घाटंजी -(तालुका प्रतिनिधी)
निसर्गाच्या लहरीपणामुळे अगोदरच शेतकरी संकटात असून भारनियमनामुळ े कृषी पंपाना विजपुरवठा नाही. त्यामुळे पाण्याअभावी शेतातील पिके वाळत असल्याने मोठ्या प्रमाणात नुकसान होत आहे. वीज पुरवठा सुरळीत करावा या मागणीसाठी शेतकºयांनी येथील वीज वितरण कंपनीच्या कार्यालयावर धडक दिली. यावेळी वीज कंपनीचे अभियंता गैरहजर असल्याने संतप्त शेतकºयांनी कर्मचाºयांना बाहेर हाकलुन कार्यालयाला कुलुप ठोकले.
ग्रामीण भागातील गावामध्ये येथील वीज वितरण कंपनीकडून वीज पुरवठा केला जातो. मात्र वीज वितरण कंपनीच्या तुघलकी कारभार सुरू असून भारनियमनामुळे नागरिक त्रस्त झाले आहे. तसेच शेतकºयांना कृषी पंपाना सुरळीत विज पुरवठा केल्या जात नाही. त्यामुळे शेतकºयांना पिकाला रात्रीच्यावेळी जाऊन पाणी द्यावे लागते. गत काही महीन्यापासून भारनियमना व्यक्तीरीक्तही वीज पुरवठा सतत खंडीत होत असल्याने पिकाला पाणी देणे शक्य होत नाही. त्यामुळे पिके सुकत असल्याने शेतकºयांचे नुकसान होत आहे. दरम्यान आज तालुक्यातील शेतकºयांनी येथील वीज वितरण कंपनीच्या कार्यालयावर धडक दिली. यावेळी वीज अभियंता गैरहजर असल्याने समस्या सांगायची कुणाला असा प्रश्न उपस्थित करून सदर अधिकाºयांच्या भ्रमणध्वनीवर संपर्क केला. यावेळी अधिकाºयाने मी माझ्या पदाचा राजीनामा दिला, तुम्हाला जे करायचे ते करा असे उध्दट उत्तर दिले. त्यामुळे संतप्त झालेल्या शेतकºयांनी कार्यालयातील कर्मचाºयांना बाहेर हकलुन कुलुप ठोकले व पोलीस ठाण्यात चाब्या जमा केल्या. यावेळी गुणवंत नाखले, सुरेश ठाकरे, सुदाम इंगोले, श्रीकांत कस्तुरे, गजानन पेंचलवार,  रामधन चव्हाण, परिश्रीत विरंदडे, राजू मानकर उपस्थित होते.

यवतमाळ (स्थानिक प्रतिनिधी) – कृत्रिम दात बसऊन देण्यासाठी एक हजार रुपये लाच स्विकारताना येथील कै. वसंतराव नाईक शासकीय वैद्यकीय महाविद्यालय व रुग्णालयातील दंततंत्रज्ञास रंगेहात पकडले. लाचलुचपत प्रतिबंधक प्रतिबंधक विभागाने आज सकाळी रुग्णालयात ही कार्यवाही केली आहे.
संजय बापूराव फेदुजवार (४४) असे लाचखोर कर्मचाºयांचे नाव असून ते दंततंत्रज्ञ पदावर कार्यरत होते. वसंतराव नाईक शासकीय वैद्यकीय रुग्णालयात आलेल्या एका रुग्णास कृत्रिम दात तयार करून बसवुन देतो असे म्हणून एक हजाराची लाच मागीतली. या प्रकरणाची तक्रारही लाचलुचपत प्रतिबंधक विभागाकडे केली होती. त्यावरून आज पथकाने रुग्णालयातील दंत विभागात सापळा रचला होता. यावेळी फेदुजवार याना एक हजार रुपयाची तक्रारदाराकडून लाच स्विकारताच रंगेहात पकडले. या घटनेने रुग्णालयातील कर्मचाºयामध्ये खळबळ उडाली आहे.

नवी दिल्ली (प्रतिनिधी) –  भारतीय नौदलाचे ‘टॉर्पिडो रिकव्हरी व्हेसल’ हे छोटे जहाज गुरुवारी विशाखापट्टणम बंदराजवळ समुद्रात बुडाले. या अपघातात जहाजावर तैनात असलेलला एक नाविक मृत्युमुखी पडला असून अन्य चार नाविक बेपत्ता असल्याचे वृत्त आहे. जहाजावर २८ कर्मचारी होते. त्यापैकी २३ कर्मचाऱ्यांना वाचविण्यात आले आहे. बेपत्ता असलेल्या कर्मचाऱ्यांचा शोध घेतला जात आहे. गुरुवारी रात्री ८ वाजताच्या सुमारास हा अपघात झाला.
युद्धनौका आणि पाणबुड्यांनी सरावादरम्यान डागलेले तोफगोळे शोधण्याचे काम या जहाजाकडे सोपविण्यात आले होते. नेहमीप्रमाणे हे जहाज तोफगोळे (टॉर्पिडो) शोधण्याच्या कामात असताना अचानक एका कक्षात पाणी घुसले आणि काही मिनिटातच जहाज समुद्रात बुडाले. हे जहाज डमी तोफगोळे गोळा करून परत येत असताना त्यात पाणी घुसले. विझाग पोस्टपासून अनदाजे १० ते १५ कि. मी. अंतरावर हे जहाज बुडाल्याचे कळते.

सुरत (प्रतिनिधी) – सुरतहून दिल्लीकडे निघालेल्या विमानाचे टेकऑफ होत असताना सुरत विमानतळावर स्पाइसजेट कंपनीच्या प्रवासी विमानाला म्हशीने धडक दिली. यावेळी विमानात एकूण १४६ प्रवासी प्रवास करत होते. ही घटना गुरूवारी सायंकाळी घडली.
स्पाइसजेट कंपनीचे बोइंग ७३७- ८०० हे विमान उड्डाण क्रमांक एसजी- ६२२ द्वारे सुरतहून सायंकाळी सात वाजता दिल्लीला निघाले होते. यात १४० प्रवासी आणि सहा विमानातील कर्मचारी होते. विमान टेक ऑफ करत असताना धावपट्टीवर आलेली म्हैस विमानाच्या इंजिनाला धडकली. यात सर्व प्रवाशांचा जीव थोडक्यात बचावला असला तरी विमानाच्या इंजिनाचे मात्र मोठे नुकसान झाले. यानंतर हे विमान रद्द करुन रात्री अकरा वाजता पर्यायी विमानाने सर्व प्रवाशांना दिल्लीला रवाना करण्यात आले.
धावपट्टीवर पुरेसा प्रकाश होता. मात्र बाजूच्या मैदानातील अंधारातून अचानक एक म्हैस पुढे आली आणि तिची विमानाला धडक बसली. वैमानिकाच्या ते लक्षात आले परंतू विमानाच्या वेगामुळे ही धडक टाळणे अशक्य झाल्याचे स्पाइसजेट कंपनीने सांगितले.
यापूर्वी जुलै २००९ मध्ये किंगफिशर एअरलाईन्सच्या विमानाला नागपूर विमानतळावर डुकराची धडक बसली होती. तर मार्च २०१० मध्ये मुंबईत छत्रपती शिवाजी आंतरराष्ट्रीय विमानतळावरील दोन धावपट्ट्यांवर आलेल्या कुत्र्यांमुळे सुमारे अर्धा तास विमानांचे उड्डाण थांबवावे लागले होते.
सुरतच्या या अपघातामुळे विमानतळाच्या धावपट्टी भागात म्हैस पोहोचली कशी, असा प्रश्न उपस्थित झाला आहे. या घटनेची गंभीर दखल घेत देशातील सर्व विमानतळांवरील सुरक्षा व्यवस्थेचा नव्याने आढावा घेण्याचे आदेश केंद्रीय नागरी विमान वाहतूक मंत्री गजपती राजू यांनी दिले आहेत.

मुंबई – राज्यात उपमुख्यमंत्रीपद मिळत नसेल तर भाजपाने केंद्रात आणखी एक मंत्रिपद द्यावे अशी मागणी शिवसेनेने केल्याचे समजते. शिवसेनेच्या या मागणीमुळे भाजपाचीही कोंडी झाली असून आता यावर भाजपा शिवसेनेपुढे नमते घेते का याकडे सर्वांचे लक्ष लागले आहे.
भाजपा आणि शिवसेनेमधील चर्चेचे गु-हाळ अद्यापही सुरुच असून युतीबाबत दोन्ही पक्षांमध्ये अद्याप तोडगा निघू शकलेला नाही. शिवसेनेला राज्यात उपमुख्यमंत्रीपद व  ९ ते १० मंत्रिपद हवे आहे. तर भाजपाने ही मागणी फेटाळून लावली आहे. सध्या शिवसेनेची दिल्लीतील भाजपाच्या वरिष्ठ नेत्यांशी चर्चा सुरु आहे. यामध्ये शिवसेना नेत्यांनी राज्यात उपमुख्यमंत्रीपद देत नसाल तर केंद्रात आणखी एक मंत्रिपद देण्याची मागणी केली आहे.
पंतप्रधान नरेंद्र मोदी यांनी मंत्रिमंडळाचा विस्तार करण्याचा निर्णय घेतला असून रविवारी नवीन मंत्र्यांचा शपथविधी पार पडण्याची शक्यता आहे. त्यामुळे या विस्तारामध्ये आपल्या पदरात एखादे मंत्रिपद पाडून घ्यावे अशी रणनिती शिवसेनेने आखल्याचे सूत्रांनी सांगितले. तर भाजपाने याविषयावर शिवसेनेला अद्याप प्रतिसाद दिलेला नाही.  शिवसेनेेची मागणी मान्य केल्यास तेलगू देसम, अकाली दल हे पक्षही भविष्यात अशी मागणी करु शकतील अशी भिती भाजपा नेत्यांना वाटत आहे.

नवी दिल्ली- केंद्रीय मंत्रीमंडळाचा येत्या रविवारपर्यंत विस्तार होण्याची शक्यता आहे. या विस्तारात गोव्याचे मुख्यमंत्री मनोहर पर्रिकर यांच्यासह सहा नव्या चेह-यांना संधी मिळण्याची शक्यता आहे.
मिळालेल्या माहितीनुसार, मुस्लिमांना खूष करण्यासाठी मुख्तार अब्बास नक्वी यांचा मंत्रीमंडळात समावेश होण्याची दाट शक्यता आहे. भाजप युवा मोर्चाचे राष्ट्रीय अध्यक्ष अनुराग ठाकूर यांच्यासह मनोहर पर्रिकर यांना मंत्रीपद मिळणारच अशी जोरदार चर्चा आहे.
पर्रिकर यांनी बुधवारी दिल्लीत भाजपचे अध्यक्ष अमित शहा यांची भेट घेतली. तर गुरुवारी पंतप्रधान नरेंद्र मोदी यांची भेट घेतली. राज्यापेक्षा देश मोठा असल्याची प्रतिक्रिया पर्रिकर यांनी मोदींची भेट घेतल्यानंतर दिली. पर्रिकर यांच्याकडे संरक्षण मंत्रालयाची जबाबदारी देण्याची दाट शक्यता आहे.
याचबरोबर आंध्र प्रदेशात तेलगु देसम पार्टीशी युती असल्याने मुख्यमंत्री चंद्राबाबू नायडू यांचेही नाव चर्चेत आहे. येत्या दोन दिवसात तुम्हाला मंत्रीमंडळ विस्ताराची बातमी ऐकायला मिळेल, असे नायडू म्हणाले. तर बिहार, राजस्थान मधील भाजपचे काही नविन चेहरे आणि टीडीपी व शिवसेनेलाही मंत्रीमंडळात स्थान मिळण्याची शक्यता आहे.
दरम्यान, पंतप्रधान नरेंद्र मोदी यांनी गुरुवारी सकाळी राष्ट्रपती भवनात भेट दिली. केंद्रीय मंत्रीमंडळाच्या विस्तारासाठीच मोदी तेथे गेले होते, अशी दिल्लीत चर्चा आहे. मात्र गुरु नानक यांना श्रद्धांजली वाहण्यासाठी ते राष्ट्रपती भवनात गेले होते, असे कारण पंतप्रधान कार्यालयाकडून सांगण्यात आले.
सध्या २२ कॅबिनेट आणि २२ राज्य मंत्री यात १० स्वतंत्र पदभार असलेल्या मंत्र्यांचाही समावेश आहे. यातील नितिन गडकरी, अरुण जेटली, प्रकाश जावडेकर, निर्मला सिथारमण आणि पियुष गोयल या भाजप नेत्यांकडे अनेक विभागांचा अतिरिक्त कार्यभार सोपवण्यात आला आहे.
अरूण जेटली यांच्याकडे वित्त आणि संरक्षण तसेच नितीन गडकरी यांच्याकडे रस्ते वाहतूक मंत्रालयाबरोबच गोपीनाथ मुंडे यांच्या निधनानंतर ग्राम विकास मंत्रालयाचा अतिरिक्त कारभार आहे.
तर रविशंकर प्रसाद यांच्याकडे कायदा आणि न्याय मंत्रालयाबरोबरच दळवळण आणि माहिती तंत्रज्ञान मंत्रालयाचाही कारभार आहे. तसेच माहिती-प्रसारणमंत्री प्रकाश जावडेकर यांच्याकडे पर्यावरण मंत्रालयाची अतिरिक्त जबाबदारी आहे.
अतिरिक्त पदभार असल्याने संबंधित मंत्रालयांच्या कामकाजावर पूर्ण लक्ष केंद्रीत करणे या मंत्र्यांना अशक्य झाले आहे. यामुळे पंतप्रधानांना मंत्र्यांची संख्या वाढवणे गरजेचे आहे.

नेर –  यवतमाळवरून शिर्डी येथे जाणाºया आ. संजय राठोड यांच्या वाहनाला समोरून येणाºया गॅस टँकरने जबर धडक दिल्याची घटना आज दुपारी ३ वाजता फुटका माथा जवळ घडली. सुदैवाने या वाहनात आ. राठोड नव्हते. यात एक जण गंभीर असून, ४ जण जखमी आहे. जखमींना यवतमाळ रुग्णालयात हलविण्यात आले.
आ. संजय राठोड यांचा परिवार व नातेवाईक टोयटो फारर्चुनर वाहनाने शिर्डी येथे दर्शनाकरिता जात होते. यातील मागील वाहन क्र. एमएच २९ एक्स १११ या वाहनाला समोरून येणाºया गॅस टँकर क्र जीजे १२- २३४८ ने जबर धडक दिली. यात उमेश हांडा (४०) रा. यवतमाळ हा गंभीर जखमी असून, चालक शंकर मानकर (५५), देविदास जाधव (४१), प्रवीण चव्हाण (२४), अशोक राठोड (४०) सर्व रा. यवतमाळ जखमी झाले. जखमींवर यवतमाळ येथील शासकीय वैद्यकीय महाविद्यालयात उपचार सुरू आहे. सदर घटनेची माहिती मिळताच बाबू पाटील जैत, स्रेहल भाकरे, भारत मसराम, भाऊराव ढवळे, प्रमोद राणे यासह शेकडोंनी घटनास्थळी धाव घेतली अपघात झाल्यानंतर आमदाराच्या परिवारातील व नातेवाईकांना शिर्डी दौरा रद्द करून यवतमाळ येथे परत गेले. अपघातानंतर लगेच टँकर चालक हिरालाल यादव (गांधीधाम) गुजरात याने घटनास्थळावरून पळ काढला. पोलिसांनी घटनास्थळ गाठून पंचनामा केला. चालकावर गुन्हा नोंद करण्यात आला आहे.

मुंबई- भाजपसोबत सत्तेत सहभागी व्हायचे शिवसेनेने जवळपास निश्चित केले आहे. त्यामुळे विधानसभेच्या विरोधी पक्षनेतेपदावर काँग्रेसचाच दावा असेल, असे काँग्रेसचे प्रदेशाध्यक्ष माणिकराव ठाकरे यांनी स्पष्ट केले. संख्याबळानुसार काँग्रेसला विरोधी पक्षनेतेपद मिळण्यास कोणतीही अडचण नाही.
दरम्यान, काँग्रेसच्या विधिमंडळ पक्षाची बैठक विशेष अधिवेशनापूर्वी होईल. त्या बैठकीत सर्व नवनिर्वाचित आमदारांची मते जाणून विधिमंडळ पक्षनेत्याची निवड करण्यात येईल, असेही त्यांनी सांगितले. गांधीभवन येथे शनिवारी आयोजित पत्रकार परिषदेत ते बोलत होते.
भाजप सरकारला येत्या पंधरा दिवसांत बहुमत सिद्ध करावे लागणार आहे. त्यापूर्वी नव्या सरकारमधील मुख्यमंत्री आणि इतर मंत्र्यांचे काँग्रेसकडून अभिनंदन करण्यात आले. सध्याची राजकीय परिस्थिती पाहता शिवसेनाही सत्तेत सहभागी होणार हे जवळपास स्पष्ट झाले आहे. त्यामुळे विधानसभेत काँग्रेस हाच सर्वात मोठा विरोधी पक्ष ठरतो. त्यामुळे विरोधी पक्षनेतेपदावर काँग्रेसचाच दावा असेल, असे ठाकरे म्हणाले.
यापूर्वीही काँग्रेसने विरोधी पक्ष म्हणून काम केले आहे. त्यामुळे एक सक्षम आणि मजबूत विरोधी पक्ष म्हणून काँग्रेस राज्यातील जनतेसाठी विधानसभेत काम करणार आहे. विकासाच्या दृष्टीने घेतलेल्या निर्णयांकरता काँग्रेस निश्चितच सरकारला पाठिंबा देईल. मात्र सर्वसामान्यांच्या हिताच्या आड येणा-या गोष्टी सरकारकडून होणार असतील, तर त्याला सभागृहाबरोबरच वेळप्रसंगी रस्त्यावर उतरूनही विरोध केला जाईल. काँग्रेसने सर्वसामान्यांसाठी सुरू केलेल्या योजना, सर्व समाजघटकांना दिलेली आरक्षणे बदलण्याचा प्रयत्न केल्यास काँग्रेसकडून विरोध केला जाईल, असा इशाराही त्यांनी दिला.
सध्याच्या संख्याबळानुसार शिवसेनेनंतर काँग्रेसचा क्रमांक लागतो. शिवसेना सत्तेत सहभागी झाल्यास आपोआप हे पद काँग्रेसला मिळण्यात काही अडचण येणार नाही. विधिमंडळाचे विशेष अधिवेशन सुरू होण्यापूर्वी काँग्रेसच्या विधिमंडळ नेत्याची निवड केली जाणार आहे. काँग्रेसमध्ये अनेक सक्षम नेते या पदासाठी दावेदार आहेत. मात्र पक्षश्रेष्ठी जो निर्णय देतील, त्यानुसार नेत्याची निवड होईल असेही ठाकरे यांनी स्पष्ट केले. नव्या सरकारने आता राज्यातील प्रश्नांकडे लक्ष देण्याची गरज आहे. हे प्रश्न बाजूला राहू नयेत. सध्या कापूस केंद्रांची आवश्यकता आहे. ती तातडीने सुरू करण्याची मागणी काँग्रेसने केली आहे. कापसाला योग्य भाव मिळाला पाहिजे. सध्या व्यापारी कापूस उत्पादक शेतक-यांची लूट करत आहेत, याकडेही काँग्रेसने लक्ष वेधले आहे. सोयाबीन उत्पादक शेतक-यांचे झालेले नुकसान, कोकणातील भातशेतीचे झालेले नुकसान, डेंग्यूवर नियंत्रण आदींबाबत लवकर निर्णय घेतले जावेत, अशी अपेक्षाही या वेळी ठाकरे यांनी व्यक्त केली.
राष्ट्रवादीचे भाजपशी साटेलोटे
राष्ट्रवादी काँग्रेस आणि भाजपचे साटेलोटे असल्याचे आता जनतेसमोर आले आहे. निवडणुकीपूर्वी भाजपने युती तोडल्यानंतर राष्ट्रवादीनेही तातडीने आघाडी तोडण्याचा निर्णय घेतला होता. त्याचवेळी भाजप आणि राष्ट्रवादीचे साटेलोटे असल्याचे बोलले जात होते. मात्र निवडणूक निकालानंतर राष्ट्रवादीने भाजपला दिलेला पाठिंब्यावरून त्यांचे साटेलोटे असल्याचे शिक्कामोर्तब झाले, अशी टीकाही या वेळी ठाकरे यांनी केली.

मुंबई – नव्या सरकारचे कान पकडण्याची ताकद जनतेकडे आहे, जनतेस गृहीत धरून राज्य करता येणार नाही असा इशारा उद्धव ठाकरेंनी भाजपाला दिला आहे. ‘सामना’च्या अग्रलेखातून नव्या भाजपा सरकारला समजुतीच्या चार गोष्टी सांगतानाच राज्य अखंड ठेवावे व जनतेला दिलेल्या आश्‍वासनांची पूर्ती करावी, असेही उद्धव यांनी म्हटले आहे.
भाजपाच्या कालच्या शपथविधी सोहळ्याला हजेरी लावल्यानंतर उद्धव ठाकरेंनी या सोहळ्याचे भरभरून कौतुक केले, मात्र त्यावेळी सरकारला त्यांच्या जबाबादारी आठवण करून देण्यासही ते विसरले नाहीत. नवे सरकार हे नव्या नवरीसारखे असते. सासूची मर्जी सांभाळण्यासाठी प्रथम नववधू जबाबदारीने वागते, मात्र काळ पुढे सरकल्यावर सून सासूबाईंना वरचढ होते. महाराष्ट्राची जनता ‘खाष्ट’ नसली तकी उत्तमु सासू असल्याचे सांगत सासूबाईंना खुश करावेच लागेल. सासूपेक्षा वरचढ होण्याचा प्रयत्न झालाच तर नव्या सरकारचे कान पकडण्याची ताकद जनतेकडे आहेच, असा इशाराही त्यांनी दिला आहे. शिवरायांनी जसे हिंदवी स्वराज्य खर्‍या अर्थाने रयतेचे राज्य बनविण्याचा प्रयत्न केला तसाच राज्यकारभार नवे मुख्यमंत्री करतील अशी आशा लेखात व्यक्त करण्यात आली आहे.