नवी दिल्ली – दिल्ली विधानसभा निवडणुकीत घवघवीत यश मिळवणा-या आम आदमी पक्षाचे संयोजक अरविंद केजरीवाल शनिवारी ऐतिहासिक रामलीला मैदानावर दुस-यांदा मुख्यमंत्रीपदाची शपथ घेणार आहेत.
जनलोकपाल विधेयकाच्या मुद्यावरुन अरविंद केजरीवाल यांनी मुख्यमंत्रीपदाचा राजीनामा दिल्यानंतर बरोबर वर्षभराने केजरीवाल पुन्हा मुख्यमंत्रीपदाची शपथ घेणार आहेत. अरविंद केजरीवाल यांच्याबरोबर आणखी सहा जण मंत्रीपदाची शपथ घेतील.
वित्त, ऊर्जा ही महत्वाची खाती केजरीवाल आपल्याकडे ठेवतील अशी शक्यता आहे. केजरीवाल यांचे विश्वासू मनीष सिसोदीया उपमुख्यमंत्रीपदाची शपथ घेऊ शकतात. सार्वजनिक बांधकाम खाते, शहर विकास आणि शिक्षण ही महत्वाची खाती सिसोदीयांकडे येण्याची शक्यता आहे.
जितेंद्र सिंह तोमर – कायदा
संदीप कुमार – महिला आणि बाल कल्याण
मनीष सिसोदीया – सार्वजनिक बांधकाम खाते, शहर विकास आणि शिक्षण
सत्येंद्र जैन – आरोग्य आणि उद्योग
असीम अहमद खान – अन्न
गोपाळ राय – वाहतूक आणि कामगार

जोधपूर, दि. १३ – एका अल्पवयीन मुलीवर बलात्कार केल्याच्या आरोपाखाली अटकेत असलेल्या आसाराम बापूच्या एका भक्ताने साक्षीदारावर चाकूने हल्ला केल्याची घटना शुक्रवारी जोधपूरमध्ये घडली. या हल्यात साक्षीदार जखमी झाला असून त्याच्यावर रुग्णालयात उपचार करण्यात येत आहे.
बलात्कार प्रकरणाचा तपास सध्या जोधपूर कोर्टात सुरू आहे. शुक्रवारी सुनावणीनंतर राहुल के सच्चान हा साक्षीदार कोर्टाच्या बाहेर पडताच सत्यनरीन या तरुणाने हातातील चाकूने सच्चान याच्यावर हल्ला चढवला. सच्चान यांच्या पाठीत दोनदा चाकूने वार केल्याने सच्चान जखमी झाला. पोलिसांनी तात्काळ सच्चानला सरकारी हॉस्पिटलमध्ये दाखल केल्याची माहिती पोलीस उपआयुक्त (कायदा आणि व्यवस्था )कैलाश संधू यांनी दिली. आपल्यावर हल्ला करणारा हा आसाराम यांच्या आश्रमातील मदतनीस असल्याचे राहुल सच्चान यांनी सांगितले. हल्ला करणा-या व्यक्तीला पोलिसांनी ताब्यात घेतले असून त्याची चौकशी करण्यात येत असल्याचे संधू यांनी सांगितले. दरम्यान, अल्पवयीन मुलीवर बलात्कार केल्याच्या आरोपावरुन आसाराम यांना सप्टेंबर २०१३ साली अटक करण्यात आली असून त्यानंतर जोधपूरच्या सेंट्रल जेलमध्ये रवानगी करण्यात आली आहे.

अटक टाळण्यासाठी मागीतली लाच
महागांव, दि. १३ – विवाहीतेचा छळ करणाºया सहा आरोपींची अटक टाळण्यासाठी लाच ९ हजार रुपये लाच स्विकारणाºया जमादाराला आज रंगेहात पकडले. यवतमाळ येथील लाचलुचपत प्रतिबंधक विभागाच्या पथकाने आज ही कारवाई केली.
जमादार विष्णू सखाराम कोरडे (४५), वसंता रामजी घोडेकर (५८) अशी लाचखोरांची नावे आहे. गजानन उत्तम राठोड रा. पिपरी इजारा याच्या भावाचे लग्न टाकळी येथील एका मुली सोबत एक वर्षापुर्वी झाले होते. काही दिवस संसार सुखात सुरू होता. दरम्यान शुल्लक कारणावरूण पती-पत्नीमध्ये भांडण होत होते. त्यानंतर सासरच्या सहा जणांनी शारीरीक व मानसिक छळही सुरु केला होता. याप्रकरणी महागाव पोलिसांनी गुन्हे दाखल केले होते. याप्रकरणी गजानन राठोड यांचे आई-वडील, भाऊ, पत्नी यांना गुन्हयामध्ये लॉकअप मध्ये टाकत नाही, हातकडी लावुन न्यायालयात नेत नाही, जमानत करूण देतो या कामासाठी मुडाणा बिटचे जमादार विष्णू कोरडे यांनी तक्रारदार गजानन राठोड यांच्याकडे ९ हजार रुपये लाचेची मागणी केली होती. ठरल्याप्रमाणे आज शुक्रवारी जनता हाऊस जवळील रोहीदास टी सेंटर येथे वसंता घोडेकर यांच्या मार्फत रक्कम स्विकारली. यावेळी लाचलुचपत प्रतिबंधक विभागाच्या पथकाने सापळा रचुन जमादारसह पैसे स्विकारणाºया इसमास रंगेहात अटक केली. ही कारवाई उपअधीक्षक सतिश देशमुख व पथकाने केली.

यवतमाळ दि.13 : गेल्या खरीप हंगामात चांगले पर्जन्यमान न झाल्याने जिल्ह्यावर दुष्काळाचे संकट ओढवले. जिल्ह्याची उत्पादन क्षमता घसरली. पर्यायाने शेतकऱ्यांना मोठ्या प्रमाणवर नुकसान सोसावे लागले. शासनाने दुष्काळात सापडलेल्या शेतकऱ्यांना मदत देण्याची घोषणा केली होती. त्याप्रमाणे जिल्ह्यातील 2 लाख 24 हजार शेतकऱ्यांना या मदतीचे वितरण करण्यात आले आहे. जिल्ह्याला पहिल्या टप्यात दि. 8 जानेवारी रोजी मदत वितरीत करण्यासाठी 122 कोटी 80 लक्ष रुपये प्राप्त झाले होते. गेल्या काही दिवसांपासून सदर निधींचे वाटप मोठ्या प्रमाणवर सुरु आहे. दुसऱ्या टप्यात जिल्ह्याला नुकतेच 121 कोटी 61 लाख रुपये प्राप्त झाले आहे. दोन्ही टप्पे मिळून जिल्ह्यास एकूण 244 कोटी 41 लाख रुपये प्राप्त झाले असून आतापर्यंत यातील 120 कोटी रुपये 2 लाख 24 हजार शेतकऱ्यांना वितरीत करण्यात आले आहे.
जिल्ह्यात एकूण 4 लाख 47 हजार इतके शेतकरी दुष्काळी मदतीस पात्र असून त्यांना मदत वितरीत करण्यासाठी 625 कोटी रुपयांची आवश्यकता आहे. त्यापैकी बहुतांश निधी प्राप्त झाला असून त्याचे वाटप शेतकऱ्यांचा बँक खात्यात रक्कम जमा करुन सुरु आहे. आतापर्यंत यवतमाळ तालुक्यातील 14052 शेतकऱ्यांना 8 कोटी, कळंब 12178 शेतकऱ्यांना 6 कोटी 75 लाख, बाभुळगाव 10932 शेतकऱ्यांना 5 कोटी 91 लाख, आर्णी 12974 शेतकऱ्यांना 7 केाटी 80 लाख, दारव्हा 15278 शेतकऱ्यांना 9 कोटी 6 लाख, नेर 13552 शेतकऱ्यांना 7 कोटी 60 लाख, दिग्रस 10972 शेतकऱ्यांना 5 कोटी 98 लाख, पुसद 18443 शेतकऱ्यांना 9 कोटी 51 लाख रुपयांची मदत वितरीत करण्यात आली आहे. उमरखेड तालुक्यतील 15363 शेतकऱ्यांना 7 कोटी 17 लाख, महागाव 13658 शेतकऱ्यांना 6 कोटी 98 लाख, राळेगाव 15265 शेतकऱ्यांना 8 कोटी 34 लाख, घाटंजी 16042 शेतकऱ्यांना 8 कोटी 43 लाख, केळापूर 162777 शेतकऱ्यांना 6 कोटी 82 लाख, झरीजामणी 9280 शेतकऱ्यांना 5 कोटी 84 लाख, वणी 17720 शेतकऱ्यांना 9 कोटी 27 लाख तर मारेगाव तालुक्यातील 12234 शेतकऱ्यांना 6 कोटी 10 लाख याप्रमाणे 2 लाख 24 हजार शेतकऱ्यांना 120 कोटी रुपयांच्या मदतीचे वितरण करण्यात आले आहे.

वॉशिंग्टन- अमेरिकेत पोलिसांच्या मारहाणीमध्ये सुरेश पटेल (५७) यांना अर्धांगवायु झाल्याच्या घटनेसंदर्भात पटेल यांना मारहाण करणा-या पोलीस अधिका-याला अटक करण्यात आली आहे. एरिक पार्कर असे या पोलीस अधिका-याचे नाव आहे.
पार्कर याने पटेल यांना मारहाण केल्याचे चित्रीकरण आणि वृत्त मिडीयात प्रसिद्ध झाल्यानंतर भारताने तीव्र नाराजी व्यक्त केली. यानंतर ही कारवाई करण्यात आली. या प्रकरणाची स्थानिक प्रशासनातर्फे चौकशी करण्यात येईल, असे आश्‍वासन अमेरिकेतर्फे देण्यात आले आहे.

बंगळुरु, दि. १३ – बंगळुरु एर्नाकुलम इंटरसिटी एक्सप्रेसचे नऊ डबे रुळावरुन घसरल्याची घटना शुक्रवारी सकाळी घडली. या अपघातात १० प्रवाशांचा मृत्यू झाल्याचे वृत्त असून ७० हून अधिक प्रवासी जखमी झाले आहेत.
शुक्रवारी सकाळी बंगळुरु एर्नाकुलम इंटरसिटी एक्सप्रेस साडे सहाच्या सुमारास बंगळुरुहून एर्नाकुलमच्या दिशेने निघाली होती. सकाळी साडे सातच्या सुमारास कर्नाटक – तामिळनाडू सीमेवरील एनकेल येथे एक्सप्रेसचे इंजिनसह नऊ डबे रेल्वे रुळावरुन घसरले. अपघातात काही डबे एकमेकांवर चढल्याने प्रवाशांना बाहेर पडणेही अशक्य झाले होते. या अपघातात आत्तापर्यंत ३ प्रवाशांचा मृत्यू झाला असून मृतांचा आकडा वाढण्याची शक्यता आहे. दरम्यान, मदतकार्याला सुरुवात झाली असून १८ रुग्णवाहिकाही घटनास्थळी दाखल झाल्या आहेत. अपघाताचे नेमके कारण अद्याप अस्पष्ट आहे. रेल्वेचे वरिष्ठ अधिकारी घटनास्थळी रवाना झाला आहेत. रेल्वेमंत्री सुरेश प्रभू यांनी या अपघाताच्या चौकशीचे आदेश दिले आहेत.
‘सकाळी गाडीत बसल्यावर अनेक जण झोपी गेले होते. मात्र तासाभरानंतर आम्हाला जोरदार आवाज आला. आम्ही कसेबसे ट्रेनच्या बाहेर पडलो आणि नेमके काय झाले ते बघितले. डी ८ आणि डी ९ हे डबे एकमेकांवर चढले होते. या दोन डब्यांमध्येच जास्त प्रवासी अडकले असून सर्वाधिक नुकसान या दोन डब्यांचेच झाले आहे अशी माहिती एका प्रत्यक्षदर्शीने दिली.