दिग्रस (यवतमाळ), दि. २४ – तालुक्यातील इसापूर येथे एका चिमुकलीचा मृतदेह विहिरीत आढळल्याची घटना आज मंगळवारी सकाळी उघडकीस आली. दिव्या शाम गायकवाड (६) असे मृत चिमुकलीचे नाव आहे. दिव्याचा खून वडीलानेच केल्याची तक्रार यशोदा शाम गायकवाड या महिलेने दिग्रस पोलीस ठाण्यात दिली.
सोमवारी दि. २३ फेबु्रवारी रोजी यशोदा व शाम या दाम्पत्यात कौटुंबिक कलह निर्माण झाला होता. यशोदा ही भावाकडे पुसद येथे निघून गेली. रात्री पतीने फोन करून उद्या सकाळपर्यंत मुलगी दिसणार नाही, असा फोन करून धमकाविल्याचे तक्रारीत नमूद करण्यात आले आहे. आज सकाळी १०.४० वाजता दरम्यान दिव्याचा मृतदेह दिग्रस-पुसदरोडवर असलेल्या संजय नालमवार यांच्या शेतातील विहिरीत आढळून आला. ही वार्ता गावात पसरताच घटनास्थळी गर्दी झाली होती. पोलिसांनी घटनास्थळ गाठून पंचनामा केला. शवविच्छेदन झाल्यानंतर दिव्यावर अंत्यसंस्कार करण्यात आले. या घटनेची माहिती मिळाल्यानंतर यशोदाने दिग्रस पोलीस ठाणे गाठून तक्रार दिली. त्यामुळे एकच खळबळ उडाली आहे. कौटुंबिक कलहातून चिमुकलीला जिव गमवावा लागल्याने परिसरात हळहळ व्यक्त होत आहे. याप्रकरणी पोलिसांनी तुर्तास आकस्मिक मृत्यूची नोंद केली आहे. अधिक तपास सहाय्यक पोलीस निरीक्षक शैलेंद्र ठाकरे करीत आहे.

यवतमाळ : डॉक्टरने युवकास जिवे मारण्याची धमकी दिल्याची घटना घडली. राजेंद्र ठाकूर (२८) रा. यवतमाळ असे फिर्यादीचे नाव असून, संजीय जोशी (५०) रा. पिंपळगाव व अन्य एक असे धमकी देणाºया डॉक्टरचे नाव आहे. डॉ. जोशी यांनी ठाकूर यांना न्यायालयात प्रकरण का दाखल केले असे म्हणून, युवकास मारहाण केली व जिवे मारण्याची धमकी दिली. याबाबत शहर पोलीस स्टेशनला तक्रार नोंदविण्यात आली असून, याप्रकरणी पोलिसांनी गुन्हा नोंद करून तपास सुरू केला आहे.

नवी दिल्ली- लोकसभेत आज विरोधी पक्षांच्या मोठ्या विरोधानंतरही जमिन अधिग्रहण विधेयक सादर करण्यात आले. सरकार एकतर्फी निर्णय लादत असल्याचे सांगत विरोधकांनी लोकसभेतून सभात्याग केला. लोकसभेतील काँग्रेसचे गटनेते मल्लिकार्जून खर्गे यांनी सरकार लोकशाहीचा गळा घोटत असल्याचे म्हटले आहे. भाजपचे मित्रपक्ष असलेल्या शिवसेनेने आणि स्वाभिमानी शेतकरी संघटनेचे खासदार राजू शेट्टी यांनीही वॉक आऊट केला आहे.
लोकसभा अध्यक्ष सुमित्रा महाजन यांनी म्हटले आहे की, जमिन अधिग्रहण विधेयकावर आता चर्चा करण्याची नव्हे कृती करण्याची गरज आहे. दुसरीकडे संसदीय कार्यमंत्री व्यंकया नायडू यांनी म्हटले आहे की, लोकसभेत या विधेयकावरून चर्चा करावी. त्यातून योग्य तो सार काढावा आम्ही विधेयकात बदल करण्यास तयार आहे.
त्याआधी अर्थमंत्री अरूण जेटली यांनी राज्यसभेतही जमिन अधिग्रहण अध्यादेश आणण्याचे जोरदार समर्थन केले. सरकारने आपल्या अधिकारांतर्गत हा अध्यादेश आणला आहे. संसदेला बायपास करून अध्यादेश मंजूर केल्याचे विरोधकांचे आरोप चुकीचे आहेत. यूपीए सरकारने आपल्या कार्यकाळात असे अनेक अध्यादेश मंजूर केले होते. आनंद शर्मा यांनी मात्र जेटलींवर हल्ला चढवत, काय आपल्याला वाटत आहे की संसद रबर स्टॅम्पसारखे आपल्या अध्यादेशाला मान्य करेल?
बॅकफूटवर जाण्याची गरज नाही, विधेयक योग्यच: मोदी
दरम्यान, आज सकाळी भाजपच्या संसदीय बोर्डाची बैठक झाली. ज्यात पंतप्रधान नरेंद्र मोदी यांनीही सहभाग घेतला. या बैठकीत जमिन अधिग्रहण विधेयक लोकसभेत सादर करण्याची रणनिती ठरवली गेली. या बैठकीनंतर पंतप्रधान मोदींनी हे विधेयक अतिशय योग्य असल्याचे सांगत या मुद्यांवरून बॅकफूटवर जाण्याचे कोणतेही कारण नसल्याचे सांगितले. हे विधेयक शेतकरीविरोधी नसून शेतक-यांच्या हिताचे असल्याचेही मोदींनी ठासून सांगितले.
अण्णांच्या आंदोलनाठिकाणी आज गर्दी वाढली- केंद्र सरकारने संसदेला बायपास करून जमिन अधिग्रहण विधेयक मंजूर केल्याने सामाजिक कार्यकर्ते अण्णा हजारे यांनी दिल्लीत आंदोलन सुरु केले आहे. आज या आंदोलनाचा दुसरा दिवस आहे. सोमवारीच्या तुलनेत आज लोकांची गर्दी वाढली आहे. अण्णांचे एकेकाळचे सहकारी व दिल्लीचे मुख्यमंत्री अरविंद केजरीवाल आज अण्णांच्या आंदोलनात सहभागी होणार आहेत. सोमवारी सायंकाळी केजरीवाल आणि मनिष सिसोदिया यांनी महाराष्ट्र सदनात अण्णांची भेट घेऊन त्यांच्या आंदोलनाला पाठिंबा जाहीर केला होता. अण्णांनीही या दोघांना आशिर्वाद देत आपचा पाठिंबा स्वीकारला आहे. सत्ताधारी भाजप वगळता काँग्रेससह इतर सर्व विरोधी पक्षांनीही अण्णांच्या आंदोलनाला पाठिंबा दिला आहे. यातील बहुतेक पक्षाचे नेते अण्णांच्या आंदोलनात सहभागी होण्याची शक्यता आहे.

हैदराबाद- कुकटपल्ली येथील गल्फ ऑइल कॉर्पोरेशनच्या आवारात सोमवारी सायंकाळी झालेल्या एका स्फोटात दोन कामगार मृत्युमुखी पडले असून अन्य १३ जण भाजल्याने जखमी झाले.
जखमींना जवळच्या रुग्णालयामध्ये हलविण्यात आले आहे. स्फोटानंतर भडकलेली आग आटोक्यात आल्याचे मधापूर क्षेत्राचे पोलीस उपायुक्त कार्तिकेय यांनी सांगितले.येथे डिटोनेटर्स निष्कासित करत असताना अचानक स्फोट झाल्याचे अतिरिक्त पोलीस उपायुक्त एम. श्रीनिवास राव यांनी सांगितले.

मुंबई-(महाराष्ट्र् न्यूज नेटवर्क-सतिष राठोड)
राज्यात गेल्या काही दिवसांपासून भाजप-शिवशेनेच्या नेत्यांनी एकमेकांवर अारोप लावण्याचे काही कमी केले नाही.हे सर्वांना माहितच अाहे,पण अाता शिवसेना-भाजप हे दोन्हीही पक्ष अागामी महापालिका निवडणणुकांच्या पार्श्वभूमीभूमीवर ठाण्यात शिवसेना-भाजप एकत्र राहणार अाहे,तसेच शिवसेना – भाजपमधील वाढत्या तणावाचा विचार लक्षात घेऊन आज शिवसेना नेत्यांची मुख्यमंत्र्यांसोबत त्यांच्या निवासस्थानी ‘वर्षा’ बंगल्यावर बैठक झाली. ्या बैठकित शिवसेनेचे विधीमंडळ गट नेते एकनाथ शिंदे, आमदार प्रताप सरनाईक सोबत अादी नेते उपस्थित होते.तसेच मीरा-भाईंदर महापालिकेत महापौर पदासाठी भाजपच्या गीता जैन, तर उपमहापौर पदासाठी शिवसेनेचे प्रविण पाटील उमेदवारी अर्ज भरण्याबाबतही शिक्का मोर्तब करण्यात अाला.