यवतमाळ, दि. २ : राज्याचे मुख्यमंत्री देवेंद्र फडणवीस जिल्ह्याच्या दौऱ्यावर येत असून त्यांचा दौरा कार्यक्रम खालीलप्रमाणे आहे.
मंगळवार दिनांक 3 मार्च रोजी दुपारी 3.45 वाजता स्व.जवाहरलाल दर्डा विमानतळ येथे आगमन व जिल्हा परिषदेकडे प्रयाण. सायंकाळी 4 वाजता जिल्हा परिषदेच्या सभागृहात जिल्हा आढावा बैठकीस उपस्थिती. सायंकाळी 6 वाजता रातचांदणा ता.यवतमाळकडे प्रयाण. सायंकाळी 6.15 वाजता रातचांदणा येथे आगमन. 6.40 वाजता रातचांदणा येथून घोडखिंडीकडे प्रयाण. सायंकाळी 6.55 वाजता घोडखिंडी येथे आगमन. सायंकाळी 7.20 वाजता घोडखिंडी येथून पिंपरी बु. कडे प्रयाण. सायंकाळी 7.40 वाजता पिंपरी बु. ता.यवतमाळ येथे आगमन.

यवतमाळ, दि. २ – प्लॉट विक्रीचा खोटा करारनामा तयार करून ४० लाखाने इसमाची फसवणूक करण्यात आल्याची घटना अप्सरा टॉकीज, यवतमाळ येथे घडल्याने खळबळ उडाली आहे. प्रवीण मोरे (४२) व अन्य दोघे रा. चंद्रपूर अशी फसवणूक करणाºयांची नावे आहे.
शहरातील मनीष वाघेला (३९) यांना प्लॉट खरेदी करायचा होता. दरम्यान याच कालावधीत प्रवीण मोरे व त्याच्या दोन साथीदारांनी संगणमत करून वाघेला यांना प्लॉट विकायचा असल्याचे सांगितले. त्यानंतर त्यांनी प्लॉटची पाहणी करून सौदा केला. यावेळी करारनामा करण्यात आल्यानंतर ४० लाख रुपयांची रक्कम वाघेला यांनी मोरे याला दिली. प्लॉटचा करारनामा त्यांनी घरी गेल्यानंतर तपासला असता, तो खोटा व बनावटी असल्याचे लक्षात आले. प्लॉट विक्रीच्या नावाखाली आपली फसवणूक झाल्याबाबतची तक्रार त्यांनी शहर पोलीस स्टेशनला दिली असून, याप्रकरणी पोलिसांनी गुन्हा नोंद करून तपास सुरू केला आहे.

फुलसावंगी (यवतमाळ),दि. २ – विद्युत खांबाच्या तंगाव्याच्या ताराला स्पर्श होऊन बालकाचा जागीच मृत्यू झाल्याची घटना रामुनाईक तांडा (नारळी)येथे आज सोमवारी सकाळी घडली. यावेळी संतप्त नागरिकांनी बालकाचा मृतदेह घेऊन महावितरण कार्यालयावर धडक देऊन बेजबाबदार कर्मचाºयांवर कठोर कार्यवाही करण्याची मागणी केली.
भोला गजानन आडे (४) असे मृतक बालकाचे नाव आहे. तर कल्पना बाळू राठोड ही महिला जखमी झाली असून प्राथमिक आरोग्य केंद्रामध्ये उपचार सुरू आहे. सकाळी आजोबाच्या घराकडे जात असताना वाटेत असलेल्या विद्युत खांबाच्या तंगाव्याला स्पर्श होऊन विजेचा धक्का लागला. ही बाब लक्षात येताच त्याला उपचारासाठी प्राथमिक आरोग्य केंद्र फुलसावंगी येथे दाखल केले. यावेळी डॉक्टरांनी सदर बालकाला मृत घोषित केले. यावेळी संतप्त जमावाने बालकाचा मृतदेह घेऊन थेट महावितरण कार्यालयात धडक देऊन सहाय्यक वीज तंत्रज्ञ जि. एच. पारसकर यांच्यावर विविध गुन्हे दाखल करून बडतर्फ करण्यांची मागणी केली. उघड्या सताड रोहित्र त्यामध्ये फिऊज नसने, ताराणा गार्डिग नसने ही बाब जागो जागी पहावयास मिळत आहे. याबाबतची तक्रार विजय आडे यांनी महावितरणकडे केली होती. मात्र या गंभीर बाबीकडे सदर कर्मचाºयांनी दुर्लक्ष केल्यामुळे ही घटना घडल्याचा आरोप करण्यात आला आहे. या घटनेची माहिती मिळताच महागावचे उप. कार्यकारी अभियंता गजभीय हे येथे दाखल झाले. त्यांनी संतप्त जमावाला दोषी कर्मचाºयांवर येत्या तीन दिवसात कारवाई करण्याचे आश्वासन दिले.

मुंबई- महाराष्ट्र काँग्रेसच्या प्रदेशाध्यक्षपदी माजी मुख्यमंत्री व खासदार अशोक चव्हाण यांची नियुक्ती करण्यात आली आहे तर मुंबई शहर काँग्रेसच्या अध्यक्षपदी उत्तर भारतीय नेते व माजी खासदार संजय निरूपम यांच्या नावाची घोषणा झाली. 2008 पासून महाराष्ट्र काँग्रेसचे प्रदेशाध्यक्ष माणिकराव ठाकरे भूषवत होते. तर, मुंबई शहर काँग्रेस अध्यक्षपदावरून अॅड. जनार्दन चांदूरकर यांची दोन वर्षातच तेथून हकालपट्टी केली आहे.
प्रमुख राज्यांत काँग्रेसच्या नेतृत्वात बदल करण्याच्या मोहिमेला वेग आला आहे. पक्षाच्या कार्यकारिणीतही मोठे बदल होणार असून तरुण नेत्यांना सरचिटणीसपदी नियुक्ती केले जाण्याचे संकेत मिळत आहेत. या बदलात उपाध्यक्ष राहुल गांधी यांची महत्त्वाची भूमिका बजावत आहेत. महाराष्ट्रासह जम्मू-काश्मीर, पंजाब, हरियाणा तेलंगणाचे प्रदेशाध्यक्ष बदलण्याचे संकेत आहेत. काही राज्यांतील राहुल गांधी समर्थक नेत्यांची कार्यकारिणीवर वर्णी लागू शकते.काँग्रेस संघटनेत मोठ्या प्रमाणावर फेरबदल होणार असल्याचे संकेत गेल्या काही दिवसातून मिळत होते. त्याचीच ही झलक असल्याचे मानले जात आहे. दिल्ली काँग्रेसच्या प्रदेशाध्यक्षपदी अजय माकन यांची नियुक्ती झाली आहे. राहुल गांधींकडे पक्षाध्यक्ष जाण्याची ही चाहूल मानली जात आहे.
गुजरातच्या प्रदेशाध्यक्षपदी रविवारी भरतसिंह सोलंकी यांची निवड जाहीर झाली आहे. सोलंकी यांनी केंद्रात मंत्रिपद भूषवले आहे तर 2006 ते 2008 या काळात प्रदेशाध्यक्षपदही भूषविले आहे. गेल्या वर्षी गुजरातमध्ये लोकसभेला एकही जागा मिळाली नसल्याने अर्जून मोढवाडिया यांच्यावर पक्षनेतृत्त्व नाराज होते. भरतसिंह सोलंकी यांचे वडील गुजरातचे मुख्यमंत्री राहिले आहेत. त्यांच्या कार्यकाळात गुजरातमधील सर्व समाजाला काँग्रेससोबत जोडण्याचे काम सोलंकी यांनी केले होते. आता राहुल यांनी त्यांच्या मुलाला संधी दिली आहे.