यवतमाळ दि. 06 : राज्याचे सामाजिक न्याय, विमुक्त भटक्या जमाती, इतर मागासवर्गीयचे कल्याण, व व्यसनमुक्ती कार्यमंत्री शिवाजीराव मोघे जिल्ह्याच्या दौऱ्यावर आले असून त्यांचा दौरा कार्यक्रम पुढीलप्रमाणे आहे.
शुक्रवार 7 फेब्रुवारी रोजी यवतमाळ येथून सकाळी 9 वाजता आर्णीकडे प्रयाण. सकाळी 9.30 वाजता आर्णी येथे कंम्बलपोश दर्गा येथे भेट. सकाळी 10.30 वाजता सायतखर्डा रामपूर रस्त्याचे भुमीपूजन, सायतखर्डा येथे दलीत वस्तीमधील सिमेंट रस्त्याचे बांधकाम, स्मशान भुमीचे बांधकाम, उद्घाटन. सकाळी 11 वाजता दत्तापूर येथे सामाजिक सभागृहाचे बांधकाम तसेच ठक्करबापा योजनेतंर्गत रस्ता भुमीपूजन कार्यक्रमास उपस्थिती.
दुपारी 12 वाजता शरद येथे सिमेंट रस्ता बांधकामाचे भुमीपूजन दुपारी 12.30 वाजता वगारा येथे तांडा वस्ती सुधार योजनेतंर्गत रस्त्याचे भुमीपूजन, पंतप्रधान ग्रामसडक योजनेतंर्गत पुलाच्या बांधकामाचे उद्घाटन सर्वशिक्षा अभियानातंर्गत शाळा खोलीचे बांधकामाचे उद्घाटन. दुपारी 1 वाजता सावरगाव (मंगी) येथे कब्रस्थानच्या संरक्षण भिंतीच्या बांधकामाचे उद्घाटन. दुपारी 2 वाजता सगदा येथे रस्त्याचे बांधकामाचे उद्घाटन. दुपारी 2.30 वाजता ठाणेगाव येथे सामाजिक सभागृहाच्या बांधकामाचे उद्घाटन. दुपारी 3 वाजता राजापेठ येथे तांडा वंस्ती सुधार योजनेतंर्गत रस्ता बांधकामाचे उद्घाटन. दुपारी 3.30 वाजता पारवा येथे दलीत वस्तीसुधार योजनेंतंर्गत रस्ता बंधकाम, कब्रस्थानच्या संरक्षण भिंतीचे उद्घाटन. सायंकाळी 4 वाजता वाढोणा येथे कब्रस्थानच्या संरक्षण भिंतीचे उद्घाटन. सायंकाळी 4.30 वाजता घटाळा येथे नाली बांधकामाचे उद्घाटन. सायंकाळी 5 वाजता मेजदा येथे ठक्करबापा योजनेतर्गत रस्त्याचे भुमीपूजन. सायंकाळी 5.30 वाजता राहटी येथे ठक्करबापा योजनेतर्गत रस्त्याचे भुमीपूजन. आदी कार्यक्रमास उपस्थित राहून सोईनुसार यवतमाळकडे प्रयाण. यवतमाळ येथे आगमन व मुक्काम.
शनिवार दिनांक 8 फेब्रुवारी रोजी यवतमाळ येथुन नागपूरकडे प्रयाण. रविवार दिनांक 9 फेब्रुवारी रोजी नागपूर येथील कार्यक्रम आटोपून यवतमाळ कडे प्रयाण आगमन व मुक्काम.
सोमवार दिनांक 10 फेब्रुवारी रोजी यवतमाळ येथुन चंद्रपुर कडे प्रयाण. चंद्रपुर जिल्हयातील कार्यक्रम आटोपून सोईनुसार यवतमाळकडे प्रयाण आगमन व मुक्काम.
मंगळवार दिनांक 11 फेब्रुवारी रोजी यवतमाळ येथे राखीव. मतदार संघातील विविध कार्यक्रमांना उपस्थिती. सोईनुसार यवतमाळ येथुन धामणगांव कडे प्रयाण. व तेथुन सायंकाळी 7 वाजता विदर्भ एक्सप्रेसने मुंबईकडे प्रयाण.

यवतमाळ – शहरालगत डोर्ली येथील एका इसमाचा चोरीच्या संशयावरून खून केल्याचे घटना घडली. शहर पोलिसांनी दोन आरोपी विरूद्घ गुन्हा दाखल केला असून एकास अटक केली.
संतोष रामाजी उगलमुगले (२८) रा. डोर्ली असे मृतकाचे नाव आहे. २ फेबु्रवारी रोजी सकाळी ८.३० वाजताच्या सुमारास संडासला जात असल्याचे कुटुंबीयाला सांगुन गेला होता. दरम्यान ३ फेबु्रवारी रोजी डोर्ली शिवारातील गोलु नागरगोजे याच्या शेतात संतोषचा मृतदेह आढळल्चाची माहिती पोलीस पाटलाने शहर पोलिसात दिली होती. त्यावरून पोलिसांनी घटनास्थळ गाठून पंचनामा करून मृतदेह ताब्यात घेऊन शवविच्छेदनासाठी वसंतराव नाईक शासकीय रुग्णालयात पाठविला. ४ फेबु्रवारी रोजी दुपारी व्हिडीओ चित्रीकरणामध्ये शवविच्छेदन करण्यात आले. यावेळी वैद्यकीय अधिकाºयांनी प्राथमिक अहवालामध्ये संतोषचा मृत्यू मारहाण केल्याने झाल्याचे स्पष्ट केले. त्यावरून पोलिसांनी तपासचक्रे फिरवून मृतकची पत्नी व भावाची चौकशी केली असता, मृतक संतोषचे गावातील गोलु नागरगोजे याच्यासोबत दुचाकी चोरीवरुन वाद सुरु होता असे सांगितले. तसेच मृतकला दारुचे वेसन असून घटनेच्या दिवशी तो गावातीलच पानठेल्याजवळ उभा होता. तेवढ्यात दुचाकीने शिवा खेडकर व त्याचा मित्र तेथे आले व त्याला सोबत घेऊन गेले. अशातच गोलु नागरगोजे व त्याच्या एका मित्राने तेथून संतोषला गाडीवर बसवून नेले. दरम्यान सोमवारी गणेश मिसाळ याने संतोषचा मृतदेह नागरगोजेच्या शेतात असल्याची माहिती कुटुंबीयाला दिल्याचे त्यांनी बयानात सांगितले. त्यावरून शहर पोलिसांनी आरोपी नागरगोजे व त्याच्या एका साथीदाराविरूद्घ भादंवि कलम ३०२, ३४ अंतर्गत गुन्हा दाखल केला. मंगळवारी रात्री आरोपी गोलु याला अटक करुन पोलीस कोठडी मिळविली. अधिक तपास शहरचे ठाणेदार पंजाब डोंगरदिवे, सहा. पोलीस निरीक्षक अमोल माळवे, जमा. सुनिल विसपुते करीत आहे.

नवी दिल्ली- परदेशातून मिळणा-या निधीबद्दल माहीती देण्यास टाळाटाळ करणा-या आम आदमी पक्षाला दिल्ली उच्च न्यायालयाने नोटीस बजावली आहे. ‘आप’ने पक्षाला मिळणा-या निधीबद्दल कोणतीच माहिती दिली नसल्याने पक्षाच्या संस्थापक सदस्यांवर फौजदारी गुन्हे दाखल करण्यासंदर्भात उच्च न्यायालयात याचिका दाखल करण्यात आली होती. या याचिकेवरील सुनावणी दरम्यान न्यायालयाने ही नोटीस बजावली आहे.
न्यायालयाने पक्षाच्या संस्थापक सदस्यांसह दिल्लीचे मुख्यमंत्री अरविंद केजरीवाल यांनाही नोटीस बजावली आहे. यावर २८ फेब्रुवारपर्यंत उत्तर द्यावे असे आदेश न्यायालयाने दिले आहेत.
केंद्रीय गृहमंत्रालयाने चार नोव्हेंबर रोजी आपला पत्र पाठवून पक्षाला मिळणा-या निधीबद्दल आणि बँक खात्यांचे तपशील जमा करण्यास सांगितले होते. मात्र त्याला कोणतेच उत्तर दिले नसल्याचे अतिरिक्त सॉलिसीटर जनरल राजीव मेहरा यांनी दिली होती. ‘आप’ आपल्या बँक खात्यांचा तपशील देत नसल्याचे मेहरा यांनी बुधवारी झालेल्या सुनावणीत सांगितले.
परदेशातून निधी स्वीकारुन, कायद्याचा भंग करत असल्याने आपच्या संस्थापक सदस्यासह केजरीवाल यांच्याविरोधात गुन्हेगारी तक्रार दाखल करावी या मागणीसाठी वकिल एम.एल.शर्मा यांनी दिल्ली उच्च न्यायालयात याचिका दाखल केली आहे.

नवी दिल्ली- आम आदमी पक्षातून हकालपट्टी करण्यात आलेले आमदार विनोद कुमार बिन्नी यांनी अरविंद केजरीवाल सरकारचा पाठींबा काढून घेत असल्याचे मंगळवारी जाहीर केले. दिल्लीचे मुख्यमंत्री केजरीवाल हे भ्रष्ट व्यक्तीपेक्षा धोकादायक असल्याचा आरोप बिन्नी यांनी यावेळी केला.
दिल्लीतील ‘आप’ सरकारचा पाठिंबा काढून घेत असल्याचे पक्ष नायब राज्यपाल नजीब जंग यांना लिहणार असल्याचे बिन्नी यांनी सांगितले. गेल्या काही दिवसांपासून केजरीवाल यांच्यावर टीका करणा-या बिन्नी यांनी बुधवारी पुन्हा एकदा त्याच्यावर तोफ डागली. केजरीवाल केवळ दिल्लीतील नव्हे तर संपूर्ण देशातील जनतेशी खोटे बोलत आहेत.
सरकारचा पाठिंबा काढून घेतला असलातरी जनलोकपाल विधेयकाला पाठिंबा देणार असल्याचे बिन्नी यांनी सांगितले. जर अण्णा हजारे यांना अपेक्षीत असलेले जनलोकपाल विधेयक सरकारने सादर केले तर आपण त्याला पाठींबा देऊ असे ते म्हणाले.दिल्ली सरकारने ४८ तासात स्वस्त वीज आणि पाणी, महिलांची सुरक्षा आणि राष्ट्रकुल घोटाळ्याच्या चौकशीकरावी अन्यथा पाठिंबा काढून घेऊ असा इशारा बिन्नी यांनी रविवारी दिला होता.

नवी दिल्ली- देशातील सर्वोच्च तपास संस्था सीबीआयमध्ये तातडीने ७११ रिक्त जागा भरण्यात येणार आहेत. तर अन्य दोन हजार ६३ रिक्त जागा टप्प्याटप्प्यानुसार भरणार असल्याचे निवृत्तीवेतन आणि कार्मिम विभागाचे संसदीय व्यवहारमंत्री व्ही. नारायणसामी यांनी लोकसभेत सांगितले. सीबीआयमध्ये ७११ जागा भरण्यासाठी कार्यालयीन तयारी पूर्ण झाली आहे. तर अन्य जागा भरण्यासाठी तयारी सुरु असल्याचे त्यांनी यावेळी सांगितले.
सीबीआयमधील विविध विभागात ८७८ पदे रिक्त असल्याचे नारायणसामी यांनी यावेळी सांगितले. यातील ५२७ सीबीआय अधिकारी, कायदे विभागात ६९ अधिकारी, तांत्रिक विभागात ५४ पदे, सचिवालयात २०६ आणि कँटीनमध्ये २२ पदे रिक्त आहेत.सीबीआयमध्ये सहा हजार ६७४ कर्मचारी वर्ग अपेक्षित असून केवळ पाच हजार ७९६ कर्मचारीच काम करीत आहेत. असे असतानाही सीबीआयने २००३ प्रकरणांमधील ८५५ प्रकरणांचा छडा लावण्यात यश मिळवले आहे.सीबीआयकडे २०१३ मध्ये एक हजार १३१, सन २०१२ मध्ये १०४८ आणि सम २०११ मध्ये १००३ प्रकरणांची नोंद झाली. यातील ७० टक्के प्रकरणांमधील प्रगती समाधानकारक असल्याचे नारायणसामी यांनी लोकसभेत सांगितले.सीबीआयने टूजी, राष्ट्रकूल यासारख्या अनेक बड्या घोटाळ्यांची चौकशी केली. त्यांना मनुष्यबळ कमी पडत असल्याचे नारायणसामी यांनी सांगितले.

यवतमाळ – गुन्हेगारी पार्श्वभूमि असलेल्या नितीन निघोट याच्यावर काल रात्री प्राणघातक हल्ला केला. पूर्ववैमनस्यातून हा हल्ला केला असून माजी नगरसेवक प्रविण दिवटे याच्यासह १० जणाविरुद्घ गुन्हा दाखल केला. याप्रकरणी वडगाव रोड पोलिसांनी एका आरोपीला अटक केली तर उर्वरीत नऊ जण फरार आहे.
नितीन किसन निघोट रा. विसावा कॉलनी पिंपळगाव या माजी नगरसेवक प्रविण दिवटे याच्यावर प्राणघातक हल्ल्यातील आरोपी आहे. घटनेपासून तो फरार होता. अशातच सोमवारी रात्री दत्त चौकातील भाजी मंडीमध्ये लोखंडी रॉडने हल्ला केल्याने नितीन हा गंभीर जखमी झाला. येथील वसंतराव नाईक शासकीय रुग्णालयात प्राथमिक उपचार करून पुढील उपचारासाठी अमरावती येथे हलविले. पुर्ववैमनस्यातून बदला घेण्याच्या हेतूने हा हल्ला केल्याचे बोलल्या जात आहे. याप्रकरणी पुष्पा किसन निघोेट यानी वडगाव रोड पोलिस ठाण्यात तक्रार दिली. त्यावरून पोलिसांनी किशोर पंडीत, गोलु पारधी, विक्की किनाके, विकास पाटील, प्रविण दिवटे अन्य पाच ते सहा जणाविरुद्घ भादंवि कलम ३०७, १४७, १४८, १४९ अंतर्गत गुन्हा दाखल केला. दरम्यान काल रात्री पंडीत याला अटक केली असून उर्वरीत आरोपी फरार आहे. अधिक तपास वडगाव रोडचे ठाणेदार विपीन बसबनिस यांच्या मार्गदर्शनाखाली सहा. पोलीस निरीक्षक संजय शिरभाते करीत आहे.

यवतमाळ – शहरातील संभाजी नगरामध्ये राहणाºया एका युवकाने विधवा महिलेला लग्नाचे आमिष दाखवून प्रेमाच्या जाळयात ओढून तीच्यासोबत शारीरीक सबंध प्रस्तापित केले. प्रियकर युवकाच्या कुटुंबीयाने त्याची दुसºया युवतीसोबत सगाई केल्याने तीन-चार वर्षापासून सुरु असलेले ‘लव्ह इन रिलेशनशिप’ संपुष्टात आली आहे. त्यामुळे आता हा वाद शहर पोलिस ठाण्यात पोहलचा असून पोलिसांनी प्रियकराविरूद्घ बलात्काराचा गुन्हा दाखल केला.
धामणगाव मार्गावरील राधाकृष्ण नगरीमध्ये ३५ वर्षीय भारती (काल्पनिक नाव) नामक महिला वास्तव्यास आहे. चार वर्षापूर्वी आजाराने पतीचे निधन झाल्याने ती मुला-मुलीसोबत राहत होती. अशातच मुलगा सतत आजारी राहत असून त्याला उपचारासाठी नागपूर येथील डॉक्टरकडे महिन्यातून तीन ते चार वेळा न्यावे लागत होते. त्यामुळे सदर महिला संभाजी नगरातील संतोष राठोड (३३) या युवकाची कार नेहमी भाड्याने करीत होत्या. या महिलेच्या कुटुंबाची संपूर्ण माहिती झाल्यावर सदर युवकाने तीला प्रेमाच्या जाळ््यात ओढून लग्नाची आमिष दाखविली. त्यानंतर तीच्या सोबत शारीरीक सबंध प्रस्तापित करून लैंगिक शोषण केले. त्यांच्या प्रेमकाहानीची भनक दोघांच्याही कुटुंबाला लागली. त्यामुळे युवकाच्या आई-वडीलाने त्याचा विवाह दुसºया युवती सोबत करून देण्याचे ठरविले. त्यानुसार त्यांनी विवाहयोग्य स्थळही शोधले होते. यावेळी संतोष याने सदर महिलेला सोबत नेऊन विवाह जुळलेल्या कुटुंबीयाची भेट घेऊन प्रेमाची माहिती देऊन विवाह मोडला होता. त्यानंतर त्याच्या कुटुंबीयाने महिलेची समजूत काढून संतोषचा पुन्हा दुसºया युवतीसोबत विवाह जुळवून साक्षगंध केले. यावेळी संतोषने पूर्णपणे सबंध तोडावे असे त्यावेळी ठरले होते. मात्र तो पुन्हा या महिलेच्या घरी जाऊन तीच्यावर पत्नीसारखा हक्क गाजवून जबरीने अत्याचार करून मारहाण करीत आहे. त्यामुळे त्याचा ‘लव्ह इन रिलेशनशिप’चा वाद पोलिस ठाण्यात पोहचला. याप्रकरणी महिलेने शहर पोलिस ठाण्यात तक्रार दिली असून संतोष राठोड याच्याविरूद्घ भादंवि कलम ४१७, ३७६, ५०४, ५०६,२९४ गुन्हा दाखल केला. अधिक तपास ठाणेदार पंजाब डोंगरदिवे यांच्या मार्गदर्शनाखाली पोलीस उपनिरीक्षक तेजस्वीनी गिरसावळे करीत आहे.

यवतमाळ – अंगणवाडी बांधकामाचे मुल्यांकन व तंटामुक्त समिती अंतर्गत निधीच्या गैरप्रकार मिटविण्यासाठी ग्रामसेवकाकडून तीन हजाराची लाच घेणाºया नेर येथील प्रभारी गटविकास अधिकाºयांस रंगेहात पकडून अटक केली. यवतमाळ येथील लाचलुचपत प्रतिबंधक विभागाच्या पथकाने आज दुपारी १२.३० वाजता पंचायत समितीमध्ये ही कार्यवाही केली असून कर्मचाºयांमध्ये खळबळ माजली आहे.
सखाराम जयवंत इसलकर (५०) असे लाचखोर अधिकाºयाचे नाव आहे. नेर पंचायत समितीमध्ये ते विस्तार अधिकारी (पंचायत) असून त्याच्याकडे प्रभार आहे. गणेश सुर्यभान सुगदे (४०) हे नेर पंचायत समितीमध्ये ग्रामसेवक आहे. चिकणी डोमगा येथील तंटामुक्त समितीच्या निधीमध्ये गैरप्रकार व मांगला देवी येथे येथील अंगणवाडी बांधकामाची तक्रार पंचायत समितीकड ेदिली होती. या प्रकरणाची चौकशी गटविकास अधिकारी इसळकर याच्याकडे होती. ग्रामसेवकाने सदर प्रकरणाची चौकशी पूर्ण करण्यासाठी व बांधकामाचे मुल्यांकण करण्याची विनंती इसळकर यांच्याकड े केली. यावेळी ग्रामसेवकाला एकविरा कॉलनीमध्ये घरी भेटण्यास सांगितले. तेव्हा त्यांनी चौकशीचे प्रकरण निपटविण्यासाठी व मुल्यांकण करूण देण्यासाठी पाच हजार रुपये लाचेची मागणी केली. प्रजासत्ताक दिनी २६ जानेवारी रोजी ग्रामसेवकाने दोन हजार रुपये दिले. उर्वरीत तीन हजार रुपये आणून देण्याचे सांगितले होते. या प्रकरणाची तक्रार ग्रामसेवकाने येथील लाचलुचपत प्रतिबंधक विभागाकडे केली होती. त्यावरून ३ फेबु्रवारी रोजी पडताळणी दरम्याण प्रभारी गटविकास अधिकाºयाने लच मांगितल्याचे उघड झाले. त्यावरून आज दुपारी १२.३० वाजताच्या सुमारास नेर येथील कार्यालयात सापळा रचून गटविकास अधिकारी इसलकर यांना तीन हजार रुपये घेतांना रंगेहात पकडले. त्यामुळे कर्मचाºयांमध्ये खळबळ उडाली आहे. ही कार्यवाही लाचलुचपत प्रतिबंधक विभागाचे पोलीस अधिक्षक अरविंद साळवे, उपअधिक्षक सतीश देशमुख, जमादार सुशिल झघेडगेकर, दिपक इवाने नंदकिशोर शुक्ला, गजानन राठोड, अमोल महल्ले, निलेश पखाले, शैलेश ढोणे, अमित जोशी, अनिल राजकुमार, सुधाकर कोकेवार यांनी केली.

कराची – पारंपारिक प्रतिस्पर्धी पाकिस्तानसोबत पुन्हा क्रिकेट मालिका सुरु करण्यास भारताने अनुकूलता दाखवली आहे. भारतीय क्रिकेट नियामंक मंडळाचे अध्यक्ष एन.श्रीनिवासन भारत-पाकिस्तान क्रिकेट मालिकेसाठी तयार आहेत असे पीसीबीचे अध्यक्ष झाका अशरफ यांनी सांगितले.
भारत-पाकिस्तान क्रिकेट मालिका सुरु व्हावी यासाठी श्रीनिवासन अत्यंत गंभीर आहेत. आमच्या पसंतीच्या त्रयस्थ ठिकाणी मालिका खेळवण्याचे त्यांनी आश्वासन दिले आहे. श्रीनिवासन यांच्याकडून आम्हाला सध्या तोंडी आश्वासन मिळाले आहे. भारत आणि पाकिस्तानमध्ये खात्रीलायक मालिका खेळवली जावी यासाठी आम्हाला लिखित आश्वासन हवे आहे असे अशरफ यांनी सांगितले.भारतामध्ये पाकिस्तानकडून सातत्याने होणा-या दहशतवादी कारवायांमुळे भारताने पाकिस्तानबरोबर क्रिकेट खेळणे बंद केले आहे. आयसीसीच्या उत्पनामध्ये जास्त वाटा मिळावा यासाठी इंग्लंड, ऑस्ट्रेलिया आणि भारताने एक प्रस्ताव मांडला आहे. या प्रस्तावाला पाकिस्तान, श्रीलंकेने विरोध केल्यानंतर बीसीसीआयने त्रयस्थ ठिकाणी मालिकेचा प्रस्तावाला सकारात्मक संकेत दिले आहेत.

नवी दिल्ली- सरकारी कर्मचा-यांसाठी महत्त्वाचा असणा-या सातव्या वेतन आयोगाच्या नेमणुकीला मंगळवारी मंजुरी देण्यात आली. माजी न्यायमूर्ती अशोक कुमार माथूर यांच्या अध्यक्षतेखाली सातव्या वेतन आयोगाला पंतप्रधान मनमोहन सिंग यांनी मंजूरी दिली.
सातव्या वेतन आयोगाला दिलेल्या मंजुरीचा फायदा ५०लाखाहून अधिक केंद्र सरकारी कर्मचारी तर तीस लाखाहून अधिक निवृत्तीवेतनधारकांना होणार आहे. आयोगाचे अध्यक्षपद माजी न्यायमूर्ती ए. के. माथूर यांना सोपविण्यात आले आहे. सातव्या केंद्रीय वेतन आयोगाच्या शिफारशी एक जानेवारी २०१६ पासून लागू करण्यात येणार आहेत.
यापूर्वी मनमोहन सिंग यांनी मंजुरी दिलेल्या सहाव्या वेतन आयोगाची एक जानेवारी २००६ मध्ये अंमलबजावणी करण्यात आली होती.