बाभूळगाव – भरधाव वेगात येणाºया टाटा इंडीगो वाहनाने प्रवाषी घेवुन चाललेल्या टाटा मॅजिक काळीपिवळी गाडीला समोरासमोर धडक दिली. हा अपघात खडकसावंगा ते मिटनापुर दरम्यान आज ११ मे रोजी दुपारी १२ वाजताच्या सुमारास घडला. यात दोन्ही गाड्यामधील १२ जण जखमी झाले. जखमींना प्रथमोपचारासाठी ग्रामिण रूग्णालय बाभुळगाव येथे दाखल करण्यात आले. मात्र रूग्णांची प्रकृती बिघडल्याने त्यांना शासकीय रूग्णालय यवतमाळ येथे हलविण्यात आले.
यवतमाळ-धामणगाव राज्य मार्गावरील खडकसावंगा फाट्यासमोर देवगावहुन बाभुळगावकडे प्रवाशी घेवुन येणाºया टाटा मॅजिक क्र.एम.एच. २९ टी ८४६० ला विरूद्ध दिषेने येणाºया टाटा इंडिगो क्र.एम.एच.२९/एल ९११ ने समोरासमोर धडक दिली. यात टाटा मॅजिक वाहनात बसलेले प्रवाशांसह १२ जण जखमी झाले. जखमींमध्ये प्रदीप मांढरे (२२) रा. नांदुरा, ज्ञानेश्वर मिलमिले (१८) रा. कोळंबी, गणेश वडते (२५) रा.कळंब, निलेश मेश्राम (२०) नांदुरा, उद्धव खरात (५५) रा.धामणगाव, दुर्गा चामलाटे (१२) रा. कामनापुर(भुसारी), योगिता बावने (२०) रा.शेंदुरजना(खुर्द),ता.चांदुर, निलेश सिरसाठ (18) रा. मेंढा, ता. कारंजा, सुरेश वरठी (३५) रा. हिरपुर, रंजीत बिरे (२८) रा. यवतमाळ, रामचंद्र केवदे (२२) रा.गवंडी, सरोजीनी शेंडे (२०) रा.  शेंदुरजना(खुर्द),ता. चांदुर आदिंचा समावेष आहे. सर्व जखमींना प्रथम बाभुळगाव येथील ग्रामिण रूग्णालयात दाखल करण्यात आले. मात्र त्यानंतर त्यांना यवतमाळ शासकीय रूग्णालयात हलविण्यात आले.

मुंबई – नेहमीच प्रयोगशील असणा-या गुगलवरही रविवारी मदर्स डे साजरा करण्यात आला. मे महिन्याचा दुसरा रविवार हा संपूर्ण जगभरात मदर्स डे म्हणून साजरा केला जातो. याच धर्तीवर असे विशेष दिवस साजरा करणा-या गुगलनेही मदर्स डेसाठी विशेष डूडल बनवले आहे.
गुगलच्या या अनोख्या डूडलमध्ये आई आपल्या मुलांसोबत सायकल चालवण्याचा आनंद घेत असल्याचे चित्र दाखवण्यात आले आहे. त्यावर क्लिक केल्यानंतर मदर्स डेसंबधित माहितीची पेजेस आपल्याला दिसतात.
संपूर्ण जगभरातील अमेरिका, भारत, डेन्मार्क, फिनलँड, इटली, तुर्की, ऑस्ट्रेलिया, मेक्सिको, कॅनडा, चीन, जपान आणि बेल्जियम यांसारख्या देशात मदर्स डे मोठ्या उत्साहात साजरा केला जातो.

महागाव – तालुक्यातील कासारबेहळ येथून मुळावा येथे लग्नासाठी जाणाºया पाटे कुटुंबीयांच्या दुचाकीला कन्टेनरने धडक दिल्याची घटना आज रविवारी सकाळी येथून दोन किंमी अंतरावरील हनुमान मंदिराजवळ घडली. यामध्ये तिन जण जागीच ठार तर मुलगा गंभीर जखमी झाला. यावेळी या मार्गावरील वाहतूक ३ तास ठप्प झाली होती़
कासारबेहळ येथील शेतकरी दिगांबर रासाजी पाटे (३४), पत्नी सवीता दिगांबर पाटे (२८), मुलगी गायत्री दिगांबर पाटे (१०), मुलगा राहुल दिगांबर पाटे (८) हे आपल्या दुचाकी क्ऱ एमएच २९ एक्स ९१४५ ने मुळावा येथील लग्नाला जात होते़ महागाव पासून २ कि़मी़ अंतरावर असलेल्या हनुमान मंदिरा जवळील वळणावर येताच उमरखेड कडून आलेल्या कन्टेनरने (एम.एच. ३४/एम.९४६७) ने दुचाकीला जोरदार धडक दिली. त्यात दिगांबर, त्याची पत्नी सवीता व मुलगी गायत्री पाटे हे जागीच ठार झाले. तर मुलगा राहुल गंभीर जखमी झाला आहे़ अपघातानंतर कंनटेनरने दिड किमी अंतरापर्यंत दुचाकी घासत नेली. यावेळी चालकाने ट्रक सोडून पोबारा केला. दरम्यान याच कनटेनरने वºहाडा घेऊन जाणाºया एक ट्रकलाही धडक देण्याचा प्रयत्न केला़ या घटनेची माहिती मिळताच महागाव पोलीसांनी घटनास्थळ गाठून पंचनामा करुन मृतदेह शवविछेदनासाठी ग्रामिण रुग्णालय सवना येथे पाठविले. तर जखमी राहुल याला नांदेड येथे उपचारासाठी दाखल केले. यावेळी राज्य मार्ग क्र. तीनवरील संपूर्ण वाहतुक तीन तास खोळंबली होती. यावेळी जिल्हा परिषद सदस्य अनिल नरवाडे यांनी जखमीच्या उपचारासाठी मदत केली. या अपघातामुळे कासारबेळ सह तालुक्यात शोककळा पसरली आहे़या प्रकरणी पोलिसांनी चालकाविरुद्घ गुन्हा दाखल केला असून तपास सुरु आहे.

मुंबई – राष्ट्रवादी काँग्रेस पक्षाचे अध्यक्ष शरद पवार यांनी शनिवारी पक्षाच्या नेत्यांची बैठक घेतली. लोकसभा निवडणुकीतील पक्षाची कामगिरी आणि १६ मे ला निकाल लागल्यानंतर कशी परिस्थिती असेल याविषयी या बैठकीत चर्चा झाली.
उपमुख्यमंत्री अजित पवार यांच्यासह राष्ट्रवादीचे वरिष्ठ मंत्री या बैठकीला उपस्थित होते. अजित पवारांचे सरकारी निवासस्थान देवगिरीवर ही बैठक झाली. शरद पवारांनी मंत्र्यांना राज्यभर दौरे करण्याचे तसेच विधानसभा निवडणुकांच्या तयारीला लागण्याचे निर्देश दिल्याचे समजते.
सोशल मिडियाचा निवडणुकीवर असलेला प्रभाव, मतदानाचा पॅटर्न आणि काँग्रेसचे सहकार्य या विषयांवर बैठकीत चर्चा झाली. विधानसभा निवडणुकीच्या पार्श्वभूमीवर राज्यात कशी राजकीय स्थिती असेल याविषयी चर्चा झाल्याचे एका मंत्र्याने बैठकीनंतर सांगितले.

नवी दिल्ली – सोळाव्या लोकसभा निवडणुकीचा प्रचार शनिवारी संध्याकाळी संपला. येत्या १२ मे रोजी सोमवारी नवव्या आणि शेवटच्या टप्प्यात तीन राज्यातील ४१ लोकसभा मतदारसंघात मतदान होणार आहे.
अंतिम टप्प्यात वाराणसीची लढत सर्वात लक्षवेधी लढत आहे. संपूर्ण देशाचे लक्ष या लढतीकडे लागले आहे. भाजपचे पंतप्रधानपदाचे उमेदवार नरेंद्र मोदी येथून रिंगणात आहेत. त्यांच्यासमोर आपचे अरविंद केजरीवाल आणि काँग्रेसचे अजय राय यांचे आव्हान आहे.
विकासाच्या मुद्यावरुन सरु झालेला प्रचार शेवटच्या टप्प्यांमध्ये जाती-पातीच्या पातळीपर्यंत घसरला. भाजप नेते गिरीराज सिंह, अमित शहा, सपाचे नेते मुलायमसिंह यादव, आझम खान आणि अबू आझमी यांनी जाहीरसभांमधुन वादग्रस्त विधाने केली. अंतिम टप्प्यात नरेंद्र मोदी आणि प्रियंका गांधी यांच्यातील शाब्दीक व्दंद चांगलेच रंगले. अंतिम टप्प्यात उत्तर प्रदेशातील १८, पश्चिम बंगालमधील १७ आणि बिहारमधील सहा जागांवर मतदान होणार आहे. १६ मे रोजी निवडणुकीचे निकाल जाहीर होणार आहेत. यंदाच्या मतदानाने १९८४ च्या मतदानाचा विक्रम मोडीत काढला आहे. आतापर्यंत झालेल्या आठ टप्प्यांमध्ये ५०२ लोकसभा मतदारसंघात ६६.२७ टक्के मतदानाची नोंद झाली आहे. २००९ मध्ये संपूर्ण देशात एकूण ५७.९४ टक्के मतदान झाले होते. यावेळी २००९ च्या तुलनेत प्रत्येक टप्प्यामध्ये मतदानात वाढ झाली आहे.

यवतमाळ – जिल्ह्यात सातत्याने वाटमारीच्या घटना घडत असून शुक्रवारी रात्री  ९ वाजता भारी येथील पूलाजवळ लुटमार करण्याच्या उद्देशाने दबा धरुन असलेल्या टोळीला पोलिसांनी जेरबंद केले. त्यांच्याकडून तलवारीसह धारदार शस्त्र जप्त करण्यात आले.
विशाल गोपाल सोयाम (२५), मनोज रामूजी विश्वकर्मा (२५), विक्रम भाऊराव राऊत (२३), पराग उर्फ चिन्टु देवराव कानडे (२०), अमोल जनार्धन मगळे (१८), दिनेश भास्कर गुरनुले (२२) सर्व रा. माळीपुरा यवतमाळ, हेमंत कचनलाल राय (४४) रा. बालाजी चौक, यवतमाळ अशी आरोपींची नावे आहेत. तर अन्य दोन विधी संघर्षग्रस्त बालकांनाही ताब्यात घेऊन  कारवाई केली. शुक्रवारी ९ मे रोजी रात्री ९ वाजता यवतमाळ पांढरकवडा मार्गावरील भारी येथील पूलाजवळ  अंधारात शस्त्रासह हे सर्वजण लुटमार करण्यासाठी दबा धरुन बसले होते. या बाबतची गुप्त माहिती उपविभागीय पोलीस अधिकारी राहुल मदने यांना मिळाली होती. त्यावरुन मदने, शहरचे प्रभारी ठाणेदार सहाय्यक पोलीस निरीक्षक अमोल माळवे, सहाय्यक पोलीस निरीक्षक अभय आष्टीकर, सहाय्यक पोलीस उपनिरीक्षक अजय ढोले, जमादार संजय कांबळे, विजय जाधव, प्रमोद मडावी, इकबाल शेख, तुषार   नेवारे, संतोष मडावी यांनी घटनास्थळ गाठून सर्व आरोपींना ताब्यात घेतले. पोलीस आल्याचे पाहुन आरोपींनी आपल्या जवळील तलवारींसह धारदार शस्त्र फेकून दिले होते. यावेळी पोलिसांनी सदर शस्त्र जप्त करुन आरोपींविरुद्घ गुन्हे दाखल केले. जिल्ह्यात सतत वाटमारीच्या घटना घडत असल्याने वाहनधारकांमध्ये भीतीचे वातावरण निर्माण झाले आहे. या आरोपींना अटक केल्याने अनेक गुन्हे उघडकीस येण्याची शक्यता पोलिसांनी वर्तवली आहे.

उमरखेड  – शहरात चोरीच्या घटनेत वाढ झाली असून  एकाच रात्री चोरट्याने विविध घटेनत दोन लाखावर डल्ला मारला असून नागरिकांमध्ये दहशतीचे वातावरण निर्माण झाल आहे.
स्थानिक शिवाजी वॉर्डात राहणाºया संगीता गौतम पडघणे यांच्या घरात चोरट्याने आत प्रवेश केला. कपाटातून एकोणसत्तर हजाराचा मुद्देमाल लंपास केला. त्यामध्ये लाँग गंठन एक तोळा, छोटे गंठन ७ ग्रॅम, कानातले १ ग्रॅम, ३ अंगठया सहा ग्रॅम असा एकूण एकोणसत्तर हजाराचा मुद्देमाल चोरला. अशातच रात्री दीड वाजताच्या सुमारास कपाटाचा आवाज आल्याने महिला जागी झाली. त्यावेळी  एक इसम कपाटातून दागिने चोरत होता व एक जण दारामध्ये उभा दिसला. त्यामुळे महिलेने आरडा ओरड केल्याने चोरट्याने तेथून पोबारा केला. तसेच ताजपुरा वार्डातील  शे. सादीक शे. करीम यांच्या मालकीचा एम.एच. २६ बी. ४९४७ क्रमांकाचा ट्रक उभा होता. शहरापासून ७ किलोमीटर संगम चिंचोली पर्यंत ट्रक नेऊन डिस्क सह पाच टायर (किंमत १ लाख १० हजार) काढून चोरुन नेले. याप्रकरणी पोलिसांनी आरोपीविरुद्घ गुन्हे दाखल केले असून तपास सुरु आहे. शहरातील कायदा व सुव्यवस्था दिवसेंदिवस ढासळत चालली असून चोरीच्या घटनांनी नागरिकांसह व्यापाºयांचे धाबे दणाणले आहे. पोलिसांनी चोरटयांना अटक करावी व  रात्रीच्या वेळी गस्त वाढवावी अशी मागणी नागरिकांनी केली आहे.

तोडफोड करुन नासधूस
आर्णी – तालुक्यातील बोरगाव येथे तांड्याचे नाईक भगवान राठोड याच्या पैशाच्या वादातून खून करण्यात आल्याची घटना १ मार्च रोजी घडली. पोलिसांनी आरोपीला अटक केली असली तरी या प्रकाराने संतप्त झालेल्या अनोळखी व्यक्तीने काल रात्री बाबुसिंग राठोड या आरोपीच्या घरातील सामानाची तोडफोड करून आपला रोष व्यक्त केला.
भगवान राठोड हा प्रतिष्ठीत व मनमिळाऊ स्वभावाचा होता. गावातील तंटे गावात मिटविणे, सर्वांच्या सुख-दु:खात धावून जात होता. त्याच्या शब्दालाही गावात मान होता. तांड्याचा ‘भगवान’ हरपल्याने चाहत्यांना शोक आवरणे कठीण झाले होते. गुरुवारी प्राणघातक हल्ला झाल्याने यातच त्याचा मृत्यू झाला. अंत्यसंस्कार पार पडल्यानंतर काहींच्या मनात रोष होता. पोलिसांनी आरोपीला अटक केली तरी अज्ञात व्यक्तीने बाबुसिंग राठोडच्या घरावर हल्ला चढवित घरासह सामानाची तोडफोड केली.

पुसद – भरधाव ट्रक्टरने दिलेल्या धडकेत दुचाकीस्वाराचा घटनास्थळीच मृत्यू झाल्याची घटना काल मध्यरात्री दरम्यान खंडाळा घाटात घडली. शेख मस्तान शेख हबीब (४०)रा. अमृतनगर,खंडाळा, असे मृताचे नाव आहे. सदर व्यक्ती दुचाकी (क्र. एम.एच.२९/एच ८६३२) ने गावाकडे जात असताना विरुध्द दिशेने आलेल्या ट्रक्टरने जबर धडक दिली व लगेच ट्रक्टरचालकाने घटनास्थळावरून पळ काढला. यात शेख मस्तानला जबर दुखापत झाल्याने घटनास्थळीच त्याचा मृत्यू झाला. हा अपघात वनविभागाच्या चौकीजवळच झाल्याने गस्तीवर असलेल्या वनविभाग कर्मचाºयाच्या लक्षात आली. या प्रकरणी पुसद शहर पोलिसांनी अज्ञात ट्रॅक्टरचालकाविरुध्द गुन्हा नोंद केला असून पुढील तपास सुरू आहे.

यवतमाळ – गेल्या पावसाळ्यात सरासरीपेक्षा अधिक आणि संपुर्ण पावसाळाभर सतत पाऊस झाल्याने जिल्ह्याच्या भूजलपातळीत सरासरी १.३३ मिटरने पाणी पातळीत वाढ झाली आहे. महागाव तालुक्यात ही वाढ दोन मिटरपेक्षा अधिक म्हणजे २.१० मिटर इतकी असून सहा तालुक्यांमध्ये दीड मिटरपेक्षा जास्त वाढ झालेली आहे. भूगर्भातील पाण्याची पातळी दरवर्षी कमी होत असतांना एकीकडे चिंतेची स्थिती असतांना यावर्षी  अचानक झालेली वाढ दिलासा देणारी ठरणार आहे.
गेल्या पावसाळ्यात जिल्ह्यात सतत पाऊस कोसळला आहे. त्यामुळे जिल्ह्याचे सरासरी  पर्जन्यमान ९११.३४ इतके असतांना प्रत्यक्षात १२३२.१० मिलीमिटर इतके पर्जन्यमान (पाऊस) झाले. कोसळलेला पाऊस मोठ्या प्रमाणावर भूगर्भात साठवल्या गेल्या. त्याचा परिणाम म्हणून ही वाढ झालेली दृष्टीस पडत आहे. भूजल सर्व्हेक्षण आणि विकास यंत्रणेच्यावतीने मार्च महिण्यात जिल्ह्यातील सर्व सोळाही तालुक्यात निरिक्षण विहिरींच्या स्थिर भूजल पातळीचा अभ्यास करण्यात आला. १९१ विहीरींचे त्यासाठी निरिक्षण करण्यात आले. या निरिक्षणात जिल्ह्यात सरासरी १.३३ मिटरने भूगर्भातील पाण्यात वाढ झाली असल्याचे आढळले.  भूगभर्पातळीत तालुकानिहाय झालेली वाढ पुढील प्रमाणे आहे. महागाव तालुक्यात सर्वाधिक म्हणजे २.१० मिटरने वाढ झाली आहे. त्यापाठोपाठ उमरखेड १.९९ मिटर, आर्णी १.६७ मिटर, दिग्रस १.६० मिटर, दारव्हा १.५५ मिटर, कळंब १.५२ मिटर, बाभुळगाव १.२६ मिटर, घाटंजी १.४७ मिटर, नेर १.३२ मिटर, पुसद १.४७ मिटर, राळेगाव १.२५ मिटर, यवतमाळ १.४७ मिटर, मारेगाव ०.८९ मिटर, पांढरकवडा ०.९२ मिटर, वणी ०.४३ मिटर तर झरी जामणी तालुक्यात ०.४९ मिटरने भूगर्भातील पाणी पातळीत वाढ झाली आहे. ही वाढ जिल्ह्यात सरासरी १.३३ मिटर इतकी आहे. भूगर्भातील पाणी पातळीत वाढ झाल्याने पाण्याचे स्त्रोत बळकट होणार असून पाणी टंचाईवर मात करण्यास मदत होणार आहे. भविष्याचा विचार करता ही वाढ जिल्ह्याला मोठा दिलासा देणारी ठरणार आहे.