मुंबई- दोन मुलींना रिक्षातून पळवून नेऊन त्यांच्यावर सामूहिक बलात्कार केल्याची धक्कादायक घटना जोगेश्‍वरीत उघडकीस आली आहे. या प्रकरणी पोलिसांनी दोन आरोपींना अटक केली असून एक जण अद्याप फरार आहे.
अल्ताफ याकूब पटेल (२६) व अरमान नफीज खान (२२) अशी या आरोपींची नावे आहेत. फरार असलेला तिसरा आरोपी रिक्षाचालक आहे.या तिघांनी पीडित मुलींना शुक्रवारी ओशिवरा परिसरातील बेहराम बाग येथील गांधी शाळेजवळून जबरदस्तीने रिक्षात डांबून नेले. रिक्षातून ते या पीडित मुलींना तेथील मैदानात घेऊन गेले. तेथे त्या नराधमांनी त्यांच्यावर अमानुष अत्याचार केला. त्यानंतर ते तिघेही फरार झाले.पीडित मुलींकडे चौकशी केली असता हा संपूर्ण धक्कादायक प्रकार उघडकीस आला.  अटक करण्यात आलेले खान आणि पटेल हे सराईत गुन्हेगार असून पटेलविरुद्ध ११ घरफोडीचे गुन्हे नोंद आहेत. तो तडीपार असल्याचेही पोलिसांनी सांगितले.

मुंबई – एका राष्ट्रीयकृत बँकेच्या ६० खातेदारांच्या खात्यांतून १३ लाख २५ हजार रुपयांची ऑनलाइन शॉपिंग केल्याप्रकरणी नुकताच कफ परेड पोलिस ठाण्यात गुन्हा दाखल करण्यात आला आहे. प्राथमिक तपासानुसार, हा स्किमिंगचा प्रकार असल्याचा पोलिसांना संशय आहे.
बँकेच्या नेव्ही नगर शाखेतील ६० खातेदारांच्या डेबिट कार्डचा डेटा चोरून ऑनलाइन शॉपिंग करण्यात आली आहे. त्यानंतर खातेदारांना मोबाइलवर संदेश आल्याने त्यांनी संबंधित बँकेशी संपर्क साधून या प्रकाराची माहिती दिली. १६ ते २७ नोव्हेंबरच्या दरम्यान हा प्रकार घडल्याचे बँक अधिका-यांच्या लक्षात आल्यानंतर नुकतीच या प्रकरणी कफ परेड पोलिस ठाण्यात तक्रार दाखल करण्यात आली.त्यानुसार फसवणूक व माहिती तंत्रज्ञानाचा गैरवापर प्रतिबंधक कायद्याअंतर्गत गुन्हा दाखल करण्यात आला आहे. या प्रकरणामागे स्थानिक टोळीचा हात असल्याचा पोलिसांना संशय असून, आयपी अ‍ॅड्रेस शोधण्याचे काम सुरू असल्याचे एका पोलिस अधिका-याने सांगितले.डेटा चोरी करण्यासाठी आरोपींनी स्कििमगचा वापर केल्याचा संशय आहे.एटीएम सेंटरमधील सीसीटीव्हीचे फुटेज मिळवण्याचे काम पोलिस करत आहेत. गेल्यावर्षी अशाच प्रकारे कुलाबा येथील एटीएम सेंटरमधून खातेदारांचा डेटा चोरी करून त्यांना ऑनलाइन गंडा घालण्यात आला होता. पण, पोलिसांच्या मते ही दोन्ही प्रकरणे वेगळी असून, कफ परेडमध्ये डेबिट कार्डच्या सहाय्याने ऑनलाइन खरेदी करण्यात आली आहे. त्यात आरोपींनी डीश केबल कनेक्शनचे पैसेही भरले आहेत. त्यामुळे या प्रकरणात स्थानिक टोळीचा हात असल्याचा पोलिसांना संशय आहे.

नेर- यवतमाळवरून अमरावतीकडे जाणाºया ट्रेलरने धडक दिल्याने दुचाकीस्वार जागीच ठार झाल्याची घटना गुरुवारी रात्री ११ वाजता येथून दोन किमी अंतरावर घडली. शेख सिकदर (३५) रा. मालखेड बु. असे मृतकाचे नाव आहे. यवतमाळवरून अमरावतीकडे जाणाºया ट्रेलरने (एम.एच. ३४ / ४८४ ) समोरुन येणाºया दुचाकीला (एम.एच. २९ / ५४९५) जोरदार धडक दिली. यामध्ये दुचाकी रोडच्या खाली जावून झाडावर आदळल्याने सिकंदर हा जागीच ठार झाला. याप्रकरणी नेर पोलिसांनी वाहन चालकाविरूद्घ गुन्हा दाखल केला.

ग्रामविकास मंत्र्यांच्याहस्ते पंचायत समिती व आरोग्य केंद्राचे उद्घाटन
यवतमाळ दि.७: सर्वसामान्य नागरिकांना त्यांच्या गावातच विविध प्रकारच्या सोई सुविधा उपलब्ध झाल्या पाहिजे, असे शासनाचे धोरण आहे. त्यामुळेच ग्रामपंचायतींमधून सध्या 19 प्रकारच्या सुविधा उपलब्ध करुन देण्यास सुरुवात झाली आहे. आगामी काळात ग्रामपंचायतींचे स्वरुप बदलणार असून ग्रामपंचायतीतच बँक सुविधा उपलब्ध होणार आहे. पहिल्या टप्प्यात राज्यात 11 हजार ग्रामपंचायती ई-बँकींग सुविधेने जोडणार असल्याचे ग्रामविकास मंत्री जयंत पाटील यांनी सांगितले. श्री.पाटील यांच्याहस्ते बाभुळगाव येथील पंचायत समिती तसेच तालुक्यातील घारफळ येथील प्राथमिक आरोग्य केंद्र व राळेगाव येथील पंचायत समितीच्या इमारतीचे उद्घाटन झाले. त्याप्रसंगी बाभुळगाव येथील कार्यक्रमात ते बोलत होते. कार्यक्रमाच्या
अध्यक्षस्थानी विधानसभा उपाध्यक्ष प्रा.वसंत पुरके होते. प्रमुख पाहूणे म्हणून खा.भावना गवळी, आ.संदीप बाजोरीया, जि.प.अध्यक्ष प्रविण देशमुख, उपाध्यक्ष ययाती नाईक, सभापती सुभाष ठोकळ, मनमोहनसिंह चव्हाण, प्रभाकर उईके, प्राजक्ता मानकर, पंचायत समिती सभापती प्रतिभा कडू, उपसभापती रमेश लोखंडे, जि.प.सदस्य अमन गावंडे, योगिता कोडापे, अर्चना कोडापे, माजी जि.प.अध्यक्ष अशोक घारफडकर, माजी सभापती हिम्मत पांडे, भिमसिंग सोळंकी, कापूस पणन महासंघाचे संचालक सुरेश चिंचोळकर, जि.प.चे प्रभारी मुख्य कार्यकारी अधिकारी शरद कुळकर्णी आदी उपस्थित होते. सर्वसामान्य नागरिकांना दिलासा देण्यासाठी विविध उपक्रम गेल्या काही वर्षात राज्य शासनाने सुरु केले आहे. त्यापैकीच ग्रामपंचायतीच्या माध्यमातून सुविधा देण्याचा अभिनव प्रयोग शासनाने सुरु केला. त्याला चांगला प्रतिसाद मिळाला आहे. भविष्यात गावकऱ्यांना आपल्या कामासाठी अन्यगावी जावे लागू नये यासाठीच ग्रामपंचायतीचे स्वरुप बदलवून याठिकाणी ई-सुविधांवर भर देण्यात येणार असल्याचे श्री.पाटील म्हणाले. यवतमाळ जिल्ह्यात अनेक गावांमध्ये बँकांची सुविधा नाही. त्यामुळे नाईलाजाने गावकऱ्यांना सावकाराकडे कर्ज मागावे लागते. आता ग्रामपंचायतीतच बँकेची सुविधा उपलब्ध करुन देण्यात येत आहे. त्याचा राज्यस्तरीय शुभारंभ यवतमाळ जिल्ह्यातून होत असल्याचे त्यांनी सांगितले. पहिल्या टप्प्यात 11 हजार ग्रामपंचायती ई-बँकींगने जोडण्यात येत असून पुढील टप्प्यात उर्वरीत सर्व ग्रामपंचायती जोडण्यात येत असल्याचे ते म्हणाले. राज्यात ठिकठिकाणी पंचायत समितींच्या अद्ययावत इमारती उभ्या राहत आहे. केवळ इमारती उभ्या राहून उपयोगाचे नाही. याठिकाणी येणाऱ्या सर्वसामान्य नागरिकांना सुविधाही चांगल्या प्रकारे मिळाल्या पाहिजे. शासन कर्मचाऱ्यांना
सुखसुविधा पुरविते त्या तुलनेत कर्मचाऱ्यांनीही चांगले काम करणे अपेक्षित असल्याचे ते म्हणाले. कर्मचाऱ्यांनी जागरुकतेने काम केल्यास अनेक समस्या सोडविण्याचे श्रेय त्यांना मिळेल. राज्यात शिक्षणाचा दर्जा उंचावण्यासाठी शाळांचे सर्वेक्षण केले. या सर्वेक्षणात ज्या शाळांची प्रतवारी सुधरविणे आवश्यक आहे.
यावेळी विधानसभा उपाध्यक्ष प्रा.वसंत पुरके यांनी आपले मनोगत व्यक्त करतांना कर्मचाऱ्यांनी जास्तीत जास्त वेळ गावाला दिला पाहिजे, असे सांगून मुलांना सक्तीचे आणि दर्जेदार शिक्षण मिळावे, अशी अपेक्षा त्यांनी व्यक्त केली. खा.भावना गवळी, आ.संदीप बाजोरीया, जि.प.अध्यक्ष प्रविण देशमुख यांचीही यावेळी भाषणे झाली. बाभुळगाव व राळेगाव येथील पंचायत समिती व घारफळ येथील प्राथमिक आरोग्य केंद्राचे ग्रामविकास मंत्र्यांच्याहस्ते फित कापून उद्घाटन करण्यात आले. घारफळ येथे आरोग्य सभापती मनमोहनसिंग चव्हाण तर बाभुळगाव येथे पंचायत समिती सभापती प्रतिभा कडू यांनी प्रास्ताविक केले. कार्यक्रमांना स्थानिक नागरिकांची मोठ्या प्रमाणात उपस्थिती होते.

मुंबई- वाढीव महागाई भत्ता आणि प्रलंबित मागण्यांसाठी एसटी कर्मचा-यांनी येत्या १० फेब्रुवारीला पुकारलेले सामूहिक रजा आंदोलन रद्द केले आहे. कर्मचा-यांचा वाढीव महागाई भत्ता तसेच थकबाकीची रक्कम अधिवेशनपूर्वी देण्याचे आश्वासन परिवहन राज्यमंत्री सचिन अहिर यांनी दिल्यानंतर आंदोलन स्थगित करण्याचा निर्णय कर्मचारी संघटनेने जाहीर केला. त्यामुळे आंगणेवाडीच्या जत्रेसाठी कोकणात जाणा-या प्रवाशांना बिनधास्त एसटीचा प्रवास करता येणार आहे.
शुक्रवारी सचिन अहिर यांच्या दालनात झालेल्या बैठकीत हा निर्णय झाला. या वेळी राज्य परिवहन मंहाडळाचे अध्यक्ष जीवन गोरे, मान्यताप्राप्त संघटनेचे अध्यक्ष शिवाजी चव्हाण, महासचिव हनुमंत ताटे यांच्यासह वरिष्ठ अधिकारी उपस्थित होते.वेतन कराराच्या तरतुदीनुसार, जानेवारी २०१३ ते सप्टेबर २०१३ या ९ महिन्यांची आठ टक्के वाढीव महागाई भत्त्याची ७२ कोटी रुपयांची थकबाकी, जुलै २०१३ आणि ऑक्टोबर २०१३ या चार महिन्यांची १० टक्के वाढीव महागाई भत्त्याची ४० कोटी रुपयांची थकबाकी होती.ही थकबाकी अधिवेशनपूर्वी महामंडळाला देण्यात येणार असून, कर्मचा-यांना एकरकमी वाटप करण्यात येणार आहे. कर्मचा-यांच्या मागण्या मान्य करण्यात आल्याने १० फेब्रुवारीचे नियोजित सामूहिक रजा आंदोलन रद्द करण्यात आल्याची माहितीही या वेळी चव्हाण यांनी दिली.

नवी दिल्ली- आंध्र प्रदेशचे विभाजन करून वेगळ्या तेलंगण राज्याची निर्मिती करण्यासंबंधीचे वादग्रस्त विधेयक शुक्रवारी केंद्रीय मंत्रिमंडळाच्या बैठकीत मंजूर करण्यात आले. पंतप्रधान डॉ. मनमोहन सिंग यांच्या अध्यक्षतेखाली केंद्रीय मंत्रिमंडळाच्या बैठकीत तेलंगणा राज्याच्या विधेयकाच्या मसुद्याला एकमताने मंजुरी देण्यात आली. राष्ट्रपती प्रणव मुखर्जी यांच्यासमोर हे विधेयक सादर केल्यानंतर ते विधेयक १२ फेब्रुवारीला राज्य सभेत मांडण्यात येणार आहे.
तेलंगण आणि सीमांध्र या दोन राज्यांसाठी हैदराबाद ही संयुक्त राजधानी असेल. सीमांध्रमधील नेत्यांनी हैदराबादला केंद्र शासित प्रदेश घोषित करण्याची मागणी केंद्राने फेटाळून लावली आहे. आगामी लोकसभा निवडणुकांपूर्वी होणा-या संसदेच्या या शेवटेच्या अधिवेशनात हे विधेयक मंजूर करण्याचे केंद्र सरकारने ठरवले आहे. मात्र मुख्यमंत्री किरण कुमार रेड्डी आणि मूळचे तेलंगणचे नसलेले इतर काँग्रेस नेते यांचा तेलंगणच्या निर्मितीला विरोध आहे. दरम्यान, तेलंगण राज्य निर्मितीसंदर्भातील विधेयकाला स्थगिती देण्यास सर्वोच्च न्यायालयाने नकार दिला आहे. तेलंगण राज्य निर्मीतीच्या सध्याच्या टप्प्यावर हस्तक्षेप करायचा नसल्याचे न्यायालयाने म्हटले आहे.

नवी दिल्ली- अब्रू नुकसानीच्या दाव्याप्रकरणी दिल्लीचे मुख्यमंत्री अरविंद केजरीवाल यांच्यासह मनीष सिसोदिया, प्रशांत भूषण, शझिया इलमी यांना सर्वोच्च न्यायालयाने शुक्रवारी नोटिस बजावली. केंद्रीय मंत्री कपिल सिबल यांचे पुत्र अमित यांनी ‘आप’च्या नेत्यांविरोधात याचिका दाखल केली.
सर्वोच्च न्यायालयाचे न्यायमूर्ती एच. एल. दत्तू यांच्या खंडपीठाने हे निर्देश दिले. १६ जानेवारी रोजी झालेल्या सुनावणीत अब्रू नुकसानीच्या दाव्याची याचिका रद्द करण्यास दिल्ली उच्च न्यायालयाने नकार दिला. मात्र, ही याचिका रद्दबातल करण्याचा निर्णय महानगरदंडाधिका-यांनी घ्यावा असे उच्च न्यायालयाने सूचवले.दिल्ली उच्च न्यायालयाच्या निकालाला अमित सिबल यांनी सर्वोच्च न्यायालयात आव्हान दिले. खासगी तक्रारीवरून महानगरदंडाधिका-यांना हा खटला रद्दबातल करण्याचे अधिकार नसल्याचा दावा सिबल यांनी केला. वडिलांच्या मंत्रिपदाचा फायदा अमित सिबल यांनी घेतल्याचा दावा केजरीवाल व ‘आप’च्या नेत्यांनी केला होता. त्या विरोधात अमित सिबल यांनी याचिका दाखल केली आहे.

अंगाºयात गुंगचे औषधी देऊन महिलेचे दागिने उडवले
उमरखेड –  भविष्य पाहण्यासाठी आलेल्या तीन महाराजांनी अंगाºयात गुंगीची औषधी देऊन महिला बेशुद्घ पाडून तीच्या गळ्यातील दोन तोळे सोण्याचे गठण चोरून नेले. ढाणकी येथे आज गुरुवारी दुपारी ही घटना घडली असून गावात खळबळ उडाली आहे.
विमलबाई येरावार ही महिला वार्ड क्र. चार ढाणकी येथे  राहत असून किराणा दुकान आहे. नेहमीप्रमाणे त्या दुकानात बसून असताना दुपारी तीन वाजताच्या सुमारास अनोळखी तीन व्यक्ती तेथे आले. त्यानी महाराज असल्याची बतावणी करून आम्हाला तुमचे भविष्य पाहण्यासाठी देवानेच पाठविले असून पुरण पोळीचे जेवण करुन भविष्य सांगू असे सांगितले. त्याच्या बोलण्यावर विश्वास ठेऊन सदर महिलेसह सुनेने पुरण पोळीचा स्वयंपाक केला. यावेळी तीन्ही भामड्यांनी जेवनावर ताव मारून भविष्य पाहण्यासाठी अंगारा खाण्यास दिला. अंगारा खाताच विमलबाई व  सुन बेशुद्घ पडताच भामड्यानी या महिलेच्या गळ््यातील दोन तोेळे सोन्याचे गठण किंमत ६० हजार रुपये घेऊन फरार झाले. काही वेळानंतर त्या शुद्घीवर आल्याने हा प्रकार उजेडात आला. यावेळी महिलेने आडओरड केल्याने शेजारी राहणाºया लोकांनी तेथे धाव घेतली, मात्र तो पर्यंत बराच उशिर झाला होता. या घटनेने गावात खळबळ उडाली आहे.

यवतमाळ –  बाभूळगाव तालुक्यातील पाचखेड येथील एका इसमास मारहाण करणाºया तीन आरोपींना सहा महिने सश्रम कारावास व एक हजार रुपये दंडाची शिक्षा ठोठावली. प्रथम श्रेणी न्यायदंडाधिकारी व्ही. एम. मानखैरे यांनी हा निकाल दिला.
तुकाराम लक्ष्मण बावणे (४२), पाडूरंग तुकाराम बावणे (२१), निवृत्ती तुकाराम बावणे (१८) तिघेही रा. पाचखेड  अशी आरोपींची नावे आहे. पाचखेड येथे १५ मे २०१२ रोजी लाऊडस्पिकर वाजवण्याच्या कारणावरून आरोपींनी मनोहर परतपुरे यांना मारहाण करून जखमी केले होते. याप्रकरणी मनोहरची  पत्नी शोभा परतपुरे याच्या तक्रारीवरून बाभूळगाव पोलिसांनी आरोपीविरूद्घ भादंवि कलम ३२६ अंतर्गत गुन्हा  दाखल केला होता. तत्कालीन जमादार राजाभाप बंकेवार यांनी  तपासाअंती प्रकरण न्यायप्रविष्ठ केले होते. या प्रकरणाची सुनावणी प्रथम श्रेणी न्यायदंडाधिकारी व्ही. एम. मानखैरे यांच्या न्यायालयात सुरू होती. या प्रकरणात सात साक्षीदारांची साक्ष नोंदवण्यात आले होते. दरम्यान, न्यायालयाने या प्ररकणात तिन्ही आरोपींना दोषी धरून सहा महिन्याची शिक्षा आणि प्रत्येकी एक हजार रुपये दंड ठोठावला. सरकारी पक्षातर्फे सहाय्यक सरकारी वकील अँड. अमोल गणविर यांनी काम पाहिले

यवतमाळ दि. 06 : राज्याचे महसुल, पुनर्वसन व मदतकार्य, भूकंप पुनर्वसन, सहकार,पणन व वस्त्रोद्योग राज्यमंत्री सुरेश धस जिल्ह्याच्या दौऱ्यावर येत आहेत. त्यांचा दौरा कार्यक्रम पुढीलप्रमाणे.
शुक्रवार दिनांक 7 फेब्रुवारी रोजी हिंगोली येथून सकाळी 9.55 वाजता विश्रामगृह उमरखेड येथे आगमन. सकाळी 10 वाजता शासकीय विश्रामगृह उमरखेड येथे स्थानिक कार्यकर्त्यासमवेत बैठक. दुपारी 12.30 ते 1 पर्यंतची वेळ राखीव. दुपारी 1 वाजून 5 मिनीटानी उमरखेड येथून किनवट (जि. नांदेड) कडे प्रयाण.