मुंबई – व्हॉट्स अ‍ॅपवरील युझर्सने व्हाट्स अ‍ॅप शेवटचे कधी पाहिले हे दाखवणारा ‘लास्ट सीन’ हा पर्याय आता युझर्सला इतरांपासून लपवता येणार आहे. फेसबुकने व्हाट्स अ‍ॅपला विकत घेतल्यानंतर व्हाट्स अँपच्या प्रायव्हसीला प्राधान्य देत दोन नवे पर्याय उपलब्ध करुन देण्यात आले आहेत.गेल्या कित्येक दिवसांपासून युझर्सकडून या पर्यायांची मागणी केली जात होती. यामागणींची दखल घेतल फेसबुकने व्हॉट्स अ‍ॅपमध्ये हे पर्याय उपलब्ध करुन दिले आहेत.‘लास्ट सीन’ या पर्यायासोबतच आता युझर्स त्यांचे प्रोफाईल फोटो आणि स्टेटसही इतरांपासून हाईड करु शकता. आधी हा पर्याय ओएसवर उपलब्ध होते मात्र आता अँड्रॉईडवरही उपलब्ध करण्यात आले आहेत. सध्या गुगल प्ले स्टोरमध्ये ही सुविधा उपलब्ध नसल्याने युझर्सना व्हाट्स अ‍ॅपच्या वेबसाईटवर जाऊन नव्याने अँप्लिकेशन डाऊनलोड करावे लागेल.http://www.whatsapp.com/android/ / यावेबसाईटद्वारे तुम्ही हे अ‍ॅप्लिकेशन डाऊनलोड करु शकता. तसेच अ‍ॅप्लिकेशन डाऊनलोड करण्यासाठी तुमच्या फोनमधील अँड्रॉईडचे व्हर्जन हे २.१ च्या पुढील असावयास हवे.दोन दिवसांपूर्वीच फेसबुकने सोशल मिडीयामधील आपले वर्चस्व अबाधित राखण्यासाठी तब्बल १९ अब्ज डॉलर्स मोजून व्हॉट्स अ‍ॅपला विकत घेतले.

मुंबई– राष्ट्रवादी काँग्रेस आणि उपमुख्यमंत्री अजित पवार यांच्यावर भ्रष्टाचाराचे आरोप करणा-या आम आदमी पक्षाच्या कार्यालयाची शनिवारी राष्ट्रवादी काँग्रेसच्या कार्यकर्त्यांनी तोडफोड केली.गेल्या काही दिवासांपासून ‘आप’ने राज्यातील वीज खात्यातील भ्रष्टाचारावरून राष्ट्रवादी काँग्रेस आणि अजित पवारांना लक्ष्य करत आहेत. यावरून अंधेरी येथील चकाला परिसरात असणा-या ‘आप’च्या कार्यालयावर राष्ट्रवादीच्या कार्यकर्त्यांनी हल्ला बोल केला. या हल्ल्यात ‘आप’च्या कार्यालयातील सामानाची तोडफोड करण्यात आली. तसेच कार्यालयातील पक्षाचे नेते आणि दिल्लीचा माजी मुख्यमंत्री अरविंद केजरीवाल यांचे छायाचित्र फाडण्यात आली आहेत.दुपारी अडीचच्या सुमारास राष्ट्रवादीच्या कार्यकर्त्यांनी ‘आप’च्या कार्यालयावर हल्ला केला. यासंदर्भात पोलिसांकडे तक्रार दाखल करणार असून पुरावा म्हणून सीसीटीव्हीचे फुटेज देणार असल्याचे आपचे नेते परितोष यांनी सांगितले. या प्रकरणी पोलिसांनी काही जणांना अटक केली आहे.या हल्ल्यानंतर ‘आप’चे नेते मयांक गांधी राष्ट्रवादी काँग्रेसच्या कार्यालयाकडे आंदोलनासाठी जाताना त्यांना पोलिसांनी अटक केल्याचे वृत्त आहे. ‘आप’च्या राज्यातील प्रभारी अंजली दमानिया यांनी महावितरण आणि महाजनकोमध्ये २२ हजार कोटींचा घोटाळा झाल्याचा आरोप केला होता. यासंदर्भात त्यांनी राष्ट्रवादी काँग्रेसचे नेते आणि उपमुख्यमंत्री अजित पवार यांना लक्ष्य केले होते.

नागपूर – महाराष्ट्र राज्य परीक्षा परिषदेकडून पूर्व माध्यमिक आणि माध्यमिक विद्यार्थ्यांसाठीची शिष्यवृत्ती परीक्षा १६ मार्च रोजी घेण्यात येणार आहे. परंतु याच दिवशी सर्वत्र मोठ्या उत्साहाने साजऱ्या होणाऱ्या होळीचा सण असल्याने विद्यार्थ्यांची अडचण होणार आहे. त्यामुळे ‌ही परीक्षा तात्काळ पुढे ढकलण्यात यावी, अशी मागणी महाराष्ट्र राज्य प्राथमिक शिक्ष‌क समितीच्या वतीने करण्यात आली आहे.
‌‌होळीच्या दिवशी परीक्षा झाल्यास विद्यार्थ्यांना या सणाच्या उत्साहाला मुकावे लागेल. शिवाय, काही अनुचित प्रकारही होऊ शकतील. या सणाची धामधूम ही ग्रामीण भागात जास्त असते. एरवीसुद्धा या दिवशी विद्यार्थ्यांच्या दैनंदिन उपस्थितीवर परिणाम होतो. अनेक विद्यार्थ्यांचे परीक्षा केंद्र बाहेरगावी असल्यामुळे होळीचा सण लक्षात घेता बहुसंख्य विद्यार्थी परीक्षेला अनुपस्थित राहण्याची ‌शक्यता आहे. त्यामुळेच ही परीक्षा पुढे ढकलून दुसऱ्या तारखेला घेण्यात यावी, अशी मागणी महाराष्ट्र राज्य प्राथमिक शिक्षक समितीचे राज्य उपाध्यक्ष सुरेश पाबळे यांनी केली आहे. यासंबंधीचे निवेदन देखील परीक्षा परिषदेला देण्यात आले आहे.