मुंबई, दि. १३ – राज्यातील दुष्काळग्रस्त शेतक-यांना आर्थिक मदत देण्यासाठी राज्य सरकारने २ हजार कोटी रुपयांची आर्थिक मदत जाहिर केली. राज्य मंत्रिमंडळाच्या आज झालेल्या बैठकीत हा निर्णय घेण्यात आला आहे.पीक नुकसानीचा सामना करावा लागलेल्या शेतकऱ्यांना २६ जानेवारीपर्यंत मदतीचे वाटप करण्यात येणार असून मदतीची रक्कम थेट शेतकऱ्यांच्या बँक खात्यात जमा करण्यात येणार आहे. राज्यातील शेतक-यांसाठी देण्यात येणारी रक्कम पुढीलप्रमाणे आहे. नाशिक विभागाला ३८६.६२ कोटी, पुणे विभागाला ७.५० कोटी, औरंगाबाद विभागाला ८४५.५५ कोटी, अमरावती विभागाला ५००.९३ कोटी रुपये, नागपूर विभागाला २५९.४० कोटी रुपये देण्यात आले आहेत. विभागीय आयुक्ताकडून जिल्हाधिकाऱ्यांमार्फत तहसिलदारांना हा निधी वितरीत झाला आहे. २६ जानेवारीपर्यंत तो शेतकऱ्यांच्या बँक खात्यात जमा होणार आहे. बँक खाते नसलेल्या शेतकऱ्यांचे पंतप्रधान जनधन योजनेखाली खाते उघडून मदतीची रक्कम जमा करण्यात येईल. खात्यामध्ये मदतीची रक्कम जमा झाल्यानंतर त्यांना गरजेनुसार रक्कम काढता यावी, यासाठी सर्व बँकांना त्यांच्या शाखांमध्ये पुरेशी रोख रक्कम उपलब्ध करण्यात येणार आहे.

नवी दिल्ली- केंद्रीय आरोग्य मंत्रालयाने सिगारेटच्या सुट्या विक्रीवर बंदी घालण्याचा प्रस्ताव ठेवला आहे. तसेच सार्वजनिक ठिकाणी धूम्रपान केल्यास यापुढे एक हजार रुपये दंड केला जाईल असाही मंत्रालयाने ठेवला आहे. सध्या सर्वाजनिक ठिकाणी धूम्रपान केल्यास केवळ २०० रुपये दंड केला जातो. याच बरोबर तंबाखूजन्य पदार्थ विक्रीचे वय १८ वरून २१ करण्याचेही मंत्रालयाने ठरवले आहे.

यवतमाळ दि. 13 : परवानाधारक मद्यविक्री दुकानांना शासनाने निर्धारित करून दिलेल्या वेळेतच मद्यविक्री करणे किंवा दुकाने उघडी ठेवने आवश्यक आहे. मात्र नियमांचे उल्लंघन करत जिल्ह्यातील काही दुकाने रात्री उशीरापर्यंत तर सकाळी लवकर मद्यविक्री करत असल्याच्या तक्रारी आहे. या विक्रेत्यांनी वेळेच्या बाबतीत नियमांचे उल्लंघन केल्यास परवाना रद्द करण्यासारखी कार्यवाही करण्यात येईल, असे जिल्हाधिकारी राहुल रंजन महिवाल यांनी सांगितले.
जिल्हाधिकाऱ्यांनी आज गार्डन हॉल येथे विविध कामांचा आढावा घेतला. त्यावेळी त्यांनी या सुचना केल्या. बैठकीस अप्पर जिल्हाधिकारी लक्ष्मण राऊत, निवासी उपजिल्हाधिकारी राजेश खवले, उपजिल्हाधिकारी नरेंद्र फुलझेले, डॉ.राजेश अडपावार यांच्यासह विविध विभागाचे अधिकारी उपस्थित काही दुकानांमध्ये सकाळीच मद्यविक्री होत असल्याने त्याचे वाईट परिणाम जाणवण्याची शक्यता आहे. काल पालकमंत्र्यांनीही जिल्हाधिकाऱ्यांसोबत झालेल्या बैठकीत या विषयावर चर्चा केली होती. त्या अनुषंगाने अशाप्रकारे मद्यविक्रीची दुकाने आढळून आल्यास कार्यवाही करण्यासोबतच अशा दुकानांवर अचानक धाडी घालण्याच्या सुचनाही जिल्हाधिकाऱ्यांनी राज्य उत्पादन शुल्क विभागाच्या अधीक्षकांना केल्या. यावेळी जिल्हाधिकाऱ्यांनी विविध विषयांचाही आढावा घेतला. तहसिल कार्यालयांमध्ये प्रतिक्षालय बांधण्याचे नियोजन असून त्यासाठी बांधकाम विभागाने 15 दिवसात अंदाजपत्रक सादर करावे. पुरसंरक्षक भिंती बांधकामास प्रादान्य दिल्या जावे, अशा सुचना जिल्हाधिकाऱ्यांनी केल्या. जिल्ह्यातील प्रत्येक विभागाने आपापल्या विभागाचे व्हिजन डॉक्युमेंट सादर करण्यासोबतच वैशिष्टयेपुर्ण कामे घेण्याबाबत प्रस्ताव द्यावा, असे ते म्हणाले.अतिक्रमण मोहिमेतंर्गत दुकाने हटविलेल्या छोट्या व्यावसायिकांचे पुणर्वसन करणे आवश्यक आहे. त्यासाठी योग्य जागेची निवड करण्यासोबतच सदर पुनर्वसन कशा पध्दतीने करता येईल यासाठी नियोजन करण्याचा सुचना जिल्हाधिकाऱ्यांनी संबंधितास केल्या. वन जमीनीवरील लीज पट्टे, राजस्व अभियानाअंतर्गत दिनांक 23 जानेवारी रोजी जिल्हाभर घेण्यात येणाऱ्या महाशिबीराबाबत जिल्हाधिकाऱ्यांनी आढावा घेतला.तत्पुर्वी जिल्हाधिकारी राहुल रंजन महिवाल यांनी जिल्हा वार्षिक योजनेअंतर्गत चालु वर्षातील कामांचा आढावा घेतला. आर्थिक वर्ष संपायला काही महिनेच शिल्लक असल्याने कामांना गती देण्यासोबतच निधी शिल्लक राहणार नाही याची दक्षता घेण्याबाबत त्यांनी संबधीतास सांगितले. यावेळी जिल्हाधिकाऱ्यांनी पुढील वर्षाच्या नियोजनाचा तसेच यंत्रणांकडून प्राप्त प्रस्तावांचाही आढावा घेतला.

यवतमाळ, दि. १३ – भारतीय योगपटू ‘रबर की गुडिया ’ या नावाने ओळखल्या जाणारी श्रध्दा राजीव मुंधडा हिने ३९ वी राष्ट्रीय योगा चॅम्पीयनशिपमध्ये  महाराष्ट्र राज्याचे प्रतिनिधीत्व करून १७ ते २५ वयोगटातमध्ये उत्कृष्ट प्रदर्शन करून ३ सुवर्ण व एक रौप्य पदक प्राप्त केले.

महाराष्टÑ राज्य या स्पर्धेमध्ये दुसºया उपविजेत्या क्रमांकावर स्थिरावला. श्रध्दा मुंधडा हीने महाराष्टÑ राज्याला चॅम्पीयनशिप मिळवून देण्यासाठी मोलाची कामगिरी केली. ही स्पर्धा २६ ते २९ डिसेंबर २०१४ पर्यत हैद्राबाद(तेलंगणा राज्य) येथील विजया भास्कर रेड्डी इनडोअर स्टेडियमच्या प्रांगणात पार पडला. संपूर्ण भारतातून विभिन्न राज्यातुन जवळपास ११५० खेळाडूंनी सहभाग घेतला होता. १७ ते २५ वर्षे वयोगटातील महिला गटांमधुन सर्वात जास्त पदके महाराष्ट्र राज्यालाप्राप्त झाली. दि.२७ डिसेंबर प्रथमदिनीच श्रध्दा हिने आवश्यक आसनामध्ये उत्कृष्ट प्रदर्शन करून सर्वात जास्त १८७ अंक घेवून प्रथम स्थान पटकावुन सुवर्ण पदक प्राप्त केले. दि.२८ डिसेंबर दुसºया दिवशी योगा सहयोगी गायत्री वारे (चिपळून ) हिच्या सोबत आर्टीस्टिीक पेअर योगा चव रिदमिक पेयर योगात उत्कृष्ट प्रदर्शन करून एक सुवर्ण व एक रौप्य पदके प्राप्त केले. दि.२९ डिसेंबर तिसºया दिवशी रिदमिक सिंगल फेरीमध्ये आपल्या सर्वोत्कृष्ट प्रदर्शनाला स्थिरता देवून एक सुवर्ण पदकावर पुन्हा शिक्कामोर्तब केले. श्रध्दा मुंधडा हिला ५ व्या एशियन योगा चॅम्पीयनशिप दुबई येथे होणार आहे. त्यामध्ये श्रद्घा भारताचे प्रतिनिधीत्व करणार आहे. या योगा चॅम्पीयनशिप मध्ये स्पर्धेमध्ये प्रथम क्रमांक पश्चिम बंगाल, व्दितीय क्रमांकावर हरियाणा व तृतीय क्र मांकावर महाराष्टÑ राज्याला सामाधान मानावे लागले. या यशाचे श्रये आपले कुटुंब, मित्रपरिवार, योगगुरू अनिता पाटील यांना देते.

यवतमाळ, दि. १३ – येथील शासकीय अभियांत्रीकी महाविद्यालयाच्या विद्यार्थीनीचा चौसाळा जंगलात संशयास्पद मृतदेह आढळल्याची घटना आज मंगळवारी १३ जानेवारी रोजी घडली. दिप्ती मेश्राम (१९) रा. नांदगाव खंडेश्वर असे मृतक विद्यार्थीनीचे नाव आहे.

शहरालगत प्रसिद्घ असलेल्या चौसाळेश्वर मंदिरा जवळील जंगलात एका झाडाला अज्ञात युवतीने गळफास घेतल्याचे काही नागरीकांच्या निदर्शनास आले. याबाबतची माहिती मिळताच शहर पोलीस स्टेशनांनी घटनास्थळ गाठून पंचनामा केला. यावेळी घटनास्थळावर एक बॅग सापडली असून त्यामध्ये शासकीय अभियांत्रीका महाविद्यालयाचे ओळखपत्र सापडले. त्यावर दिप्ती मेश्राम असे नाव असल्यामुळे तीची ओळख पटली. विद्यार्थीनीची आत्महत्या की हत्या असा प्रश्न निर्माण झाला आहे. मृतदेह झाडाला लटकून होता, त्यावेळी विद्यार्थीनीचे पाय जमीनीला टेकलेले होते. त्यामुळे मृत्यू बद्दल संशय व्यक्त होत आहे. पोलिसांनी मृतदेह शवविच्छेदनासाठी शासकीय रुग्णालयात पाठविला असून याप्रकरणी अकस्मात मृत्यूची नोंद केली आहे. शवविच्छेदन अहवालानंतरच विद्यार्थीनीच्या मृत्यूच्या मृत्यूचे कारण उघड होणार आहे. दरम्यान मुलगी एक महिन्या होऊनही नांदगाव (खंडेश्वर) येथे न आल्यामुळे तीच्या आई वडीलांनी यवतमाळ शहर पोलीसात महिन्याभरापूर्वी तक्रार दिली होती. तसेच पोलिसांनी तीचा प्रियकरालाही पोलीसांनी अटक करून पिसीआर घेतला. मात्र प्रियकराने कोणतेही माहिती पोलीसांना दिली नसल्याने युवतीचा शोध लागला नव्हता. मात्र आज सदर युवतीचा मृतदेह आढळला असून प्रेमप्रकरणातून तीचा खून झाल्याची चर्चा आहे.