यवतमाळ – भारतीय संस्कृतीत होळीला अनन्यसाधारण महत्त्व असून त्या दिवशी वाईट प्रवृत्तींचे दहन करण्यासाठी होळी पेटवली जाते. मात्र सध्याच्या घडीला मोठ्या प्रमाणात वृक्ष तोड करून होळी साजरी केली जाते. पर्यावरण बचावासाठी प्रयत्न सुरू असतानाच होळीसाठी झाडांची सर्रासपणे कत्तल केली जाते. यावर्षी होळीच्या दिवशी वृक्षतोड थांबवावी म्हणून वनविभागाने जनजागृती सुरु केली आहे. लाकडे तोडण्याची वेळ आता गेली असून वृक्ष पुजन करण्याची वेळ आली असे फलक शहरात लावले आहे.
होळीसाठी झाडे तोडण्याऐवजी केरकचरा व अन्य टाकाऊ पदार्थांची होळी करावी असे आवाहन पर्यावरण प्रेमी करित आहेत. होळीच्या निमित्ताने पर्यावरणाची माहिती देण्याचे काम स्वयंसेवकांनी करावे तसेच दुर्गुणांच्या पुतळाची प्रतिकात्मक होळी करून हा सण साजरा करावा, असेही सांगितले जात आहे. होळीच्या पर्वावर होणारी वृक्षतोड रोखण्यासाठी, लाकडांची होळी न करता वृक्षपूजन करून होळी साजरी करा असे आवाहन वनविभागाने केले आहे. लाकडे तोडण्याची वेळ आता गेली असून वृक्षपूजन करण्याची वेळ आली आहे असा संदेश देणारे फलक शहरातील शासकीय कार्यालयासह सार्वजनीक ठिकाणी वनविभागाने लावले आहे. वृक्ष वल्ली अम्हा सोयरी असा संदेश संत तुकारामांनी दिला. त्याच संदेशाला अनुसरुन आज ‘वृक्ष देवो भव’ हा नवा मंत्र आत्मसात करून सार्वांनी वाटचाल केल्यास निसर्ग संवर्धनास मोलाचा हातभार लागेल. होळी सणला वृक्षपुजन केल्यास आपल्या जगण्यासाठी प्राणवायु देणाºया वनाराईची कत्तल तर कमी होईलच शिवाय भावी पिढीलाही पर्यावरण संरक्षणाचा संदेश मिळेल. होळीच्या दिवशी लाकडांची होळी न करता सार्वजनिक ठिकाणावरील काडी कचरा गोळा करुन त्याची होळी करावी. तसेच होळीच्या दिवशी एक झाड लावावे, तसेच उन्हाळ््यात निर्माण होणारी पाणी टंचाई लक्षात घेऊन पाण्याचा अपव्यय टाळावा. असे आवाहन उपवनसंरक्षक प्रमोदचंद लाकरा व दारव्ह्याचे वनपाल श्रीराम कडूकार यांनी केले.

सध्या तरुण पिढीवर सोशल मीडियाचा मोठा प्रभाव आहे. फेसबुकनंतर आलेले ‘व्हॉट्सअॅप’ तरुण-तरुणींमध्ये प्रसिद्ध झाले आहे. उठण्या-झोपण्यापासून सर्व जण आपली माहिती मित्र, मैत्रिणींना शेअर करत असतात. मात्र अँड्रॉइड फोनमधील ‘व्हॉट्सअॅप’ वापरणा-यांना थोडे सावध व्हावे लागणार आहे. कारण तुम्ही ‘व्हॉट्सअॅप’वर चॅटिंग करताना कोणीही तुमच्या चॅट अकाउंटमध्ये ‘लॉगइन’ करून तुमचे संभाषण पाहू शकणार आहे.
पोर्तुगाल येथील सुरक्षा सल्लागारांच्या मते, अँड्रॉइड फोनच्या एसडी कार्डवर ‘व्हॉट्सअॅप’ संदेश साठवले जातात. मात्र अँड्राइड फोनमध्ये विविध अॅप्सची माहिती शेअर केली जात असल्याने कोणतेही अॅप ती माहिती वाचू शकते, असे त्यांचे म्हणणे आहे. ‘व्हॉट्सअॅप’चा डेटाबेस एसडी कार्डवर केला जातो. अँड्रॉइड वापरणा-यांनी एसडी कार्ड वापरण्याची परवानगी दिल्यास ते अॅप्लिकेशन कोणीही वाचू शकतो, असे बास बोस्केर्ट यांनी ब्लॉगवर लिहिले आहे.
एखाद्याचा ‘व्हॉट्सअॅप’ डेटाबेस पाहायचा असल्यास तो साठवण्यासाठी जागेची गरज भासणार आहे. दुसरे म्हणजे तो डेटाबेस संकेतस्थळावर अपलोड करण्यासाठी अँड्रॉइड अॅप्लिकेशनची गरज लागणार आहे. प्ले स्टोर किंवा एपीके फाइलद्वारे एकदा अँड्रॉइड अॅप्लिकेशन इन्स्टॉल केल्यानंतर ते अॅप फोनला नेटवर्क आणि एसडी कार्ड वापरण्यासाठी परवानगी मागते.
बोस्केर्ट यांनी हॅक करण्यासाठी वेब सव्र्हर सेट केला आणि नंतर फोनमध्ये विशेष परवानगी मागणारे अँड्रॉइड अॅप्लिकेशन तयार केले. मात्र अँड्रॉइड फोनची ऑपरेटिंग सिस्टीम फोनमधील विविध विभाग वापरण्याची परवानगी त्या अॅप्लिकेशनला देतो. त्यामुळे अँड्रॉइडधारक कोणतीही माहिती अॅपद्वारे आरामात शेअर करू शकतात, असे त्यांनी सांगितले. ‘व्हॉट्सअॅप’ची जुनी आवृत्ती खूपच असुरक्षित होती. एकदा वेब सव्र्हरवर अपलोड केल्यानंतर या जुन्या ‘व्हॉट्सअॅप’मधील माहिती कोणीही वाचू शकत होते. तसेच ‘व्हॉट्सअॅप’च्या नवीन आवृत्तीतही संगणकीय प्रणालीचा उपयोग होऊ शकतो. खरे तर फेसबुकला ‘व्हॉट्सअॅप’ विकत घेण्याची काहीच गरज नव्हती, असे बोस्कर्ट यांनी गमतीने म्हटले आहे.

नवी दिल्ली- सुनावणी दरम्यान न्यायालयात गैरहजर राहिल्याबद्दल दिल्लीतील न्यायालयाने आम आदमी पक्षाचे नेते अरविंद केजरीवाल आणि मनिष सिसोदीया यांना दंड ठोठावला आहे.
काँग्रेसचे नेते कपिल सिब्बल यांचे पुत्र अमित यांनी केजरीवाल आणि सिसोदीया यांच्यारविरोधात दिल्लीतील न्यायालयाने खटला दाखल केला होता. मात्र या खटल्याच्या सुनावणी दरम्यान गैरहजर राहिल्याबद्दल न्यायालयाने दोघांना प्रत्येकी दोन हजार ५०० रुपयांचा दंड ठोठावला आहे.

लाडखेड (यवतमाळ) –  रात्रीच्यावेळी बसस्थानकासमोर उभ्या केलेल्या कंन्टेनरचे १५ चाके चोरट्यांनी चोरुन नेल्याने खळबळ उडाली आहे. गुरुवारी रात्री एम.एच. ४०/ वाय ८४८० क्रामंकाचा कन्टेंनर येथील बसस्थानकासमोर उभा होता. अशातच रात्रीच्यावेळी चोरट्याने कंन्टेंनरला जॅक ऐंवजी दगडाचा वापर करून १५ चाके व  डिक्स (किंमत पाच लाख) चोरुन नेले.आज सकाळी ही बाब चालकाच्या निदर्शनास आली. घटनेची माहिती मिळताच लाडखेडचे ठाणेदार सतीश पाटील, पोलीस उपनिरीक्षक संतोष मनवर, गजानन शेजुलकर, नागोराव मेश्राम, अनील आडे, दिपक शेंडे यांनी घटनास्थळ गाठून पंचनामा केला.

नागपूर – भाजपचे पंतप्रधानपदाचे उमेदवार नरेंद्र मोदी यांच्या प्रचारासाठी प्रसारमाध्यमे विकली गेली आहेत या आपल्या वादग्रस्त विधानावरुन आपचे प्रमुख नेते अरविंद केजरीवाल यांनी घुमजाव केले आहे.
नरेंद्र मोदींच्या प्रचारासाठी प्रसारमाध्यमांनी पैसे घेतले आहेत. उद्या आपचे सरकार आले तर, या संपूर्ण प्रकरणाची चौकशी करुन, अशा विकाऊ पत्रकारांना तुरुंगात टाकू असे वादग्रस्त वक्तव्य केजरीवालांनी नागपूर येथील कार्यक्रमात केले होते. त्यांच्या या विधानावर काँग्रेस, भाजप आणि सीपीआयने जोरदार टीका केल्यानंतर त्यांनी आपल्या विधानावरुन घुमजाव केले. मी असे बोललोच नाही असे सांगत केजरीवालांनी पलटी मारली.गेल्या वर्षभरापासून प्रसारमाध्यमे नरेंद्र मोदींचा प्रचार करत आहेत. काही वृत्तवाहिन्यांचा तर, आता भ्रष्टाचार संपून रामराज्य येणार अशा पध्दतीने प्रचार सुरु आहे. वाहिन्या असे का दाखवत आहेत ? कारण त्यांना मोदींचा प्रचार करण्यासाठी पैसा देण्यात आला आहे. गेल्या दहावर्षात गुजरातमध्ये ८०० शेतक-यांनी आत्महत्या केल्या मात्र कुठल्याही वृत्तवाहिन्या या बातम्या दाखवत नाही. हा एक मोठा कट आहे उद्या आपचे सरकार आले तर अशा पत्रकारांना तुरुंगात टाकू असे वादग्रस्त विधान केजरीवालांनी या कार्यक्रमात केले होते.

नवी दिल्ली – ज्येष्ठ समासेवक अण्णा हजारे यांनी तृणमूल काँग्रेसच्या प्रमुख ममता बॅनर्जी यांचा पाठिंबा काढून घेत असल्याचे शुक्रवारी जाहीर केेले.
लोकसभा निवडणुकीसाठी आपण कोणत्याच पक्षाला पाठिंबा देणार नसल्याचे त्यांनी यावेळी स्पष्ट केले. आगामी निवडणुकीच्या पार्श्वभूमीवर हजारे यांनी देशातील सर्व राजकीय पक्षांना १७ मुद्दे पाठवले होते. सत्तेत आल्यानंतर आम्ही सांगितलेल्या १७ गोष्टींची अमलबजावणी करण्याचे आश्वासन बॅनर्जींनी दिले होते. तसेच देशात स्थिर सरकार यावे यासाठी बॅनर्जींना पाठिंबा द्यायचे ठरवले होते. मात्र फसवणूक होत असल्याचे दिसल्यामुळे अण्णांनी अखेर पाठिंबा मागे घेत असल्याचे शुक्रवारी जाहीर केले.जेव्हा मी सभेसाठी दिल्लीत पोहोचलो तेव्हा दुपारचे १२ वाजून गेले तरी दोन हजार ते अडीच हजार लोकच तेथे उपस्थित होते. माझेही आंदोलन याच रामलीला मैदानावर झाले. त्यावेळी मोठ्या प्रमाणातील जनसमुदायाने मला पाठिंबा दिला. मात्र बुधवारच्या सभेत चार हजार लोकही उपस्थित नव्हते. या सभेसाठी माझी दिशाभूल करण्यात आली. बॅनर्जी यांच्या सभेसाठी या असे निमंत्रण मला देण्यात आले तर ममता यांना अण्णा हजारे यांच्या सभेसाठी येण्यास सांगण्यात आले. ही तर संपू्र्णपणे फसवणूक आहे, असे अण्णा म्हणाले.