नवी दिल्ली – विश्वचषक क्रिकेट स्पर्धेच्या उपांत्यपूर्वफेरीत भारताने बांगलादेशचा थोडयाथोडक्या नव्हे तर, तब्बल १०९ धावांनी दारुण पराभव केला. मात्र आपला पराभव टीम इंडियाने नव्हे तर, पंचांनी केला अशी बांगलादेशमध्ये अनेकांची भावना आहे.
बांगलादेशच्या पंतप्रधान शेख हसीना यांनीही आयसीसीचे अध्यक्ष मुस्तफा कमाल यांचीच ‘री’ ओढत पराभवासाठी पंचांना जबाबदार धरले आहे. पंचांनी चूक केली नसती तर, भारताला बांगलादेशला हरवता आले नसते.
पंचांच्या चूकीमुळे भारताला उपांत्यफेरी गाठता आली असे शेख हसीना यांनी म्हटले आहे. शुक्रवारी आयसीसीचे बांगलादेशी अध्यक्ष मुस्तफा कमाल यांनी वर्ल्डकप भारताने जिंकावा यासाठी फिक्सिंग झाल्याचा आरोप केला होता.
त्यांनी खराब पंचगिरीवरुन आयसीसीचे अध्यक्षपद सोडण्याचीही धमकी दिली आहे. पंचांचे निर्णय आधीपासूनच फिक्स वाटत होते. आयसीसीचा अध्यक्ष म्हणून मला जे काही सांगायचे आहे ते मी पुढच्या बैठकीत बोलणारच आहे असे कमाल यांनी सांगितले.
रोहित शर्मा (९०) धावांवर असताना रुबेल हसनच्या कमरेच्या थोडयावर आलेल्या फुलटॉस चेंडूवर झेलबाद झाला. मात्र पंचांनी हा चेंडू नोबॉल ठरवला. रोहितने या जीवदानाचा फायदा उचलत आणखी ४७ धावांची भर घातली त्यामुळे भारताला तीनशेचा टप्पा ओलांडता आला. पंचांनी संशयाचा फायदा फलंदाजाला दिला तर, त्यासाठी पंचांना सर्वस्वी जबाबदार धरता येणार नाही तसेच भारतानेही सरस कामगिरी केली मात्र बांगलादेशला अजून हे सत्य पचवता आलेले नाही.

भिवानी – बेमोसमी पाऊस आणि गारपीटीमुळे संकटात सापडलेल्या शेतक-याला मदत करण्याची जबाबदारी केंद्रात आणि हरयाणात सत्तेवर असलेल्या भाजपा सरकारची आहे.
अवकाळी पाऊस आणि गारपीटीमध्ये पीकांचे नुकसान झालेल्या शेतक-यांना नुकसानभरपाई देण्याची मागणी काँग्रेस अध्यक्ष सोनिया गांधी यांनी केली आहे. शेतकरी आपला अन्नदाता आहे. आज आपला अन्नदाता संकटात सापडला आहे.
शेतक-यांची सध्याची अवस्था पाहता त्याला मदत करण्यासाठी आपण सर्वांनी एकत्र येऊन काम करण्याची आपल्या सर्वांची जबाबदारी आहे असे सोनिया गांधी म्हणाल्या.
सोनिया गांधींनी शनिवारी हरयाणाचा दौरा केला. यावेळी त्यांनी प्रत्यक्ष शेतावर जाऊन परिस्थिती समजून घेतली. काँग्रेसने सध्या शेतक-यांच्या मुद्यावर लक्ष केंद्रीत केले आहे. केंद्र सरकारच्या भूसंपादन विधेयकालाही काँग्रेसने जोरदार विरोध केला असून, संसदीय मार्गाने आणि रस्त्यावर या विधेयकाविरोधात काँग्रेसचा लढा सुरु आहे. या विधेयकाविरोधात सर्व विरोधीपक्ष एकवटले आहेत.

यवतमाळ, दि. २१ – काळ््याबाजारात जात असलेला शालेय पोषण आहाराचा धान्यसाठा पांढरकवडा – कळंब बायपासवरील व्हेअरहाऊसमध्ये आज शनिवारी पकडण्यात आल्याने खळबळ उडाली आहे. एसडीपीओच्या पथकाने ही कारवाई केली असून, सोनू बेग (२८) रा. कळंब चौक याला ताब्यात घेण्यात आले आहे.
शालेय पोषण आहार योजनेत प्रचंड गैरप्रकार होत असल्याची आरोड नेहमीच होते. जिल्’ातील शाळांना दरमहा धान्याचा पुरवठा करण्यासाठी येथील पांढरकवडा – कळंब बायपासवरील व्हेअरहाऊसमध्ये धान्याचे पोते ठेवण्याची व्यवस्था करण्यात आली आहे. या गोदामात धान्याची दरमहा अफरातफर केली जात होती. धान्य पांढºया पोत्यात भरून त्याची काळ््याबाजारात खुलेआम विक्री केल्या जात होती. याबाबतची माहिती उपविभागीय पोलीस अधिकारी राहुल मदने यांना मिळाल्यानंतर त्यांच्या पथकाने व्हेअरहाऊसवर धाड टाकली. यावेळी धान्याची अफरातफर करताना पथकाने रंगेहात पकडले. एक हजार कट्टे जप्त करण्यात आले असून, सोनू बेग याला ताब्यात घेण्यात आले आहे. धान्याचा विषय जिल्हा पुरवठा विभागाच्या अखत्यारीत येत असल्यामुळे पथकाने जप्त केलेला माल जिल्हा पुरवठा विभागाच्या स्वाधिन केला आहे.

जम्मू- कथुआ जिल्ह्यातील पोलीस ठाण्यावरील दहशतवादी हल्ल्यानंतर शनिवारी सकाळी संशयित दहशतवाद्यांनी सांबा जिल्ह्यातील लष्करी तळाजवळ जोरदार गोळीबार केला. यामध्ये एकजण जखमी झाला आहे.
सकाळी पाच वाजून ५० मिनिटांच्या सुमारास दहशतवाद्यांनी सांबामधील लष्करी तळाजवळील गोळीबार केला. यामध्ये एक नागरिक जखमी झाला. पपू यादव असे या नागरिकाचे नाव असून त्याला उपचाराकरिता जवळच्या रुग्णालयात दाखल करण्यात आल्याचे सुरक्षा अधिका-यांनी सांगितले.
गेल्या २४ तांसात दहशतवाद्यांनी केलेला हा दुसरा हल्ला आहे. या दहशतवाद्याने मेशावर भागातील बुचारी येथील लष्कर ६६३ युनिटजवळही ग्रेनेडच्या सहाय्याने हल्ला केला. संपूर्ण परिसराला सुरक्षा रक्षकांनी घेराव घातला असून दहशतवादी आणि जवानांमध्ये चकमक सुरु आहे. जम्मू-पठाणकोट महामार्ग बंद ठेवण्यात आला आहे.
शुक्रवारीच फियादीनच्या दहशतवाद्यांनी कथुआ जिल्ह्यातील राजबाग पोलीस ठाण्यावर हल्ला केला होता. यामध्ये तीन सुरक्षा रक्षक, दोन नागरिक ठार झाले तर ११ जण जखमी झाले. यावेळी दोन दहशतवाद्यांना कंठस्नान घालण्यात भारतीय जवानांना यश आले.

यवतमाळ, दि. २१ – मांगल्याचं प्रतीक असलेला गुढीपाडवा जनतेच्या आयुष्यात सुख, समृद्धी, आनंदासह आरोग्य घेऊन येवो, अशी ईश्वरचरणी प्रार्थना करीत महसूल राज्यमंत्री तथा जिल्ह्याचे पालकमंत्री संजय राठोड यांनी आज शनिवारी चैत्र प्रतिप्रदेनिमित्त कुटुंबासमवेत येथील टिळकवाडीस्थित आपल्या घरी गुढी उभारली. हे नवीन वर्ष तमाम जनतेला अधिक सुखकारक ठरून, सध्या निसर्गाच्या लहरीपणाने संकटात असलेल्या शेतकरी बांधवांच्या आयुष्यातही सुखाची पेरणी करेल, असा आशावाद यावेळी ना. संजय राठोड यांनी व्यक्त केला.चैत्र महिना हा मराठी महिन्यातला पहिला दिवस असून अनेक चांगल्या कामांची सुरूवात, नवीन संकल्प हे आजच्या दिवसापासून केले जातात. या जिल्ह्याचा सर्वांगीण विकास आणि येथील शेतकरी, कष्टकरी, सामान्य जनतेच्या कल्याणाची कामे आपल्या हातून सदैव घडावी यासाठी ईश्वराने आपल्याला काम करण्याची अधिक ऊर्जा द्यावी आणि जनतेचे प्रेम व सहकार्य असेच मिळत राहावे, अशी प्रार्थना याप्रसंगी ना. संजय राठोड यांनी केली. यावेळी ना. संजय राठोड यांच्या सहचारिणी सौ. शीतल, मुलगी दामिनी, मुलगा सोहम यांच्यासह कुटुंबातील सर्व सदस्य, शिवसेनेनचे पदाधिकारी, शिवसैनिक प्रामुख्याने उपस्थित होते.