अमेठी- आम आदमी पक्षाचे नेते कुमार विश्वास यांच्यासह २० जणांवर निवडणूक आचारसंहिता भंग केल्याची एफआयआर दाखल करण्यात आली.अमेठी येथील सरदार कोतवाली पोलिस स्थानकात एफआयआर दाखल केल्याचे जिल्हा दंडाधिकारी प्रदीप कुमार यांनी सांगितले. स्थानिक प्रशासनाकडून परवानगी न घेता कुमार विश्वास यांनी वर्दळीच्या रस्त्यावर मिरवणूक काढली होती, असे यादव यांनी सांगितले. तर आपण फक्त एकच वाहन घेऊन गेलो होतो, त्यामुळे आचारसंहितेचा भंग झाला नाही, असा दावा विश्वास यांनी केला.

रत्नागिरी- पैशाचा पाऊस पाडण्याच्या नावाखाली तरुणींना वाममार्गाला लावणारी दापोलीतील घटना ताजी असताना आता रत्नागिरीतही सेक्स रॅकेटचा पर्दाफाश झाला आहे. पैशाचे आमिष दाखवत अल्पवयीन तरुणींना जाळ्यात ओढणारी टोळीच पोलिसांच्या हाती सापडली आहे.
रत्नागिरीतील चौदा वर्षाच्या युवतीने शहर पोलिसांत दिलेल्या तक्रारीनंतर शहर पोलिसांनी ‘लैंगिक अपराधापासून बालकांचे संरक्षण’ या विशेष कलमांतर्गत गुन्हा दाखल करून घेत भ्रष्टाचार निर्मूलन व अन्याय निवारण समितीच्या महिला पदाधिका-यासह दोघांना अटक केली आहे. तर तिसरा संशयित आरोपी अटकेच्या भीतीने रुग्णालयात दाखल झाल्याची माहिती उपलब्ध झाली आहे. सेक्स रॅकेटमध्ये रत्नागिरीतील राजकीय पुढा-यांचादेखील सहभाग असल्याची शक्यता असून, अनेकांचे धाबे दणाणले आहेत.
रत्नागिरी शहर पोलीस स्थानकाचे पोलीस निरीक्षक रवी जाधव यांनी दिलेल्या माहितीनुसार अल्पवयीन युवतीने दिलेल्या तक्रारीनंतर स्वाती ठाकूर या भ्रष्टाचार निर्मूलन व अन्याय निवारण समितीच्या महिला पदाधिका-यासह सुशील, जितू, बाळू, हर्षद व अन्य एक अनोळखी युवक अशा सहाजणांवर गुन्हा दाखल करण्यात आला आहे. यापैकी स्वाती ठाकूर आणि सुशील या दोघांना अटक करून न्यायालयात हजर केले असता न्यायालयाने दोघांनाही १२ मार्चपर्यंत पोलीस कोठडीत ठेवण्याचे आदेश दिले आहेत. तिसरा संशयित आरोपी जितू याची प्रकृती बिघडल्याने रुग्णालयात दाखल असून, अन्य तिघाजणांचा शोध सुरू असल्याचे पोलीस निरीक्षक जाधव यांनी सांगितले.
पीडित मुलीचे नववीपर्यंत शिक्षण झाले असून, स्वाती किशोर ठाकूर हिने वैयक्तिक स्वार्थासाठी त्या युवतीला मानसिक त्रास देत लैंगिक शोषण करण्यास भाग पाडल्याचे तक्रारीत नमूद करण्यात आले आहे. पीडित तरुणीने तिच्यावर होणा-या लैंगिक शोषणाची माहिती प्रथम घरच्यांना दिली नंतर रत्नागिरीतील चाईल्ड लाईन संस्थेच्या मदतीने याबाबत शहर पोलीस स्थानकात तक्रार दाखल करण्यात आली. पीडित तरुणीचे मागील एक वर्षापासून लैंगिक शोषण केले जात होते. स्वाती ठाकूर ही पीडित युवतीला वारंवार शारीरिक संबंध ठेवण्यास भाग पाडत होती, असे तक्रारीमध्ये नमूद करण्यात आले आहे. आरोपींनी पीडित युवतीसोबत रत्नागिरीत विविध ठिकाणी शारीरिक संबंध ठेवले. स्वाती ठाकूर हिच्या घरीदेखील पीडित मुलीवर बलात्कार करण्यात आला. शारीरिक संबंध ठेवण्यापूर्वी त्या युवतीला टीव्हीवर अश्लील चित्रफिती दाखवून आणि बिअर पाजून बळजबरी करण्यात आली. स्वाती ठाकूर आणि सुशील यांनी पिडीत युवतीला गोव्यातही नेले. गोव्यात लॉजचे बुकींग करताना पिडीत युवती मुलगी असल्याचे सांगून त्यानंतर स्वाती ठाकूरच्या समोरच बलात्कार करण्यात आल्याची तक्रार त्या युवतीने दिली आहे. पीडित युवतीच्या तक्रारीनंतर शहर पोलिसांनी स्वाती ठाकूर हिच्या घरातील टीव्हीसह सीडीप्लेअर आणि अश्लिल चित्रफिती ताब्यात घेतल्या आहेत. पीडित युवतीने शहर पोलीस स्थानकात दिलेल्या तक्रारीचे व्हिडीओ चित्रीकरण करण्यात आले असून, पिडीत युवतीचे शोषण झालेल्या ठिकाणी पोलिसांनी झाडाझडती घेण्यास प्रारंभ केला आहे. रत्नागिरीत अल्पवयीन युवतींना जाळय़ात ओढणारे रॅकेटच कार्यरत असल्याची शक्यता असून, यातील मोठी टोळी समोर येण्याची शक्यता आहे.

यवतमाळ – पुरुषाच्या तुलनेत महिलांच्या साक्षरतेचे प्रमाण ५४ टक्के असून सर्वच आघाड्यावर महिलांची यशस्वी घोडदौड सुरु आहे. बचत गटासारख्या चळवळीतून महिला एकत्रीत झाल्या व त्यामुळेच त्याच्यासह समाजातही एकात्मतेची भावना रुजल्याचे प्रतिपादन विधानसभेचे उपाध्यक्ष आ. प्रा. वसंत पुरके यांनी केले. जागतिक महिला दिनानिमित्त आयोजीत महिला मेळाव्यात ते अध्यक्षस्थानावरून ते बोलत होते.
पुढे बोलतांना ते म्हणाले की, इंदिरा गांधीनी समर्थपणे देश हिताचे त्या काळी निर्णय घेतले. त्यांच्या कल्पनेतुन पुढे आलेल्या योजनामुळेच ग्रामीण भागाची प्रगती झाली. आता ही महिलांना स्थानिक स्वराज्य संस्थेप्रमाणेच लोकसभा-विधानसभेतही ५० टक्के आरक्षण देण्याचा मतप्रवाह पक्षात आहे. त्यामुळे समाजातील चांगल्या गोष्टींना वाव मिळावा म्हणून महिलांनी अधिक प्रमाणात राजकीय सहभाग घेण्याची गरजही त्यांनी बोलुन दाखविली. आपल्या मुलांना संस्काराचे धडे दिल्यास मराठी माणसाचा टक्का आयएएस, आयपिएस, आयएफएस सारख्या प्रशासन सेवेत वाढेल असेही ते म्हणाले.राज्याच्या महिला व बालविकास मंत्री वर्षा गायकवाड यांनी राज्यात महिलांसाठी राबविलेल्या योजनांची माहिती दिली. यावेळी काँग्रेसचे जिल्हाध्यक्ष आ. वामन कासावार, माजी मंत्री संजय देशमुख, देवानंद पवार, राहुल ठाकरे, महाराष्टÑ प्रदेश महिला काँग्रेसच्या अध्यक्षा कमल व्यवहारे यांनीही आपले मनोगत व्यक्त केले.

यवतमाळ – जिल्ह्यातील गारपीट व वादळी पावसामुळे नुकसान झालेल्या शेतकºयांना आर्थिक मदतद्यावी यासह विविध मागण्यासाठी आ. संजय राठोड १० मार्च रोजी जिल्हाधिकारी कार्यालयासमोर धरणे आंदोलन करणार आहे.
गारपिट व वादळी पावसामुळे जिल्ह्यातील शेतकºयांचे गहू, हरबरा, बागायती, पिकांचे अतोनात नुकसान झाले असून या संदर्भात विधानसभा सभागृहात प्रश्न उपस्थित झाला आहे. नुकसानग्रस्त शेतकºयांना मदतीचे आश्वासन मुख्यमंत्री ना. पृथ्वीराज चव्हाण यांनी दिल्यानंतरही अंमलबजावणीला सुरुवात झाली नाही. सर्वेक्षण अहवाल या बाबतील वेळ न घालवता शेतकºयांना तातडीने मदत करावी, बँकाची सक्तीची वसुली थांबवावी, पिकांची पैसेवारी कमी असल्यामुळे दुष्काळी परिस्थितीत मिळणाºया सवलती मिळावा, २०१३ मध्े अतिवृष्टीमुळे नुकसान झालेल्या शेतकºयांना आर्थिक मदत मिळावी या मागण्यांसाठी धरणे आंदोलन करणार आहे. या धरणे आंदोलनात शिवसेना उपजिल्हाप्रमुख, तालुका प्रमुख, जिल्हा परिषद सदस्य, पंचायत समिती सदस्य, नगर सेवक, कृषी उत्पन्न बाजार समितीचे संचालक व सर्व पदाधिकाºयांनी सहभागी व्हावे असे आवाहन आ. संजय राठोड यांनी केले आहे.