उपविभागीय पोलिस अधिकाºयांच्या पथकाने अटक केली.
विठ्ठल मारोतराव ढोणे (३४), जगदिश पुरुषोत्तम दांडगे, मारोती आसेवार (३५) सर्व रा. संकटमोचन, उमरसरा असे अटक करण्यात आलेल्या आरोपींची नावे आहे. विठ्ठल व मारोती हे दोघेही शासकीय कंत्राटदार असून मिश्रा यांनी वरिष्ठांकडे कामाच्या गुणवत्तेसंदर्भात तक्रारी केल्या होत्या. त्यामुळे कामांचे बिल अडकलयाने वचपा काढण्याच्या उद्देशाने त्याचा  खून केल्याची पोलिसांनी सांगितले. काल मध्यरात्री विठ्ठल ढोणे व जगदिश दांडगे हे दोघे बसने यवतमाळात येत असल्याची ‘टिप’ उपविभागीय पोलीस अधिकाºयांच्या पथकाला मिळाली. त्यावरून बसस्थानक परिसरात सापळा रचण्यात आला. पोलिसांनी लगेच जगदिशला अटक केली. मात्र विठ्ठल पोलिसांना चकमा देवून अ‍ॅटोने मुलकीकडे निघून गेल्याची माहिती जगदिशने पोलिसांना दिली. त्यावरून पथकाने लगेच अ‍ॅटोचा पाठलाग करून विठ्ठलला अटक केली. त्यापाठोपाठ मारोती आसेवार यालाही अटक करण्यात आली. ही कारवाई उपविभागीय पोलीस अधिकारी राहुल मदने, सहाय्यक पोलीस निरीक्षक नरेश रणधीर, सहाय्यक पोलीस उपनिरीक्षक अजय ढोले, इक्बाल शेख, विजय जाधव, गजानन धात्रक यांनी केली.

नवी दिल्ली- राजधानी दिल्लीतील राष्ट्रपती भवनाच्या प्रांगणात नरेंद्र मोदी यांच्या शपथविधीची तयारी जोरदार सुरु आहे. या परिसरात चोख सुरक्षा व्यवस्था ठेवण्यात येत आहे. तर दुसरीकडे मोदींसोबत मंत्रीपदाची शपथ कोण घेणार याची चर्चा सुरु झाली आहे. २६ मे रोजी होणा-या या शपथविधी सोहळ्यातील मंत्र्यांची नावे निश्चित करण्यासाठी भाजपचे प्रमुख राजनाथ सिंह, अमित शहा, नितीन गडकरी आणि अरुण जेठली या नेत्यांमध्ये बैठक झाली. या बैठकीस मोदी देखील उपस्थीत होते.
सूत्रांनी दिलेल्या माहितीनुसार मोदींसोबत काही जण मंत्रीपदाची शपथ घेतील. त्याआधी दिवसभर अकाली दलचे प्रमुख आणि पंजाबचे मुख्यमंत्री प्रकाश सिंग बादल आणि उपमुख्यमंत्री सुखबीर सिंग बादल यांनी राजनाथ सिंग यांची भेट घेतील. केंद्रीय मंत्रिमंडळात अकाली दलाला एक मंत्रीपद मिळण्याची शक्यता आहे.
दरम्यान, मोदींच्या शपथविधीसाठी राजधानीत सुरक्षा व्यवस्थेत वाढ करण्यात आली आहे. ज्याप्रमाणे प्रजासत्ताक दिनाला सुरक्षा व्यवस्था असते. तशीच सुरक्षा या समारंभासला देण्यात आली आहे. भारताच्या शेजारील देशाचे राष्ट्रप्रमुख आणि तीन हजारूहून अधिक पाहूणे या कार्यक्रमास येणार आहेत. त्यामुळे रायसीना हिल्स परिसरातील सर्व कार्यालये कार्यक्रमाच्या पाच तास आधी बंद करण्यात येणार असल्याचे दिल्ली पोलिसांनी सांगितले.या परिसरातील हवाई सुरक्षेची जबाबदारी भारतीय हवाई दलाकडे सोपवण्यात आली आहे. परिसरातील सर्व उंच इमारतींवर सुरक्षा रक्षक तैनात करण्यात येणार आहेत.याशिवाय मोबाइल हिट पथक, अँटी-एअरक्राफ्ट, राष्ट्रीय सुरक्षा पथकाचे शार्पशूटर्स, दिल्ली पोलिसांचे विशेष अधिकारी या परिसरात असतील

काबूल- अफगाणिस्तानातील हेरात प्रांतातील भारतीय दूतावासावर हल्ला करणा-या चारही दहशतवाद्यांना ठार मारल्याचे आयटीबीपीचे प्रमूख सुभाष गोस्वामी यांनी सांगितले.
पश्चिम अफगाणिस्तानातील हेरात प्रांतातील भारतीय दूतावासावर चार सशस्त्र दहशतवाद्यांनी शुक्रवारी सकाळी हल्ला केला. या चारही जणांना ठार मारल्याचे इंडो- तिबेटन सीमा दल (आयटीबीपी) प्रमूख सुभाष गोस्वामी यांनी सांगितले. यातील एका दहशतवाद्याला आयटीबीपी आणि तीन दहशतवाद्यांना अफगाणिस्तानच्या जवानांनी ठार मारले.
भारतीय दूतावासातील सर्व अधिकारी आणि कर्मचारी सुरक्षित असल्याची माहिती परराष्ट्र मंत्रालयातील अधिका-यांनी दिली. तसेच काबूल येथील दूतावास आणि जलालाबाद येथील वकिलातीत बंदोबस्त वाढवण्यात आला आहे. तर मझर ए शरीफ आणि खंदहार या भागातही चोख सुरक्षा ठेवण्यात आली असून या भागात हाय अलर्ट जारी करण्यात आले आहे. भारत सरकार अफगाणिस्तानच्या संपर्कात असून, परराष्ट्र सचिव सुजाता सिंग परिस्थितीवर लक्ष ठेवून आहेत, अशी माहिती परराष्ट्र मंत्रालयाच्या प्रवक्त्याने दिली.

यवतमाळ – रेती वाहतुक करणाºया वाहनावर कारवाई करण्याची भिती दाखऊन दहा हजार रुपये लाच स्विकारणाºया लोणबेहळ सर्कलच्या मंडळ अधिकाºयास रंगेहात अटक केली. लाचलुचपत प्रतिबंधक विभागाच्या पथकाने आज दुपारी ही कारवाई केली असून लाचखोर अधिकाºयांचे धाबे दणानले आहे.
ज्ञानेश्वर किसन गरकळ असे लाचखोर मंडळ अधिकाºयाचे नाव आहे. आर्णी तालुक्यात असलेल्या रेती घाटामधुन रेती वाहून नेणाºया वाहनावर कारवाई करण्याची भिती मिलन घोरफडे रा. गाजेगाव जि. सातारा याना भिती दाखविली. तसेच रेती वाहतुक सुरळीत सुरु ठेवण्यासाठी १० हजार रुपयाची लाच मागितली. या बाबतची तक्रार
घोरफडे यांनी लाचलुचपत प्रतिबंधक विभागाकडे केली होती. त्यावरुन आज पथकाने आर्णी तहसील कार्यालय परिसरात सापळा रचला. दरम्यान तक्रारकर्त्याकडून १० हजार रुपये स्विकारताच गरकळ याला रंगेहात पकडले. ही कारवाई पोलीस उपअधिक्षक सतीश देशमुख, अरुण गिरी, प्रकाश शेंडे, नरेंद्र इंगोले, सुधाकर कोकेवार, गजानन राठोड, अमोल महल्ले, शैलेश ढोणे, अमित जोशी, निलेश पखाले, सुधाकर मेश्राम, भारत चिरडे यांनी केली.

यवतमाळ – नॅशनल आंबेडकराईट गार्ड (नाग) च्या वतीने ‘मुक्ती कोण पथे’ अमृत महोत्सवा निमित्त उर्जा दिनाचे उद्घाटन २४ मे रोजी जिल्हाधिकारी कार्यालय बचत भवन येथे होणार आहे. या कार्यक्रमाचे उद्घाटन आंबेडकरी विचारवंत अशोक बुरबुरे याच्या हस्ते होणार आहे.
अध्यक्षस्थानी कवडू नगराळे हे राहणार आहे. स्वागताध्यक्ष नंदकिशोर निमगडे , आ. संदिप बाजोरीया, जिल्हा परिषदचे माजी अध्यक्ष राहुल ठाकरे, बुद्धप्रिय थूल , प्रा. अनिल काळबांडे, नंदकुमार रामटेके उपस्थित राहणार आहे. धम्म चळवीत योगदान देणारे धम्मभूमिचे संपादक विजय डांगे, महाप्रजापती गौतमी बुद्घ विहार जामनकर नगर, विश्वशांती बुद्घविहार उमरसरा, नालंदा बुद्घ विहार पिंपळगाव, महाप्रजापती गौतमी बुद्घ विहार दलित सोसायटी, धम्मगंध बुद्घविहार गुरुनानगर नगर, गौतमी बुद्घ विहार तलाव फैल, मातोश्री रमाबाई आंबेडकर बुद्घविहार पाटीपूरा, चंद्रमणी बुद्घविहार नेताजी नगर, अशोका बुद्घविहार अशोक नगर, सम्राट अशोक बुद्घविहार पाटीपूरा, शिलाचारा बुद्घविहार पाटीपूरा, लुंबिनी बुद्घविहार लुंबिनी नगर, श्रावस्ती बुद्घविहार गिरीजा नगर, शांतीदूत बुद्घ विहार वडगाव, भीमाई बुद्घ विहार वाघापूर, सिद्घार्थ बुद्घविहार फाळेगाव, नागभूमि बुद्घविहार वडगाव, गौतमी महिला मंडळ लोहारा इत्यादी विहारांच्या धम्मसेवकांचा सत्कार करण्यात येणार आहे. यावेळी सुप्रसिद्घ पुरातत्व संशोधक व धम्मलेखक गोपीचंद कांबळे यांना भीम-उर्जा पुरस्कार प्रदान करण्यात येईल. तनंतर लोकनाथ यशवंत यांच्या अध्यक्षतेखाली कवि संमेलन होणार आहे. यामध्ये संध्या सराटकर, प्रा. अशोक इंगळे , शेषराव पिराजी धांडे, डॉ. गणेश टाले, अशोककुमार दवणे, योगानंद टेभुर्णे, बळी खैरे, संदेश ढोले, माधव सरकुंडे, दशरथ मडावी, मन्सुर एजाज जोश, संघमित्रा टेंभूर्णे, सिद्धार्थ भगत , गित घोष, हेमंतकुमार कांबळे, सुनिल कुमरे, जनार्दन मोहिते, अनिल कोसे, सुनील वासनिक, मनिषा कांबळे, प्रा. महेंद्र हंबर्डे, विजय गाडगे, जगदिश भगत, प्रकश खरतडे, प्रमोद कांबळे, आनंद गायकवाड इत्यादी वकी यात सहभागी होणार आहे. संचालक प्रशांत वंजारे हे करणार आहे. या कार्यक्रमाला उपस्थित राहण्याचे आवाहन नाग संघटनेचे संस्थापक अध्यक्ष आनंद गायकवाड यांनी केले आहे.

नवी दिल्ली- लोकसभा निवडणुकीत भारतीय जनता पक्षाला मिळालेल्या यशाबद्दल काँग्रेस अध्यक्ष सोनिया गांधी यांनी गुरुवारी नरेंद्र मोदी यांचे अभिनंदन केले. सोनिया गांधी यांनी मोदींना पत्र लिहून त्यांचे अभिनंदन केल्याचे अखिल भारतीय काँग्रेस समितीच्या सूत्रांनी सांगितले.
१६ मे रोजी जाहीर झालेल्या लोकसभा निवडणुकीच्या निकालामध्ये भाजपने २८२ जागांवर विजय मिळवत बहूमत मिळवले होते. तर सत्ताधारी काँग्रेस पक्षाला केवळ ४८ जागा मिळाल्या होत्या. भाजपच्या या ऐतिहासिक विजयानंतर भाजपचे पंतप्रधानपदाचे उमेदवार नरेंद्र मोदींचे जगभरातील सर्व महत्त्वाच्या नेत्यांनी अभिनंदन केले होते.

यवतमाळ – मर्ग तपासामध्ये अटक करू नये व गुन्ह्यात वापरलेली दुचाकी जप्ती टाळण्यासाठी एका आरोपीला २० हजार रुपयाची लाच मागणाºया उमरखेड पोलिस ठाण्यातील पोलिस नाईकास अटक केली. लाचलुचपत प्रतिबंधक विभागाने आज गुरुवारी ही कारवाई केली.
रवी रामचंद्र कपिले असे पोलीस शिपायाचे नाव असून तो उमरखेड पोलीस ठाण्यात पोलीस नाईक म्हणून कर्तव्यावर होता. ८/२०१४ क्रमांकाच्या मर्गचा तपास कपिलेकडे होता. याप्रकरणातील आरोपीवर गुन्हा दाखल न करण्यासाठी तसेच अटक व गुन्ह्यातील मोटरसायकल जप्ती टाळण्यासाठी २० हजार रुपयाची लाच मागितली होती. या बाबतची तक्रार आरोपीच्या मामाने ३ एप्रिल रोजी यवतमाळ येथील लाचलुचपत प्रतिबंधक विभागाकडे केली होती. त्यावरून ४ एप्रिल रोजी उमरखेड पोलीस ठाण्यात जाऊन पडताळणी केली असता सदर पोलीसाने २० हजार रुपये लाच स्वीकारल्याचे मान्य केले होते. त्यावरुन लाचलुचपत प्रतिबंधक विभागाने २२ मे रोजी दिलेल्या तक्रारीवरून उमरखेड पोलिसांनी कपिले याच्याविरुद्घ गुन्हा दाखल करून अटक केली.

यवतमाळ – पूर्व वैमनस्यातून तलावारीचे वार करून अजय भीमराव बन्सोडचा खून करण्यात आल्याची घटना बुधवारी रात्री पाटीपुरा येथे घडली होती. दरम्यान आज एटीएस पथकाने दोन आरोपींना अटक केली असून उर्वरीत एक आरोपी फरार आहे.
रितेश बाविस्कर, राजा जंगले रा. अशोक नगर असे अटक केलेल्या आरोपींची नावे आहे. घटनेच्या दिवशीच आरोपी सचिन डोंगरे (२४), अनिकेत दिनेश वासनिक दोघेही रा. पाटीपुरा यांना अटक केली होती. दोन्ही आरोपींना न्यायालयापुढे हजर केले असता दोन दिवस पोलीस कोठडीत ठेवण्याचे आदेश दिले. या खून प्रकरणातील आरोपी नितीन धुळे रा. पाटीपुरा हा फरार असून त्यांचा शोधात स्थानिक गुन्हे शाखेचे पथक नागपूरला गेल्याची माहिती सूत्रांनी दिली. ही कारवाई एटीएस पथकाचे सहा. पोलीस निरीक्षक राजेश टाले, सुभाष कामटकर, योगेश डगवार, आशिष चौबे, सुभाष नागदिवे, नितीन इंगोले, साजीद खान, दुषन पोपटकर यांनी केली.