महाराष्ट्र लोकसेवा आयोगामार्फत वन सेवा (पूर्व) परीक्षेची घोषणा करण्यात आली आहे. याद्वारे सहायक वन संरक्षक (10 जागा), वनक्षेत्रपाल (272 जागा) ही पदे भरण्यात येणार आहेत. ऑनलाईन अर्ज करण्याची अंतिम तारीख 4 मार्च 2014 आहे. यासंबंधीची जाहिरात www.mahaonline.gov.in वwww.mpsc.gov.in या संकेतस्थळावर उपलब्ध आहे.

यवतमाळ – बुध्दांच्या काळात आणि आजही सामाजिक समतेच्या प्रस्थापनेसाठी तथागत बुध्दांच्या धम्म अत्यंत उपयुक्त ठरत आहे. यातून सामाजिक लोकशाहीची बीजे बुध्दाच्या करुणा व मैत्री असलेल्या धम्मातून जगात आकाराला आली आहे. डॉ. बाबासाहेब आंबेडकरांच्या संविधानामुळे मी आज खासदार होऊ शकले. या महामानवामुळे आज महिलांना मानाचे स्थान प्राप्त झाले आहे. असे विचार खा. भावना गवळी यांनी व्यक्त केले. त्या दारव्हा येथील लाख खिंड येथे मंगळवारी आयोजित बैध्द धम्म परिषदेच्या उद्घाटन प्रसंगी बोलत होत्या.
दि. बुध्दीस्ट सोसायटी आॅफ इंडीयाच्या वतीन २५ व २६ फेब्रुवारी या दोन दिवसासाठी बौध्द धम्म परिषदेचे आयोजन करण्यात आले. कार्यक्रमाच्या अध्यक्ष स्थानी सुखदेव बोरकर, जयकृष्ण बोरकर, सुखदेव जाधव हे होते. तर प्रमुख उपस्थित म्हणून भावना गवळी, सरपंच सविता वानखडे, पंडीत राठोड, वसंत रामटेके, श्रीरंग वानखेडे, नामदेव वासनीक, कमल बोडखे, नाना सावळे, भगवान मुंधाने, देवराव पाटील, धनपाल मेश्राम, देवीदास वानखडे उपस्थित होते. यावेळी भद्ंत विपसी थेरो भिक्खूंनी बुध्दकन्या धम्मपाल माने, अमर दिपकार, आदिनीं मार्गदर्शन केले. प्रास्ताविक बाळा गडलींग यांनी केले. संचालन भिमराव वानखडे आणि आभार अमोल तायडे यांनी मानले.

दारव्हा – प्रेयसीवर अतिप्रसंग करून खून करणाºया आर्णी तालुक्यातील महाळूंगी येथील आरोपीला जन्मठेपेची शिक्षा ठोठावली. दारव्हा सत्र न्यायालयाचे न्यायाधिश संजय देशमुख यांनी आज शुक्रवारी हा निकाल दिला.
अविनाश मधुकर राठोड (२१) रा. महाळूंगी ता. आर्णी असे शिक्षा ठोेठावलेल्या आरोपीचे नाव आहे. त्याचे गावातीलच एका युवतीसोबत प्रेमसबंध होते. त्याने प्रेयसीच्या आई-वडीलांकडे लग्नाची मागणी केली होती. परंतू तीच्या कुटुंबीयाने लग्नाला विरोध केल्याने आरोपीने पाहुण घेण्याची धमकी दिली होती. महाशिवरात्रीच्या दिवशी २ मार्च २०११ रोजी महाळूंगी येथील रामटेकडीवर प्रेयसीला बोलावून तीचेवर जबरीने अत्याचार केला. त्यानंतर तीच्या डोक्यात दगड घालुन खून केला. याप्रकरणाची तक्रार मृतक युवतीच्या वडीलांनी आर्णी पोलिस ठाण्यात दिली होती. त्यावरून तत्कालीन ठाणेदार गिरीष बोबडे यांनी आरोपीविरूद्घ भादंवि कलम ३७६, ३०२ अंतर्गत गुन्हा दाखल करून अटक केली. तपास अधिकारी सहा. पोलीस निरीक्षक लवंगे यांनी या प्रकरणाचा तपास पूर्ण करून प्रकरण न्यायप्रविष्ठ केले. दारव्हा सत्र न्यायालयाचे न्यायाधिश संजय देशमुख यांच्या न्यायालयात या प्रकरणाची सुणावनी पार पडली. यामध्ये साक्ष पुरावे तपासून दोषी आरोपीस जन्मठेपेची शिक्षा ठोठावली. सरकारी पक्षाच्या वतीने सरकारी वकील अमोल राठोड यांनी काम पाहीले.

मुंबई – राष्ट्रवादी काँग्रेस, भाजपपाठोपाठ शिवसेनेने आज (शुक्रवारी) लोकसभा निवडणुकीसाठी आपल्या १५ उमेदवारांची पहिली यादी जाहीर केली. गजानन कीर्तिकर वगळता मुंबई, ठाण्यातून सगळेच्या सगळे नवे चेहरे देण्यात आले आहेत. दक्षिण मध्य मुंबईच्या जागेसाठी आग्रही असलेले ज्येष्ठ नेते मनोहर जोशी यांना अखेर सक्तीची निवृत्ती देण्यात आली असून त्यांच्या जागी मुंबई महापालिकेचे स्थायी समिती अध्यक्ष व तरुण नगरसेवक राहुल शेवाळे यांना संधी देण्यात आली आहे. तर दक्षिण मुंबईतून अरविंद सावंत यांना उमेदवारी देण्यात आली आहे.
शिवसेनेचे पक्षप्रमुख उद्धव ठाकरे यांनी सर्व उमेदवारांच्या नावांची घोषणा केली. पंधरा जणांच्या या यादीत सहा नवे चेहरे असून जास्तीत जास्त तरुणांचा भरणा आहे. विद्यमान खासदार चंद्रकांत खैरे, अनंत गीते, भावना गवळी, सुभाष वानखेडे, प्रतापराव जाधव, आनंदराव अडसूळ यांना पुन्हा एकदा संधी देण्यात आली आहे. तर गेल्या वेळी उत्तर मध्य मुंबईतून काँग्रेसच्या गुरुदास कामत यांच्याकडून पराभूत झालेले शिवसेना नेते गजानन कीर्तिकर तसेच रामटेकमधून थोड्याशा फरकाने जागा गमावलेले कृपाल तुमाणे यांच्यावर पक्षाने पुन्हा विश्वास दाखवला आहे. दक्षिण मुंबई – अरविंद सावंत, दक्षिण मध्य मुंबई – राहुल शेवाळे, उत्तर मध्य मुंबई – गजानन कीर्तिकर, ठाणे – राजन विचारे, कल्याण- डॉ. श्रीकांत एकनाथ शिंदे, औरंगाबाद – चंद्रकांत खैरे, हिंगोली- सुभाष वानखेडे , परभणी – संजय जाधव , अमरावती – आनंदराव अडसूळ, बुलढाणा – प्रतापराव जाधव, यवतमाळ – भावना गवळी, रामटेक – कृपाल तुमाणे, शिरूर- शिवाजीराव-आढळराव पाटील , रायगड- अनंत गीते, रत्नागिरी-सिंधुदुर्ग – विनायक राऊत तर हातकणंगले मतदारसंघ राजू शेट्टी यांच्या स्वाभिमानी शेतकरी संघटनेसाठी सोडण्यात आले. तर सातारा मतदारसंघ रामदास आठवले यांच्या रिपब्लिकन पक्षासाठी सोडण्यात आल्याचे उद्धव यांनी यावेळी सांगितले.

अमेरिका ही जगाची महासत्ता आहे. संरक्षण सामर्थ्यांमुळे अमेरिकेला हे स्थान निर्माण झाले आहे. लष्कर, हवाई, नौदल यांच्यासह अंतराळातील लष्करी उपग्रहांची मालिका, विविध क्षेपणास्त्रे, क्षेपणास्त्र संरक्षण यंत्रणा आदींमुळे अमेरिका बलाढय बनली आहे. तसेच जगातील विविध बेटांवर अमेरिकेचे तळ आहेत. त्याचबरोबरच अमेरिकेच्या विमानवाहू अजस्र् युद्धनौका व पाणबुडया सर्व महासागरात गस्त घालत असतात. त्यामुळे जगाच्या पाठीवर कोणतीही लष्करी कारवाई करायची झाल्यास अमेरिकेचे सैन्यदल तेथे पोहोचलेले असते. याच बलाढय लष्कराचे संख्याबळ कमी करण्याचे अमेरिकेने ठरवले आहे. दुस-या महायुद्धापूर्वी लष्कराचे जे संख्याबळ होते. तेच संख्याबळ ठेवण्याचा निर्णय अमेरिकी सरकारने घेतला आहे. तसेच ‘ए-१०’ ही लढाऊ विमाने हवाई दलातून बाद करण्याचे ठरवले आहे. पश्चिम युरोपातील रशियन रणगाडे उद्ध्वस्त करण्यासाठी ही विमाने अमेरिकेने तयार केली होती.
अमेरिकी सरकारने सध्या काटकसरीच्या उपाययोजना सुरू केल्या आहेत. त्यामुळे संरक्षणावरील भरमसाट खर्चाला कात्री लावण्यात येणार आहे. संरक्षणमंत्री चक हेगेल यांच्या सैन्य कपातीच्या प्रस्तावाला पेंटागॉनचे अधिकारी अंतिम रूप देण्याचा प्रयत्न करत आहेत.सैन्यकपातीमुळे अमेरिकेचे लष्कर कोणत्याही शत्रूचा पराभव करण्यास सक्षम असले तरी एकाच वेळी दोन मोठ्या लष्करी मोहिमा राबवायची वेळ आल्यास किंवा दीर्घकालीन परकीय विळख्यातून मुक्ततेसाठी प्रयत्न करताना अमेरिकेला अडचणी निर्माण होऊ शकतात. तसेच या युद्धमोहिमांमध्ये यश मिळवण्यास विलंब लागल्यामुळे अमेरिकेचे मोठे नुकसान होण्याचा धोका असल्याचा इशाराही, पेंटागॉनच्या अहवालात दिला आहे. संरक्षणमंत्री चक हेगेल यांच्या प्रस्तावाबाबत माहिती देताना अमेरिकी अधिका-यांनी सांगितले की, अमेरिकेचे अध्यक्ष बराक ओबामा यांनी दिलेल्या आदेशाचे पालन करण्याची क्षमता सैन्य दलामध्ये असायला हवी. या सैन्य दलाने अमेरिकेच्या भूमीचे आणि परदेशातील मोहिमांदरम्यान अमेरिकेचे हितसंबंध जपायला हवेत. सध्या आमच्याकडे लष्कराचे आकारमान मोठे आहे. मात्र हे सैन्य युद्धकुशल, सामर्थ्यवान, अत्याधुनिक आणि उच्च प्रशिक्षीत असायला हवे. त्यामुळे केवळ आकारमानाने नव्हे तर विविध अंगांनी हे सैन्य परिपूर्ण असायला हवे, हे लक्षात घेऊन अशा प्रकारची योजना तयार केली जात आहे. ९/११च्या हल्ल्याच्या वेळी अमेरिकेची सैनिक संख्या ५,७०,००० होती. त्यामध्ये कपात करून ती ४,९०,०००पर्यंत आणण्याचे प्रयत्न सुरू झाले. आता येत्या काही वर्षात लष्करातील सैनिकांची संख्या ४,४०,०००पर्यंत घटवण्याचे नियोजन करण्यात येत आहे, अशी माहिती पेंटागॉनच्या सूत्रांनी दिली. शीतयुद्धाच्या काळात युरोप व आशियात एकाच वेळी लढण्यासाठी पेंटागॉनने सैनिकांची संख्या वाढवण्यावर भर दिला होता. सध्याच्या काळात मोठे संख्याबळ असलेल्या लष्कराची गरज उरलेली नाही.