यवतमाळ , दि. १९ – छत्रपती शिवाजी महाराजांची जयंती आज गुरुवारी मोठ्या दिमाखदारपणे जिल्ह्यात साजरी करण्यात आली. १५ ते २० संघटना मिळून स्थापित झालेल्या छत्रपती महोत्सव समितीने आज काढलेल्या शोभायात्रेने अवघे शहर शिवमय झाले होते. माँजिजाऊ छत्रपती शिवराय व मावळ््यांची वेशभूषा परिधान केलेल्या बाल कलाकारांनी नगरवासीयांचे लक्ष वेधून घेतले होते. ‘मी मावळा शिवरायांचा’असे स्फूरणच प्रत्येक शिवप्रेमींच्या चेहºयावर चढल्याचे दृश्य या शोभायात्रेत उमटले होते.
रयतेचे राजे छत्रपती शिवाजी महाराजांची तारखेप्रमाणे होणारी जयंती आज गुरुवारी मोठ्या उत्साहात साजरी करण्यात आली. मराठा सेवा संघ, संभाजी ब्रिगेड, जिजाऊ ब्रिगेड, वीर भगतसिंग विद्यार्थी परिषद, सर्व शाखेय कुणबी समाज संघटना, शिवाजी विद्यालय, वेदधारिणी महाविद्यालय आदी संघटनांनी शिवजयंती उत्सवाची तयारी गेल्या महिन्याभरापासूनच प्रारंभ केली होती. १६ फेब्रुवारीपासून जिल्ह्यात शिवचरित्रावर व्याख्यानमाला, शिव मॅरेथॉन स्पर्धा, कराटे स्पर्धा, रांगोळी स्पर्धा आदी कार्यक्रमांचे आयोजन केले होते. आज दुपारी शहराच्या मध्यवस्तीत असलेल्या आझाद मैदानातून भव्य शोभायात्रेचा प्रारंभ झाला. वेदधारणी विद्यालय, अण्णासाहेब पारवेकर विद्यालय, डॉ. पंजाबराव देशमुख विद्यापीठ अकोला व वसंतराव नाईक विद्यालय, राष्टÑमाता जिजाऊ संस्था लोहारा, मधुबन नगरी, शिवाजी विद्यालय व कनिष्ठ विज्ञान व व्यावसायिक अभ्यासक्रम महाविद्यालयांनी झांकी सादर केल्या. माँ जिजाऊ, छत्रपती शिवराय व मावळ््यांच्या रूबाबदार वेशात असलेल्या बाल कलाकारांनी नगरवासीयांचे लक्ष वेधून घेतले. ढोल­-ताशांच्या गजरात, फटाक्यांच्या आतषबाजीत ‘जय जिजाऊ जय शिवराय’ अशा घोषणांनी शहर दुमदुमून गेले होते. शहरातील विविध मार्गाने मार्गक्रमण करीत या शोभायात्रेचा समारोप हनुमान व्यायाम शाळेजवळ झाला. यावेळी काँग्रेस प्रदेशाध्यक्ष माणिकराव ठाकरे, राहुल ठाकरे, डॉ. दिलीप महाले आदी मोठ्या संख्येत शिवप्रेमी शोभायात्रेत सहभागी झाले होते.

• 
• लोणावळा, दि. १८ – लोणावळा येथील कुमार रिसॉर्टमध्ये सात वर्षीय चिमुरडीची हत्या केल्याची घटना समोर आली असून वैद्यकीय चाचणीत चिमुरडीची हत्या करण्यापूर्वी तिच्यावर बलात्कार झाल्याचे उघड झाले आहे. या घटनेविरोधात लोणावळ्यात आज कडकडीत बंद पाळण्यात आला असून संतप्त जमावाने कुमार रिसॉर्टवर दगडफेक केल्याने तणावपूर्ण वातावरण आहे.

रायगडमधील इंदापूर येथे राहणारे एक कुटुंब रविवारी लोणावळा येथील कुमार रिसॉर्टमध्ये एका विवाह सोहळ्यासाठी आले होते. लग्न समारंभ पार पडल्यानंतर त्यांची सात वर्षांची मुलगी आयशा ही बेपत्ता असल्याचे समोर आले. लग्न समारंभ संपल्यावर रात्री साडे आठपर्यंत आयशा तिच्या मैत्रिणीसोबत खेळत असल्याचे तिच्या आईने बघितले होते.

गायब झाल्याच्या दोन दिवसानंतर म्हणजेच मंगळवारी दुपारी आयशाचा मृतदेह कुमार रिसॉर्टच्या टॅरेसवर आढळला. तीक्ष्ण हत्याराने गळा चिरुन तिची हत्या केल्याचे स्पष्ट झाले होते. या घटनेविरोधात आज लोणावळामध्ये कडकडीत बंद पाळण्यात आला. संतप्त जमावाने जुन्या मुंबई – पुणे महामार्गावर रास्ता रोको केला. तसेच कुमार रिसॉर्टवर दगडफेकही केली.  जमावाला पांगवण्यासाठी पोलिसांनी किरकोळ लाठीमार केला.

ठाणे,(प्रतिनिधी)

गोर बंजारा संघर्ष समिती तर्फे दि .१७ फेब्रुवारी रोजी संध्य्काळी ५:३० वा.बंजारा समाजाचे अाराध्य दैवत संत श्री. सेवालाल महाराज यांची २७६ वी जयंती निमित्त शिवाजी मैदान ठाणे येथे पारंपारिक रिती-रिवाजात,बंजारा भाषेतील वेशभुषात व बंजारा बोली भाषेत गाणी म्हणत महिलांनी भाग घेतले.व भव्य मिरवणूक उत्साहात काढण्यात अाली.व त्यानंतर सभा घेण्यात अाली असुन,सभेचे अध्यक्ष अाध्र प्रदेशचे माजी मंत्री मा.अमरसिंह तिलावत हे होते,प्रमुख मान्यवरांचे सत्कारही करण्यात अाले.त्यात समाज सेवक रविराज राठोड यांनी सांगितले कि,समाजाला एकत्रीत करण्यासाठी गोर बंजारा संघर्ष समिती स्थापना करण्यात अाली असून,या समिती मध्ये महाराष्टातूनच नाही,तर पूर्ण देशातून बंजारा समाज प्रेमी जुडलेले अाहेत,व निस्वार्थी पणाने समाज सेवा करत अाहेत,बंजारा समाजातील गोर गरीबांचे मुले शिक्षणापासून वंचित राहू नये म्हणून समिती मार्फत अार्थिक मदत,वह्या-पुस्तक व सामाजिक कार्य व मार्गदर्शन केले जातात.
त्यानंतर सेवा गृपचे अध्यक्श व समाज सेवक मा.मंगल चव्हाण यांनी अापले मनोगत व्यक्त केले,समाजाला जर प्रगती पथावर घेऊन जायचे असेल तर,त्यासाठी शिक्षणाचे महत्व कळून घ्यावे लागेल.अाणि  अंधश्रध्देला समाज बळी पडू नये म्हणून अंधश्रध्देपासून समाज दूर राहीले पाहीजे.तसेच समाज सेवक मिलिंद पवार यांनी देखील अापले मनोगत व्यक्त करतांना बोलले कि, महापुरुषांची जयंती साजरा करणे हे कार्य नसून,त्यांचे विचार अाचरणात अाणावे हेच मोठे कार्य अाहे.हाच बंजारा समाज जो पहीले व्यापारी होता,तोच अाज त्या व्यापारांकडे मजूरी करुन अापली पोटजीविका भागवत अाहे.बंजारा समाजाचे मुले वकिल,डाॅक्टर,इंजिनियर,कठेकेदार नाही होऊ शकत का ? होऊ शकतो ! तर त्यासाठी शिक्षण व अापली विचार सारणी महत्वाची असते.
या कार्यक्रमात प्रमुख अतिथी मा.अमरसिंह तिलावत (माजी मंत्री अांध्र प्रदेश),कर्नाटकचे माजी अामदार मा.मनोहर नायक-ऐनापूर,हे होते.व प्रमुख उपस्थिती गोर बंजारा संघर्ष समिती,भारत.
समाज सेवक व बंजारा समाजातील बंधु अाणि भगिनींनी या कार्यक्रमाला हजेरी लावली.

महाशिवरात्रीच्या निमित्ताने ठाण्यातील कोपिनेश्वर मंदिरात भक्तांची मोठी गर्दी झाली होती.

धार (मध्य प्रदेश) – इंदूरहून राजस्थानमधील गलियाकोट येथे जात असलेली एका खासगी ट्रॅव्हल कंपनीची बस धार जिल्ह्यात मछलिया घाटी येथे दरीत कोसळली. चालकाचे नियंत्रण सुटल्यामुळे हा अपघात झाला. काल (सोमवारी) रात्री झालेल्या या अपघातात १० ठार आणि ४० जण जखमी झाले. जखमींना तातडीने झाबुआ जिल्हा हॉस्पिटलमध्ये दाखल करण्यात आले आहे. अपघातग्रस्त बसमध्ये चालक (ड्रायव्हर) आणि वाहक (कंडक्टर) यांच्यासह ६० जण होते. घटनास्थळी बचावकार्य सुरू आहे. जखमींना तातडीने हॉस्पिटलमध्ये दाखल करत असल्याचे पोलिसांनी सांगितले.

मी , आर आर …..
नमस्कार .
मी रावसाहेब रामराव पाटील म्हणजेच आर आर पाटील.
लोक मला प्रेमाने आबा म्हणतात. आणि आता तीच माझी ओळख बनलेली आहे.
१६ ऑगस्ट १९५७ साली महाराष्ट्र राज्यातल्या सांगली जिल्ह्यातल्या तासगाव तालुक्यात माझा जन्म झाला. अंजनी हे माझे जन्मगाव. शिक्षण क्षेत्रातल्या मा. प्राचार्य पी. बी. पाटील यांच्या शाळेत मी माझ्या लहानपणी श्रमदान करून शिकलो. पुढे सांगलीतल्याच शांतीनिकेतन महाविद्यालामध्ये मी कला शाखेची पदवी घेतली. आणि नंतर मी वकिलीचेही शिक्षण पूर्ण केले.
माझ्या सुरवातीच्या राजकीय जीवनामध्ये मी प्रथम १९७९ ते १९९० पर्यंत सांगली जिल्हा परिषदेचा सदस्य होतो. नंतर १९९०, १९९५ ,१९९९ , २००४ आणि २००९ साली मी महाराष्ट्र विधानसभेवर निवडून आलो.
महाराष्ट्रामध्ये ग्राम विकास मंत्री म्हणून जे गाडगे महाराज स्वच्छता अभियान मी राबवलं त्यामुळे पवार साहेब आणि महाराष्ट्रातल्या जनतेकडून मला शाबासकी आणि प्रोत्साहन मिळालं.
मी स्व:त बद्दल बोलायला फार संकोची माणूस आहे. या ब्लॉगच्या निमित्ताने मी माझ्याबद्दल जे तुम्हाला सांगतो आहे ते सांगताना सुद्धा मला फार संकोच वाटतो . गृहमंत्री म्हणून कॅबिनेट दर्जाची मोठी जबाबदारी पवार साहेबांनी माझ्यावर दिली. माझ्या परीने मी हे काम निष्ठेने आणि पवार साहेबांनी जो विश्वास माझ्यावर दाखवला तो सार्थ करण्याचा मी प्रयत्न केला . त्यात मला किती यश आले हे महाराष्ट्रातल्या जनतेने ठरवायचे आहे. त्याबाबत मी या ब्लॉगवर काही बोलू इच्छित नाही.
माझ्या आयुष्यावर स्वर्गीय यशवंतराव चव्हाण , महाराष्ट्राचे महान लोकनेते वसंतदादा पाटील आणि माझे आदरणीय नेते आणि प्रेरणास्थान शरदचंद्र पवारसाहेब यांचा खूप मोठा प्रभाव आहे. त्यांनी आखून दिलेल्या वाटेवरून भयमुक्तता आणि विश्वासार्हता या दोन्ही गोष्टी महाराष्ट्रातल्या जनतेत पोलीसांमार्फत निर्माण करण्याचा मी सातत्याने प्रयत्न करतो आहे.
या व्यतिरिक्त राष्ट्रवादी कॉंग्रेस पक्षाच्या एका जबाबदार कार्यकर्त्याच्या भूमिकेतून मी पक्षाच्या कार्यक्षमतेमध्ये माझी बुद्धी , क्षमता आणि मेहनत या माध्यमातून पक्षाला अधिकाधिक देण्याचा मी माझ्या परीने प्रयत्न केलेला आहे. त्यात मला फार यश आले अथवा नाही याबद्दल माझे नेते आणि माझे सहकारीच सांगू शकतील.मला साधेपणा आवडतो. साधी, तळागाळातली माणसे यांच्या सोबत बसून गप्पा मारायला आवडतात, त्यांची सुख-दु:खे जाणून घ्यायला आवडतात. राज्यकर्त्या माणसाला हे खूप आवश्यक आहे असं मला व्यक्तिगतरीत्या वाटतं.
सत्ता, पैसे येतात आणि जातात पण जोडलेली माणसे आणि जीवाभावाचे खरे मित्र, उत्तम शरीरसंपदा हीच माणसाची खरी संपत्ती असते. या गोष्टीवरून आपल्या भोवतीच्या समाजाचा विश्वास उडत चाललेला दिसतो याचे मला खूप वैषम्य वाटते. अश्या वेळी रेड-इंडियन्स लोकांनी अमेरिकन लोकांना उद्देशून म्हणलेली एक म्हण मला नेहमीच आठवते. ती म्हणजे , “जो पर्यंत शेवटचं झाड मरत नाही, शेवटची नदी सुकत नाही आणि शेवटचा मासा जीव टाकत नाही तो पर्यंत या माणसांना कळणार नाही की माणूस पैसे खाऊन जिवंत राहू शकत नाही.”
माझ्याबद्दल याहून अधिक मी लिहू इच्छित नाही. मी जसा आहे तसा आहे त्याला माझा ईलाज नाही. काहींना मी आवडतो काहींना मी आवडत नाही. ज्यांना मी आवडत नाही त्यांच्याबद्दल माझ्या मनात अजिबात द्वेष नाही.माध्यमांनी मला प्रेमाच्या प्रसिद्धीचं जसं शिखर दाखवलं आहे तसच त्यांनी मला निंदेचा तळही दाखवला आहे. त्यामुळे आता मला गैरवाजवी टीका किंवा स्तुती बरोबर ओळखता येऊ लागलेली आहे.या ब्लॉग च्या माध्यमातून जो संवाद मी आपल्याशी साधत राहीन ते शब्द आणि ती वाक्य हे माझ अधिकृत म्हणणं आहे . माझं म्हणजे (आर आर पाटील ) याच . ते जसच्या तसं आपण छापायला माझी काही हरकत नाही.

कोल्हापूर – ज्येष्ठ कम्युनिस्ट नेते आणि विचारवंत गोविंद पानसरे यांच्यावर सोमवारी सकाळी अज्ञात हल्लेखोरांनी गोळीबार केला. या हल्ल्यात गोविंद पानसरे गंभीर जखमी झाले असून, त्यांच्यावर कोल्हापूरच्या अँस्टर आधार रुग्णालयात उपचार सुरु आहेत.
सकाळी आठच्या सुमारास गोविंद पानसरे यांच्यावर कोल्हापुरातील सागरमळा भागातील रहत्या घराजवळ हल्ला झाला. गोविंद पानसरे आणि त्यांच्या पत्नी उमा नेहमीप्रमाणे शिवाजी विद्यापीठ परिसरातून मॉर्निंग वॉकवरुन परतत असताना, दुचाकीवरुन आलेल्या दोन अज्ञात हल्लेखोरांनी पानसरे आणि त्यांच्या पत्नींवर गोळया झाडल्या.
हल्लेखोरांनी एकूण तीन गोळया झाडल्या. त्यातील एक गोळी पानसरे यांच्या मानेला लागली. एक गोळी त्यांच्या हाताला चाटून गेली. उमा पानसरे यांनाही एक गोळी लागली मात्र त्यांच्या प्रकृतीला धोका नसल्याचे डॉक्टरांनी सांगितले.
गोविंद पानसरे यांची प्रकृती चिंताजनक असली तरी, स्थिर आहे. दुपारपर्यंत डॉक्टर पानसरे यांच्या प्रकृतीविषयी नेमकी माहिती देऊ शकतात. ज्या ठिकाणी गोळीबार झाला त्या ठिकाणाला पोलिसांनी वेढा घातला असून, पुरावे गोळा करण्याचे काम सुरु आहे. सर्वच राजकीय पक्षांनी या भ्याड हल्ल्याचा निषेध केला आहे.
महाराष्ट्राचे मुख्यमंत्री देवेंद्र फडणवीस यांनी टि्वटवरुन या हल्ल्याचा निषेध केला. गोविंद पानसरे आणि त्यांच्या पत्नीवर हल्ल्याची बातमी ऐकून मला धक्का बसला. मी या हल्ल्याचा निषेध करतो. मी कोल्हापूरच्या पोलिस अधीक्षकांशी बोललो असून, आरोपींना पकडण्यासाठी वेगाने तपास करण्याचे निर्देश दिले आहेत.
हल्लेखोरांना पकडण्यासाठी संपूर्ण राज्यभरात नाकाबंदी करण्यात आली असून, तपासासाठी दहा पथके बनवण्यात येणार आहेत. गोविंद पानसरे टोलविरोधी आंदोलनात सक्रीय आहेत. आघाडीवर राहून ते या आंदोलनाचे नेतृत्व करत आहेत. पानसरे यांच्यावर झालेल्या हल्ल्याची पध्दती दोन वर्षांपूर्वी अंधश्रध्दा निर्मूलन समितीचे संस्थापक डॉ. नरेंद्र दाभोलकर यांच्यावर झालेल्या हल्ल्याशी मिळती-जुळती आहे.
डॉ.नरेंद्र दाभोळकर यांची भररस्त्यात गोळया झाडून निर्घुण हत्या करण्यात आली होती. सकाळच्या समयी डॉ. दाभोळकर यांना एकटयाला गाठून त्यांच्यावर अज्ञात हल्लेखोरांनी बेछूट गोळया चालवल्या होत्या. अजूनही या मारेक-यांचा शोध लागलेला नाही.

यवतमाळ, दि. १५ – हैद्राबाद येथे जाणाºया सराफा व्यावसायिकाची ३५ लाखाची रोकड लुटण्यात आल्याची घटना रात्री १०.३० वाजता दरम्यान पांढरकवडा येथे घडली. ही घटना घडताच नागरिकांनी सतर्कता दाखवित लपून बसलेल्या चोरट्यास पकडून पोलिसांच्या स्वाधीन केले. पोलीस चोरीच्या घटनांना आळा घालण्यास असमर्थ ठरत असताना नागरिकांच्या सतर्कतेमळे ३५ लाख रुपयाच्या लुटीचा छडा अवघ्या पंधरा मिनिटात लागला. या घटनेची चर्चा दिवसभर पांढरकवडा शहरात सुरू असल्याची माहिती सूत्रांनी दिली.
अहेतेशाम अली शाहीद अली (२५) रा. कोहीनूर सोसायटी, यवतमाळ असे अटक करण्यात आलेल्या चोरट्याचे नाव आहे. तर त्याचा अन्य साथीदार अमीर खान रा. पांढरकवडा हा फरार आहे. शनिवारी सायंकाळी संजय भीमराव लोहकरे (३४) रा. चमेडीयानगर हा व्यक्ती हैद्राबाद येथे जाण्यासाठी अमरावती-हैद्राबाद बसमध्ये बसला. त्याला ही रक्कम हैद्राबाद येथील मनोकामना ज्वेलर्सला द्यायची होती. बस पांढरकवडा राज्यमार्गावरील एका हॉटेलजवळ जेवन करण्यासाठी रात्री १०.१५ वाजता दरम्यान थांबली. लोहकरे रोकड घेवून हॉटेलकडे जात असताना अज्ञात दोन इसम जवळ आले आणि झटापट करून काळ््या रंगाची बॅग लांबविली. या घटनेमुळे भांबावलेल्या लोहकरे याने आरडाओरड सुरू केली. हा प्रकार मेटाडोर क्रमांक एम.एच. ३१/एम ६५९३ चा चालक बघत होता. बॅग घेवून चोरटे पळत असल्याचे बघून वाहनाने त्यांचा पाठलाग केला. एक चोरटा बाजूच्या घरात लपून असल्याचे लक्षात आले. तोपर्यंत नागरिक घटनास्थळी दाखल झाले होते. या घटनेची माहिती पांढरकवडा पोलिसांना देण्यात आली. मात्र पोलीस घटनास्थळी दाखल होण्यापूर्वीच नागरिकांनी एका चोरट्यास पकडून पोलिसांच्या स्वाधीन केले. पोलिसांनी अहेतेशाम अली याला अटक केल्यानंतर पळून गेलेल्या साथीदाराचे नाव अमीर खान असल्याचे सांगितले. अहेतेशाम अलीकडून पोलिसांनी ३५ लाखाची रोकड जप्त केली. त्यात १००० रुपयाचे तीन व ५०० रुपयाच्या नोटाचे ६४ बंडल असे एकूण ३५ लाख रुपये होते. पांढरकवडा पोलिसांनी चोरट्यांविरुद्ध गुन्हा नोंद केला असून पुढील तपास पोलीस अधीक्षक संजय दराडे , स्थानिक गुन्हे शाखेचे पोलीस निरीक्षक संजय पुजलवार यांच्या मार्गदर्शनात सुरू आहे.

यवतमाळ, दि़१५ – भारत आणि पाकीस्तान क्रिकेट सामन्या दरम्यान यवतमाळ व वणी येथे सुरु असलेल्या क्रिकेट सट्टा बाजारावर धाड टाकून अडीच लाखाचा मुद्देमाल जप्त करण्यात आला. आज रविवारी उपविभागीय पोलीस अधिकाºयाच्या पथकाने ही कारवाई केली.
यवतमाळ येथील मारवाडी चौकात विजय सिंघानिया (५४) या इसमाच्या घरी सट्टा बाजार सुरू असल्याची टीप उपविभागीय पोलीस अधिकारी राहुल मदने यांच्या पथकाला मिळाली. त्यावरून दुपारी ३.३० वाजता पथकाने धाड टाकली. एक लॅपटॉप, एलसीडी, पाच मोबाईल व साडेपाच हजाराचा मुद्देमाल जप्त करण्यात आला.
वणी शहरातील एकतानगर परिसरात क्रिकेट सट्टा सुरु असल्याची गोपनिय माहिती ठाणेदार असलम खान यांना मिळताच घटनास्थळी धाड टाकली असता सट्टा घेणाºया चार आरोपींसह १ लाख ५१ हजार ६१० रुपयाचा ऐवज ताब्यात घेतला़आज भारत-पाकिस्तान या दोन देशात क्रिकेटचा सामना सुरु होता़ येथील एकतानगरमध्ये या सामन्यावर सट्टा घेत असल्याची माहिती पोलीस प्रशासनाला मिळाली़ घटनास्थळी धाड टाकली असता अल्ताफ शेख, कैसर गणी, अजहर शेख, संजय बावणे या चौघांना सट्टा घेतांना रंगेहात पकडण्यात आले़ त्यांचेकडून एलईडी टीव्ही, दहा मोबाईल संच, दोन चार्जर, प्लाझा, लाईटींग पॅड, कार्बन कागद, सेटअप बॉक्स असा एकूण १ लाख ५१ हजार ६१० रुपयाचा मुद्देमाल हस्तगत केला़ ही कारवाई ठाणेदार यांच्या मार्गदर्शनाखाली स़पो़नि़दिपक पवार यांच्य्यासह गुन्हेशोध पथाकचे सुधीर पांडे, अरुण ताकतोडे, सय्यद साजीद, नफिस शेख, प्रमोद जुनूनकर, विकास धडसे यांनी केली़