नागपूर – जुन्या वैमनस्यातून तिघांनी चाकूचे १५६ घाव घालून युवकाचा निर्घृण खून केला. ही थरारक घटना सोमवारी सकाळी उमरेडमार्गावरील विहिरगाव भागात उघडकीस आली. रोशन सुरेश भुरे (वय १९, रा. माकडे ले-आउट, भांडे प्लॉट चौक), असे मृताचे नाव आहे. खूनाच्या या घटनेमुळे विहिरगावमध्ये प्रचंड खळबळ उडाली आहे. पोलिसांनी या प्रकरणात तीन अल्पवयीन आरोपींना ताब्यात घेतले आहे. तिन्ही आरोपी शिक्षण घेत असल्याची माहिती आहे.
रोशन हा खासगी काम करीत होता. त्याचे वडील वाडीकाम करतात. रविवारी त्याची आई नागद्वारला गेली. अन्य नातेवाइकांसह वडीलही गुरुवारी नागद्वारला जाणार होते. काही दिवसांपूर्वी गाडीचा कट लागल्याने अल्पवयीन विद्यार्थ्यासोबत रोशनचा वाद झाला होता. रविवारी सायंकाळी तीन विद्यार्थी त्याला घेऊन विहिरगाव येथे गेले. तेथे सर्वांनी मिळून दारू पिल्यानंतर रात्री विद्यार्थ्यांनी त्याच्यावर सपासप वार करायला सुरुवात केली. रोशन ज‌िवाच्या आकांताने पळून जाण्याचा प्रयत्न करीत असताना मारेकऱ्यांनी त्याचा पाठलाग केला. दरम्यान रोशन हा पानठेल्यामागे लपला असल्याचे मारेकऱ्यांना दिसताच पुन्हा चाकूने त्याच्यावर सपासप वार केले. मारेकऱ्यांनी त्याच्यावर तब्बल १५६ वार केले. रक्ताच्या थारोळ्यात रोशन खाली पडला. यातच त्याचा मृत्यू झाला. रोशन ठार झाल्याचे लक्षात येताच मारेकरी पसार झाले. सोमवारी सकाळी एका युवकाचा मृतदेह विहिरगाव भागात असल्याची माहिती पोलिस नियंत्रण कक्षाला मिळाली. नियंत्रण कक्षाने हुडकेश्वर पोलिसांना कळविताच पोलिसांचा ताफा तेथे पोहोचला. पंचनामा करुन मृतदेह मेडिकलकडे रवाना केला. घटनास्थळी आढळलेल्या मोबाइलवरून मृतकाची ओळख पटली. पोलिसांनी खुनाचा गुन्हा दाखल करुन ‌तीन अल्पवयीन आरोपींना ताब्यात घेतले.

बेळगाव : येळ्ळूरच्या मराठी भाषिकांनी उभारलेला ‘महाराष्ट्र राज्य – येळ्ळूर’ फलक रविवारी सकाळी ६ च्या सुमारास कर्नाटक पोलिसांनी जमीनदोस्त केला. या कारवाईला विरोध करण्यासाठी गेलेल्या महिलांवरही पोलिसांनी अमानुषपणे लाठीमार करून मदरुमकी गाजविली. पाठोपाठ येळ्ळूर गावात पोलिसांनी प्रत्येकाच्या घरात घुसून अक्षरश: धुडगूस घातला. घरातील वस्तूंची तोडफोड करून अनेकांना बेदम मारहाण केली, तर अनेक वाहनांचेही पोलिसांनीच नुकसान केले. पोलिसांनी सातजणांना अटक केली आहे. पोलिसांचा हा धुडगूस येळ्ळूरमध्ये सुमारे अर्धा तास सुरू होता.
येळ्ळूरच्या मराठी भाषिकांनी उभारलेला ‘महाराष्ट्र राज्य – येळ्ळूर’ फलक हटविण्यासाठी कर्नाटक पोलिसांची फौज रविवारी पहाटेच येळ्ळूरमध्ये दाखल झाली. यावेळी सकाळी महिला आपल्या दारात रांगोळ्या घालत होत्या. पोलिसांनी त्यांना हटकून हुज्जत घातली. त्यानंतर पोलिसांनी सकाळी फलक काढला. यावेळी तणावाचे वातावरण निर्माण झाले होते. महिलांशी हुज्जत घातल्याने याचा जाब केंद्राकडे दाद मागणार कर्‍हाड : कर्नाटकात मराठी बांधवांवर होणारे अत्याचार चुकीचे आहेत. कर्नाटक पोलिसांकडून निर्माण केली जाणारी दहशत खपवून घेणार नाही., असा इशारा मुख्यमंत्री पृथ्वीराज चव्हाण यांनी दिला. ते म्हणाले, सीमा भागातील मराठी बांधवांवर होणार्‍या अत्याचारांबाबत यापूर्वी केंद्र सरकारशी बोललो होतो. आता पुन्हा हा प्रश्न समोर आला आहे. त्यामुळे तातडीने केंद्राशी चर्चा करू.

यवतमाळ – धारदार शस्त्राने युवकाचा खून करण्यात आल्याची घटना आज सायंकाळी ६ वाजता दरम्यान शहरापासून काही अंतरावर असलेल्या आर्णी-घाटंजीबायपासवर घडली. विजय अमरनाथ उपाध्ये (३०)रा. विदर्भ हाऊसिंग सोसायटी असे मृताचे नाव आहे.
विजय हा फायनांन्स एजन्सी चालवित असून या व्यवसायीक वादातून चार जणांनी हा खून केल्याची चर्चा आहे. एक युवक रक्ताच्या थारोळ््यात बायपासवर पडून असल्याची माहिती चार्ली कमांडोला मिळाली. त्यांनी घटनास्थळ गाठले असता विजय अखेरच्या घटका मोजत होता. चार्ली कमांडोंनी त्याना उपचारासाठी कै. वसंतराव नाईक शासकीय वैद्यकीय महाविद्यालयात दाखल केले. मात्र उपचारापूर्वीच त्याचा मृत्यू झाला. या घटनेची माहिती मिळताच वडगावरोड पोलिसांनी देखील शासकीय रुग्णालय गाठून संशयीत आरोपींचा शोध घेणे सुरू केले. वृत्त लिहिपर्यंत याप्रकरणी गुन्हा नोंद करण्यात आला नव्हता.

अल्जियर्स –  बुर्किना फासोहून अल्जेरियाकडे येत असलेले एअर अल्जेरिया कंपनीने प्रवासी विमान कोसळल्याचे वृत्त आहे. या विमानात एकूण ११६ जण होते. अल्जेरियाच्या हवाई वाहतूक खात्याने या बातमीला दुजोरा दिला आहे. या विमानात एकूण ११० प्रवासी आणि ६ क्रू मेंबर होते, अशी माहिती आहे. या विमानात अर्ध्याहून अधिक फ्रान्सचे नागरिक प्रवास करत होते.
बुर्किना फासोची राजधानी औगादुगोच्या विमानतळावरून उड्डाण केल्यानंतर ५० मिनिटांनी विमानाचा संपर्क तुटला होता. या विमानातील प्रवासी युरोप, मध्यपूर्व आणि कॅनडा येथे जाणारे होते, अशी माहिती आहे. विमानाच्या शोधा घेण्यासाठी मोठी शोधमोहीम हाती घेण्यात आली आहे. हे विमान एका आठवड्यात चार वेळा उड्डाण करत होते, अशी माहिती आहे.

यवतमाळ – अवकाशातील ग्रह ताºयांचे अनेकांना आकर्षण राहिले आहे. ग्रहांना अभ्यासकांचे नाव देण्याचा सन्मान काही ठराविक संशोधकांच्याच वाट्याला आला आहे. १५ फेब्रुवारी २००४ रोजी शोधलेल्या एका लघुग्रहाला यवतमाळ येथील डॉ. आशीष महाबळ या संशोधकाचे नाव देऊन सन्मान करण्यात आला.
डॉ. आशीष महाबळ हे १९९९ पासून अमेरीकेतील पॅसॅडेना येथील कॅलिफोर्नीया इन्स्टीट्यूट आॅफ टेक्नालॉजी (कॅलटेक) मध्ये वरिष्ठ संशोधक म्हणून कार्यरत आहेत.
डॉ. आशीष अरविंद महाबळ हे मूळचे यवतमाळचे. आजही त्यांचे आई बाबा येथेच राहतात. बाबा एल.आय.सी. मधे नोकरीत होते. त्यामुळे बाबा जेथे जेथे बदलून जायचे त्या त्या ठिकाणी त्यांचे शिक्षण झाले. प्राथमिक शिक्षण परभणी, यवतमाळ, चंद्रपूर येथे, तर त्यापूढील शिक्षण शिवाजी कॉलेज नागपूर येथे झाले. १९७९ साली अमेरीकेची स्काय लॅब पृथ्वीवर कोसळली. त्यावेळी या प्रकरणाचा खूप गाजावाजा झाला. व येथूनच डॉ. आशिषच्या मेंदूत अवकाशा विषयी प्रचंड जिज्ञासा निर्माण झाली. अवकाशा विषयीचे मुलाचे आकर्षण व जिद्द पाहून त्याच साली बाबांनी त्याला एक टेलीस्कोप घेउन दिला. तेव्हापासून टेलिस्कोपशी आशिषच नात जूळलं ते कायमचच. शिक्षण सुरू असतांनाच पूणे येथिल आयुका मधे वेळोवेळी होणाºया उन्हाळी शिबीरात त्याची नेहमीच हजेरी असायची. त्यामुळे डॉ. जयंतजी नारळीकर यांच्याशी जवळचे संबंध आले. परिणामत: तेथूनच अ‍ॅस्टंोफिजीक्स मधे पी.एच.डी. केली. याही पूढे जाउन २ वर्षे अहमदाबादमधे राहून पोष्ट डॉक्टरेट केले. नंतर १९९९ ला सरळ अमेरिका गाठली. साडे चार अब्ज वषार्पूर्वी जेव्हा आपली सूर्यमाला घडत होती, तेव्हा मंगळ आणि गुरू या ग्रहाच्या दरम्यान एक ‘फेथन’ नांवाचा ग्रह उदयास येत होता. मात्र गुरू आणि सूर्याच्या ओढा ताणीत त्याचे असंख्य तुकडे झाले व त्याच अवस्थेत ते आजतागायत सुयार्भोवती फिरत आहेत. याला ‘लघुग्रह’ असे म्हणतात. या ठिकाणी किमान १५ ते २० लाख लघुग्रह असावेत असा शास्त्रज्ञांचा अंदाज आहे.
अ‍ॅरिझोना मधील ‘कॅटलिना स्काय सर्व्हे’ नावाची संस्था, लघुग्रह शोधून त्याच्या कक्षा निश्चित करण्याचे काम करते. अमेरीकेतील पॅसॅडेना येथिल कॅलिफोनीर्या इन्स्टीटयूट आॅफ टेक्नालॉजी (कॅलटेक) च्या कॅटलिना रिअल टाईम टांन्झीयंट सर्व्हे (सी.आर.टी.एस.) या प्रकल्पा अंतर्गत कॅटलिना स्काय सर्व्हेचाच डाटा वापरला जातो. डॉ. आशिष महाबळ हे सी.आर.टी.एस. या संस्थेचे सदस्य आहेत. या सदस्यांनी १५ फेब्रुवारी २००४ रोजी, रेडिओ टेलिस्कोपच्या माध्यमांतून हा लघुग्रह शोधला. पुढे त्याचा आकार व कक्षा ठरविण्याच्या, डॉ. महाबळांच्या योगदानाबददल या लघुग्रहाला ‘महाबळ’ हे नाव देण्यात आले. लघुग्रहाचे नामकरण मायनर प्लॅनेट सेंटर ही संस्था करते. या लघुग्रहाची पर्यायी नांवे ९०४७२ आणि २००४ सी.टी. ९९ अशी आहेत. हा लघुग्रह अत्यंत लहान असून सध्या तो सूर्याच्या बाजूला – ३० अंशावर आहे. मात्र हा अत्यंत लहान असल्यामुळे हौशी दूबीर्णीतून दिसणे अवघड आहे. बालपणापासून आई वडील व वेळोवेळी लाभलेल्या गुरूजनांच्या मार्गदर्शनामूळे हे यश गाठता आले असे डॉ. आशिष महाबळांचे मत आहे. या निमित्ताने यवतमाळकरांचेच नव्हे तर भारत देशाचे नांव निदान या लघुग्रहाच्या उंची पर्यंत पोहोचले, यात शंका नाही.