सायतखर्डा येथील घटना, मृतक वर्धा जिल्ह्यातील
यवतमाळ – पत्नीच्या चारित्र्यावर संशय घेऊन मुलीला फाशी देऊन पित्याने आत्महत्या केली.  ही दुदैवी घटना आज मंगळवारी दुपारी १२ वाजता घाटंजी तालुक्यातील सायतखर्डा येथे  घडली असून परिसरात खळबळ उडाली आहे.
अजय तुकाराम ढवळे (३५), अनुष्का अजय ढवळे (वय ५, रा. नाचनगाव ता. पुलगाव जि. वर्धा ) असे मृतांचे नाव आहे. अजयची पत्नी घाटंजी तालुक्यातील सायतखर्डा आरोग्य उपकेंद्रात परिचारीका म्हणून कार्यरत असून तेथेच शासकीय निवासस्थानी राहत होती.  गावातील रुग्ण तिच्याकडे औषधोपचारासाठी येत होते. मृतक हा पत्नीच्या चारित्र्यावर संशय घेऊन तिच्याशी  नेहमीच वाद करीत होता. गत दोन दिवसापूर्वी नाचणगाव येथून अजय सायतखर्डा येथे आल्यानंतर पत्नीसोबत वाद केला.  आज सकाळी त्याची पत्नी गावात हत्तीरोगाच्या गोळ््याचे वाटप  करण्याठी गेली असता, घरी कुणी नसल्याचे पाहून रागाच्या भरात अजयने मुलीचा दोरीने गळा आवळून जागीच ठार मारले. त्यानंतर स्वत:ही गळफास घेऊन आपले जीवन संपविले.पत्नी दुपारी घरी परत आल्यानंतर हा प्रकार उघडकीस आला. या घटनेची माहिती मिळताच पांढरकवड्याचे उपविभागीय पोलीस अधिकारी भालचंद्र महाजन, पारव्याचे ठाणेदार पंजाब वंजारी, जमादार दिगांबर अलोने, रमेश एळमे, गणेश भोसे, रमेश डोंगरे, गजानन खांदवे यांनी घटनास्थळ गाठले. त्यानंतर पंचनामा करून मृतदेह शवविच्छेदनासाठी शासकीय रुग्णालयात पाठविले. या घटनेने गावात हळहळ व्यक्त होत असून खळबळ  उडाली आहे. यावेळी मृतकाने लिहुन ठेवलेली चिठ्ठीही पोलिसांच्या हाती लागली. त्यामध्ये मी पत्नीच्या चारित्र्यावर संशय घेत असल्यामुळे जगू शकत नाही म्हणून आत्महत्या करीत आहो, असे नमूद असल्याची माहिती पोलीस सू्त्रांनी  दिली.   मुलीला फाशी देऊन पित्याची आत्महत्या
सायतखर्डा येथील घटना, मृतक वर्धा जिल्ह्यातील
यवतमाळ
दि. १० (स्थानिक प्रतिनिधी)
…………………………
पत्नीच्या चारित्र्यावर संशय घेऊन मुलीला फाशी देऊन पित्याने आत्महत्या केली.  ही दुदैवी घटना आज मंगळवारी दुपारी १२ वाजता घाटंजी तालुक्यातील सायतखर्डा येथे  घडली असून परिसरात खळबळ उडाली आहे.
अजय तुकाराम ढवळे (३५), अनुष्का अजय ढवळे (वय ५, रा. नाचनगाव ता. पुलगाव जि. वर्धा ) असे मृतांचे नाव आहे. अजयची पत्नी घाटंजी तालुक्यातील सायतखर्डा आरोग्य उपकेंद्रात परिचारीका म्हणून कार्यरत असून तेथेच शासकीय निवासस्थानी राहत होती.  गावातील रुग्ण तिच्याकडे औषधोपचारासाठी येत होते. मृतक हा पत्नीच्या चारित्र्यावर संशय घेऊन तिच्याशी  नेहमीच वाद करीत होता. गत दोन दिवसापूर्वी नाचणगाव येथून अजय सायतखर्डा येथे आल्यानंतर पत्नीसोबत वाद केला.  आज सकाळी त्याची पत्नी गावात हत्तीरोगाच्या गोळ््याचे वाटप  करण्याठी गेली असता, घरी कुणी नसल्याचे पाहून रागाच्या भरात अजयने मुलीचा दोरीने गळा आवळून जागीच ठार मारले. त्यानंतर स्वत:ही गळफास घेऊन आपले जीवन संपविले.पत्नी दुपारी घरी परत आल्यानंतर हा प्रकार उघडकीस आला. या घटनेची माहिती मिळताच पांढरकवड्याचे उपविभागीय पोलीस अधिकारी भालचंद्र महाजन, पारव्याचे ठाणेदार पंजाब वंजारी, जमादार दिगांबर अलोने, रमेश एळमे, गणेश भोसे, रमेश डोंगरे, गजानन खांदवे यांनी घटनास्थळ गाठले. त्यानंतर पंचनामा करून मृतदेह शवविच्छेदनासाठी शासकीय रुग्णालयात पाठविले. या घटनेने गावात हळहळ व्यक्त होत असून खळबळ  उडाली आहे. यावेळी मृतकाने लिहुन ठेवलेली चिठ्ठीही पोलिसांच्या हाती लागली. त्यामध्ये मी पत्नीच्या चारित्र्यावर संशय घेत असल्यामुळे जगू शकत नाही म्हणून आत्महत्या करीत आहो, असे नमूद असल्याची माहिती पोलीस सू्त्रांनी  दिली.

यवतमाळ -राज्यातील कमी पटसंख्या असलेल्या १५ हजार शाळा बंद करण्याचा निर्णय शासणाने घेतला असुन या निर्णयाविरोधात पंजाबराव देशमुख राष्टÑीय शिक्षक परीषद राज्यभरातील जिल्हाधिकारी कार्यालयासमोर १५ फेब्रूवारीला धरणे आंदोलन करणार आहे.
शासनाच्या शालेय शिक्षण विभागाने  डिसेंबर २०१३ ला शाळेतील पटसंख्येवर आधारीत शिक्षक पदे निर्धारीत करण्याचा निर्णय घेवून २० पेक्षा कमी पटसंख्या असलेल्या शाळा बंद करण्याचे आदेश दिले आहे.या निर्णयामुळे जिल्ह्यातील ४०० ते ५०० शाळा बंद होणार आहे.याचा परीणाम म्हणजे प्रत्येक जिल्ह्यातील ८०० ते १००० शिक्षक अतिरीक्त ठरणार आहे.या शिक्षंकाचे समायोजन राज्यात करता येणे शक्य नसल्यामुळे शिक्षक वर्गात भीतीचे वातावरण निर्माण झाले आहे.शासनाने हा निर्णय घेतला असला तरी सर्वोच्च न्यायालयाने शाळा   बंद करा असे म्हटले नाही.शासनाने हा निर्णय रद्द करावा या प्रमुख मागणीसह अन्य मागण्यासाठी १५ ला धरणे देणार असल्याचे प्रदेशाध्यक्ष पप्पू पाटील यानी सांगीतले आहे.

युवकांना सहभागी होण्याचे आवाहन
यवतमाळ दि. 11 : भारत सरकारच्या युवा कार्यक्रम व खेळ मंत्रालयाच्यावतीने अविद्यार्थी युवकांसाठी राष्ट्रीय युवा कॉरप्स् योजना राबविण्यात येते. ग्रामीण भागातील युवकांना समाज सेवा करण्याची संधी नेहरु युवा केंद्रामार्फत या योजनेव्दारे दिली जाते. यासाठी युवकांनी 3 मार्च 2014 पर्यंत अर्ज सादर करावे, असे आवाहन जिल्हा युवा समन्वयक, ज्योती मोहिते यांनी केले.
या योजनेत सहभागी होवू इच्छिणाऱ्या युवा उमेदवाराचे वय 18 ते 25 वर्ष या दरम्यान असावे. 1 एप्रिल 2014 रोजी अर्ज करणाऱ्या उमेदवाराचे वय 25 वर्षाच्या आत असावे. म्हणजेच त्याचा जन्म 1 एप्रिल 1989 ते  1 एप्रिल 1996 या कालावधीतील असावा. जिल्ह्यातील 16 तालुक्यांकरीता 32 राष्ट्रीय युवा कॉरप्स् स्वयंसेवकाची निवड करावयाची आहे. त्यामुळे तालुक्यात कार्य करण्याकरीता त्याच तालुक्यातील रहिवाशी असलेल्या उमेदवारांची निवड करण्यात येईल. सर्व जाती-जमातीच्या पुरुष व महिला उमेदवाराची शैक्षणिक पात्रता किमान 10 वी पास असावी. पदवीधर उमेदवारांना प्राधान्य राहील. निवड झालेल्या उमेदवारांना सेवा कार्यासाठी मानधन व प्रवासभत्ता असे एकूण रुपये 2500 दर महा दिले जातील.
ग्रामीण भागात समाजसेवा करण्याची आवड असणाऱ्या इच्छूक युवकांना छापील अर्ज नेहरु युवा केंद्र, चंदन नगर, प्रजापतीनगर जवळ, वडगाव रोड, यवतमाळ येथे उपलब्ध आहे. अर्जासोबत गुण पत्रिका, जात प्रमाणपत्र, शाळा सोडल्याचा दाखला, राहिवाशी असल्याबाबत रेशनकार्ड, निवडणूक ओळखपत्र किंवा वाहन चालविण्याचा परवाना त्यांच्या झेरॉक्स प्रती जोडणे आवश्यक आहे. उमेदवारा एन.एस.एस., एन.सी.सी. स्काऊड-गाईड, युवा मंडळाचा कार्यकर्ता असल्यास तसा उल्लेख करावा व प्रमाणपत्र जोडावे. अर्ज सादर करण्याची अंतीम मुदत 3 मार्च 2014 आहे. याची संबंधितांनी नोंद घ्यावी.

जिल्ह्यातील सर्व अधिकाऱ्यांनी सहभागी होण्याचे आवाहन
यवतमाळ : राज्य सरकारी कर्मचारी, अधिकाऱ्यांच्या विविध प्रलंबित मागण्यांसाठी 13 फेब्रुवारी पासून बेमुदत संप पुकारण्यात आला आहे. या संपात जिल्ह्यातील सर्व अधिकारी सहभागी होणार आहे. राजपत्रित अधिकारी महासंघाची आज बैठक झाली. त्यावेळी संप शंभर टक्के यशस्वी करण्याचे आवाहन महासंघाचे जिल्हाध्यक्ष तथा निवासी उपजिल्हाधिकारी राजेंद्र देशमुख यांनी केले.
बैठकीला जिल्हाध्यक्ष राजेंद्र देशमुख यांच्यासह जिल्हा सरचिटनीस तथा जिल्हा कोषागार अधिकारी शा.व.देव, कर्मचारी नेते रविंद्र देशमुख, निवडणूक उपजिल्हाधिकारी नरेंद्र फुलझेले, महसूल उपजिल्हाधिकारी एस.व्ही.सिरसुध्दे, जिल्हा नियोजन अधिकारी दीपक सिडाम, जिल्हा माहिती अधिकारी मंगेश वरकड, जिल्हा हिवताप निर्मुलन अधिकारी सुरेश तरोडेकर, नगर रचना विभागाचे सहाय्यक संचालक प्रमोद गावंडे, विक्रीकर अधिकारी आ.बा.पाटेकर, शासकीय तंत्रनिकेतनचे अधिव्याख्याता राजेंद्र चौधरी, वरीष्ठ लेखाधिकारी ज्योती भोंडे, सह जिल्हा निबंधक एस.डी.बराटे, रेशीम विकास अधिकारी आर.वाय.म्हात्रे यांच्यासह अधिकारी मोठ्या संख्येने उपस्थित होते.
सेवानिवृत्तीचे वय 60 करावे, पाच दिवसांचा आठवडा, रिक्त पदे भरावी, आगाऊ वेतनवाढी, पेन्शन योजना पूर्वी प्रमाणे सुरु करावी आदी मागण्यासाठी हा संप पुकारण्यात आला आहे. या संपात विविध शासकीय, निमशासकीय संघटना सहभागी होत आहे. संपाच्या निमित्ताने जिल्ह्यातील सर्व राजपत्रित अधिकाऱ्यांनी आपली एकसंघता दाखवून द्यावी व मोठ्या संख्येने संपात सहभागी व्हावे, असे आवाहन महासंघाच्या जिल्हाध्यक्षांनी बैठकीत केले. संपामागची भूमिका महासंघाचे सरचिटणीस तथा जिल्हा कोषागार अधिकारी शा.व.देव यांनी सांगितली.

पुसद – दोन दिवसापासून बेपत्ता असलेल्या युवतीचा मृतदेह पुस नदीच्या पात्रात आढळल्याने खळबळ उडाली आहे. शितल दलित मुनेश्वर (१९) रा. वसंत नगर असे मृतक युवतीचे नाव आहे. ८ फेबु्रवारी रोजी ती बेपत्ता असून कुटुंबीय व नातेवाईकांनी तीचा शोध घेतला मात्र थागपत्ता लागला नव्हता. दरम्यान आज सोमवारी दुपारी पुस नदीच्या पात्रात शितलचा मृतदेह आढळला. याप्रकरणी पुसद शहर पोलिसांनी अकस्मात मृत्यूची नोंद केली असून मृत्यूचे कारण कळु शकले नाही.

प्रदेशाध्यक्ष भुपेशजी थुलकर यांची माहिती
यवतमाळ – भाजपा-शिवसेना- रिपाई (आठवले) पक्षाच्या महायुतीसाठी राज्यात वातावरण पोषक असून लोकसभेच्या ३५ जागेवर महायुती विजय प्राप्त करेल,अशी माहिती रिपब्लिकन पार्टी आॅफ इंडीयाचे (आठवले गट)  प्र्रदेशाध्यक्ष भुपेशजी थुलकर यांनी दिली. येथील पत्रकार भवनात आयोजित पत्रकार परीषदेत ते बोलत होते.
राज्यात कॉग्रेस-राष्टÑवादी कॉग्रेस बद्दल जनतेमध्ये  प्रंचड रोष असून जनता महायूतीच्या बाजुने आहे.रिपाई चे राष्टÑीय अध्यक्ष खा.रामदास आठवले यांच्या नेतृत्वात पुणे,सोलापूर,नांदेड,परभणी,गंगाखेड इत्यादी ठिकाणी जिल्हा दौरे आटोपून यवतमाळ जिल्हयात पक्ष संघटन वाढविण्यासाठी  आपण आलो असल्याचे ते म्हणाले तसेच जिल्हाकार्यकारणीमध्ये फेरबदल करणार असल्याचे सांगितले.राज्यात रिपाई लोकसभेत ३ जागा लढविणार आहे.याकरीता पक्षाची लोणावळा येथे राज्यकार्यकारणीची बैठक ७ फेब्रुवारीला पार पडली.रिपाईने सुरवातीपासुनच ३ लोकसभा व १ राज्यसभेच्या जागेची मागणी महायुतीच्या बैठकीत केली आहे.यामध्ये भाजपाने प्रकाश जावडेकर यांची उमेदवारी रद्द करून रामदास आठवलेना राज्यसभेवर पाठविले.याबद्दल त्यांनी भाजपचे आभार मानले.आता लोकसभेत रिपाईला कल्याण,इशान्य मुंबई यापैकी एक,सातारा,पुणे,लातूर यापैकी एक व रामटेक वर्धा यापैकी एक अशा ३ लोकसभेच्या जागा पाहिजे यामध्ये भाजपाने १ तर शिवसेनेने २ जागा द्याव्या.अशी मागणी पुढील आठवड्यात होणाºया महायुतीच्या समन्वय बैठकीत करण्यात येणार असल्याचे थुलकर यांनी सांगितले. यावेळी सामाजीक कार्यकर्ते महेंद्र मानकर यांची  जिल्हा कार्याध्यक्षपदी निवड करण्यात आली. या पत्रकार परिषदेला विदर्भ प्रदेशाध्यक्ष सुधाकर तायडे, अनिल गोंडाने, नेरचे उपनगराध्यक्ष मोहन भोयर,नवनीत महाजन,धम्मपाल माने,राहुल तायडे उपस्थित होते.

यवतमाळात 200 ग्रामपंचायतीमध्ये बँकींग सेवेस प्रारंभ

यवतमाळ : राज्यातील सर्वसामान्य नागरिकांना त्यांच्या हक्काच्या सुविधा मिळाल्या पाहिजे. छोट्या मोठ्या कामांसाठी त्यांना गावाबाहेर जाण्याची गरज भासू नये, यादृष्टीने महाराष्ट्र शासन वाटचाल करीत आहे. प्रशासन लोकाभिमूख करण्यासोबतच ग्रामीण जनतेला दिलासा देण्यासाठीच ई-प्रशासनावर जोर देण्यात येत असून ई-बँकींग हा त्यातला महत्वाचा भाग आहे. ग्रामपंचायतींमध्ये ई-बँकींग सेवा सुरु होणे ग्रामीण महाराष्ट्राच्यादृष्टीने अतिशय महत्वाचे पाऊल असल्याचे प्रतिपादन ग्रामविकास मंत्री जयंत पाटील यांनी केले.
जिल्ह्यातील परसोडी बु. येथील ग्रामपंचायतीमध्ये ई-बँकींग सुविधेचे उद्घाटन श्री.पाटील यांच्याहस्ते झाले. त्यावेळी ते बोलत होते. परसोडी ही ई-बँकींग सुविधा देणारी देशातील पहिली ग्रामपंचायत ठरली आहे. परसोडी सोबतच यवतमाळ जिल्ह्यातील 200 ग्रामपंचायतीमध्ये ई-बँकींग सेवेचा शुभारंभ झाला. शुभारंभा प्रसंगी अजिक्य जगताप या युवकाने ई-बँकींगव्दारे पाचशे रुपये आपल्या खात्यात जमा केले. त्याची पावती ग्रामविकास मंत्र्यांनी यावेळी त्याला सुपुर्द केली.
उद्धाटन कार्यक्रमाच्या अध्यक्षस्थानी महाराष्ट्र विधानसभेचे उपाध्यक्ष प्रा.वसंत पुरके तर प्रमुख पाहुणे म्हणून खा.भावना गवळी, आ.संदीप बाजोरीया, आ.वसंतराव खोटरे, ग्रामविकास विभागाचे प्रधान सचिव एस.एस.संधू, उपसचिव एकनाथ मोरे, जिल्हा परिषद अध्यक्ष प्रविण देशमुख, अमरावती जिल्हा परिषदेच्या अध्यक्षा सुरेखा ठाकरे, बुलडाणा जिपच्या अध्यक्षा वर्षाताई वानरे, गडचिरोलीच्या अध्यक्षा भाग्यश्री आत्राम, नागपूरच्या अध्यक्षा संध्याताई गोतमारे, वर्धाचे अध्यक्ष ज्ञानेश्वर ढगे, अकोल्याचे अध्यक्ष शरद गवई, वाशीम जिपचे उपाध्यक्ष चंद्रकांत ठाकरे, बुलडाणाचे उपाध्यक्ष पांडूरंग पाटील, ठाणे जिपचे उपाध्यक्ष इरफान भुरे, यवतमाळ जिपचे सभापती सुभाष ठोकळ, मनमोहनसिंह चव्हाण, प्रभाकर उईके, प्राजक्ता मानकर, माजी आमदार राजू तिमांडे, केंद्रीय ग्रामविकास मंत्रालयाचे राज्य सदस्य अविनाश देशमुख, प्रभारी जिल्हाधिकारी इंद्रसेन तिटकारे, प्रभारी मुख्य कार्यकारी अधिकारी शरद कुलकर्णी, बँक ऑफ बडोदाचे जनरल मॅनेजर किशोर खरात, सीईओ भगवान गाडगे आदी उपस्थित होते.
अलिकडे माहिती तंत्रज्ञानाने क्रांती केली. शहरातील शिक्षीत वर्गाने या क्रांतीचा उपयोग करुन घेतला. बंगलोरसारख्या शहरात अगदी कमी वयात संगणक क्षेत्रात नोकऱ्या मिळवणारे युवक चांगले पगारदार बनले. माहिती तंत्रज्ञानाची ही क्रांती ग्रामीण भागातही पोहचली पाहीजे. त्यादृष्टीनेच काही वर्षात राज्याशासन प्रयत्न करीत आहे. त्यामुळेच 28 हजार गावात संगणक पोहचले. राज्यात ई-पंचायत सुरु झाली. केंद्र शासनाने त्याचा गौरव केला. लोकांपर्यत त्यांच्या हक्काच्या सुविधा पुरविण्यासाठीच ही धडपड आहे. यवतमाळ सारख्या जिल्ह्यात ग्रामपंचायत असलेल्या गावातही बँकांची शाखा नाही. आपल्या कामांसाठी लोकांना लांबवर दुसऱ्या गावी जावे लागते. प्रत्येक गावात बँकेची शाखा त्वरीत उघडणे शक्य नाही. त्यामुळेच गेल्या काही दिवसांच्या प्रयत्नांमुळे ई-बँकींग प्रणाली अस्तित्वात आली असल्याचे पुढे बोलतांना श्री.पाटील यांनी सांगितले.
ई-बँकींग सुविधा राबविण्यासाठी 27 राष्ट्रीयकृत बँकांसोबत शासनाने करार केला आहे. त्यामुळे आता गावातच नागरिकांना बँकेचे खाते उघडता येईल. आर्थिक व्यवहार करता येईल. कर्ज प्रकरणे मंजूर करण्यासोबतच कर्जाची रक्कमही ई-बँकींगच्या माध्यमातून ग्रामपंचायतीतूनच काढता येतील व जमाही करता येईल. भविष्यात मोबाईल, टेलिफोन, वीज बिलाचा भरणा करण्यासोबतच रेल्वे व बसचे आरक्षणही आपल्याच गावात ई-बँकींगव्दारे होणार आहे. आता छोट्या मोठ्या कामांसाठी नागरिकांना बाहेरगावी जावे लागणार नाही, असे ग्रामविकासमंत्री म्हणाले.
जगातील सुविधा सामान्यांच्या घरापर्यंत पोहचवीणे राज्याकर्त्यांचे काम आहे. या सुविधा पोहचविण्यासाठी येणारे अडथळे आम्ही दुर करतो आहे. ई-बँकींगसाठी काही ठिकाणी इंटरनेट कनेक्शनचा प्रश्न उद्भवू शकतो, त्यासाठी ऑप्टीकल फायबर ठिकठिकाणी टाकले जाणार आहे. त्यामुळे ही अडचणही भविष्यात राहणार नाही, असे त्यांनी सांगितले. राज्यात ग्रामपंचायत कर्मचाऱ्यांच्या वेतनाचा प्रश्न आहे. आर्थिकदृष्ट्या कमकुवत ग्रामपंचायतींचे गट करुन येथील कर्मचाऱ्यांच्या वेतनासाठी ठराविक रक्कम शासन देणार आहे. सरपंचांच्या मानधन वाढीचाही प्रश्न आहे. त्यावरही लवकरच योग्य पर्यांय काढू, असे ग्रामविकास मंत्री म्हणाले.
यावेळी विधासनसभा उपाध्यक्ष प्रा.वसंत पुरके यांचेही भाषण झाले. ई-बँकींगसेवेमुळे  महिलांना खऱ्या अर्थाने फायदा होणार आहे. ही सुविधा ग्रामीण भागासाठी क्रांतीकारी पाऊल ठरेल. बचतीला प्रोत्साहन देण्यासोबतच पारदर्शकता वाढीस लागेल, असे सांगून या सुविधेची योग्य अंमलबजावणी झाली पाहिजे, असे ते म्हणाले. खा.भावना गवळी, आ.संदीप बाजोरीया, जिल्हा परिषद अध्यक्ष प्रविण देशमुख, अमरावतीच्या अध्यक्षा सुरेखा ठाकरे यांचीही यावेळी भाषणे झाली. प्रास्ताविक प्रधान सचिव एस.एस.संधू यांनी केले. ग्रामपंचायतीत बँक हे स्वप्न साकार झाले असल्याचे ते म्हणाले. भविष्यात विविध प्रकारचे अनुदान ई-बँकींगव्दारे वितरीत केल्या जातील, असे त्यांनी सांगितले.

दुबई – आंतरराष्ट्रीय क्रिकेट परिषदेने जाहीर केलेल्या कसोटी क्रमवारीत भारतीय खेळाडू चेतेश्वर पुजारा आणि आर. अश्विन यांची घसरण झाली आहे. कसोटी क्रमवारीतील फलंदाज पुजाराची सहाव्या क्रमांकावर तर गोलंदाजीमध्ये आर. अश्विनची आठव्या स्थानावर घसरण झाली आहे. आयसीसीने सोमवारी कसोटी क्रमवारी जाहीर केली.
यादरम्यान विराट कोहलीने ११ व्या क्रमांकावरील आपले स्थान कायम राखण्यात यश मिळवले आहे. न्यूझीलंडविरुद्धच्या सामन्यात शतक झळकावलेला रोहित शर्मा ३६ व्या स्थानावर आहे. तर प्रग्यान ओझा ११ व्या स्थानावर आहे. न्यूझीलंडच्या ट्रेट बोल्टने कसोटीतील गोलंदाजीच्या क्रमवारीत सातवे स्थान पटकावले आहे तर साऊदीने आपल्या कारकिर्दीत पहिल्यांदा टॉप टेनमध्ये बाजी मारली आहे. न्यूझीलंडविरुद्धच्या सामन्यात सतत होणा-या पराभवाचा फटका भारताच्या कसोटी क्रमवारीवरही होण्याची शक्यता आहे.  ऑकलंड येथील न्यूझीलंडविरुद्धच्या पहिल्या कसोटी सामन्यात भारताचा ४० धावांनी पराभव झाला होता. जर ऑस्ट्रेलिया आणि दक्षिण आफ्रिकेविरुद्धच्या मालिकेत ऑस्ट्रेलियाने बाजी मारली तर भारताचे कसोटी क्रमवारीतील दुसरे स्थान धोक्यात येऊ शकते. सध्या दक्षिण आफ्रिका १३३ गुणांनी आघाडीवर आहे तर ऑस्ट्रेलिया १११ गुण कमावून तिस-या स्थानावर आहे.

जोधपूर – अल्पवयीन मुलीचे लैंगिक शोषण केल्याच्या आरोपाखाली अटकेत असलेला स्वयंघोषित अध्यात्मिक गुरु आसाराम बापूचा जामीन अर्ज सोमवारी राजस्थान उच्च न्यायालयाने फेटाळून लावला. बचाव पक्षाचे ज्येष्ठ वकिल राम जेठमालानी यांचा युक्तीवाद न्यायमूर्ती नीरमल जीत कौर यांच्या न्यायालयाने फेटाळून लावला.
जामीन मंजूर व्हावा यासाठी जेठमालानींनी पिडित तरुणीच्या आरोपांवर प्रश्न उपस्थित केले होते. पिडित तरुणी आई-वडिलांसह स्वत: आश्रमात आली होती तसेच आसाराम ब-याच काळापासून तुरुंगात असल्याने ते अशक्त आणि आजारी आहेत हा जेठमालानींचा युक्तीवाद न्यायालयाने फेटाळून लावला. सरकारी वकिल महीपाल बिष्णोई यांनी बचाव पक्षाचे सर्व मुद्दे खोडून काढून जामीनाला विरोध केला होता. युक्तीवाद पूर्ण झाल्यानंतर न्यायालयाने तीन फेब्रुवारीला निर्णय राखून ठेवला होता. अखेर सोमवारी न्यायालयाने जामीन फेटाळून लावला. आसाराम ऑगस्ट महिन्यापासून तुरुंगात आहेत. त्याच्यावर आश्रमात आलेल्या अल्पवयीन मुलीचे लैंगिक शोषण केल्याचा आरोप आहे. आसारामचा मुलगा नारायण साईही बलात्काराच्या आरोपाखील तुरुंगात आहे. त्याच्यावर सूरतमधल्या दोन सख्ख्या बहिणींनी लैंगिक शोषण केल्याचा आरोप केला आहे.

नवी मुंबई- नवी मुंबईत वाशी येथील मॅफ्को मार्केटमधील शीतगृहात वायूगळती झाल्यामुळे २० जणांना बाधा झाली. त्यापैकी दोघांची प्रकृती अत्यव्यस्थ आहे. त्यांच्यावर नवीमुंबई महापालिका रुग्णालयातील अतिदक्षता विभागात उपचार सुरु आहेत. वाशी येथील सेक्टर १८ मधील हिरावती कोल्ड स्टोरेजमध्ये रविवारी रात्री साडेअकराच्या सुमारास अमोनिया वायूची गळती झाली. येथे माशांवर प्रक्रिया केली जाते. वायूगळती झाल्याने येथील २० कर्मचा-यांना त्रास जाणवू लागला. त्यांना तातडीने रुग्णालयात हलवण्यात आले. यापैकी १८ जणांना प्राथमिक उपचार करुन घरी सोडण्यात आले. मात्र दोन जणांची प्रकृती अत्यव्यस्थ असल्याने त्यांना अतिदक्षता विभागात ठेवले आहे.