उमरखेड –  मालमत्ता विक्रीच्या सौदयात दिलेला धनादेश अनादर झाल्याने सराफा व्यावसायीकाला दोन महिने शिक्षा सुनावली. येथील प्रथमश्रेणी न्यायदंडाधिकारी शेंडे यांनी आज हा निकाल दिला.
श्याम विठ्ठल उदावंत असे सराफा व्यावसायीकाचे नाव आहे. येथील प्रतिष्ठीत पुरुषोत्तम भंडारी यानी आरोपी श्याम उदावंत यांची मालमत्ता विकत घेण्याचा तोंडी सौदा केला होता. सौद्यापोटी त्यानी पाच लाख रुपये अनातमत रक्कम घेतली. त्यानंतर अडचण संपल्याचे कारण सांगून सौदा रद्द करून भंडारी याना पाच लाखाचा धनादेश दिला. तो धनादेश अनादर झाल्याचे व्यापाºयाविरूद्घ फौजदारी प्रकरण दाखल केले. ह्या प्रकरणाची सुनावणी येथील प्रथमश्रेणी न्यायदंडाधिकारी शेंडे यांच्या न्यायालयात पार पडली. यामध्ये फिर्यादी, आरोपी, नागपूर येथील हस्ताक्षर तज्ञ अ‍ॅड. उल्हास आटले यांच्यासह अन्य साक्ष पुरावे तपासले. यामध्ये फिर्यादी भंडारी यांची साक्ष ग्राह्य धरून व्यापारी उदावंत यास दोन महिने साधी कैदेची  शिक्षा ठोठावली.

यवतमाळ  – येथील तीवारी चौकातील लॉटरी सेंटरवर धाड टाकून विशेष पथकाने दोन जणांना अटक केली. स्थानिक तीवारी चौकात महालक्ष्मी लॉटरी सेंटर असून तेथे अवैधपने मोबाईलवरून  मटका व्यवसाय सुरु असल्याची माहिती विशेष पथकाला मिळाली होती. त्यावरून पथकाने धाड टाकून संजय सावरकर, प्रशांत कदम या दोघांना अटक केली. त्याच्याकडून १५ हजार ५३० रुपये रोख व मोबाईल असा एकुण १६ हजार ३३० रुपयाचा माल जप्त केला. याप्रकरणी वडगाव रोड पोलिसांनी गुन्हा दाखल केला. तसेच मटका चालक  निलेश भोंगाडे याच्या विरूद्घही गुन्हा दाखल केला.  ही कार्यवाही विशेष पथकाचे पोलीस उपनिरीक्षक राजू वटाणे, जमादार विजय डबले, ऋषी ठाकुर, विशाल भगत, रितूराज मेंढवे,प्रविण गौरखेडे यांनी केली.

यवतमाळ – दलित वस्त्यामध्ये मुलभूत सोयीसुविधा पुरवून त्याचे जीवनमान उंचावण्यासाठी शासनाकडून अनेक योजना राबविण्यात येते. सामाजिक न्याय व विशेष सहाय्यक विभागाने जिल्ह्यातील १३२ गावातील दलित वस्तीतील कामांसाठी ९ कोटी ८९ लाख निधीला मंजुरी दिली आहे. या निधीतून सिमेंट रस्ते, पाण्याची टाकी, सिमेंट नालीचे बांधकाम करण्यात येणार आहे.
अनुसूचित जातीच्या समजाचे लोक समुहाने गावाच्या परिसमेत वास्तव्य करीत राहतात. बºयाचदा अनुसूचित जातींपैकी उपजाती व जातीनिहाय घरे वेगवेगळ््या समुहाने एकत्रित वास्तव्य करून राहतात. अशा प्रकारे वास्तव्य करून असलेल्या सर्व जाती, उपजातीच्या वस्तीस दलित वस्ती असे संबोधण्यात येते. या  वस्त्यामध्ये मुलभूत सोयीसुविधा पुरवून तेथील लोकांचे जीवनमान उंचावण्यासाठी १९७४ पासून दलित वस्ती सुधार योजनेची अंमलबजावणी करण्यात येते. या अंतर्गत दलित वस्त्यांमधील रस्ते, नाली बांधणे, पाणीपुरवठ ा, पाण्याचा हौद, समाजमंदिर रस्त्यावरील विद्युत पुरवठा, शौचालये इत्यादी गरजा विचारात घेऊन सदर नागरी सुविधांच्या विकास कामांना प्रशासकीय मंजूरी दिली जाते. अनुसूचित जाती व नवबौद्घ घटकांच्या वस्तीचा विकास करणे या योजनेसाठी सन २०१३-१४ या  आर्थीक वर्षात जिल्ह्यासाठी ९कोटी ८९ लाखाचा निधी मंजूर केला. जिल्ह्यातील दारव्हा तालुक्यातील १९, यवतमाळ १४, उमरखेड २२, महागाव १४, मारेगाव १, वणी ४, झरी ५, राळेगाव १५, कळंब ११, बाभुळगाव ९, पांढरकवडा ३, पुसद १५ ग्रामपंचायतमधील रस्ते व समाज मंदिराचे बांधकाम करण्यात येणार आहे. सामाजिक न्याय व विशेष सहाय्य विभागाने निधी मंजुर केल्याने ग्रामीण भागातील दलित वस्त्याची कायापालट होणार आहे.

यवतमाळ दि. 06 : राज्याचे सामाजिक न्याय, विमुक्त भटक्या जमाती, इतर मागासवर्गीयचे कल्याण, व व्यसनमुक्ती कार्यमंत्री शिवाजीराव मोघे जिल्ह्याच्या दौऱ्यावर आले असून त्यांचा दौरा कार्यक्रम पुढीलप्रमाणे आहे.
शुक्रवार 7 फेब्रुवारी रोजी यवतमाळ येथून सकाळी 9 वाजता आर्णीकडे प्रयाण. सकाळी 9.30 वाजता आर्णी येथे कंम्बलपोश दर्गा येथे भेट. सकाळी 10.30 वाजता सायतखर्डा रामपूर रस्त्याचे भुमीपूजन, सायतखर्डा येथे दलीत वस्तीमधील सिमेंट रस्त्याचे बांधकाम, स्मशान भुमीचे बांधकाम, उद्घाटन. सकाळी 11 वाजता दत्तापूर येथे सामाजिक सभागृहाचे बांधकाम तसेच ठक्करबापा योजनेतंर्गत रस्ता भुमीपूजन कार्यक्रमास उपस्थिती.
दुपारी 12 वाजता शरद येथे सिमेंट रस्ता बांधकामाचे भुमीपूजन दुपारी 12.30 वाजता वगारा येथे तांडा वस्ती सुधार योजनेतंर्गत रस्त्याचे भुमीपूजन, पंतप्रधान ग्रामसडक योजनेतंर्गत पुलाच्या बांधकामाचे उद्घाटन सर्वशिक्षा अभियानातंर्गत शाळा खोलीचे बांधकामाचे उद्घाटन. दुपारी 1 वाजता सावरगाव (मंगी) येथे कब्रस्थानच्या संरक्षण भिंतीच्या बांधकामाचे उद्घाटन. दुपारी 2 वाजता सगदा येथे रस्त्याचे बांधकामाचे उद्घाटन. दुपारी 2.30 वाजता ठाणेगाव येथे सामाजिक सभागृहाच्या बांधकामाचे उद्घाटन. दुपारी 3 वाजता राजापेठ येथे तांडा वंस्ती सुधार योजनेतंर्गत रस्ता बांधकामाचे उद्घाटन. दुपारी 3.30 वाजता पारवा येथे दलीत वस्तीसुधार योजनेंतंर्गत रस्ता बंधकाम, कब्रस्थानच्या संरक्षण भिंतीचे उद्घाटन. सायंकाळी 4 वाजता वाढोणा येथे कब्रस्थानच्या संरक्षण भिंतीचे उद्घाटन. सायंकाळी 4.30 वाजता घटाळा येथे नाली बांधकामाचे उद्घाटन. सायंकाळी 5 वाजता मेजदा येथे ठक्करबापा योजनेतर्गत रस्त्याचे भुमीपूजन. सायंकाळी 5.30 वाजता राहटी येथे ठक्करबापा योजनेतर्गत रस्त्याचे भुमीपूजन. आदी कार्यक्रमास उपस्थित राहून सोईनुसार यवतमाळकडे प्रयाण. यवतमाळ येथे आगमन व मुक्काम.
शनिवार दिनांक 8 फेब्रुवारी रोजी यवतमाळ येथुन नागपूरकडे प्रयाण. रविवार दिनांक 9 फेब्रुवारी रोजी नागपूर येथील कार्यक्रम आटोपून यवतमाळ कडे प्रयाण आगमन व मुक्काम.
सोमवार दिनांक 10 फेब्रुवारी रोजी यवतमाळ येथुन चंद्रपुर कडे प्रयाण. चंद्रपुर जिल्हयातील कार्यक्रम आटोपून सोईनुसार यवतमाळकडे प्रयाण आगमन व मुक्काम.
मंगळवार दिनांक 11 फेब्रुवारी रोजी यवतमाळ येथे राखीव. मतदार संघातील विविध कार्यक्रमांना उपस्थिती. सोईनुसार यवतमाळ येथुन धामणगांव कडे प्रयाण. व तेथुन सायंकाळी 7 वाजता विदर्भ एक्सप्रेसने मुंबईकडे प्रयाण.