यवतमाळ – हातानेमैला साफ करणे, डोक्यावर वाहून नेणेही प्रथा घृणास्पद  आहे. त्यामुळे अशा व्यवसायात काम करणाºया कामगारांना इतर व्यवसायाकडे प्रवृत्त करून त्यांचे सामाजिक, आर्थिक व शैक्षणिकदृष्ट्या पुनर्वसन करण्यासाठी संबंधित यंत्रणांनी प्राधान्य द्यावे, असे निर्देश राट्रीय सफाई कमर्चारी आयोगाच्या सदस्या डॉ.लता महातो यांनी दिले.
दिग्रस नगरपरिषदेच्या सभागृहात जिल्ह्यातील सफाई कामगारांच्या समस्या त्यांनी जाणून घेतल्या. त्यावेळी त्या बोलत होत्या. बैठकीला नगर परिषदेचे उपाध्यक्ष डॉ.मुश्ताक, नगरसेवक रामु पवार, उपजिल्हाधिकारी ज्ञानेश भट, ओमप्रकाश महातो, शंकर पवार आदी उपस्थित होते. अस्वच्छ व्यवसायातील सफाई कामगारांच्या पुनर्वसनासाठी शासनाने लक्ष केंद्रीत केले आहे. तेव्हा जुन्या प्रचलीत पध्दतीनुसार काम करणारे कामगार आढळल्यास तसा अहवाल तत्पर पाठवावा. या समाजाची आर्थिक स्थिती हलाखीची आहे. ही बाब विचारात घेऊन योजना राबविणाºया यंत्रणांनी अंमलबजावणी करावी. सफाई कामगार वा त्यांच्या पाल्यांना स्वयंरोजगारासाठी प्रशिक्षण शिबीराचे आयोजन करावे व व्यवसायासाठी कर्ज उपलब्ध करून द्यावे, अशा सुचना डॉ.महातो यांनी केल्या. कंत्राटी पध्दतीने काम देतांना सफाई कर्मचाºयांवर अन्याय होणार नाही तसेच सदर कर्मचाºयांचे वेतन नियमित देण्यात यावे. त्यांच्या सेवेचा लेखाजोगा व्यवस्थित ठेवावा. सफाई कमर्चाºयांच्या रिक्त जागा भरणे, त्यांना कालबद्द पदोन्नती, घरकुल देण्यासाठी प्रस्ताव सादर करावेत. वैद्यकीय शिक्षण आरोग्य सेवेतील कर्मचाºयांना  क वर्ग कर्मचाºयांचा दर्जा देण्यासाठी कायर्वाही करण्याचे निर्देशही त्यांनी दिले. प्रास्ताविक दिग्रसचे मुख्याधिकारी प्यारेलाल यांनी केले. सफाई कर्मचाºयांचे वेतन व इतर लाभ देण्यासाठी पुर्णपणे निधी मिळणे आवश्यक आहे. तसेच श्रमसाफल्य ही योजना सफाई कामगारांसाठी राबविण्यात येते. या योजनेंतर्गत४००कोटी रूपयाचा प्रस्ताव शासनास सादर करण्यात आला आहे, अशी माहिती त्यांनी दिली.

दोहा- कतारची राजधानी दोहा येथे मॉलशेजारी असलेल्या एका तुर्कीश रेस्टॉरंटमध्ये झालेल्या स्फोटात पाच भारतीय नागरिकांसह ११ विदेशी नागरिकांचा मृत्यू झाला. अन्य ३५ जण जखमी आहेत. कतार सरकारने या स्फोटाच्या चौकशीचे आदेश दिले आहेत.
मृत भारतीयांचा ओळख पटली असून या स्फोटात रियाज किझाकेमनोलिल, अब्दुल सलीम पालनगड, झकारिया अनाकंदी, व्यंकटेश आणि शेख बाबू या पाच भारतीय नागरिकांचा मृत्यू झाला.मृत्युमुखी पडलेल्या अन्य नागरिकांमध्ये चार जण नेपाळचे आणि दोनजण फिलिपिन्सचे रहिवाशी आहेत. भारतीयांचे मृतदेह ताब्यात घेण्यासाठी भारताचे राजदूत संजीव अरोरा हे कतार सरकारच्या संपर्कात आहेत.रुग्णालयात दाखल केलेल्या १० जखमींमध्ये आठ पुरुश आणि दोन लहान मुलांचा समावेश आहे. यातील प्रत्येकी तीन नेपाळ आणि पाकिस्तान, दोघे फिलिपिन्स आणि प्रत्येकी एक भारत आणि इजिप्तचे नागरीक असल्याचे समजते.

मुंबई – महाराष्ट्र राज्य माध्यमिक व उच्च माध्यमिक शिक्षण मंडळाकडून घेण्यात येणारी दहावीची लेखी परीक्षा येत्या सोमवारपासून (तीन मार्च) सुरू होणार आहे. या परीक्षेला नवीन अभ्यासक्रमानुसार २० हजार ७२३ शाळांमधील १५ लाख ५८ हजार ६३९ तर जुन्या अभ्यासक्रमानुसार एक लाख ६९ हजार ७२९ असे एकूण १७ लाख २८ हजार ३६८ विद्यार्थी बसणार आहेत. यात नऊ लाख ६७ हजार ७१४ विद्यार्थी तर सात लाख ६० हजार ६५४ विद्यार्थिनी आहेत. यात मुंबई विभागातून तीन लाख ७६ हजार ८९२ तर कोकण विभागातून ४२ हजार ७५७ विद्यार्थी बसणार आहेत. राज्यातील नऊ विभागीय शिक्षण मंडळाच्या चार हजार ८०२ परीक्षा केंद्रांवर ही परीक्षा होणार आहे. राज्यात दहावीची सुरळीत आणि कॉपीमुक्त होण्यासाठी प्रत्येक मंडळाने प्रत्येक जिल्ह्यात भरारी पथके, विशेष भरारी पथके आणि जिल्हाधिकाऱ्यांच्या अध्यक्षतेखाली विशेष पथके नेमली आहेत. हॉल तिकिटांमध्ये त्रुटी आढळल्यास त्यावरील दुरुस्ती करण्यासाठी खास पर्यवेक्षक परीक्षा केंद्रावर असतील, अशी माहिती शिक्षण मंडळाचे सचिव कृष्णकुमार पाटील यांनी दिली.

नवी दिल्ली- आंतरराष्ट्रीय बाजारपेठेत गॅसच्या किंमती उतरल्याने विना अनुदानित गॅस सिलेंडरच्या दरात ५३.५० रुपयांने कपात करण्याचा निर्णय तेल कंपन्यांनी घेतला आहे. स्वयंपाकाचा १४.२ किलो वजनाचे अनुदानित १२ सिलेंडर नंतर खरेदी केल्यानंतर दिल्लीतील गॅसधारकांना पुढील प्रत्येक सिलेंडर १,१३४ ऐवजी आता १,०८० रुपयाला मिळेल.
या वर्षाच्या सुरुवातीलाच विना अनुदानित गॅसच्या किंमतीमध्ये २२० रुपये अशी भरमसाठ वाढ करण्यात आली होती. त्यात एक फेब्रुवारी रोजी विना अनुदानित गॅस सिलेंडरच्या दरात १०७ रुपयांने कपात करण्यात आली होती. त्यापूर्वी एका सिलेंडरसाठी १,२४१ रुपये मोजावे लागत होते. मात्र फेब्रुवारी महिन्यात १,२४१ ऐवजी १,१३४ रुपये दर झाला होता. त्यात आता आणखी ५३ रुपये ५० पैशांनी दर कमी केले आहेत. यामुळे गॅस सिंलेंडरचे दर कमी होत असल्याने महागाईने होरपळत चाललेल्या सर्वसामान्य नागरिकांना यामुळे दिलासा मिळणार आहे. दिल्लीतल्या इंडियन ऑईल कंपनी, हिंदूस्थान पेट्रोलियम कॉर्पोरेशन आणि भारत पेट्रोलियम कॉर्पोरेशन या तीन प्रमूख इंधन कंपन्या महिन्याच्या पहिल्या दिवशी इंधनाच्या आंतरराष्ट्रीय किंमतीचा आढावा घेऊमन आपल्या किंमती ठरवत असतात.गेल्या काही दिवसांत आंतरराष्ट्रीय बाजारात गॅसच्या किंमती कमी झाल्याने हा निर्णय घेण्यात आल्याचे पेट्रोलियम मंत्रालयातर्फे सांगण्यात आले. मात्र आता विना अनुदानित गॅस सिलेंडरचे दर सुमारे दिडशे रुपयाने कमी झाले आहेत.