बरवाला (हिसार) –  हरियाणाच्या हिसार जिल्हयातील बरवाला नगर येथील वादग्रस्त बाबा रामपालविरोधात पोलिसांनी बुधवारी देशद्रोहाचा गुन्हा दाखल केला आहे.

पंजाब आणि हरियाणा उच्च न्यायालयाने सोमवारी रामपाल यांच्याविरुद्ध अजामीनपात्र अटक वॉरंट जारी करीत शुक्रवारपर्यंत त्यांना न्यायालयासमक्ष हजर करण्याचे आदेश दिले होते़ मंगळवारी पोलीस रामपाल यांना अटक करण्यासाठी आश्रमात पोहोचले़ मात्र रामपाल समर्थकांनी त्यांना रोखले़ यामुळे तणाव वाढला. पोलीस आणि समर्थकांमध्ये झालेल्या संघर्षात आत्तापर्यंत ७ जणांचा मृत्यू झाला असून यामध्ये ६ महिला व एका मुलाचा समावेश आहे. शेकडो जण जखमी झाले असून २७० संशयित लोकांना पोलिसांनी ताब्यात घेतले आहे. पोलिसांनी केलेल्या दाव्यानूसार, बाबा रामपाल यांच्या आश्रमात ५ ते ७ हजार समर्थक अजूनही आहेत. आश्रमामधून हजारो जणांना पोलिसांना काढण्यात यश आले असून यामध्ये सर्वाधिक महिलांचा समावेश आहे. दरम्यान, पोलिसांनी केलेल्या कारवाईत चार महिलांचा मृत्यू झाला असल्याचा आरोप सतलोक आश्रमामधून करण्यात आला आहे तर हा दावा पूर्णत: बिनबुडाचा असल्याचे स्पष्टीकरण पोलिसांनी दिले आहे.

अलिबाग – नरेंद्र मोदींचं प्रॉडक्ट काय आहे ते माहित नाही परंतु मार्केटिंग मात्र जोरात आहे, अशी खोचक टीका शरद पवार यांनी केली आहे. राष्ट्रवादीच्या कार्यकर्त्यांच्या चिंतन शिबिरात बोलताना पवारांनी राज्यातल्या स्थितीवर भाष्य केले असले तरी जाता जाता नरेंद्र मोदींच्या मार्केटिंग करण्याच्या शैलीवर टीका केली आहे. विधानसभा निवडणुकीत राष्ट्रवादीला अवघ्या ४१ जागा मिळाल्याचा संदर्भ देताना पवार म्हणाले की विकासकामं केली की त्याचं फळ मिळतं यावरचा विश्वास उडाला आहे. असे असले तरी विकासकामांवर आपला भर राहील अशी पुष्टीही त्यांनी जोडली.

भारतीय जनता पार्टीचे सरकार फार काळ टिकणार नाही आणि निवडणुका मुदतपूर्व होतील असे भाष्य करून खळबळ उडवणा-या पवारांनी आपले वक्तव्य आज बोलताना मागे घेतले नसले तरी आपल्याला पाडापाडीमध्ये रस नाही असेही सांगून त्यांनी राजकीय विश्लेषकांना बुचकळ्यात टाकले आहे. सरकार पाडण्यात आपल्याला रसनसला तरी सरकार अयोग्य वाटत असेल तर आपण प्राणपणाने विरोध करू नी वेळ पडली तर रस्त्यावर उतरू असे ते म्हणाले.

चिंतन शिबिरात राष्ट्रवादीचे नेते जयंत पाटील यांनी भाजपाला पाठिंबा देणे ही चूक होती असे मत सांगून या मुद्यावर पक्षामध्ये एकमत नसल्याचे सूचित केले आहे. मात्र, सगळ्यांनी चर्चा करून विचार विनिमय करूनच हा निर्णय घेतला होता असे सांगून यावर पडदा टाकला आहे.

यश न मिळालेल्या २४१ मतदारसंघामध्ये पक्षाला  कसे वाढवायचे हा मुख्य प्रश्न असल्याचे पवार म्हणाले, तसेच पक्षामध्ये सुसंवाद वाढला पाहिजे अशी अपेक्षाही त्यांनी व्यक्त केली.

यवतमाळ – नांदेड येथील  तिरंगा परिवार प्रतिष्ठानव्दारा आयोजित कला वैभव व कला गौरव पुरस्कार २०१४ हा कार्यक्रम जागतिक कला दिन २५ आॅक्टोंबर रोजी असतो. परंतु काही कारणास्तव यावर्षी हा कार्यक्रम १५ नोव्हेंबर रोजी नांदेड शहरातील महात्मा फुले सांस्कृतिक सभागृह येथे पंडीत श्रीशाम गुंजकर यांच्या अध्यक्षतेखाली पार पडला. यावेळी जिल्ह्यातील परिचित पोलिस कलावंत पोलिस हवालदार शेखर वांढरे वारली चित्रकार आणि टाकावू वस्तुपासून शोभावंत वस्तु बनविण्यात करीता त्यांना तिरंगा कला गौरव पुरस्कार, मानपत्र, स्मृती चिन्ह देवून सन्मानित करण्यात आले. कलाकारांची कला नेहमी जगासमोर येते परंतू कलाकार हा मागेच राहतो म्हणून दरवर्षी विविध क्षेत्रातील कलाकारांना पुरस्कार देवून सन्मानित करण्यात येत आहे. कलाकारांना तिरंगा परिवार नांदेड हे कला वैभव व कला गौरव पुरस्कार देतात. यावेळी कार्यक्रमाचे संचालन मिर्झा फयाज बेग यांनी केले. कार्यक्रमाला सतपाल सिंग, प्रा.विजय पेंडकर (बेग), अनिल कुळकर्णी, अड.मो.शाहीद, विनोद लघवे, सौ.रेणुका कडतन, महेंद्र सिंग गौर, डॉ.मुकुंद मुळे, श्रीनिवास भुयेवार, संजय वर्मा, साहेबराव गायकवाड आदींची उपस्थिती होती.

कळंब – येथील पेट्रोलपंपावरून पेट्रोलभरून निघालेल्या ओमनी गाडीने अचानक पेट घेतला. त्यामुळे पेट्रोलपंपावरील वाहन धारकांमध्ये तारांबळ उडाली होती. यावेळी प्रसंगावधान ठेऊन चालकासह एकाने बाहेर उडी टाकली. आज दुपारी ४ .३०वाजता ही घटना घडली. यावेळी तीन्ही पेट्रोललंप बंद करून आग विझविल्याने मोठा अनर्थ टळला.

कळंब-यवतमाळ रोडवर प्रशांत डेहणकर, प्रफुल भांगे, चव्हाण या तीन व्यक्तीचे पेट्रोल पंप आहे. त्यापैकी डेहणकर याच्या पेट्रोल पंपवर आज दुपारी ४.३० वाजता चालक भिमराव रामदास उरवते (२६)रा. पाथ्रड याने आपल्या ओमनीमध्ये (एम.एच.०४/बि.एच. ८६६१) पेट्रोल भरले. त्यानंतर गाडी चालु करून पेट्रोलपंपाच्या गेट जवळ येताच सदर वाहनाने अचानकपणे पेट घेतला. यावेळी प्रसांगवधान राखून चालक भगवान व त्याचे वडील रामदास उरवते (५२) यांनी उडी टाकुन आपला जीव वाचविला. ते पाथ्रड येथून यवतमाळ येथे कामानिमित्य जात होते.  यावेळी तेथील वाहन धारकांसह कर्मचाºयांची तारांबळ उडाल्याने सैरावैरा पळू लागले. यावेळी परिसरातील तीन्ही पेट्रोलपंप बंद केले. या घटनेची माहीती मिळताच ग्रामपंचायतने टॅकरने पाठवून आग विझविण्याचे काम सुरू केले. या वाहनामध्ये खाली सिलिंडर आढळला असून शॉट सर्कीटने आग लागल्याची चर्चा आहे. याप्रसंगी पोलीस उपनिरीक्षक वंजारी, विनोद वानखडे यांनी घटनास्थळ गाठून वाहतुक नियंत्रणात आणली. अर्ध्या तासाने ही आग आटोक्यात आली असून लाखो रुपयाचे नुकसान झाले. या घटनेने नागपूर-यवतमाळ मार्गावरील  वाहतुक खोळंबली होती. यावेळी तीन्ही पेट्रोलपंप त्वरीत बंद केल्याने कुठलीही जीवीत हाणी झाली नसून मोठा अनर्थ टळला.

दोन आरोपीकडून सहा लाखाचा मुद्देमाल जप्त
यवतमाळ – आर्णी तालुक्यात चोºया करून पोलिसांची झोप उडविणाºया दोन अट्टल घरफोड्यास अटक करण्यात स्थानिक गुन्हे शाखेच्या पथकाला यश आले आहे. आरोपींकडून ५ लाख ७७ हजार रुपयाचा मुद्देमाल जप्त करण्यात आला आहे.
शेख अक्तर शेख मुक्तार (२४) रा. वसंतनगर, पुसद, जब्बार खान उर्फ काल्या मजित खान (२६) रा.मधुकरनगर पुसद असे अटक करण्यात आलेल्या चोरट्यांची नावे आहे.
मागील काही महिन्यात आर्णी तालुक्यात घरफोडीच्या घटनात कमालितची वाढ झाली होती. चोरीच्या वाढत्या   घटनामुळे आर्णी पोलिसांची झोप अक्षरश: उडली होती. तर चोरट्यांना जेरबंद करण्यात पोलीसाना यश येत नसल्याबद्दल रोष व्यक्त होत होता. आर्णी तालुक्यात चोरी करणाºया चोरट्यांबद्दल स्थानिक गुन्हे शाखेच्या पथकाला महिती मिळाली. त्या माहितीच्या आधारावर आदिलाबाद येथील तुरुंगातून दोन्ही चोरट्यांना ताब्यात घेतले. आरोपींना अटक केल्यानंतर खाकीचा हिसका दाखविताच १२ गुन्ह्याची कबुली पोलिसांना दिली. त्यांच्याकडून १८४ ग्रॅम सोने, ५०० ग्रॅम चांदी असा एकूण ५ लाख ७७ हजाराचा मुद्देमाल जप्त करण्यात आला. पुन्हा चोरीच्या काही घटना उघडकीस येण्याची शक्यता पोलीस सूत्राने वर्तविली आहे. ही कारवाई पोलीस अधीक्षक संजय दराडे यांच्या आदेशाने व पोलीस निरीक्षक संजय पुज्जलवार यांच्या मार्गदर्शनात सहाय्यक पोलीस निरीक्षक शिवाजी लष्करे, सहाय्यक  फौजदार भीमराव सिरसाट, मिलिंद गोफने, नितीन सलाम, भोजराज करपते, रेवन जागृत, प्रदीप तांबेकर यांनी केली.

यवतमाळ – ग्रामीण भागात गाव, वाडी, वस्तीत सध्या डेंग्युचे रुग्ण आढळून आले आहे. डेंग्युचा फैलाव रोखण्यासाठी तसेच डेग्युची नेमकी कारणे काय व त्यावर उपाययोजना काय केल्या पाहिजे याबाबत आरोग्य विभागाने जनजागृती करण्यात येत असून नागरिकांनी या आजारापासून परावृत्त होण्यासाठी सतर्क राहण्याचे आवाहन करण्यात आले आहे.
डेंग्यु हा आजार (हाडमोडी ताप) विशिष्ट विषांणुमुळे होतो. डेंग्युचा प्रसार एडीस एजिप्टाय नावाच्या डासापासून होतो. या डासाची उत्पत्ती साठविलेल्या स्वच्छ पाण्यामध्ये होते. यामध्ये प्रामुख्याने ईमारतीच्या, सिमेंटच्या टाक्यांमधील, रांजणामधील पाणी तसेच प्लॉस्टीकच्या बादल्या, नारळाच्या करवंट्या, घरातील शोभेच्या कुंड्या, फुलदाण्या, निरुपयोगी टायर्स, कुलर आदींमध्ये साठविलेल्या पाण्यांवर या डासांची उत्पत्ती होते. त्यामुळे अशा कोणत्याही ठिकाणी पाणी साचणार नाही याची काळजी घेणे आवश्यक आहे.
डेंग्युचा डास हा सहज ओळखता येतो. हा एक लहान, काळा डास असून त्याच्या अंगावर पांढरे पट्टे असतात आणि त्याचा आकार अंदाजे ५ सेंटीमीटर असते, या डासांची मादी डेंग्यु रुग्णाला चावल्यानंतर ती पुन्हा निरोगी व्यक्तीला चावते व निरोगी व्यक्तीला डेंग्यु होतो. या प्रकारे या रोगाचा प्रसार होतो. साधारपणे हे डास सकाळी अथवा संध्याकाळी चावते.
जास्त दिवस पाणी साठवले असल्यास त्यात हे डास (स्वच्छ पाण्यात) अंडी घालतात. एक डास एका वेळी दिडशे ते दोनशे अंडी घालतो. त्यातून एडिस एजिप्टायचा फैलाव मोठ्या प्रमाणावर होतो. डेंग्युचे डास तयारच होऊ नये म्हणून कोरडा दिवस पाळणे आवश्यक आहे. कोरडा दिवस म्हणजे आठवड्यातून एकदा पाण्याचे साठे रिकामे करावेत. उदा. रांजण, माठ, हौद, टाकी व इतर पाण्याचे साठे घासून पुसुन कोरडे करून तीन-चार तासानंतर पाणी भरावे त्यामुळे डासांची उत्पत्ती होणार नाही.
डेंग्युची लक्षणे पुढीलप्रमाणे आढळून येतात. एडिस एजिप्टाय डासाच्या संक्रमणात्मक डासाच्या चाव्यानंतर पाच-सहा दिवसानंतर डेंग्युची लागण होते. डेंग्यु ताप आणि डेंग्यु रक्तस्त्रावात्मक ताप (डीएचएफ) अशा दोन प्रकारे हा आजार फैलावतो. डेंग्यु रक्तस्त्रात्मक ताप हा एक अधिक तीव्र स्वरूपाचा आजार असून, त्यामुळे मृत्यु ओढवू शकतो. लहान मुलांमध्ये मुख्यत: सौम्य स्वरुपाचा ताप येतो. मोठ्या माणसांमध्ये अधिक तीव्रतेचा ताप सोबत डोके, डोळे दुखने, अंगदुखी, अशक्तपणा, अंगावर लाल रंगाचा चट्टा येवू शकतो. अंगदुखी तीव्र स्वरूपात असू शकते. म्हणून याला हाडे मोडणारा ताप असेही म्हणतात. याखेरीज एकदम जोराचा ताप चढने, डोक्याचा पुढचा भाग दुखणे, चव आणि भुख नष्ट होणे मळमळणे आणि उलट्या आदी लक्षणेही जाणवतात.
डेंग्युची लक्षणे जाणवण्यास पुढीलप्रमाणे उपाययोजना करणे फायदेशीर ठरते. ताप असेपर्यंत आराम करा, ताप कमी होण्यासाठी ह्यपेरासिटेमॉल गोळ्या घ्या, ताप अथवा वेदनाशामक म्हणून अस्पिरिन अथवा आयब्रुप्रोफेन गोळ्या घेऊ नये, निर्जलीकरण होऊ नये म्हणून जलपेयांचा भरपूर उपयोग करावा. (उदा. क्षार संजीवनी), रक्तस्त्राव किंवा शोकची लक्षणे असल्यास रुग्णांला ताबडतोब रुग्णालयात भर्ती करावे, अंग पुर्णपणे झाकणारी कपडे घालावे, मच्छरदाणीचा वापर करावा, साठवलेले किंवा साठलेल पाणी बदलवावे तसेच तुंबलेली गटारे वाहती करावी तसेच खाली न करता येणाºया पाणी साठ्यात उदा. टाकी, हौद यामध्ये गप्पी मासे सोडावे, आपल्या घरी डेंग्यु ताप सर्वेक्षणासाठी येणाºया आरोग्य कर्मचाºयांना सहकार्य करा व आपण   अथवा इतर कोणीही आजारी असल्यास त्वरीत जवळच्या प्राथमिक आरोग्य केंद्रात संपर्क साधावा, असे जिल्हा हिवताप अधिकारी डॉ. सुरेश तरोडेकर यांनी कळविले आहे.

दिग्रस (यवतमाळ)- तालुक्यातील ईसापूर येथे एका इसमाच्या घराची भिंत कोसळल्याने दाने मुले दबल्याची घटना सोमवारी दुपारी घडली. शबा परवीन शेख वाजीद (४), शेख अफान शेख हारुण अशी जखमी मुलांची नावे आहे.
युनुस बेग सरदार बेग रा. ईसापूर यांच्या घराच्या प्रथमदर्शनी भागातील विट मातीचे बांधकाम असलेली भिंत अचानक कोसळली. यावेळी तेथे खेळत असलेले दोन्ही मुले भितीखाली दबले. ही बाब निदर्शनास येताच नागरिकांनी दोन्ही मुलांना बाहेर काढून त्यांना ग्रामीण रुग्णालयात उपचारार्थ दाखल केले. शबा परवीनचा पाय  तर शेख अफानचा हात फॅक्चर झाला आहे. या घटनेची माहिती मिळताच तलाठी पि.ए. दुधे, ग्रामसेवक प्रिती देशमुख यांनी घटनास्थळ गाठून पंचनामा केला.