यवतमाळ , दि. ११ – दारव्हा तालुक्यातील ब्रम्हनाथ शिवारामध्ये बिबट्याचा संशयास्पद मृत्यू झाल्याची घटना आज रविवारी ११ जानेवारीला उघडकीस आली. या बिबट्याचा एक पंजा कापून नेला असून मृत्यू संशयास्पद झाला आहे.
दारव्हा तालुक्यातील ब्रम्हनाथ येथील जंगलात अरज बिबट्याचा मृतदेह आढळला. या बाबतची माहिती मिळताच दारव्ह्याचे क्षेत्र सहाय्यक धोत्रे आपल्या पथकासह घटनास्थळी दाखल झाले. घटनास्थळ दिग्रस वनपरिक्षेत्रात येत असल्याने त्यांनी दिग्रस वनविभागाला माहिती दिली. मात्र सहा तास कर्मचारी उशिरा आल्याने वन्यप्रेमींनी संताप व्यक्त केला. बिबट्याची दुर्गंधी सुटल्याने हा मृत्यू बºयाच दिवसापासून झाल्याचा अंदाज वनअधिकाºयांनी व्यक्त केला. या बिबट्याचा एक पंजा कापला आहे. गुप्तधन शोधण्याकरिता सुद्धा वाघाची नखे कामी पडत असून मृत्यू बाबत संशय व्यक्त होत आहे.

यवतमाळ, दि. ११ – आदिवासींना घटनात्मक मिळालेल्या आरक्षणाला धक्का लावू नये, घटनेने ७.५ टक्के आरक्षण आदिवासींना दिले असून कोणत्याही राजकारणकत्र्यांनी मतांसाठी लहरीपणाने वागून आदिवासीच्या आरक्षणात फेरबदल करु नये, अन्यथा आम्ही रस्त्यावर उतरुन आंदोलन करु, असा इशारा आज विश्रामगृह येथे झालेल्या पत्रकार परिषदेत त्यांनी दिला.
१ लाख ४५ हजार लोकांनी बोगस जातीच्या प्रमाणपत्राच्या आधारे आदिवासी बनवून आदिवासींच्या नोकºयावर डल्ला मारला आहे. २००१ मध्ये कायदा बनला होता की, बोगस आदिवासीचे जातीचे प्रमाणपत्र देणे किंवा घेणे यात दोन वर्षाची शिक्षा झाली पाहिजे, असा कायदा करण्यात आला होता. पण या कायद्याचा दुरुपयोग करण्यात आला. यास शासनाने काढलेला जी.आर. कारणीभुत ठरला आहे. तो निघालेला जी.आर. रद्द करण्याची मागणी आहे. पुर्वी आदिवासी कॅटीगिरीमध्ये ४७ जातींचा समावेश होता. पण त्यापैकी दोन जाती काढून टाकण्यात आल्या. १५ वर्षे सत्तेत असूनसुध्दा हा बोगस जी.आर. आम्हाला रद्द करता आला नाही, त्याचे मोठे कारण म्हणजे पदावर बसलेले राजकर्ते आणि अधिकारी यास यांचा विरोध होता. कोणला कीतीही आरक्षण द्या, पण आमच्या आदिवासींच्या ७.५ टक्के आरक्षणाला हात लावू नये, असे वसंतराव पुरके यांनी विश्रामगृह येथे झालेल्या पत्रकार परिषदेत सांगितले.

गांधीनगर, दि. ११ – मेक इन इंडिया आणि डिजिटल इंडिया या मोहीमेमुळे देशभरात एक नवीन उत्साह आल्याचे सांगत रिलायन उद्योग समुहाचे चेअरमन मुकेश अंबानी यांनी गुजरातमध्ये १ लाख कोटी रुपयांची गुंतवणूक करण्याची घोषणा केली आहे. तर आदित्य बिर्ला समुह, सुझूकी या ख्यातनाम उद्योग समुहांनीही गुजरातमध्ये गुंतवणूक करण्याची घोषणा केली आहे. त्यामुळे उद्योजकांची पावले आता मोदींच्या गुजरातकडे वळत असल्याच दिसत आहे.
गुजरातमध्ये उद्योजकांसाठी व्हायब्रंट गुजरात या परिषदेचे आयोजन करण्यात आले असून रविवारी पंतप्रधान नरेंद्र मोदी यांनी या परिषदेचे उद्घाटन केले. या परिषदेमध्ये जगभरातील उद्योजक सहभागी झाले असून अमेरिकेचे परराष्ट्रमंत्री जॉन केरी, संयुक्त राष्ट्राचे महासचिव बान की मून आदी मान्यवर मंडळी उपस्थित आहेत. भारताची अर्थव्यवस्था वेगाने विकासाच्या वाटेवर जाईल अशी आशा मुकेश अंबानी यांनी व्यक्त केली. आदित्य बिर्ला समुहाचे कुमारमंगलम बिर्ला यांनीदेखील गुजरातमध्ये सिमेंट आणि अन्य उद्योगांच्या विस्तारासाठी २० हजार कोटी रुपयांची गुंतवणूक करण्याची घोषणा केली. सुझूक आणि अन्य उद्योजकांनीही गुजरातमध्ये गुंतवणूक करण्याची तयारी दर्शवली आहे. त्यामुळे मेक इन इंडिया या मोहिमेला चालना देण्यासाठी व्हायब्रंट गुजरात ही परिषद मोदींच्या मदतीला धावून आल्याचे दिसते.

पुणेः राज्याचा काही भागात असलेल्या थंडीच्या लाटेचा प्रभाव राज्यभर जाणवत आहे. संपूर्ण राज्यात किमान तापमानात मोठी घट झाली असून पुण्यातील पारा ७.४ अंशांपर्यंत खाली आला आहे. पुढील दोन दिवसांत थंडीची तीव्रता आणखी वाढणार असून पुण्यात पारा सहा अंशांपर्यंत घसरेल, असा अंदाज हवामान विभागाने वर्तविला आहे.
विदर्भाच्या काही भागात तीव्र थंडीची लाट आहे. तर मध्य महाराष्ट्र आणि मराठवाड्याच्या काही भागात थंडीची लाट आहे. शनिवारी राज्यातील सर्वात नीचांकी तापमान नागपूर येथे (५.३ अंश सेल्सियस) नोंदले गेले. विदर्भाबरोबरच मध्य प्रदेशाच्या काही भागात आणि तेलंगणाच्या काही भागातही थंडीची लाट कायम आहे. विदर्भ आणि मराठवाड्यात बहुतांश ठिकाणी किमान तापमान सरासरीपेक्षा पाच ते सात अंशांनी कमी आहे. मध्य महाराष्ट्रात अनेक ठिकाणी किमान तापमान सरासरीपेक्षा दोन ते चार अंशांनी कमी आहे. त्यामुळे राज्यातील थंडीचा कडाका वाढला आहे.