नागपूर, दि. १५ – आक्षेपार्ह वक्तव्य केल्यामुळे निलंबित करण्यात आलेले राष्ट्रवादीचे आमदार जितेंद्र आव्हाड यांचे निलंबन मागे घेण्यात आले आहे. आव्हाड यांनी शुक्रवारी नथुराम गोडसेचा जन्मदिवस साजरा करणा-यांवर कारवाई करण्याची मागणी विधानसभेत गोंधळ घातला होता, तसेच आक्षेपार्ह शब्दही वापरले होते. त्यानंतर आव्हाड यांना निलंबित करण्यात आले होते. मात्र या निर्णयाचा निषेध करत राष्ट्रवादी आणि काँग्रेसने सभात्याग केला होता तसेच राषट्रवादीने कामकाजावर बहिष्कार टाकण्याचा निर्णय घेतला होता.
आव्हाड यांनी नथुराम गोडसेचा जन्मदिवस साजरा करणा-यांवर कारवाई करण्याची मागणी केली असता, मुख्यमंत्री देवेंद्र फडणवीस यांनी त्यावर निवेदन केले. यावर आव्हाड पुन्हा बोलण्याचा प्रयत्न करीत असताना गृहनिर्माण मंत्री प्रकाश महेता मध्येच बोलायला उठले. अध्यक्षांनी त्यांना बसण्यास सूचना केली असता महेता अध्यक्षांनाच ‘तुम्ही थांबा’, असे म्हणाले. हा अध्यक्षांचा अवमान असल्याचा मुद्दा पुढे करीत आव्हाडांसह विरोधी सदस्यांनी नारेबाजी केली. या वेळी महेता व छगन भुजबळ यांच्यात खटके उडाले. या गोंधळात मुख्यमंत्री बोलत असताना आव्हाडांनी जागेवर बसून आक्षेपार्ह वक्तव्य केले. त्यामुळे त्यांना चालू अधिवेशन संपेर्पयत निलंबित करण्यात आले होते. मात्र आज अधिवेशन सुरू झाल्यानंतर आव्हाड यांचे निलंबन मागे घेण्यात आले.

मुंबई, दि. १५ – पेट्रोल व डिझेलचे भाव प्रति लिटर दोन रुपयांनी कमी करण्यात आले आहेत. त्यामुळे आता ग्राहकांना मध्यरात्रीनंतर पेट्रोल व डिझेलसाठी प्रति लिटर दोन रुपये कमी मोजावे लागणार आहेत. आंतरराष्ट्रीय बाजारात घसरलेल्या खनिज तेलाच्या भावांमुळे भारतातही पेट्रोलजन्य उत्पादने स्वस्त होत आहेत. सरकारी तेल कंपन्यांनी घेतलेल्या पंधरवड्याच्या हवाल्यामध्ये हा निर्णय घेतला आहे. गेल्या वर्षभरात आंतरराष्ट्रीय बाजारातील खनिज तेलाचे भाव प्रति बॅरल ११० डॉलर्सवरून ६० डॉलर्स इतके घसरले आहेत, आणि येत्या काळातही हे भाव कमीच राहणार असल्याचा अंदाज आहे.

यवतमाळ, दि. १५ (रवी चरडे) – येथील कै.वसंतराव नाईक शासकीय महाविद्यालय व रुग्णालयात डॉक्टरांनी  उपचारात हयगय केल्यामुळे रुग्णाचा मृत्यू झाला. त्यामुळे संतापलेल्या युवकांनी मदत व मार्गदर्शन केंद्राची तोडफोड केल्याची घटना सोमवारी १५ डिसेंबर रोजी दुपारी घडली.
जिल्हा शासकीय महाविद्यालयाच्या शवविच्छेदन गृह परिसरात एक अनोळखी इसम अत्यवस्थ अवस्थेत पडून असल्याची माहीती सामाजिक कार्यकर्त्यांना मिळाली होती. त्यांनी लगेच घटनास्थळ गाठून रुग्णाला उपचारासाठी रुग्णालयात दाखल केले. डॉक्टरांनी थातूरमातूर तपासणीकरून सीटीस्कॅन करण्याचा सल्ला दिला. माहिती विचारण्यासाठी मदत व मार्गदर्शन केंद्रात गेलेल्या युवकांना उडवाउडवीचे उत्तर देण्यात आले.अशातच रुग्णाचा उपचारापूर्वीच मृत्यू झाला. त्यामुळे संतापलेल्या युवकांनी मदत केंद्राची तोडफोड केली.

यवतमाळ, दि. १५ (प्रतिनिधी) – लोणबेहळ जंगलक्षेत्राला लागून असलेल्या शेत शिवारात रविवारच्या रात्री तीन बिबट शेतकºयांना आढळून आल्याने भीतीचे वातावरण पसरले आहे. ज्या शेतात बिबट आढळले त्या भागाची पाहणी केली असता वनविभागाच्या पथकाला बिबटचे ठसे आढळून आले.
लोणबेहळ शिवारात सुभाष  येनेवार यांच्या शेतात काल रात्री तीन बिबट जागलीला जाणाºया शेतकºयांना दिसले. सहा महिन्यापूर्वी कोसदणी घाटात व लोणबेहळ जंगलातही बिबट आढळले होते. पण आता त्यांनी आपला मोर्चा शेत शिवाराकडे वळविल्याने शेतकºयात धास्ती पसरली आहे. जंगलात पिण्यास पाणी नसल्याने बिबट शेत शिवारात पिण्याच्या पाण्याकरिता येत असल्याचे सांगितल्या जाते. कोट्यवधीचा खर्च करून वन विभागात वनतळे, मातीबांध, बांधातील गाळकाढणे, सिमेंट बंधारे अशी कामे मागील दोन वर्षांपूर्वी झाली. मात्र त्याचा किंचीतही उपयोग झाल्याचे दिसत नाही.
प्रकाश वानखडे, शांतीलाल जयस्वाल यांच्या शेतातही या बिबट आढळून आल्याची माहिती आहे. लोणबेहळ वन परिक्षेत्राचे वनपाल सुभाष लंबे, वनरक्षक नीलेश सरोदे, सुहास कानडे यांनी या शेतात फिरून बिबटचे ठसे घेतले. आज रात्री पुन्हा ते कुठल्या शेत शिवारात आढळतात. त्या वरून उद्या त्या भागात पिंजरा बसविण्यात येणार असल्याची माहिती वनविभागाच्या सूत्राने दिली. तीन बिबट आढळल्याने गावकºयासह शेतकरीही दहशतीत आहेत. शेतात चणा, गहू, ऊस असे पीक आहे. या पिकाकरिता शेतकरी जागलीला व रात्री पाणी देण्यास शेतात जावे लागतेबिबट आढळल्याने एकटा शेतकरी शेतात जाण्यास धजावताना दिसत नाही.

यवतमाळ, दि. १५ (प्रतिनिधी) – शेतकºयांच्या मालाला हमीभाव देण्याबाबत सातत्याने उदासीनता बाळगणारा कृषीमूल्य आयोग रद्द करण्यात यावा, यामागणीसाठी तळेगाव (भारी) महामार्गावर शेतकºयांनी १ तास रस्तारोको आंदोलन केले. यामुळे यामार्गावरील वाहतूक ठप्प झाली होती.
कृषीमूल्य आयोग आकस बुद्धीने शेतकºयांच्या मालाला हमीभाव देत आहे. त्यामुळे शेतकºयांच्या आत्महत्या वाढत आहे. असा आरोप यावेळी करण्यात आला. या आंदोलनात २५ ते ३० गावातील शेतकरी सहभागी झाले होते. शेतकºयांना अशोक भुतडा, दत्ता चांदुरे, मोरेश्वर आदमणे, परशराम पारधी, सुभाष पातालबंशी यांनी मार्गदर्शन केले. कृषी पंपाची वीज जोडणी देण्यात यावी, कापूस व सोयाबीनच्या भावात वाढ करावी, स्वामीनाथन समितीच्या शिफारशी लागू करण्यात याव्यात आदी मागण्या करण्यात आल्या. रस्तारोको आंदोलनात आनंदा नागपूरे, महिपाल प्रधान, अरुण यादव, संदीप गोधने, मोहन ढोरे, मूलराज सोमवंशी, गणपत काकडे, प्रदीप लांडगे, ब्रिजेश शुक्ला, मोतीराम गावंडे, रामकिसन काकाणी, सदाशिव देशपांडे, नितीन मोरघडे, गोविंद राठोड, सुरेश डुकरे यांच्यासह शेतकरी मोठ्या संख्येने सहभागी झाले होते. अनुचित घटना घडू नये म्हणून तगडा पोलीस बंदोबस्त ठेवण्यात आला होता.