यवतमाळ – अज्ञात वाहनाने दुचाकीला दिलेल्या धडकेत एका इसमाचा मृत्यू झाला. ही घटना पुसद तालुक्यातील येलदरी येथे घडली. सुरेश पोहणकर, असे मृताचे नाव आहे. पोहणकर हे आपल्या नातेवाईकासोबत दुचाकीने जात असताना अज्ञात वाहनाने त्यांच्या दुचाकीला धडक दिली. यात दोघेही गंभीर जखमी झाले. उपचारासाठी त्यांना रुग्णालयात नेण्यात आले. मात्र उपचाराला प्रतिसाद न दिल्याने सुरेश पोहणकर यांचा मृत्यू झाला. साहेबराव शामराव गोलाईतकर (४४) रा. वानोळा यांच्या तक्रारीवरून पुसद ग्रामीण पोलिसांनी अज्ञात वाहन चालकाविरुध्द गुन्हा नोंद केला आहे.

हाफीज सईद मुलाखत व कश्मीर वक्तव्याचा निषेध
यवतमाळ – २६/११ च्या दहशतवादी हल्ल्याचा मास्टर मार्इंड हाफीज सईदची मुलाखत घेउन, कश्मीर संदर्भात बेजबाबदार वक्तव्य करणाºया वेदप्रकाश वैदीक यांचा जिल्हा शिवेसनेने निषेध नोंदवित आज बुधवारी दत्त चौकात प्रतिकात्मक पुतळा जाळला.
गेल्या काही दिवसापुर्वी वेदप्रकाश वैदीक यांनी पाकिस्थानात जाउन, दहशवादी हल्ल्याशी संबधीत असलेल्या हाफीज सईदची मुलाखत घेतली. तसेच कश्मीर संदर्भात बेजबाबदार विधान केले. याबाबतचे छायाचित्र देशभरातील वृत्तपत्रात प्रसिध्द  झाल्याने याचे पडसाद यवतमाळात उमटले असून, आज जिल्हा शिवसेनेने दत्त चौकात वैदिक यांच्या विरोधात नारेबाजी करून निषेध नोंदविला.  जिल्हाप्रमुख बाळासाहेब मुनगीनवार, उपजिल्हाप्रमुख गजानन डोमाळे, राजेंद्र गायकवाड, तालुका प्रमुख किशोर इंगळे, शहर प्रमुख पराग पिंगळे यांच्या नेतृत्वात वेदप्रकाश  वैदीक यांच्या प्रतिकात्मक पुतळ जाळण्यात आला. यावेळी संजय रंगे, सुरेश ढेकळे, राजू टोंबरे, संतोष गदई, गिरीष व्यास, अरूण वाकडे, प्रमोद जाटे, काजल काबंळे आदी शिवसैनिक उपस्थित होते.

टायरचोरीचे कनेक्शन मद्रास, हैद्राबादमध्ये ; २१ जुलै पर्यंत पोलीस कोठडी
यवतमाळ  – महाराष्टÑासह इतर राज्यातून टायर चोरून मध्यप्रदेशात नेणारी टोळीला स्थानिक गुन्हे शाखेच्या पथकाने नेर  येथे जेरबंद केले. यातील तीन आरोपी चालक असून मालकाने दिलेला माल इमानदारीने नियोजित ठिकाणी पोहोचवित होते. मात्र परतीच्या प्रवासामध्ये रस्त्यावर उभ्या असलेल्या वाहनांची चाके व इतर साहित्य चोरी करीत असल्याची कबुली दिली. मद्रास, हैद्राबादसह अन्य राज्यांतही या टोळीचे नेटवर्क असून, आरोपी वाढण्याची शक्यता पोलिसांनी वर्तविली आहे. पोलिसांनी आरोपींना अटक करून न्यायालयात हजर करून २१ जुलैपर्यंत पोलीस कोेठडी मिळविली.
तीन महिन्यांपूर्वी लाडखेड येथील बसस्थानकासमोर उभ्या अससेल्या कन्टेनरची १५ चाके चोरट्यांनी चोरून नेले होते. सदर चोरी या टोळीने केली असावी, या संशयावरून त्यांची कसून चौकशी सुरू आहे. घनश्याम गाझी जाटम रा. डोंगरपुरा जि. बाझापूर, अरारफ खान वहित खान रा. मोना जि. ग्वालीयर, अनिस खान रसूल खान रा. मगेरा जि. शिप्रा, इस्ताप रशिल खान रा. मोना जि. ग्वालीयर (मध्यप्रदेश) अशी आरोपींची नावे आहे. त्यापैकी तीन जण ग्वालीयार येथील ट्रान्सपोर्ट कंपनीमध्ये चालक म्हणून नोकरी करीत होते. दोन दिवसांपूर्वी आर्णी व अन्य भागातून चार चाकी वाहनाचे टायर चोरून नेत असल्याच्या गुप्त माहितीवरून स्थानिक गुन्हे शाखेच्या पथकाने या टोळीचा पर्दाफाश केला. त्यांच्याकडून  एम एच ०६/ २१६२ क्रमांकाचा ट्रक व १३ टायर जप्त केले. पाचही आरोपींना न्यायालयात हजर करून २१ जुलै पर्यंत पोलीस कोठडी मिळविली. या आरोपींची कसून चौकशी केली असता आरोपीपैकी तीन जण ट्रान्सपोर्ट कंपनीमध्ये चालक म्हणून नोकरी करीत असून दोन जण हेल्पर म्हणून काम करत असल्याचे उघड तपासात निष्पन्न झाले.  ग्वालीयर येथून ट्रान्सपोर्ट कंपनीमधून साहित्य घेऊन ते मद्रास, हैद्राबादसह अन्य राज्यात जातात. इमानदारीने नियोजीत ठिकाणी सर्व माल पोहचवून परतीच्या प्रवासात येताना ते चोरी करीत असल्याचे त्यांनी पोलिसांना सांगितले. महामार्गावर थांबून असलेले अपघातग्रस्त वाहनासह अन्य ट्रक, कारचे चक्के, बॅटºया डिजल आदि साहित्य  चोरी करण्याचा गोरखधंदा ते करीत होते. यामध्ये आणखी गुन्हे उघडकीस येऊन आरोपी वाढण्याची शक्यता पोलिसांनी वर्तविली आहे. अधिक तपास स्थानिक गुन्हे शाखेचे पोलीस निरीक्षक शिवाजी बचाटे यांच्या मार्गदर्शनाखाली साहाय्यक पोलीस निरीक्षक महेश तोगडवार करीत आहे.

वणी – तालुक्यातील भालर शिवारामध्ये वीज पडून ३३ वर्षीय महिलेचा मृत्यू झाला असून नऊ मजूर जखमी झाल्याची घटना दि़१३ जुलै ला ४.१५ वाजता घडली़
भालर शिवारातील विठोबा हेपट यांच्या शेतात काम करणाºया दहा मजूरांवर वीज पडल्यामुळे ज्योती शिवा दोडके ही ३३ वर्षीय महिला जागीच मृत्यूमुखी पडली़ वीजेचा धक्का एवढा जबरदस्त होता की, शेतात काम करणारे शेतमालक विठोबा हेपट, अर्चना अशोक गोहोकार, लता नथ्थू टेकाळ, मंजूषा तुळशीराम गोहोकार, योगीता लक्ष्मण दोडके, मंदा विठोबा हेपट, शिवा दोडके हे जखमी झाले असून संगीता मारोती गोहोकार हीची प्रकृती गंभीर असल्याच्या कारणावरुन तीला उपचारार्थ चंद्रपूर येथे हलविण्यात आले आहे़
गत ४० दिवसापासून शेतकरी वर्ग पावसाची आतूरतेने वाट पाहत होते़ भालर शिवारातील हेपट यांनी काही प्रमाणात सिंचन करुन बियानांची लागवड केली होती़ शेतीच्या कामाकरीता मजूरवर्ग शेतात राबत असतांना ४ वाजताच्या सुमारास मेघगर्जनेसह पाऊस पडत असतांना ही घटना घडली़ या घटनेमुळे भालर गांवात शोककळा पसरली आहे़

मनसेच्या बैठकीत कार्यकर्त्यांचा सूर
यवतमाळ – विधासभा मतदारासंघासाठी उमेदवारांची चाचपणी करण्यासाठी आलेले मनसेचे सरचिटणिस तथा आ. शिशिर शिंदे यांनी आज शुक्रवारी स्थानिक विश्रामगृहात कार्यकर्त्यांची बैठक घेतली. विधानसभा निवडणूक डोळ््यासमोर ठेवून कार्यकर्त्यांनी कामाला लागण्याचे आदेश आ. शिंदे यांनी दिल्यावर कार्यकर्त्यांनी आधी लोकसभेचा हिशेब चुकता करा, नंतरच विधानसभा बोला, असा सूर आवळला. लोकसभा निवडणुकीत कार्यकर्त्यांनी पक्षासाठी काम केल्यानंतर ज्या कार्यकर्त्यांवर जबाबदारी देण्यात आली. त्यांना उमेदवाराने पैसे न दिल्याने निवडणुकीचे कर्ज कार्यकर्त्यांना फेडावे लागत असून, कार्यकर्ते दुरावल्या गेल्याने आजच्या बैठकीत कार्यकर्त्यांनी आपल्या भावना नेत्यांपुढे व्यक्त केल्या.
गेल्या काही वर्षात जिल्ह्यात मनसे चांगली वाढत असल्याचे पाहूनच मनसे अध्यक्ष राज ठाकरे यांनी यवतमाळ-वाशीम लोकसभा मतदारसंघात उमेदवारी देण्याचा निर्णय घेतला होता. त्यांनी सभेसाठी होकार दिल्याने व यवतमाळात प्रथमच राज ठाकरे यांची सभा होत असल्याने सच्चे कार्यकर्ते जाम खूश होते. अभूतपूर्व अशी सभा यवतमाळात झाल्यानंतर मनसेच्या उमेदवाराला विजयी करण्यासाठी कार्यकर्ते व पदाधिकारी जोमाने कामाला लागले. मतदारसंघात दोन जिल्हे असल्यामुळे उमेदवाराने यवतमाळ जिल्ह्याची जबाबदारी काही पदाधिकारी व कार्यकर्त्यांवर दिली. प्रचारासाठी, आॅटो, लाऊडस्पिकर, कार्यकर्त्यांना चहा, पाणी आदी खर्च केला.  लोकसभा निवडणुकीचा निकाल जाहीर झाल्यानंतर उमेदवाराचा दारुण पराभव झाला. त्यानंतर उमेदवार यवतमाळ जिल्ह्याकडे फिरकलाच नाही. कार्यकर्ते लोकांचे देणे बाकी असल्याचे फोन लावत असताना, पैसे देण्याचे उमेदवाराने टाळले. आगामी विधानसभा निवडणुका तोंडावर असल्यामुळे सर्वच पक्षात हालचाली सुरू झाल्या असताना, मनसेही विधानसभा काबीज करण्यासाठी जिल्ह्या-जिल्ह्याच्या दौºयावर निघाली आहे. याच पार्श्वभूमीवर पक्षाचे सरचिटणिस आ. शिशिर शिंदे, माजी आ. जयप्रकाश बावीस्कर व शिरीष सावंत जिल्ह्याच्या दौºयावर काल गुरुवारपासून आहे. उमरखेड व पुसद मतदारसंघाची चाचपणी करण्यासाठी पुसदमध्ये बैठक घेतली. आज शुक्रवारी यवतमाळ, वणी, दिग्रस, पांढरकवडा या चार तालुक्यांतील पदाधिकारी व कार्यकर्त्यांची बैठक विश्रामगृहात घेतली. या बैठकीत कार्यकर्त्यांनी लोकसभेच्या निवडणुकीचा खर्च उमेदवाराने आमच्या बोकांडी बसविला आहे. याचा हिशेब आधी चुकता करा, त्यानंतरच विधानसभा निवडणुकीचे बोला. असा सूर आवळल्याचे सूत्रांनी सांगितले. या बैठकीत यवतमाळ विधानसभा मतदारसंघासाठी मनसेचे जिल्हाध्यक्ष अशोक पुरी, सागर पुरी, आनंद एंबडवार, अनिल हमदापुरे, संजय बोकसे, मंगेश रुईकर वणीसाठी जिल्हाध्यक्ष राजू उंबरकर, महिला जिल्हाध्यक्ष योगिता काळे, दिग्रससाठी विकास पवार, केळापूर-आर्णीसाठी जिल्हा परिषद सदस्य अल्का टेकाम यांनी उमेदवारीसाठी इच्छा व्यक्त केली आहे. याचा अहवाल राज ठाकरे यांच्यापुढे सादर करण्यात येणार आहे. त्यानंतरच   उमेदवारांची घोषणा होणार आहे.

यवतमाळ –  यावर्षी पाऊस लांबणीवर गेल्यामुळे यवतमाळ शहर व परिसरातील गावांना  पाणीपुरवठा करण्यात येणाºया निळोणा धरणातील पाणीउपसा करण्यायोग्य साठा संपुष्टात येत असल्यामुळे १० जूलै पासून शहर व परिसरातील गावांना तीन दिवसाआड पाणी पुरवठा करण्यात येणार आहे.
१० जूलै पासून पुढीलप्रमाणे पाणीपुरवठा करण्यात येणार आहे. १० जूलै रोजी कळंब चौक, पाटीपुरा, अंबिका नगर, राजाराम नगर, सुराना लेआऊट, पांढरकवडा रोड, सेवा नगर, तायडे न गर, बाबा नगर, इंदिरा नगर, तारपुरा, इस्लामपुरा, कुंभारपुरा, नवाबपुरा, शारदाचौक, छोटी गूजरी, मारवाडी चौक, सरदार चौक, शनी मंदीर चौक, मारवाडी पूरा, मेन मार्केट, माळी पूरा, गौरक्षण, इंदीरा मार्केट, सिव्हील लाईन, पेशवे प्लॉट, अप्सरा भाजी मंडी, हनूमान आखाडा परिसर, जूनी धमर्शाळा, भावे वाडा, गांधी नगर, गौतम नगर, वंजारी फैल, गौदामफैल, जाजू चौक, शिंदे नगर, मिलींद सोसायटी, बाजोरीया नगर, विदर्भ हाऊसिंग, जामनकर नगर, विवेकानंद  कॉलनी, रामकृष्ण मठ, आदिवासी सोसायटी, अमराईपूरा, बोबडे किराणा परिसर, बॉम्बेटेलर्स परिसर, ग्रामपंचायत भोसा अंतग्रत वसाहती, ताजगोपाल नगर, डेहनकर लेआऊट, अरुणोदय सोसायटी, प्रभात  नगर, बिलाल सोसायटी, भारत नगर, कोहीनूर सोसायटी या परिसरात गोदणी रोडवरील पाण्याच्या टाकी द्वारे २१ इंची झोनसाठी पाणीपुरवठा होईल.
११ जूलै रोजी  विदर्भ हाऊसिंग, महेंद्र चौक, टिळक वाडी, दत्त चौक,  शिन्दे प्लॉट, समथर्वाडी, गिलाणी नगर, आनंद नगर, शाम सोसायटी, वेदधारीणी, उमरसरा, बालाजी सोसायटी, सूचक नगर, शिरे लेआऊट, शास्त्री सोसायटी, हनूमान नगर, राजहंस कॉलनी, भाग्योदय सोसायटी, अयोध्या नगर, गणेश नगर, शितल सोसायटी, धनश्री, महालक्ष्मी, महादेव नगर, ओम कॉलनी, आनंद कॉलनी, जि.प. कॉलनी, आर्णी रोड, शिवाजी नगर, वैद्य नगर, काळे लेआऊट, उमरसरा ग्रामपंचायत वसाहत, महाजन लेआऊट, चापडोह पुर्नवसन. तसेच दर्डा नगर पाण्याच्या टाकीद्वारे  कृषी नगर, ओम कॉलनी, श्रध्दा नगर, गुरुकृपा नगर, निरोही नगर, मुलकी, रामकृष्ण नगरी, जांब रोड, वरचा सर्व भाग, समता नगर, शारदा  नगर, बेले लेआऊट, पृथ्वीराज नगर, तुळजानगरी, उज्वल नगर, सुभाष नगर, कूंदन नगर, ग्रिनपार्क सोसायटी, एकलव्य नगर, प्रजापती नगर, राठोड लेआऊट, शांती नगर वडगांव , कोल्हे लेआऊट, श्रीकृष्ण नगर, दर्डा नगर, पुष्पकूंज, अंजनेय सोसायटीमध्ये पाणी पुरवठा केल्या जाईल.
१२ जूल ैरोजी दर्डा नगर येथील पाण्याच्या टाकीद्वारे सिंघानीया नगर, नेताजी नगर, सुककर्ता नगर, पटवारी कॉलनी, संभाजी नगर, अंबाजी नगर, बोरुंदीया नगर, महात्मा फुले बनकर लेआऊट, रेणूका नगरी, महाविर नगर, नवाब बाबा मठ परिसर करीम नगर, रुग्णालय सोसायटी या परिसरास तर १३ जुलै रोजी वाघापूर आणि पिंपळगाव टाकीद्वारे वाघापूर टेकडी, आठवले लेआऊट, वाघाई नगरी, नवरंग सोसायटी, वाघापूर गावठाण, बांगर नगर, गिरी नगर, वि ठठलवाडी, लोखंडे प्लॉट, शिरभाते प्लॉट, जि.प. कॉलन, राजेंद्र नगर, वारंगे नगर, गोदाम फैईल, तलाव फैईल, सेमीनरी लेआऊट, गजानन नगर, साई नगर, चोखानी जिनींग पिंपळगाव,महिला तंत्र निकेतन, आय.टी.आय. राज रतन नगर, गिरीजा नगर, तात्रिक सोसायटी, मोहा, चांदोरे नगर, सुरेश नगर, पिंपळगाव वसाहत पुर्ण, आदी भागात पाणीपुरवठा करण्यात येणार आहे. याच क्रमाणे तिसºया दिवशी प्रत्येक भागात पाणीपुरवठा होईल असे कायर्कारी अभियंता महाराष्टÑ जिवन प्राधीकरण व जलव्यवस्थापन यांनी कळविले आहे.