नवी दिल्ली- आयपीएलच्या सातव्या हंगामाची अंतिम लढत मुंबईत एक जूनला वानखेडे स्टेडियमवर रंगेल. आयपीएलचा दुसरा टप्पा भारतात होणार असून त्याला दोन मेपासून सुरुवात होईल, असे बीसीसीआयने गुरुवारी जाहीर केले.
मुंबई इंडियन्स गतविजेता असल्याने मुंबई क्रिकेट असोसिएशनला (एमसीए) अंतिम लढत खेळवण्याचा मान मिळाला. ‘फायनल’बरोबर मुंबई इंडियन्सच्या लढती तसेच ‘क्वालिफायर २’ लढतही (३० मे रोजी ) मुंबईत होईल. मुंबईतील पहिली लढत तीन मे रोजी वानखेडेवर मुंबई इंडियन्स आणि किंग्ज इलेव्हन पंजाब यांच्यात रंगेल. आयपीएलच्या दुस-या टप्प्यात ३६ सामने आणि चार ‘प्ले ऑफ’ लढतींचा समावेश आहे. पहिला टप्पा संयुक्त अरब अमिरातीत (यूएई) १६ ते ३० एप्रिलदरम्यान खेळला जाणार आहे. सार्वत्रिक दुसरा टप्पा बांगलादेशात तसेच तिसरा टप्पा भारतात होण्याची शक्यता वर्तवली जात होती. मात्र यावेळची आयपीएल दोन टप्प्यांतच होईल. तसेच दुसरा टप्पा भारतात होईल, यावर गुरुवारी शिक्कामोर्तब झाले.

पांढरकवडा (यवतमाळ )- आंध्रप्रदेशातून विक्री करण्यासाठी येत असलेली बिबट्याची कातडी अत्यंत शिताफीने वनविभागाने जप्त करून तिघांना अटक केली आहे. ही कारवाई आज पाटणबोरीनजीक करण्यात आली. रामू कुमरे, सुखदेव खडके, प्रमोद मेश्राम (रा. मारेगाव बंडल),असे अटक करण्यात आलेल्या आरोपींचे नाव आहे.
आंध्रप्रदेशातील काही शिकारी १० लाख रुपयात बिबट्याची कातडी महाराष्टÑात विकणार असल्याची गुप्त माहिती वनविभागाच्या सूत्रांना मिळाली. त्यावरून वनविभागाच्या कर्मचाºयांनी व्यापारी बनून १० लाख रुपयात कातडीचा सौदा केला. दुचाकीने तिघे महाराष्टÑ येत असताना पिंपळखुटी चेक पोस्ट वर रामू कुमरे, सुखदेव खडके, प्रमोद मेश्राम यांना अडवून तपासणी केली असता त्यांच्याजवळ बिबट्याची कातडी असल्याचे आढळून आले. वनविभागाच्या पथकाने यावेळी बिबट्याची कातडी, दुचाकी क्रमांक एम.एच. २९ आर/ ९९२८ वनविभागाने जप्त केली. आरोपी विरूध्द भारतीय वन्यजीव संरक्षण कायदा अंतर्गत ९, २९, ४४, ४८ अन्वये गुन्हा दाखल करण्यात आला आहे. १ महिन्यापूर्वी आंध्रप्रदेशात शिकार केल्याचे प्राथमिक चौकशीत आरोपींनी सांगितले. ही कारवाई वनपरिक्षेत्र अधिकारी वाय.डी. नागुलवार, वनपाल दिपेश लोखंडे, वनकर्मचारी कुन्नेनवार, भोयर, मिलमिले, अश्विन राठोड यांनी केली.

यवतमाळ – राममंदिरात असभ्य वर्तुणुक करणाºया प्रेमीयुगलाला नागरिकांनी बदडल्याची घटना आज बुधवारी दुपारी ३ वाजता नेर येथे घडली. नागरिकांनी प्रेमीयुगलाला पोलिसांच्या स्वाधिन केले. पिंप्री कलगाव येथील १९ वर्षीय युवकाचे मंगरुळ चव्हाळा येथील २१ वर्षीय युवतीसोबत प्रेमसबंध आहे. अमरावती येथे आयटीआयमध्ये ही युवती शिक्षण घेत असून आज त्या दोघांनीही आज दुपारी नेर येथे भेटण्याचा बेत आखला होता. उन्हाळा असल्याने दुपारी ३ वाजता बसायचे कुठे म्हणून त्यांनी राममंदिराचा सहारा घेतला. यावेळी मंदिरात लहान मुले खेळण्यासाठी आलेल्या मुलांना या प्रेमीयुगलाने हकलुन दिले. या मुलांनी हा प्रकार परिसरातील नागरिकांना सांगितला. त्यावरुन नागरिकांनी मंदिराज जाऊन पाहीले असता ते मंदिरात असभ्य वर्तुणूक करीत होते. या वेळी नागरिकांनी विचारणा केली असता त्यांनी उडवाउडवीचे उत्तरे दिले.त्यामुळे नागरिकांनी त्या दोघांनाही चांगला चोप देऊन पोलिसांच्या स्वाधिन केले. या प्रकरणी नेर पोलिसांनी प्रतीबंधात्मक कार्यवाही केली.

मुंबई- मुंबईतल्या ताज महाल हॉटेलजवळ आज दुपारी १६ जिवंत काडतुसं सापडल्यानं एकच खळबळ उडाली. ही काडतुसं नेमकी कुठून आली, हा घातपाताचा प्रयत्न होता का, याबाबत पोलीस अधिक तपास करत आहेत. गेट वे ऑफ इंडिया इथल्या शिवाजी महाराजांच्या पुतळ्याशेजारी पेव्हर ब्लॉकच्या खाली दुपारी १२च्या सुमारास १६ जिवंत काडतुसं सापडली. ती ०.३२ बोअरच्या परवानाधारक रिव्हॉल्वरची असल्याचं अतिरिक्त पोलीस आयुक्त कृष्ण प्रकाश यांनी सांगितलं. या काडतुसांची माहिती एका महिलेनं पोलिसांना दिली. ही काडतुसं कुलाबा पोलिसांनी जप्त केली असून ती कुणाच्या रिव्हॉल्वरची आहेत, याचा शोध सुरू आहे.

नवी दिल्ली – संपूर्ण देशात गाजलेल्या नितीश कटारा हत्याकांड प्रकरणातील तिघा दोषींना सत्र न्यायालयाने ठोठावलेली जन्मठेपेची शिक्षा कायम ठेवण्याचा निकाल बुधवारी दिल्ली उच्च न्यायालयाने दिला. ही हॉनर किलिंगमधुन झालेली हत्या असल्याचे न्यायालयाने म्हटले आहे.
विकास यादव, विशाल आणि सुखदेव यादव यांच्या शिक्षेवर २५ एप्रिलला सुनावणी होणार आहे. उत्तर प्रदेशातील प्रभावशाली नेते डी.पी.यादव यांचा मुलगा विकास यादव, त्याचे भाऊ विशाल, आणि सुखदेव या तिघांनी नितीश कटाराचे अपहरण करुन त्याची हत्या केली होती.
नितीश कटाराचे विकास यादवची बहिणी भारती यादव बरोबर प्रेम प्रकरण सुरु होते. या प्रेमाला यादव कुटुंबाचा विरोध होता. त्यामुळे १६ फेब्रवारी २००२ च्या रात्री नितीशचे अपहरण करुन त्याची निर्घृण हत्या करण्यात आली. २००८ मध्ये सत्र न्यायालयाने या हत्ये प्रकरणी तिघांना दोषी धरुन जन्मठेपेची शिक्षा सुनावली. या शिक्षेला तिघांनी उच्च न्यायालयात आव्हान दिले. दोषींना फाशीची शिक्षा व्हावी यासाठी नितीश कटाराची आई निलम कटारा यांनी उच्च न्यायालयात याचिका दाखल केली होती.

नवी दिल्ली- प्रत्येक मतदाराने मतदान करावे यासाठी केंद्रीय निवडणूक आयोगाबरोबरच प्रत्येक राज्यातील आणि जिल्ह्यातील निवडणूक अधिकारी प्रयत्न करत आहेत. यासाठी मतदारांमध्ये जागृती निर्माण करण्यासाठी विविध उपक्रम आयोगाने हाती घेतले आहेत. यामध्ये आता एका नाविन्य पूर्ण उपक्रमाची भर पडली आहे. मध्य प्रदेशमधील काही मतदारांना खुद्द निवडणूक अधिका-याने मतदानासाठीचे आमंत्रण पाठवले आहे.
मध्य प्रदेशमधील शिवनी जिल्ह्यात दहा एप्रिल रोजी मतदान होत आहे. यासाठी समीरा बेगम यांना मतदान करण्यासाठी निवडणूक आयोगाकडून आमंत्रण आले आहे. या पत्रात मतदान करणे किती महत्त्वाचे आहे हे सांगण्यात आले आहे. याआधी मी कधीच मतदान केले नव्हते. मात्र यंदा मी नक्की मतदान करणार असल्याचे समीरा यांनी सांगितले.
शिवनी जिल्ह्याला स्वतःचा असा लोकसभा मतदारसंघ नाही. या जिल्ह्यातील विधानसभेचे चार मतदारसंघ मंडला आणि बालाघाट जिल्ह्यांत विभागले आहेत. जिल्ह्यातील अनेक मतदारांना अशा प्रकारचे आमंत्रण पाठवण्यात आले आहे. अर्थात हे आमंत्रण फक्त एक कागद नाही. ज्याप्रमाणे एखाद्याला लग्नपत्रिका पाठवली जाते त्याप्रमाणेच समीरा बेगम यांच्यासारख्या अनेक मतदारांना आमंत्रण पाठवण्यात आल्याचे जिल्हापरिषदेचे मुख्य कार्यकारी अधिकारी प्रियानका दास यांनी सांगितले. लोकसभा निवडणुकीच्या इतिहासात प्रथमच जिल्हापातळीवर मतदान करण्यासाठी विविध उपक्रम राबवले जात आहेत. निवडणूक आयोगाने लोकसभा निवडणुकीसाठी सिस्टमॅटिक वोटर्स एज्युकेशन अँड एलेक्टोरल पार्टिसिपेशन(एसव्हिईईपी) अभियान सुरु केले आहे. यात प्रामुख्याने महिला, नवे मतदार आणि ग्रामिण भागातील मतदारांपर्यंत पोहचण्याचा प्रयत्न केला जात आहे. या अभियानाअंतर्गत मतदारांचे अधिकार, मतदार ज्या ठिकाणी राहतात तेथील जवळचे मतदान केंद्र, मतदानाची तारीख आणि वेळ आदींची माहिती दिली जाते. त्याचबरोबर मतदारांना त्यांचे ओळखपत्र देणे, ‘नोटा’ (उमेदवार नाकारण्याचा अधिकार) याची ओळख करुन दिली जाते. ‘एसव्हीईईपी’ हा उपक्रम २०१०च्या विधानसभा निडणुकीमध्ये सर्वप्रथम राबवण्यात आला होता. गेल्या तीन वर्षांमध्ये या उपक्रमाला मोठे यश मिळाल्याचे निवडणूक अधिका-यांनी सांगितले. यामुळे विधानसभा निवडणुकीत १० ते ३५ टक्क्यांपर्यंत मतदानाची टक्केवारी वाढली आहे. विशेष म्हणजे यात महिला आणि युवकांचा अधिक समावेश असल्याचे अधिका-यांनी सांगितले. खुद्द शिवनी जिल्ह्यात २०१३मध्ये झालेल्या विधानसभेच्या निवडणुकीत मतदानाची टक्केवारी पाच टक्क्यांनी वाढली होती.