सातारा –  सातारा-मुंबई मार्गावर पारगाव खंडाळा येथे खाजगी बसला मंगळवारी पहाटे भीषण अपघात झाला आहे. बस उलटल्याने तब्बल आठ प्रवाशांचा मृत्यू झाला असून ३५ प्रवासी जखमी झाले आहेत. उपचारांसाठी जखमींना जवळच्या रुग्णालयात दाखल करण्यात आले आहे.
चालकाचे गाडीवरील नियंत्रण सुटल्याने हा भीषण अपघात झाल्याचे समजतो. बस उलटल्याने या मार्गावरील वाहतूक काही काळ खोळबंली होती. तसेच येथे थांबलेल्या काही गाड्यांना एक कंटेनरने धडक दिल्याने दुसरा देखील अपघात झाला. या अपघातात देखील काही जण जखमी झाले आहेत.या मार्गावर वारंवार अपघात होत असल्याचे आढळून आले आहे. मागील महिन्यात देखील याच मार्गावर काही भीषण अपघात झाले होते.

मुंबई – मुंबई बंदरापासून साधारण ५० सागरी मैलांवर काल (बुधवारी) भारतीय नौदलाच्या सिंधुरत्न पाणबुडीत आग लागून झालेल्या दुर्घटनेत लेफ्टनंट कमांडर कपिष मुवल आणि लेफ्टनंट मनोरंजनकुमार या अधिकाऱ्यांचा मृत्यू झाला आहे. सात जखमी नौसैनिकांना वाचविण्यात यश आले असून त्यांना हेलिकॉप्टरच्या मदतीने नौदलाच्या आयएनएचएस अश्विनी रुग्णालयात दाखल करण्यात आले आहे. दरम्यान, या दुर्घटनेच्या चौकशीचे आदेश देण्यात आले आहेत.
अवघ्या दोन महिन्यांपूर्वी डागडुजी-दुरुस्ती करून पाण्यावर स्वार झालेल्या आयएनएस सिंधुरत्न या रशियन बनावटीच्या किलो श्रेणीतील पाणबुडीचे परीक्षण सुरू असतानाच बुधवारी पहाटे सहा वाजता नौसैनिकांच्या कक्षातून धूर येऊ लागला. आग शमवण्याच्या प्रयत्नात नाकातोंडात धूर जाऊन नौसैनिकांचा श्वास कोंडला गेला. या अपघातानंतर लेफ्टनन्ट-कमांडर हुद्द्याचे डेप्युटी इलेक्ट्रिकल ऑफिसर आणि लेफ्टनन्ट दर्जाचे वॉचकिपिंग ऑफिसर हे दोन अधिकारी बेपत्ता झाले होते. त्यांचा शोध सुरू होता. मात्र, अपघातग्रस्त पाणबुडी आज (गुरुवारी) मुंबई बंदरात दाखल झाल्यानंतर या अधिकाऱ्यांचा मृत्यू झाल्याचे अधिकृतरित्या सांगण्यात आले. दरम्यान, पाणबुडीची बारकाईने पाहणी करून अपघाताची कारणे शोधली जातील तसेच दुर्घटनेची पुनरावृत्ती टाळण्यासाठी आवश्यक ती दुरुस्ती करण्यात येईल, अशी माहिती नौदलाने दिली.

यवतमाळ  –  आठवड्यात पुन्हा तिसºयांदा वादळी पावसाने जिल्ह्यात तडाखा दिला असून आज पुसद, महागाव तालुक्यात गारपीट झाली. तर यवतमाळ, आर्णी, दिग्रस, घाटंजी, दारव्हा,कळंब तालुक्यात पाऊस कोसळला. गेल्या काही दिवसापासून वातावरणात बदल निर्माण झाला आहे. तीनदिवसापूर्वी जिल्ह्याला वादळी पावसाने झोडपून काढले होते. आज पुन्हा काही तालुक्यात वादळी पावसाने हजेरी लावल्यामुळे शेकडो हेक्टरवरील पिके भूईसपाट झाली आहे. तर काही ठिकाणी वीजेचे खांब कोसळल्याची माहिती आहे. यवतमाळात ढग दाटून आल्यानंतर ५ वाजता मेघगर्जनेसह पावसाने हजेरी लावली.
महागाव:  तालुक्यात वादळी वाºयासह जोरदार गारपीट झाली. सेनद येथे पाच वाजता वादळ वाºयासह झालेल्या गारपीटीमुळे शेतमालाचे नुकसान झाले. तर काही घरावरील टिनपत्रे उडून गेल्याने यात एक महिला जखमी झाली. दुपारी ३ वाजतापासून ढग दाटून आले होते. माळकिन्ही, गुंज, सवना, खडका, माळेगाव, वडद, खांबलवाडी, कापरवाडी, बोरी,शाहीइजार, काळी (दौ.)आदी ठिकाणी गारपीट झाली. वादळवाºयासह आलेल्या गारपीटीमुळे गहू, हरभरा पिक पूर्णत: उद्ध्वस्त झाले. काळी (दौ.)जिल्हा परिषद सर्कलमध्ये गारपीटीमुळे गहू, हरबरा पिकासंह संत्रापिकांचे मोठ्या प्रमाणात नुकसान झाले आहे. काही ठिकाणी विजेचे खांब कोसळल्याने वीज पुरवठा खंडीत झाला. तर अनेकांच्या घरावरील टिनपत्रे उडून गेले.
पुसद : तालुक्यात दुपारी ४ वाजता वादळी वाºयासह आलेल्या गारपीटीमुळे शेतपिकांसह घरांचे नुकसान झाले. अचानक ढग दाटून आल्यानंतर वादळवाºयासह गारपीटीला सुरूवात झाली. शेतात असलेला गहू, हरबरापिक भूईसपाट झाले आहे. काही ठिकाणचा वीज पुरवठाही वादळीपावसामुळे खंडीत झाला. सोबतच पांढरकवडा, घाटंजी, आर्णी, कळंब, दिग्रस, दारव्हा, बाभूळगाव तालुक्यातही पावसाच्या सरी कोसळल्या. रब्बी हंगामात गहू, हरभरा पिक उभे असून या अवकाळी पावसामुळे तोंडात आलेला घास हिरावल्या जात असल्यामुळे शेतकºयांच्या चिंतेत भर पडली आहे.