कल्याण,(महाराष्ट्र न्यूज नेटवर्क,सतिष राठोड) – कल्याण तालुक्यातील आंबिवली रेल्वे स्थानकाच्या कार्यालयातून खिडकी तोडून रात्री २:३० ते ३:०० वाजेच्या सुमारास अडीच लाख रुपयांची चोरी झाल्याची धक्कादायक घटना समोर आली.
रेल्वे स्थानक प्रमुख मधुकर गोठणकर यांनी दिलेल्या माहितीनुसार चोरी करणारा संशयित आरोपी मनोज रावत हे आहेत.मनोज रावत हे काही दिवसांपूर्वी आंबिवली स्थानकावर कार्यरत होते.पण त्यांनी याआधी नकली तिकेट विकतांना सापडल्यावर त्यांना २ महिने नौकरीवरुन काढण्यात आले होते.त्यानंतर ते कल्याण स्थानक येथे पार्सल कार्यालयात कार्यरत झाले,व त्याच रात्री वेळ १:३० च्या सुमारास आंबिवली स्थानकावर आढळल्याचे निदर्शनास आले,व त्यानंतर ही घटना घडल्याचे बोलले जात आहे. ही घटना घडल्याचे कळताच स्थानिक शिवसेना नगरसेवक दुर्योधन पाटील,माजी नगरसेवक दशरथजी तरे हे रेल्वे स्थानकावर दाखल झाले व स्थानकाची पाहणी व सुरक्षेच्या बाबतीत विचारपुस केली असता,हलक्या दर्जाची खिडकी लावलेली आढळून आली असता त्यावर तरे यांनी आपली प्रतिक्रिया दिली की,या रेल्वे स्थानकाहून जास्तीत जास्त महिला-पुरुष प्रवाशी रोज प्रवास करत असुन महिन्याला ६० लाख रुपये उत्पन्न मिळूनही रेल्वे स्थानकाचे काम केले जात नाही.रात्री सुरक्षेचा विचार केला असता फक्त एकच आरपीफ कर्मचारी कार्यरत असतात.व यातर तरी रेल्वे प्रशासनाने सुरक्षा वाढवावी अशी अपेक्षा केली आहे. संशयित आरोपी मनोज रावत हे रेल्वे पोलिसांच्या ताब्यात असुन पुढील तपास आरपीएफ करीत आहेत.

यवतमाळ दि. १७ – वादळी वाºयासह आलेल्या अवकाळी पावसाच्या तडाख्यात वणी तालुक्यातील शंभर घरांची पडझड झाली आहे. त्यामुळे रब्बी पिकांच्या नुकसानीसह दोन बैल व एक म्हैस ठार झाली आहे.
१६ मार्चच्या रात्री ९ वाजताच्या दरम्यान वणी परिसरातील शेतकरी तथा नागरिकांना सहन करावा लागला़ तालुक्यात वादळी वाºयासह कोसळणाºया पावसाने शेतातील रब्बी पिकाची प्रचंड नासाडी झाली़ हातातोंडाशी आलेला घास अस्मानी संकटाने हिरावून घेतला़ तालुक्यात जवळपास शंभर घरांची पडझड झाली असून मोठ्या प्रमाणात नुकसान झाले आहे़ तर डोर्ली या गावातील दोन बैल व निवली गावातील म्हैस ठार झाली आहे़ शहरातील बाकडे पेट्रोलपंपाला वादळी वाºयाचा फटका सहन करावा लागला असून, पेट्रोलपंपावरील संपूर्ण छत उडून गेले आहे़ तसेच तहसील कार्यालयात लावण्यात आलेल्या पवनउर्जेचा पंखा बेपत्ता झाला आहे़
सोमवारी वादळी वाºयासह झालेल्या अवकाळी पावसाने बºयाच ठिकाणी मोठी झाडे उन्मळून पडली आहे़ तर विजेच्या खांबासह भारत संचार निगमच्या खांबांचे प्रचंड नुकसान झाले आहे़ यामुळे रात्री वीजपुरवठा खंडित झाला होता़ तर बीएसएनएलची मोबाईल सेवा ठप्प पडली़ तालुक्यात वादळी वाºयासह पडलेल्या अवकाळी पावसामुळे शेतकºयांचे प्रचंड नुकसान झाले असून, महसूल प्रशासनामार्फत वृत्त लिहिपर्यंत पंचनामा सुरू होता़ यामुळे पंचनाम्यानंतरच नेमके झालेले नुकसान कळणार आहे़

यवतमाळ, दि. १७ – जिल्ह्यात समाजकल्याण विभागामार्फत सुरू असलेल्या शासकीय वसतीगृहांमध्ये विद्यार्थ्यांची हेळसांड सुरू आहे. समाजकल्याण विभागाच्या दुर्लक्षित धोरणामूळे विद्यार्थ्यांना नरकयातना भोगाव्या लागत असल्याचा आरोप करीत मनसेने समाजकल्याण अधिकारी यांना घेराव घालून संताप व्यक्त केला.
शासकीय वसतीगृहांच्या कागदोपत्री तपासण्या होत असल्याने कार्यरत अधिकारी व कर्मचारी मनमानी कारभार चालवित आहे. याचा त्रास विद्यार्थ्यांना सहन करावा लागत असून, भोजन, राहण्याची व्यवस्था योग्य नसल्यामुळे विद्यार्थ्यांचे आरोग्य धोक्यात आले आहे. घाटंजी येथील वसतीगृहाचा कारभार रामभरोसे असल्या सारखा असून, येथील कर्मचाºयांना केवळ विद्यार्थ्यांच्या पोषण आहारावर डल्ला मारण्यातच रस आहे. याबाबत वारंवार तक्रारी करून देखील कार्यवाही शुन्य आहे. त्यामुळे संतप्त मनसे पदाधिकाºयांनी समाजकल्याण विभागावर धडक देऊन अधिकाºयांना घेराव घातला. यावेळी पदाधिकारी वसतीगृहातील गैरप्रकाराचा पाढा वाचत असताना, अधिकारी कर्मचाºयांची बाजू मांडत होते. त्यामुळे पदाधिकारी व समाजकल्याण अधिकाºयामध्ये चांगलाच वाद रंगला. यावेळी वसतीगृहांची तपासणी करून दोषीविरुद्घ कारवाई करण्यात यावी, अशी मागणी मनसेने केली. निवेदन देतेवेळी जिल्हाध्यक्ष अनिल हमदापूरे, विकास पवार, देवा शिवरामवार, गजानन भालेकर,माधूरी ठाकरे, बबीता मेश्राम, पल्लवी ठाकरे आदी उपस्थित होते.