मुंबई- परदेशी गुंतवणूकदारांनी सलग पाचव्या सत्रामध्ये गुंतवणुकीवर भर दिल्याने सोमवारी मुंबई शेअर बाजाराच्या सेन्सेक्सने २२,००० च्या शिखराला स्पर्श केला आणि तो १५ अंकांच्या किरकोळ वाढीसह २१,९३४.८३ नव्या उच्चांकावर बंद झाला. तर निफ्टीने ६,५३७.२५ चा विक्रमी स्तर गाठला.
सार्वत्रिक निवडणुकांचे बिगुल वाजल्यापासून बाजारात तेजीचे वातावरण तयार झाले आहे. संस्थात्मक गुंतवणूकदारांबरोबरच (एफआयआय) किरकोळ गुंतवणूकदारही आपला पोर्टफोलिओ वाढवत आहेत. ‘बीएसई’च्या माहितीनुसार शुक्रवारी एफआयआयने बाजारात २,५७७.४४ कोटींची गुंतवणूक केली. ज्याने बाजारातील तेजीला मोठे बळ मिळाले.भांडवली वस्तू, गृह निर्माण, बँकिंग, तेल शुद्धीकरण या क्षेत्रातील कंपन्यांच्या शेअरला चांगली मागणी होती. तर माहिती तंत्रज्ञान आणि औषध निर्माण क्षेत्रातील कंपन्यांच्या शेअर्सला विक्रीचा सामना करावा लागला. दरम्यान सकाळच्या सत्रात सेन्सेक्सने २२,०२३.९८ अंकांपर्यंत झेप घेतली. तर निफ्टीनेही ६,५६२.२० चा विक्रमी स्तर गाठला होता. गेल्या पाच सत्रांमध्ये निर्देशांकात ९८८ अंकांची वाढ झाली आहे.जागतिक बाजारातील तेजी आणि एफआयआयच्या गुंतवणुकीवर भर यामुळे बाजारातील तेजी दिवसागणिक वाढत असल्याचे बोनांझा पोर्टफोलिओच्या वरिष्ठ संशोधक निधी सारस्वत यांनी सांगितले. सेन्सेक्समधील ३० पैकी १५ कंपन्यांचे शेअर वधारले. यात मारुती सुझुकी ३.७४ टक्के, महिंद्रा अँड महिंद्रा ३.४२ टक्के, एलअँडटी ३.३३ टक्के, एचडीएफसी बँक ३.२३ टक्के, एसबीआय २.५८, बजाज ऑटो २.५३ टक्क्यांनी वधारले. तर माहिती तंत्रज्ञानातील टीसीएस ३.६७ टक्के, टाटा मोटर्स ३.२० टक्के यांच्यासह सन फार्मा, गेल इंडिया, कोल इंडिया आणि हिंदाल्कोच्या शेअरमध्ये घट झाली.

पुणे (अमीत इंगोले) – ‘रामानंद सागर प्रॉडक्शन’चा वारसा लाभलेल्या ‘मिनाक्षी सागर प्रॉडक्शन’ ने आगामी ‘मितवा’ चित्रपटाद्वारे मराठी सिनेसृष्टीत पदार्पण केले आहे. रामानंद सागर यांची नात, मोती सागर यांची मुलगी असलेल्या मिनाक्षी सागर यांनी याआधी अनेक हिंदी मालिकांचे लेखन केले असून प्रथमच त्या त्यांच्या निर्मिती संस्थेद्वारे मराठी चित्रपटाची निर्मिती करताहेत. ‘व्हिडिओ पॅलेस’ची प्रस्तुती असलेल्या ‘मितवा’ चित्रपटात लोकप्रिय अभिनेता स्वप्नील जोशी आणि अभिनेत्री सोनाली कुलकर्णी यांच्या भूमिका असून दिग्दर्शिका स्वप्ना वाघमारे-जोशी या दिग्दर्शन करणार आहेत.
‘रामानंद सागर यांच्या रामायणमधील ‘कुश’ ची आणि कृष्णामधील ‘कृष्णा’ची भूमिका स्वप्नील जोशीने साकारली होती. इतक्या वर्षांपासूनचा आमचा स्नेह असल्याने आमच्या पहिल्या मराठी चित्रपट देखील स्वप्नीलला घेऊन करायचे निश्चित केले. त्याने देखील या प्रस्तावाला तात्काळ होकार दिला, असे मिनाक्षी सागर यांनी सांगितले.‘मितवा’ ही म्युझिकल लव्हस्टोरी असून या चित्रपटाला शंकर, एहसान, लॉय या संगीतकारांचे संगीत लाभले आहे. सोबत मराठीतील सध्याचे आघाडीचे संगीतकार निलेश मोहरीर, अमित राह, पंकज पडघन हे देखील या चित्रपटासाठी संगीत देणार आहेत. या चित्रपटासाठी गीते अश्विनी शेंडे, मंदार केळकर, मंगेश कांगणे यांनी लिहिली आहेत. कथा स्वप्ना वाघमारे-जोशी यांनी लिहिली असून अनेक लोकप्रिय मालिकांचे लेखक शिरीष लाटकर यांनी चित्रपटाची पटकथा- संवाद लिहिले आहेत. दुनियादारीचे सिनेमटोग्राफर प्रसाद भेंडे हे आगामी ‘मितवा’ ची सिनेमटोग्राफी करणार असून महेश साळगांवकर कला दिग्दर्शक आहेत, संजय डावरा हे चित्रपटाचे कार्यकारी निर्माता आहेत.

यवतमाळ – जिल्ह्यात सतत अवकाळी पाऊस सुरू असून आज पुन्हा दारव्हा, नेर तालुक्यात गारपीट झाली. या गारपीटीमुळे शेतकºयांच्या रब्बी पिकांचे अतोनात नुकसान झाले.
नेर तालुक्यात सायंकाळ दरम्यान जोरदार पावसाला सुरूवात झाल्याने जनजीवन विस्कळीत झाले होते. सारंगपूर येथे गारपीट झाल्यामुळे रब्बी पिकांचे मोठ्या प्रमाणात नुकसान झाले. यापूर्वी झालेल्या गारपीटीमुळे रब्बी हंगामातील गहू, हरबरा पिकांचे नुकसान झाले असताना झालेल्या गारपीटीमुळे या नुकसानीत वाढ झाली आहे. महामार्गावरील झाडे उन्मळून पडल्यामुळे काही ठिकाणची वाहतूक खोळंबली होती. तर दारव्हा तालुक्यातील लाख (खी.), चाणी, कामठवाडा, शेलोडी, जांभोरा येथे गारपीट झाली. तसेच किन्ही वळगी, सायखेडा, खेड,आदी महागाव सर्कलमधील गावांमध्ये प्रचंड नुकसान झाले. हातणी येथे तिसºयांदा गारपीटीचा तडाखा बसला. बोरी अरब येथे वादळी वाºयामुळे झाडे उन्मळून पडली होती. तर अनेकांच्या घरावरील टिनपत्रे उडून गेली. झाडे उन्मळून पडल्यामुळे वाहतूक ठप्प झाली होती. रब्बी हंगामातील गहू, हरबरा या पिकासह संत्रा बागाचेही मोठ्या प्रमाणात नुकसान झाले. लाडखेडसह जांभोरा येथे गारपीट झाल्यामुळे कांदा पिकाचे मोठ्या प्रमाणात नुकसान झाले. तर वीज खांब वाकल्यामुळे वीज पुरवठा खंडीत झाला होता. कळंब तालुक्यातील मार्कंडा येथे सतत १ तास झालेल्या गारपीटीमुळे शेतीपिकांसह घरांचे अतोनात नुकसान झाले आहे. वादळी वाºयासह झालेल्या गारपीटीमुळे शेकडो नागरिकांच्या घरावरील टिनपत्रे उडून गेली होती. जीव वाचविण्यासाठी नागरिकांनी मुलाबाळांसह बाजीच्या खाली आसरा घेतला होता. अनेक वृक्ष उन्मळून पडली तर वीज खांब कोसळल्यामुळे वीजपुरवठा खंडीत झाला होता. गारपीटीमुळे काही महिला पुरुष जखमी झाल्याची माहिती आहे.

घाटंजी – मौल्यवान सागवाणाची अवैधपने तस्करी करणारा ट्रक आज पारवा वनविभागाच्या पथकाने जप्त केला. वनविभागामार्फत १२० नग (९.४६१घनमिटर) परवानगी मिळवून प्रत्यक्षात १५२ नग (१२.९४६घ.मि.) सागवाण पांढरकवडा येथून आंध्रप्रदेशातील कश्मिरनगर येथे चोरट्या मार्गाने जात होते. याबाबतची गुप्त माहिती पारवा येथील वनविभागाच्या पथकाने पारवा चौफुलीवर एम.एच. २९ / ९९४९ क्रमांकाचा ट्रक अडवून पाहणी केली. यामध्ये परवानगी पेक्षा जास्त सागवाणाची लाकूड आढळून आले. त्यामुळे चालक रमेश श्रावण गेडाम, क्लिनर विनोद शंकर रोहवकर याना अटक करून ट्रक जप्त केला. सहा. वनसंरक्षक सातपुते यांच्या मार्गदर्शनाखाली मोबाईल स्कॉडचे एस.ए. दरारे यांनी केली.

अतिवृष्टीग्रस्तांना तात्काळ मदत देण्याची मागणी
यवतमाळ – जिल्ह्यात अवकाळी पाऊस व गारपिटीने मोठ्या प्रमाणात पिकाचे नुकसान झाले. शिवसेनेच्या खा. भावना गवळी, आ. संजय राठोड व शेतकºयांनी गारा, मृत प्राण्यांसह जिल्हा कचेरीवर मोर्चा काढून तात्काळ आर्थिक मदत देण्याची मागणी केली.
जिल्ह्यात दहा-पंधरा दिवसापासून अवकाळी पाऊस व गारपिट सुरु आहे. त्यामुळे रब्बी हंगामातील गहू, हरभरा यासह संत्रा, मोसंबी, लिंबु, पपई आदि फळबागाचे हाती आलेले पिक जमिनदोस्त झाल्याने लाखो रुपयाचे नुकसान झाले आहे.आज शिवसेनेच्या खा. भावना गवळी, आ. संजय राठोड आणि शेतकºयांनी जिल्हा कचेरीवर धडक दिली. अतीवृष्टीग्रस्त, गारपिटग्रस्त भागाची पाहणी करून शेतकºयांना सरसकट आर्थिक मदत करावी , ज्या भागातील पिकांची पैसेवारी ५० टक्क्यांपेक्षा कमी आहे त्या ठिकाणी दुष्काळी परिस्थितीच्या सर्व सोयी सवलती लागु कराव्या अशी मागणी केली. यावेळी जिल्हाप्रमुख बाळासाहेब मुनगिनवार, माजी आमदार विश्वास नांदेकर, युवासेना जिल्हाध्यक्ष गजानन बेजंकीवार, प्रविण पांडे, अरविंद गादेवार, हरिहर लिंगणवार, राजेंद्र गायकवाड, शैलेश ठाकुर, गजानन डोमाळे, प्रविण शिंदे, किशोर इंगळे, राजेंद्र गिरी, संजय रंगे, पराग पिंगळे, सचिन राठोड, अरुण वाकडे, गजानन पाटील, अनिल लांडगे, अतुल गुल्हाणे, राजू नागरगोजे, गजानन भोकरे, सदानंद कोंडेवार, रविंद्र भारती, सुभाष वारवड, विनोद काकेड, संतोष ठावरे, मनोज भोयर, गजनन कोळणकर, किशोर वाघ, हरिहर हरबडे, पृथ्वीराज आडे, विनायक भवरे आंदोलनात सहभागी झाले होते.