यवतमाळ, दि. १५ – डोळ््यात मिरचीपूड टाकून ५० हजाराची रोकड पळविणाºया चोरट्यांच्या टोळीला चोविस तासाच्या आत मुद्देमालासह अटक करण्यात आली. ही कारवाई स्थानिक गुन्हे शाखा पथकाने केली. रोहित नरेश चव्हाण (२५) रा. भोसा रोड, देवानंद भिवनकर (२७) रा. कोळंबी, अर्जुन दुर्गे रा. यवतमाळ, लक्ष्मण लालसिंग राठोड (३२) रा. लोणीघाटाणा अशी चोरट्यांची नावे आहे.
पांढरी येथील कृषी केंद्र बंद करून विनोद रामराव लाखेकर (४३) रा. उमरसरा हे परत येत होते. दरम्यान चार चोरट्यांनी लाखेकर यांना रस्त्यात अडवून डोळ््यात मिरचीपूड फेकली. त्यांच्याजवळ असलेले मध्यवर्ती व स्टेट बँकेचे पासबुक, सातबारा, ५० हजार रुपये रोकड असलेली काळी बॅग असा ऐवज लुटला. याप्रकरणी ग्रामीण पोलीस ठाण्यात गुन्हा नोंद करण्यात आला. या घटनेची पोलीस अधीक्षक संजय दराडे यांनी दखल घेत स्थानिक गुन्हे शाखेला तपास करण्याचे निर्देश दिले. त्यावरून पोलीस निरीक्षक संजय पुजलवार यांच्या मार्गदर्शनात सहाय्यक पोलीस निरीक्षक चंद्रशेखर कडू यांनी तपासाची तक्रे फिरविली. लुटमार प्रकरणी रोहित चव्हाण, देवानंद भिवनकर, अर्जुन दुर्गे, लक्ष्मण राठोड या चार चोरट्यांनी ताब्यात घेवून विचारपूस केली. पोलिसांनी आपला खाक्या दाखविल्यानंतर लुटमार केल्याची कबुली दिली. चोरट्यांकडून काळ््या रंगाची बॅग, कागदपत्रे, रोख १८ हजार ४०० रुपये दोन मोटर सायकल असा एकूण ९८ हजार ६०० रुपयाचा मुद्देमाल जप्त केला. ही कारवाई सपोनि कडू, विकास खडके, ओमप्रकाश यादव, सुनील खंडागळे, रुपेश पाली, प्रदीप नाईकवाडे, बबलू चव्हाण, ममता देवतळे, प्रदीप तांबेकर आदींनी केली आहे.

ना. हंसराज अहीर यांची माहिती
आर्णी,दि. १५ – लोकसभा निवडणुकीदरम्यान पंतप्रधान नरेंद्र मोदी यांनी ‘चाय पे चर्चा’ कार्यक्रमातून देशातील शेतकºयांशी चर्चा केली होती. या घटनेला २० मार्च रोजी एक वर्षपूर्ण होत आहे. दाभडीत घडलेल्या शेतकरी आत्महत्येमुळे सरकार अस्वस्थ झाले आहे. गावचा व शेतकºयांचा सर्वांगिन विकास करण्यासाठी राज्य सरकारने दाभडीला दत्तक घेतले आहे, अशी माहिती केंद्रीय राज्यमंत्री हंसराज अहीर यांनी विश्रामगृहात आयोजित पत्रकार परिषदेत दिली.
पंतप्रधान नरेंद्र मोदी यांनी दाभडीत ‘चाय पे चर्चा’ केली होती. त्याच गावात शेतकरी आत्महत्या करीत असल्याने सर्वांचे लक्ष दाभडीकडे वेधले आहे. २० मार्च रोजी काँग्रेसचे नेते दाभडी येथे येवून आंदोलन करणार आहे. याकडे ना. अहीर यांचे लक्ष वेधले असता म्हणाले की, काँग्रेसच्या धोरणामुळे शेतकरी देशोधडीला लागला आहे. त्यांना आताच हे का आठवले असा प्रश्न ना. अहीर यांनी उपस्थित केला. आंदोलन करणे हा ज्याचा त्याचा अधिकार आहे. या गावचा विकास करण्यासाठी सरकार कटीबद्ध आहे. मुख्यमंत्र्यांच्या वतीने दाभडी गाव दत्तक घेतल्याची घोषणा करीत असल्याचे सांगितले.
जुन्या भूमिअधिग्रहण कायद्यापेक्षा नवीन कायदा अधिक चांगला आहे. शेतकºयांच्या हितासाठी असलेला कायदा मंजूर व्हावा म्हणून जीवाचे रान करू असेही ना. अहीर म्हणाले. अवकाळी पावसामुळे झालेल्या नुकसानीची पाहणी ना. अहीर यांनी केली. आज दुपारी जवळा, शेलू, किन्ही या गावात जावून शेतीची पाहणी करून शेतकºयांशी संवाद साधला. शेतकºयांच्या वाढत्या आत्महत्या हा चिंतेचा विषय आहे. त्यासाठी सरकार कायमस्वरूपी उपाययोजना करीत असल्याचे सांगितले. यावेळी आ. प्रा. राजू तोडसाम, भाजपाचे जिल्हाध्यक्ष राजू डांगे आदी उपस्थित होते.

मुंबई – ‘या नभाने या भुईला दान द्यावे, आणि या मातीतून चैतन्य गावे’ अशा तजेलदार शब्दांत जगण्याचे सूत्र मांडणारे ज्येष्ठ निसर्गकवी व गीतकार ना. धों. महानोर यांना शनिवारी अंधेरीतील ललित हॉटेलमध्ये रंगलेल्या दिमाखदार ‘कोहिनूर मटा सन्मान’ सोहळ्यात जगविख्यात गायिका आशा भोसले यांच्या हस्ते ‘महाराष्ट्र टाइम्स’च्या ‘महाराष्ट्रभूषण’ पुरस्काराने गौरविण्यात आले. ‘हा सन्मान तमाम शेतकऱ्यांचा आहे’ अशी कृतज्ञ भावना महानोर यांनी यावेळी व्यक्त केली. शेतकरी आत्महत्यांच्या दाहक प्रश्नावर ‘आपुलकी’ या संस्थेच्या माध्यमातून अव्याहत काम करणारे अभिजित फाळके यांना ‘महाराष्ट्राचा यूथ आयकॉन २०१५’ या पुरस्काराने गेल्या वर्षीच्या ‘यूथ आयकॉन’ विजेत्या ऋजुता दिवेकर यांच्या हस्ते सन्मानित करण्यात आले; तर अत्यंत प्रतिकूल परिस्थ‌तिीशी झगडत आपली कला सातासमुद्रापार पोहोचवणारा तरुण प्रतिभावंत चित्रकार शश‌किांत धोत्रे याला ‘कोहिनूर समुहा’चे एमडी उन्मेश जोशी यांच्या हस्ते ‘महाराष्ट्राचा कोहिनूर’ या पुरस्काराने सन्मान‌ति करण्यात आले. या दोन्ही पुरस्कारांचे स्वरूप मानचिन्ह व मानपत्र असे आहे.

यवतमाळ, दि 15 : लोकअदालतींना दरवर्षी नागरीकांचा प्रचंड प्रतिसाद लाभत आहे. हजारे प्रकरणे सहज या लोकअदालतीत निकाली निघत असल्याने वेळ व पैशाची बचत होत आहे. त्यामुळेच राष्ट्रीय विधीसेवा प्राधिकरणाच्या सुचनेप्रमाणे जिल्हा विधीसेवा प्राधिकरणाच्यावतीने काल जिल्हा न्यायालयासह संपुर्ण तालुका न्यायालयांमध्ये राष्ट्रीय लोकअदालतीचे आयोजन करण्यात आले होते. या अदालतीत भूसंपादन व महसूल तथा मनरेगाची मिळून तब्बल 638 प्रकरणे निकाली निघाली.
जिल्हा न्यायालय व तालुका न्यायालयांमध्ये प्रलंबित असलेली भूसंपादन तसेच प्रलंबित व वादपूर्व असलेली महसूल तथा मनरेगाची प्रकरणे आपसी तडजोडीने निकाली काढण्यासाठी या राष्ट्रीय लोकअदालतीचे आयोजन करण्यात आले होते. लोकअदालतीत भूसंपादनची एकून 292 प्रकरणे ठेवण्यात आली होती. आपसी तडजोडीने यापैकी 3 कोटी 37 लक्ष रक्कमेची 184 प्रकरणे निकाली निघाली आहे. गेल्या अनेक दिवसांपासून प्रलंबित असलेली ही प्रकरणे निकाली निघाल्याने पक्षकारांना वेळ व पैसा वाचला आहे. सदर रक्कम पक्षकारांना त्यांचे प्रकरण दाखल झाल्यापासून व्याजासह देण्यात येणार आहे. नापिकीने आर्थिक संकटात सापडलेल्या शेतकऱ्यांना यामुळे काही अंशी दिलासा मिळणार आहे.
या लोकअदालतील महसूल विभाग तसेच महात्मा गांधी राष्ट्रीय ग्रामीण रोजगार हमी योजनेची प्रलंबित व वादपूर्व 346 प्रकरणेही ठेवण्यात आली होती. त्यापैकी 144 प्रकरणे निकाली निघाली आहे. भूसंपादन, महसूल व मनरेगाची मिळून एकून 638 इतकी प्रकरणे निकाली निघाली. सदर राष्ट्रीय लोकअदालत प्रमुख जिल्हा व सत्र न्यायाधिश तथा जिल्हा विधीसेवा प्राधिकरणच्या अध्यक्षा सविता बारणे यांच्या मार्गदर्शनात प्राधिकरणाचे सचिव एस.एम.आगरकर यांनी यशस्वीरित्या आयोजित केले होते.
लोकअदालत यशस्वी करण्यासाठी सर्व न्यायाधीस, महसूल व भूसंपादन विभागाचे अधिकारी, बेंबळा व इतर प्रकल्पाचे अधिकारी, जिल्हा सरकारी वकील पी.व्ही.गाडबैलै, वकील संघाचे अध्यक्ष व पदाधिकारी, वकील सदस्य व पॅनलवरील सामाजिक कार्यकर्ते, प्राधिकरणाचे कर्मचारी यांनी यांनी सहकार्य केले, असे जिल्हा विधीसेवा प्राधिकरणाच्यावतीने कळविण्यात आले आहे.