यवतमाळ – लोकसभा निवडणूक रिंगणात असलेल्या उमेदवारांच्या प्रचारार्थ काँग्रेसचे राष्ट्रीय  उपाध्यक्ष राहुल गांधी ४ एप्रिल रोजी यवतमाळच्या दौºयावर आहेत.
यवतमाळ-वाशीम, हिंगोली व चंद्रपूर लोकसभेकरीता उभ्या असलेल्या कॉंग्रेस उमेदवारांच्या प्रचारार्थ येथील पोस्टल मैदानावर आयोजीत सभेला ते संबोधनार आहे. अशी माहिती आज बुधवारी जिल्हा कॉंग्रेसच्या वतीने आयोजीत पत्रकार परिषदेत दिली. यावेळी कॉंग्रेसचे उमेदवार शिवाजीराव मोघे, जिल्हाध्यक्ष आ़ वामनराव कासावार आदी उपस्थित होते़ ४ एप्रिलला सकाळी १०़४५ वाजता राहुल गांधींच्या सभेला प्रारंभ होणार असल्याचे आ़ कासावार यांनी सांगितले़ या प्रचारसभेच्या कार्यक्रमात राज्याचे मुख्यमंत्री पृथ्वीराज चव्हाण, प्रदेशाध्यक्ष आ़ माणिकराव ठाकरे आदी नेते मंडळी उपस्थित राहणार आहे. यवतमाळ-वाशीम लोकसभेचे उमेदवार शिवाजीराव मोघे, हिंगोलीचे राजीव सातव व चंद्रपूरचे संजय देवतळे या तिन्ही उमेदवारांची ही संयुक्त प्रचारसभा असल्याचे त्यांनी सांगितले. तसेच ६ एप्रिल रोजी कृषी मंत्री शरद पवार यांची मंगरूळपीर येथे जाहीर प्रचारसभा होत असल्याचे शिवाजीराव मोघे यांनी सांगितले. या सभेला नागरिकांनी उपस्थित राहावे असे आवाहन त्यांनी केले.

यवतमाळ – स्कुलबसने दुचाकीला धडक दिल्याने फौजदार जागीच ठार झाल्याची घटना आज सकाळी १०.३० वाजता वरुड येथे घडली. भाऊराव हनुमंत करे (५७) असे मृतकाचे नाव असून ते दिग्रस पोलिस ठाण्यात सहा. पोलीस उपनिरीक्षक म्हणून कार्यरत होते. आज पुसद येथे न्यायालयात ते साक्ष देण्यासाठी आपल्या दुचाकीने जात होते. अशातच समोरुन आलेल्या स्कुल बसने दुचाकीला धडक दिली. ही धडक एवढी जबर होती की, यामध्ये करे यांचा जागीच मृत्यू झाला. या घटनेची माहिती मिळताच पोलिसांनी घडनास्थळ गाठून पंचनामा करुन मृतदेह शवविच्छेदनासाठी पाठविले. या प्रकरणी स्कुल बस चालकाविरुद्घ गुन्हा दाखल केला असून तपास सुरु आहे. या घटनेने दिग्रस येथे शोककळा पसरली होती.

रायबरेली येथे उमेदवारी अर्ज दाखल करण्यापूर्वी काँग्रेस अध्यक्ष सोनिया गांधी यांनी पुजा केली.

सॅंटिगो – दक्षिण अमेरिकेजवळ असणा-या उत्तर चिलीला मंगळवारी रात्री ८.२ रिश्टर स्केल तीव्रतेच्या भूकंपाचा धक्का बसला. या भूकंपानंतर चिलीच्या समुद्रात सौम्य स्वरुपाच्या त्सुनामीच्या लाटा उसळल्याने पॅसिफिक किनारपट्टीजवळ रहाणा-या नागरिकांना सुरक्षित स्थळी हलवण्यात येत आहे. या भूकंपामध्ये पाच जणांचा मृत्यू झाला असून, काही प्रमाणात वित्तहानी झाली आहे. अनेक भागात वीज पुरवठा खंडीत झाला असून, दरडी कोसळल्याने रस्ते बंद झाले आहेत. विमानतळाचेही काही प्रमाणात नुकसान झाले असून, अनेक ठिकाणी आगी लागण्याच्या घटना घडल्या आहेत. या भूकंपाचा फायदा घेऊन, लिक्यूक्यू शहरातील तुरुंगातून ३०० महिला कैदी पळून गेल्या. पडझड झालेल्या भागात लुटमारीच्या घटना रोखण्यासाठी पोलिसांच्या मदतीला लष्कराच्या विशेष तुकडया पाठवण्यात आल्या आहेत. पेरु, बोलिव्हीया पर्यंत या भूकंपाचे हादरे जाणवले. येथील अनेक इमारती भूकंपाच्या धक्क्याने हादरल्या. भूकंपानंतर दक्षिण अमेरिकेतील अनेक देशांसाठी त्सुनामीचा इशारा जारी करण्यात आला होता. नंतर तो मागे घेण्यात आला. आता फक्त उत्तर चिलीसाठी त्सुनामीचा इशारा कायम ठेवण्यात आला आहे. महाराष्ट्रातही भूकंपाचे धक्के महाराष्ट्रातील कोयना आणि पाटण परिसर सकाळी साडेसातच्या सुमारास सौम्य भूकंपाच्या धक्क्याने हादरला. कोकणात चिपळूण, संगमेश्वर भागातही काही सेकंद भूकंपाने जमीन हादरत असल्याचे जाणवले.

मुंबई- बजेट एअरलाइन्स असलेल्या स्पाइस जेटने हवाई क्षेत्रातील स्पर्धेला नवे वळण दिले आहे. कंपनीने मंगळवारी केवळ एक रुपयाच्या नाममात्र आधार भाडयावर (कर आणि इतर शुल्क वगळता) मर्यादित कालावधीसाठी तिकिटांची घोषणा केली. खास सुट्टीत चालवण्यात येणा-या नव्या मार्गावरील या तिकिटांवर एक जुलैपासून २८ मार्च या दरम्यान प्रवास करता येणार असल्याचे कंपनीने म्हटले आहे. स्पाइस जेटच्या या आक्रमक सवलतीने देशांतर्गत विमान कंपन्यांमधील स्पर्धा आणखी तीव्र झाली आहे. ऐन सुट्टीच्या हंगामात स्पाइसकडून अशी आकर्षक सवलत जाहीर केल्याने इतर कंपन्या काय प्रतिसाद देतात ते पाहणे औत्सुक्याचे ठरणार आहे. एक रुपयातील प्रवासाव्यतिरिक्त कंपनीने ७९९ रुपये आणि १४९९ रुपये भाडे असलेल्या दोन योजना आणल्या आहेत. या योजनेंतर्गत गुरुवापर्यंत प्रवाशांना तिकिटांचे बुकिंग करता येणार आहे. याआधीच्या दोन सवलत योजनांना प्रवाशांकडून मोठ्या प्रमाणात प्रतिसाद मिळाला. या सवलतीतूनही नवीन प्रवाशांना आकर्षित करण्यात यशस्वी होऊ असा विश्वास स्पाइस जेटचे मुख्य परिचालन अधिकारी संजीव कपूर यांनी व्यक्त केला