यवतमाळ – यवतमाळ-वाशिम लोकसभा मतदारसंघासाठी आज गुरुवारी पाच उमेदवारांनी ११ उमेदवारी अर्ज दाखल केले. तर १७ उमेदवारांनी ४६ अर्ज नेले आहे. उमेदवारी अर्ज दाखल करणाºयांमध्ये रमेश गोरसिंग पवार यांनी नया दौर पार्टी व भारतीय बहुजन आघाडी या पक्षांच्या नावे प्रत्येकी एक तर अपक्ष म्हणून एक असे तीन अर्ज दाखल केले. मनिष रामकृष्ण ढाले यांनी अपक्ष म्हणून दोन, मधुकर रंगलाल पवार यांनी भारतीय राष्टÑीय कॉंग्रेसच्या नावे दोन, रमेश विठोबा गुरनुले यांनी अपक्ष दोन, शेख जब्बार शेख युनुस यांनीही अपक्ष म्हणून दोन अर्ज दाखल केले. आतापर्यंत ८ उमेदवारांनी १४ उमेदवारी अर्ज दाखल केले. आज १७ उमेदवारांनी ४६ अर्ज नेले आहे. आजपर्यंत एकूण ९४ उमेदवारांनी २४० अर्ज नेले आहे.

यवतमाळ – दाते कॉजेलचौकातून पायी जाणाºया महिलेच्या गळ््यातील मंगळसूत्र उडविल्याची घटना आज दुपारी १२.१५ वाजता घडली. यावेळी नागरिकांनी आरोपीला पकडून पोलिसांच्या स्वाधिन केले.
कशिश सुशिल कटीयारा (२७) रा. वैद्य नगर यांनी शाळेतून मुलीला घेऊन घराकडे जात होत्या. अशातच दाते कॉजेल चौकात समोरुन आलेल्या युवकाने या महिलेच्या गळ््यातील साडेबारा ग्रॅमचे मंगळसूत्र हिस्कावले. यावेळी सदर महिलेने आरडा ओरड केल्याने परिसरातील नागरिकांनी पाठलाग करुन मंगळसूत्र चोरट्यास पकडले. या बाबतची माहिती प्रा. मेहरे यांनी वाहतुक पोलीस सुरेंद्र वासनिक यांना दिली. त्यांनी घटनास्थळ गाठून चोरट्यास ताब्यात घेऊन वडगाव रोड पोलिसांच्या स्वाधिन केले. यावेळी घटनास्थळावर सहा ग्रॅम सोन्याचा तुकडा सापडला. याप्रकरणी कशिश कटीयारा यांनी दिलेल्या तक्रारीवरून वडगाव रोड पोलिसांनी चोरट्याविरुद्घ गुन्हा दाखल केला असून तपास सुरु आहे.

‘बसप’च्या सर्वेसर्वा मायावती यांनी लोकसभा निवडणुकीमध्ये कोणत्याही पक्षासोबत आघाडी करणार नसल्याचे स्पष्ट केले. तसेच त्यांनी उत्तर प्रदेशमधील लोकसभेसाठीच्या ८० उमेदवारांची यादीही जाहीर केली.

चितगाव- आयसीसी टी-२० क्रिकेट स्पर्धेतील पात्रता फेरीतील सामन्यात नेपाळने अफगाणिस्तानवर नऊ धावांनी विजय मिळवला. प्रथम फलंदाजीकरत नेपाळने अफगाणिस्तानपुढे विजयासाठी १४२ धावांचे आव्हान दिले होते. मात्र त्यांना २० षटकात आठ बाद १३२ धावा करता आल्या.
टी२० विश्वचषक स्पर्धेतील पात्रता फेरीतील नेपाळने अफगाणिस्तानसमोर १४२ धावांचे आव्हान ठेवले आहे. प्रथम फलंदाजीला आलेल्या नेपाळने पाच गडी १४१ धावा केल्या.यापूर्वी अफगाणिस्ताननेे नाणेफेक जिंकत प्रथम क्षेत्ररक्षण करण्याचा निर्णय घेतला. नेपाळच्या खाखुरेलने केलेल्या ५६ धावांच्या जोरावर नेपाळला १४१ धावांचा टप्पा गाठता आला. अफगाणिस्तानकडून शपूर झारदान याने दोन गडी बाद केले. नेपाळ आणि अफगाणिस्तान या दोन्ही संघांनी पात्रता फेरीतील दोन सामन्यांमध्ये एका सामन्यात विजय मिळवला आहे. त्यामुळे स्पर्धेतील आव्हान टिकवण्यासाठी दोन्ही संघ सज्ज आहेत.

मुंबई- शक्ती मिलमधील सामूहिक बलात्कार प्रकरणातील चारही आरोपी दोषी असल्याचे गुरुवारी न्यायालयाने सांगितले. शक्ती मिलमधील सामूहिक बलात्कार प्रकरणी गुरुवारी ‘इन-कॅमेरा’ सुनावणी झाली. छायाचित्रकार असलेल्या तरुणीवर ३१ जुलै २०१३ रोजी सामूहिक बलात्कार झाला होता. त्यापूर्वी याच आरोपींनी एका टेलिफोन ऑपरेटरवरही सामूहिक बलात्कार केल्याचे उघडकीस आले.
मुंबईतील महालक्ष्मी परिसरातील शक्ती मिल कंपाउंड येथे जुलै आणि ऑगस्ट महिन्यात या घटना घडल्या होत्या. आरोपींनी प्रथम ३१ जुलै रोजी २३ वर्षीय टेलिफोन ऑपरेटर असलेल्या मुलीवर सामूहिक बलात्कार केला होता. त्यानंतर २२ ऑगस्ट रोजी त्यांनी एका छायाचित्रकार मुलीवर बलात्कार केला होता. याप्रकरणी सत्र न्यायालयाच्या न्यायमूर्ती शालिनी जोशी यांच्यासमोर शनिवारी सरकारी पक्षाचे अ‍ॅड. उज्ज्वल निकम आणि आरोपींचे वकील यांचा युक्तिवाद पूर्ण झाला. गुरुवारी या प्रकरणाच्या निकालावर सुनावणी होणार असल्याने न्यायालयाच्या निकालाकडे सर्वाचे लक्ष लागले होते. या प्रकरणातील अशफाक शेख, कासिम शेख ऊर्फ कासिम बंगाली, सलिम अन्सारी आणि विजय जाधव हे चारही आरोपी दोषी असल्याचे गुरुवारी न्यायालयाने सांगितले. अल्पवयीन आरोपीवर बालगुन्हेगारीच्या विशेष न्यायालयात खटला सुरू आहे. अन्य आरोपींवरील खटला मुंबई सत्र न्यायालयात सुरू आहे. आठ ऑक्टोबर २०१३ रोजी चार आरोपींवर ३६२ पानांचे आरोपपत्र दाखल करण्यात आले होते. तर अल्पवयीन आरोपीवर वेगवेगळ्या गुन्ह्यांतर्गत आरोपपत्र दाखल करण्यात आले आहे. दरम्यान, या खटल्याच्या सुनावणीसाठी राज्याचे गृहमंत्री आर.आर.पाटील हे न्यायालयात उपस्थित होते. पिडीत तरुणीला आणि तिच्या कुटुंबियांना लवकर न्याय मिळाल्याचे सांगत आर.आर.पाटील यांनी या निर्णयावार समाधान व्यक्त केले

यवतमाळ – जगदंबा अभियात्रीकी महाविद्यालयातील प्रथम वर्षाचा विद्यार्थी इशान निखील भागवते हा गुगलर स्पर्धेत अव्वल ठरला आहे. त्याला महाविद्यालयात गुगल बॉय या पदविने सन्मानित करण्यात आले. महाविद्यालयाच्या वतीने नुकतीच गुगलर ही स्पर्धा आयोजित करण्यात आली होती. या मध्ये प्रथम फेरीत दहा मिनीटात दहा प्रश्न व्दितीय फेरीत दहा मिनीटात पंधरा प्रश्न आणि तृतीय फेरीत दहा मिनीटात वीस प्रश्न सोडवायचे होते. दिलेल्या प्रश्नांची उत्तरे गुगल वर सर्च करुन ती उत्तरपत्रिकेत लिहीण्याची ही स्पर्धा होती. यामध्ये महाविद्यालयातील 250 विद्यार्थ्यांनी सहभाग घेतला होता. सर्वात कमी वेळात जास्तीत जास्त अचूक प्रश्न सोडविल्यामुळे इशान भागवते याला महाविद्यालयाचे सचिव शितल वातीले यांच्या हस्ते रोख, सन्मानचिन्ह आणि प्रशस्तीपत्र देऊन त्याला सन्मानित करण्यात