कल्याण,महाराष्ट्र न्यूज नेटवर्क,(सतिष राठोड) – कल्याण पश्चिमच्या वायले नगर,खडकपाडा परिसरात माधव सृष्टी संकुलात घरकाम करणार्या १५ वर्षाच्या अल्पवयीन मुलीवर बलात्कार झाल्याची घटना समोर अाली अाहे.
गेल्या २२ दिवसांपूर्वी अारोपी सुनिल जगदाणी (३०), व अारोपी सोनिया जगदाणी (२६), या दाम्पत्यांनी दिल्लीहून अापल्या घरात काम करण्यासाठी तसेच लहान बाळ सांभाळण्यासाठी १५ वर्षाच्या मुलीला अाणले होतं. अारोपी दांपत्य रात्री दारुच्या नशेत धुंद असतांना त्या घरमालकाने,अापल्या पत्नीची मदत घेऊन १५ वर्षाच्या घरकाम करणार्या अल्पवयीन मुलीवर बलात्कार केला,सकाळी या घटनेची माहिती मुलीने अापल्या नातेवाईकांना देण्याचा प्रयत्न केला. सुनिल अाणि सोनिया यांनी तिला बेदाम मारहाण केले व जिवे मारण्याची धमकी दिली.पिडित मुलीने कशी तरी सुटका करत,अापल्या घरी जाण्यासाठी हरिद्वार एक्सप्रेस कल्याण स्टेशनहून पकडली.पुढे इगतपुरी स्टेशनवर तिला टीसीने पकडले व रेल्वे पोलीसांना सोपविण्यात अाले,तिथे हा सगळा घडलेला प्रकार उघड झाल्यावर अारपीएफ ने महात्मा फुले पोलीस स्टेशनला कळवले. सोनिया जगदाणीला पकडण्यात अाला अाहे.अद्याप बलात्कार करणारा अारोपी सुनिल जगदाणी हा फरार असुन पुढचा तपास महात्मा फुले पोलीस स्टेशन करत अाहेत.

मुंबई- राज्यात स्वाईन फ्लूच्या रूग्णांची संख्या दिवसेंदिवस वाढतच आहे. गुरूवारी एका दिवसात १०९ नवे रूग्ण आढळून आले असून एकूण रूग्णांची संख्या ६७८ वर पोहचली आहे. मृतांची संख्या ८३ झाली आहे. गुरूवारी ४ रूग्णांचा मृत्यू झाला असून त्यापैकी दोन हे नागपूरचे तर पुणे आणि लातूरमध्ये प्रत्येक एका रूग्णाचा मृत्यू झाला आहे.
मुंबईत स्वाईन फ्लूची लागण झालेल्या रूग्णांची संख्या २४४ झाली आहे. गुरूवारी १९ नवे रूग्ण आढळले असून एकाचा मृत्यू झाला आहे. मुंबईत मृतांची एकूण संख्या १० वर गेली आहे. स्वाईन फ्लूचा सर्वात जास्त फटका नागपूरला बसला आहे.
बुधवारी राज्यात स्वाईन फ्लूच्या रूग्णांची संख्याी ५६९ येवढी होती. एका दिवसात ती जवळपास शंभरने वाढून ती ६७८ वर गेली आहे. सध्या राज्यातील वेगवेगळ्या रुग्णालयात स्वाईन फ्लूची लागण झालेले जवळपास ४० रूग्ण हे व्हेंटीलेटरवर आहेत, अशी माहिती आरोग्य मंत्रालयाकडून देण्यात आली आहे.
रूग्णांची संख्या वाढत असली तरी स्वाईन फ्लूसाठी आवश्यक असलेल्या टॅमी फ्लूच्या गोळ्या मुबलक प्रमाणात उपलब्ध आहेत. शिवाय सर्वच सरकारी रूग्णालयांना सतर्कतेचे आदेश देण्यात आले आहेत. स्वाईन फ्लू बाबत जनजागृतीची मोठी मोहीमही सरकार तर्फे हातात घेण्यात आली आहे.

यवतमाळ , दि. १९ – छत्रपती शिवाजी महाराजांची जयंती आज गुरुवारी मोठ्या दिमाखदारपणे जिल्ह्यात साजरी करण्यात आली. १५ ते २० संघटना मिळून स्थापित झालेल्या छत्रपती महोत्सव समितीने आज काढलेल्या शोभायात्रेने अवघे शहर शिवमय झाले होते. माँजिजाऊ छत्रपती शिवराय व मावळ््यांची वेशभूषा परिधान केलेल्या बाल कलाकारांनी नगरवासीयांचे लक्ष वेधून घेतले होते. ‘मी मावळा शिवरायांचा’असे स्फूरणच प्रत्येक शिवप्रेमींच्या चेहºयावर चढल्याचे दृश्य या शोभायात्रेत उमटले होते.
रयतेचे राजे छत्रपती शिवाजी महाराजांची तारखेप्रमाणे होणारी जयंती आज गुरुवारी मोठ्या उत्साहात साजरी करण्यात आली. मराठा सेवा संघ, संभाजी ब्रिगेड, जिजाऊ ब्रिगेड, वीर भगतसिंग विद्यार्थी परिषद, सर्व शाखेय कुणबी समाज संघटना, शिवाजी विद्यालय, वेदधारिणी महाविद्यालय आदी संघटनांनी शिवजयंती उत्सवाची तयारी गेल्या महिन्याभरापासूनच प्रारंभ केली होती. १६ फेब्रुवारीपासून जिल्ह्यात शिवचरित्रावर व्याख्यानमाला, शिव मॅरेथॉन स्पर्धा, कराटे स्पर्धा, रांगोळी स्पर्धा आदी कार्यक्रमांचे आयोजन केले होते. आज दुपारी शहराच्या मध्यवस्तीत असलेल्या आझाद मैदानातून भव्य शोभायात्रेचा प्रारंभ झाला. वेदधारणी विद्यालय, अण्णासाहेब पारवेकर विद्यालय, डॉ. पंजाबराव देशमुख विद्यापीठ अकोला व वसंतराव नाईक विद्यालय, राष्टÑमाता जिजाऊ संस्था लोहारा, मधुबन नगरी, शिवाजी विद्यालय व कनिष्ठ विज्ञान व व्यावसायिक अभ्यासक्रम महाविद्यालयांनी झांकी सादर केल्या. माँ जिजाऊ, छत्रपती शिवराय व मावळ््यांच्या रूबाबदार वेशात असलेल्या बाल कलाकारांनी नगरवासीयांचे लक्ष वेधून घेतले. ढोल­-ताशांच्या गजरात, फटाक्यांच्या आतषबाजीत ‘जय जिजाऊ जय शिवराय’ अशा घोषणांनी शहर दुमदुमून गेले होते. शहरातील विविध मार्गाने मार्गक्रमण करीत या शोभायात्रेचा समारोप हनुमान व्यायाम शाळेजवळ झाला. यावेळी काँग्रेस प्रदेशाध्यक्ष माणिकराव ठाकरे, राहुल ठाकरे, डॉ. दिलीप महाले आदी मोठ्या संख्येत शिवप्रेमी शोभायात्रेत सहभागी झाले होते.