यवतमाळ – दहा महिन्यापूर्वी झालेल्या आरती इंगोले हत्याकांडातील आरोपी देवा पवारवर जमावाने हल्ला चढवून त्याचा गेम करण्याचा प्रयत्न केला. खून व बलात्काराची केस मागे घेण्याची धमकी देऊ न तीच्या आईवर पिस्तुल रोखल्याने परिसरातील जमावाने त्याच्यावर हल्ला केला. आज दुपारी लोहारा परिसरातील वैभव नगरमध्ये ही घटना घडली. यावेळी पोलिसांनी सतर्कता दाखवून सदर आरोपीला व्हॅनमध्ये बसवून त्याची सुटका केली, नाही तर नागपूर येथील अक्कु यादवची पुनरावृत्ती झाली असती.
आरती प्रल्हाद इंगोले ( वय २२ ) या युवतीचा ३० एप्रिल २०१३ रोजी एकतर्फी प्रेमातून दगडाने ठेचून खून केला होता. एक महिन्यानंतर ही घटनेचा छळा टोळी विरोधी पथकाने लावला होता. याप्रकरणी शहर पोलिसांनी मुख्यसुत्रधार देवा पवार, त्याचा साथीदार निकेश अक्कुलवार , शैलेश राठोड यांच्या विरोधात खुनाचा गुन्हा दाखल केला होता. टोळी विरोधी पथकाने तीन्ही आरोपींना अटक केल्यानंतर त्याची कारागृहात रवानगी केली होती. अशातच काही दिवसापूर्वी देवा पवारची जामीनावर सुटका झाली. दरम्यान आज दुपारी त्याने आरतीचे घर गाठून माझ्यावरील अतीप्रसंग व खूनाचा गुन्हा मागे घ्या अशी धमकी देऊन पिस्तुल रोखली. यावेळी आरतीच्या आईने आरडाओरड केलयाने परिसरातील जमानावाने हातात लोखंडी सलाख, लाकडची काठ्या, दगड घेऊन पाठलाग केल्याने देवाने तेथून काढता पाय घेऊन धुम ठोकली. यावेळी जमावाने दगडफेक सुरु केल्याने जीव वाचविण्यासाठी तो वैभव नगरातील मंगेश भदाने यांच्या घरात घुसला. यावेळी जमावाने या घरावर दगडफेक करून लोखंडी सळाखी फेकल्या. या प्रकाराने भदाने यांच्या कुटुंबातील सदस्यांमध्ये दहशत पसरल्याने देवान तेथून डॉ. ओमप्रकाश पटवारी याच्या घरात आश्रय घेतला. ही बाब माहित होताच जमावाने डॉक्टरच्या घराकडे मोर्चा वळवून दगडफेक करून हल्ला केला. आमच्या माय बहिणीवर अत्याचार करून खून करणाºया आरोपीवर योग्य कार्यवाही न करता पोलिसांनी पैसे घेतल्याचा आरोप जमावाने केला. त्यामुळे आता देवाला आमच्या ताब्यात द्या , आम्हीच त्याला धडा शिकवून खात्मा करतो असा पवित्रा घेतला होता. त्यामुळे पोलिसांची भेंबेरी उडाली होती. या घटनेची माहिती मिळताच अपर पोलीस अधिक्षक जानकीराम डाखोरे, यवतमाळचे उपविभागीय पोलीस अधिकारी राहुल मदने, शहरचे ठाणेदार पंजाब डोंगरदिवे, ग्रामीणचे ठाणेदार दिनकर ठोसरे यांच्यासह शहरचे सहा. पोलीस निरीक्षक सतीश पाटील, सहा. पोलीस निरीक्षक अमोल माळवी, पोलीस उपनिरीक्षक रितेश राऊत, डि.बी. पथकाचे सहा. पोलीस उपनिरीक्षक गुलाब पंधरे, वडगाव रोडचे पोलीस उपनिरीक्षक नरेश पिंपळकर, मंगला वाकडे यांनी घटनास्थळ गाठले. यावेळी रॅपीट अॅक्शन फोर्स, दंगलनियंत्रण पथक, चार्ली कमांडो पथक तैनात केले. यावेळी पोलिसांनी सतर्कता बाळगून देवाची सुखरुप सुटका करून ताब्यात घेतले. त्यामुळे नागपूर येथील अक्कु यादव खून प्रकरणाची पुनरावृत्ती टळली. यावेळी धामणगाव रोड ते लोहारा बायपासवरील वाहतुक मोठ्या प्रमाणात खोळंबली होती. याप्रकरणी शहर पोलिसांनी देवा पवार याच्याविरूद्घ विविध कलमान्वये गुन्हे दाखल करून अटक केली.
