यवतमाळ : अवैधपने दुचाकीवरून दारुची वाहतुक करणाºया एका हॉटेल मालकास आर्थीक गुन्हे शाखा पथकाने अटक केली. तर विशेष पथकाने धाड टाकून दारु विक्री करणाºया एका विक्रेत्यास अटक केली.
मनिष दिवाकर वाघमारे रा. अंबिका नगर याने दत्त चौकातील जे के  वाईन बारमधून विदेशी दारू विकत घेतली. सदर दारुच्या बाटल्या पिशवीत भरून  एम.एच. २९ / डब्ल्यू ४१४ क्रमांकाच्या दुचाकीने हॉटेल व्हेरीटेजमध्ये घेवून जात होता. अशातच शारदा चौकात स्थानिक गुन्हे शाखा अधिनिस्थ आर्थीक गुन्हे शाखेच्या पथकाने   दुचाकीसह विदेशी दारु असे एकुण २७ हजार ८१० रुपयाचा मुद्देमाल जप्त केला. याप्रकरणी वाघमारे याच्याविरूद्घ गुन्हा दाखल करून अटक केली. ही कार्यवाही पथकाचे सहा. पोलीस निरीक्षक के.एम. मसराम, जमा. प्रेमदास आडे, रावसाहेब शेंडे, किरण श्रीरामे, विजय पवार, राजू झाडे यांनी केली. तसेच अंबानगर रेल्वेस्टेशन परिसरात घरीच दारु विक्री करणाºया जाजूसिंग संतोषसिंग बावरी (२१) यास अटक करून १ हजार ४८८ रुपयाची दारु जप्त केली. जिल्हा विशेष शाखेचे पोलीस उपनिरीक्षक राजू वटाणे यांच्या पथकाने ही कारवाई केली.

यवतमाळ :  येथून वर्धेकडे जाणाºया दाम्पत्याची दुचाकी अडवून चाकुच्या धाकावर एक लाख २५ हजाराचे दागिन्यासह रोख रक्कम लुटल्याची घटना आज जवाहर नगरजवळ घडली. अमोल मोहन पांडे (३२) रा. सेवाग्राम वर्धा हे पत्नी व मुलीला घेऊन बलवंत मंगल कार्यालयात लग्नसमारंभासाठी आले होते. लग्न समारंभ आटोपून ते दुचाकीने वर्धेकडे जात होते. अशातच जवाहर नगरजवळ तोंडाला कापड बांधून आलेल्या तीन जणांनी पांडे यांना हात दाखवून दुचाकी थांबविली. त्यानंतर चाकुचा धाक दाखवून पांडेच्या पत्नीच्या गळ््यातील सोन्याचे दागिने अंगठी असे ४५ ग्रॅम सोने व १ हजार २०० रुपये रोख असा एकुण एक लाख २५ हजाराचा मुद्देमाल घेऊन पोबारा केला. पांडे यांनी शहर पोलीस ठाणे गाठून याबाबतची तक्रार नोंदविली. याप्रकरणी पोलिसांनी तीन्ही चोरट्याविरूद्घ भादंवि कलम ३९२, ३४ अंतर्गत गुन्हा दाखल केला असून तपास सुरु आहे.

पांढरकवडा (यवतमाळ) : पाटणबोरी येथील बसस्थानकावर आज पहाटे पिंपरी बोरी येथील एका इसमाचा मृतदेह आढळल्याने खळबळ उडाली आहे. विश्वनाथ शामराव कदम (४५, रा. पिंपरी बोरी ) असे मृतकाचे नाव आहे. मुळ नांदेड जिल्ह्यातील हिमायतनगर येथील तो रहिवासी असून पोटाची खळगी भरण्यासाठी चार वर्षापासून पिंपरी येथे आला होता. अशातच काही वर्षापूर्वी त्याने बाजीराव बाबाची दिक्षा घेतली व सत्संगामध्ये सहभाग घेत असल्याचे गावकºयांनी सांगितले. १८ फेबु्रवारी रोजी नंदिग्राम एक्सप्रेसने हिमायत नगरवरून पिंपरी येथे जाण्याकरीता पाटणबोरी बसस्थानकावर थांबला होता. दरम्यानान आज बुधवारी पहाटे त्याचा मृतदेह आढळल्याने खळबळ उडाली आहे. हृदयविकाराचा झटका, थंडीने कुडकुडून, आत्महत्या किंवा घातपाताने त्याचा मृत्यू झाला या दिशेने पोलिस तपास करीत आहे. या घटनेची माहिती मिळताच पोलिसांनी घटनास्थळ गाठून पंचनामा करून मृतदेह शवविच्छेदनासाठी पाठविला. मृतकाच्या मागे पत्नी, मुलगा दशरथ, मुलगी वर्षा व बराच मोठा आप्त परिवार आहे.

मिरपूर : तुम्ही जर क्रिकेटप्रेमी असाल, तर २ मार्च या तारखेवर आत्ताच फुल्ली मारून ठेवा… कारण, या दिवशी आशिया कप स्पर्धेत भारत – पाकिस्तान यांच्यात घमासान युद्ध रंगणार आहे. मिरपूरच्या मैदानावर हा महासंग्राम होणार आहे.
भारत आणि पाकिस्तान या पारंपरिक प्रतिस्पर्ध्यांचा सामना म्हणजे क्रिकेटप्रेमींसाठी पर्वणीच असते. परंतु, तणावपूर्ण राजकीय संबंधांमुळे या दोन संघांमधील तुंबळ युद्ध हल्ली फारसं बघायला मिळत नाही. त्यामुळे जेव्हा-जेव्हा ही संधी येते, तेव्हा तिचं सोनं करण्याचा प्रत्येक क्रिकेटप्रेमी कसोशीनं प्रयत्न करतो. आता, येत्या २ मार्चला हा योग जुळून येणार आहे. गेल्या वर्षी डिसेंबर-जानेवारी महिन्यात भारत-पाकिस्तानमध्ये तीन सामन्यांची वनडे मालिका झाली होती. त्यात पाकिस्ताननं टीम इंडियाला २-१ नं पराभूत केलं होतं. त्यानंतर, वर्षभराच्या प्रतीक्षेनं आता हे दोन तुल्यबळ संघ आमने-सामने उभे ठाकणार आहेत. आशिया कप स्पर्धेत २ मार्चला टीम इंडियाचे वीर आणि पाकचं सैन्य विजयासाठी शर्थ करेल.
आशिया कपचं वेळापत्रक
२५ फेब्रुवारी – पाकिस्तान वि. श्रीलंका – फतुल्लाह , २६ फेब्रुवारी – बांगलादेश वि. भारत – फतुल्लाह , २७ फेब्रुवारी – अफगाणिस्तान वि. पाकिस्तान – फतुल्लाह , २८ फेब्रुवारी – भारत वि. श्रीलंका – फतुल्लाह , १ मार्च – बांगलादेश वि. अफगाणिस्तान – फतुल्लाह , २ मार्च – भारत वि. पाकिस्तान – मिरपूर , ३ मार्च – अफगाणिस्तान वि. श्रीलंका – मिरपूर , ४ मार्च – बांगलादेश वि. पाकिस्तान – मिरपूर , ५ मार्च – अफगाणिस्तान वि. भारत – मिरपूर , ६ मार्च – बांगलादेश वि. श्रीलंका – मिरपूर , ८ मार्च – अंतिम सामना – मिरपूर
(सर्व सामने भारतीय प्रमाणवेळेनुसार दुपारी दीड वाजता सुरू होतील.)

ठाणे : पत्नीचे शेजारील तरुणासोबत असणारे अनैतिक संबंध तसेच त्याच्यासोबत पळून गेल्याने नालासोपारा येथे राहणाऱ्या श्रीधर शेट्टी याने आपल्या दोन मुलींची हत्या करुन स्वत: आत्महत्या केल्याची खळबळजनक घटना घडली आहे. पत्नीच्या बाहेरख्यालीपणाला वैतागून पतीने हे धक्कादायक कृत्य केल्याचे तपासात समोर आले आहे.
‘मेरी औरत साथ देती तो मैं ऐसा कदम नहीं उठाता.’ आत्महत्येपूर्वी श्रीधरने घरामधील भिंतीवर असे लिहल्याचे तपासात आढळून आले आहे. श्रीधरची पत्नी त्याला काही दिवसांपूर्वीच सोडून दुसऱ्या युवकासोबत पळून गेल्याने मानसिक तणावाखाली येऊन मुलींची हत्या करुन त्याने आपले स्वत:चे देखील आयुष्य संपवले.श्रीधर शेट्टी (वय, ४२) याची पत्नी सोनाली हि शेजारी राहणाऱ्या तेजस अनूप दोशी याच्यासोबत पळून गेली. मात्र १६ फेब्रुवारीला ती घरी परत आली. त्यानंतर पती-पत्नीमध्ये जोरदार भांडण झालं. ‘माझं तेजसवर प्रेम आहे आणि मी त्याच्यासोबत राहणार आहे.’ असा हट्टच सोनालीने धरला. या भांडणानंतर श्रीधरने आपल्या मुलींना सोडून घरात निघून जाण्यास सोनालीला सांगितलं. त्यानंतर सोनाली तेजससोबत राहू लागली. मात्र या दरम्यान श्रीधर पूर्णपणे खचून गेला. पोलिसांच्या मते, मंगळवारी १८ फेब्रुवारीला सोनाली आणि तेजस पुन्हा कुठेतरी बाहेर निघून गेले. याने श्रीधर जास्तच अस्वस्थ झाला. त्यानंतर रात्री ८ ते ९ च्या दरम्यान त्याने आपल्या दोन्ही मुली श्रद्धा (वय, ९) साहिध्या (वय, ५) यांची उशीने दाबून हत्या केली त्यानंतर त्याने आत्महत्या केली.