मुझ्झफरनगर- मुझ्झफरनगर मधील नावला गावात एका सात वर्षाच्या चिमुरडीवर २२ वर्षीय तरुणाने बलात्कार केल्याची धक्कादायक घटना समोर आली आहे. याप्रकरणी आरोपी अमित कुमार याला अटक करण्यात आली आहे.
अमित कुमार हा शेतात नोकर म्हणून काम करत होता. मानसुरपूर पोलीस ठाण्याच्या हद्दीतील नावला गावातून आरोपीला अटक करण्यात आल्याची माहिती पोलिस आधिकारी डी. के. मित्तल यांनी दिली.
याप्रकरणी पिडीत मुलीच्या वडीलांनी पोलिस ठाण्यात तक्रार दाखल केली होती. आरोपीने आपल्या मुलीला घरातून पळवून शेजारच्या जंगलात नेले आणि तिच्यावर बलात्कार केल्याची तक्रार पिडीत मुलीच्या वडिलांनी केली.
पिडीत मुलगी गंभीर जखमी झाली असून तिला उपचारासाठी रुग्णालयात दाखल करण्यात आले आहे.

मुंबई – राज्यातील पाच अपक्ष आमदार आमच्या संपर्कात असून येत्या आठवड्याभरात त्यांचा भाजपमध्ये प्रवेश होणार आहे. काँग्रेस आणि राष्ट्रवादीचे जवळपास 25 माजी आमदार पक्ष प्रवेशाच्या प्रतीक्षा यादीवर आहेत, असा दावा प्रदेशाध्यक्ष रावसाहेब दानवे यांनी केला.
भाजप-शिवसेना युतीचं सरकार मजबूत असल्याचा दावा करत मित्र पक्ष असलेला पक्षामध्ये सुरंग लावायचा नाही अथवा त्यांची माणसे फोडायची नाहीत असं आम्ही ठरविले आहे. त्यामुळे इतर पक्षांतून भाजपला पोषक असणारी, संघटनेला बळ देणारी माणसं जर भाजपमध्ये येत असतील तर त्यांचं आम्ही स्वागत करू, असंही दानवे यांनी स्पष्ट केलं आहे. वाशिम मनसेचे जिल्हाध्यक्ष राजू पाटील राजे यांच्यासह पक्षाचे जिल्हा परिषद, पंचायत समिती सदस्य आणि सभापती यांच्यासह पदाधिकार्‍यांनी काल (शनिवारी) दानवे यांच्या उपस्थितित भाजपमध्ये प्रवेश केला. त्यावेळी ते पत्रकारांशी बोलत होते.
औरंगाबाद आणि नवी मुंबई महापालिकांच्या निवडणुकांमध्ये भाजप आणि शिवसेना यांच्या युती होणार, हे मी आधीच स्पष्ट केलं होतं. पण वरच्या पातळीवर युती झाली असली तरी स्थानिक पातळीवर युती करावयाची की नाही याचे अधिकार स्थानिक पदाधिकार्‍यांकडे आहेत. युतीमध्ये स्थानिक पातळीवर योग्य जागावाटप होतं काय, यावरही या युतीचे भवितव्य अवलंबून राहील, असं दानवे म्हणाले.

चिखली- विभक्त राहणारी पत्नी, मुलीसह सासूचा खून करणारा अाराेपी संताेष भाडाईतला अटक करण्यात पाेलिसांना यश अाले अाहे. त्याने २४ मार्चच्या मध्यरात्री अापल्या सासूरवाडीत येऊन चॅनलवर माेठ्या अावाजात गाणे लावून या तिघींचा खून केल्याची कबूली दिली अाहे.
चिखली तालुक्यातील सवणा येथे विमलबाई गाढवे, गीता संतोष भाडाईत आणि आरती भाडाईत या तिघींचा निर्घृण खून झाला हाेता. गीताचा नवरा व विमलबाईचा जावई संताेष यानेच हे खून केल्याचा पाेलिसांना संशय हाेता. दरम्यान, संताेष गावात आल्याचे समजताच पोलिसांनी शुक्रवारी दुपारी इसोली येथे त्याला अटक केली. दारूच्या आहारी गेलेल्या संतोषचे सासू विमलबाई यांच्याशी नेहमी खटके उडत होते. त्यातून त्याने घरातील लोखंडी फावड्याच्या दांड्याने सासू, पत्नी, मुलगी या तिघींनाही संपवून मुंबई गाठली होती. पत्नी व सासूला ठार मारल्यानंतर आपली मुलगी जोरजोराने रडत होती. त्यामुळे नाइलाजाने तिलाही ठार मारावे लागले. मात्र, मुलीला मारल्याचा आता पश्चाताप होतोय, असे संतोषने कबूली जबाबात सांगितले.

नवी दिल्ली – आंतरराष्ट्रीय स्तरावर सातत्याने भारतासाठी चमकदार कामगिरी करणारी भारताची अव्वल महिला बॅडमिंटनपटू सायना नेहवालने शनिवारी नवा इतिहास रचला.
सायना जागतिक क्रमवारीत पहिले स्थान मिळवणारी भारताची पहिली महिला बॅडमिंटनपटू ठरली आहे. स्पेनच्या कॅरोलिना मरीनचा इंडियन ओपन सुपर सिरीजच्या उपांत्यफेरीत पराभव झाल्याने सायनाला कारकीर्दीत प्रथमच अव्वल स्थान मिळाले आहे.त्याचबरोबर सायनाने उपांत्यफेरीच्या सामन्यात जापानच्या यूई हाशीमोटोचा २१-१५,२१-११ असा सरळ सेटमध्ये पराभव करुन इंडियन ओपन सुपर सिरीजची अंतिम फेरी गाठली.
अशी कामगिरी करणारी सायना पहिली भारतीय महिला असली तरी, अव्वल स्थानावर पोहोचणारी ती दुसरी भारतीय आहे. याआधी प्रकाश पदुकोण यांनी पुरुष बॅडमिंटनपटूंच्या जागतिक क्रमवारीत पहिले स्थान भूषवले आहे.लंडन ऑलिंपिक ब्रॉंझ पदक विजेत्या सायनाने कारकीर्दीत १४ आंतरराष्ट्रीय जेतेपदे मिळवली आहेत. प्रतिष्ठेच्या ऑल इंग्लंड बॅडमिंटन चॅम्पियनशीप स्पर्धेची अंतिम फेरी गाठणारी ती पहिली भारतीय महिला बॅडमिंटनपटू आहे.

यवतमाळ , दि. २८ – पूर्ववैमनष्यातून एका युवकाचा खून केल्याची घटना २७ मार्च रोजी रात्री डोर्ली येथे घडली. पंकज नंदकिशोर नागरगोजे रा.डोर्ली असे मृतकाचे नाव आहे . आरोपी संदिप उर्फ सोनु रामजी उगलमुगले (२५) रा. डोर्ली याने पूर्ववैमनष्यातून वाद केला. त्यानंतर डोक्यावर दगडानेमारुन पंकजला जागीच ठार केले. याप्रकरणी पुरुषोत्तम नंदकिशोर नागरगोजे याने दिलेल्या तक्रारीवरून शहर पोलिसांनी आरोपीविरूद्घ भादंवि कलम ३०२ अंतर्गत गुन्हा दाखल केला. अधिक तपास ठाणेदार बाबासाहेब जाधव यांच्या मार्गदर्शनाखाली सुरू आहे.

यवतमाळ, दि. २७ – सागवाण झाडाची मोक्का पाहणी करून पंचनामा तयार करून देण्यासाठी शेतकºयाकडून पाच हजाराची लाच घेणाºया पांढरकवडा येथील वनपालासह एका खाजगी व्यक्तीस अटक केली. लाचलुचपत प्रतिबंधक विभागाच्या पथकाने आज शुक्रवारी पांढरवडा येथील वनपरिक्षेत्र कार्यालयात ही कारवाई केली.
गौतम मारोती पुनवटकर (५६) असे लाचखोर वनपालाचे नाव असून ते पांढरवकडा येथील वनपरिक्षेत्र कार्यालयात कार्यरत आहे. तर अंबादास भीमराव मेश्राम (३५) रा. राजनी ता. झरी जामणी असे शेतकºयाजवळून लाच घेणाºया व्यक्तीचे नाव आहे. पांढरवकडा तालुक्यातील एका शेतकºयाने शेतातील सागवान कटाई केलेल्या झाडाची मोक्का पाहणी करून पंचनामा करावा यासाठी पांढरकवडा येथील वनपरिक्षेत्र कार्यालयात अर्ज केला होता. मात्र तेथे कार्यरत वनपाल गौतम पुनवटकर यानी मोक्का पाहणी व पंचनामा करून देण्यासाठी पाच हजार रुपये लाचेची मागणी केली. सदर लाचेची रक्कम खाजगी इसम अंबादास मेश्राम यांचे मार्फत देण्याचे ठरले होते. दरम्यान या शेतकºयाने येथील लाचलुचपत प्रतिबंधक विभागाकडेतक्रार दिली. त्यावरून आज पांढरकवडा येथील वनपरिक्षेत्र अधिकारी कार्यालयात पथकाने सापळा रचून वनपाल पुनवटकर व मेश्राम याना पाच हजार रुपये स्विकारताना रंगेहात पकडले. ही कामगिरी पोलीस उपअधिक्षक सतीश देशमुख, नितीन लेव्हरकर, नंदकुमार जामकर, पोलीस निरीक्षक नरेंद्र इंगोले, अमोल महल्ले, शैलेश ढोणे, गजानन राठोड, अमित जोशी, निलेश पखाले, अनिल राजकुमार, किरण खेडकर, सुधाकर मेश्राम, गिरी, कोकेवार यांनी केली.

पुणे – पुण्याच्या स्प्रिंगडेल शाळेच्या मुलींना घर ते शाळा असे बसमधून ने-आण करणा-या बस अटेंडंट अमोल शेरकरला मुलीवर अत्याचार केल्याप्रकरणी १० वर्षांची शिक्षा झाली आहे. कोर्टाने अमोल शेरकरला बाल लैंगिक अत्याचार प्रतिबंध कायद्यांतर्गत दोषी ठरवले.
सिंहगड इन्स्टिट्युटच्या स्प्रिंगडेल शाळेत केजीच्या विद्यार्थीनीवर जबरदस्ती झाल्याचे प्रकरण उघड झाले आणि मुख्याध्यापिकेने डेक्कन जिमखाना पोलिस स्टेशनमध्ये गुन्हा दाखल केला होता. यानंतर पोलिसांनी चौकशी करुन बस अटेंडंट अमोल शेरकर (वय २५, रा. वडगाव बुद्रुक, मूळ गाव पंढरपूर) आणि बस ड्रायव्हर विनायक कारंडे (वय २५, रा. वडगाव बुद्रुक, मूळचा सोलापूर) या दोघांवर गुन्हा दाखल केला होता. दोघांवरही बलात्कार आणि बाल लैंगिक अत्याचार प्रतिबंध कायदा २०१२ कलम ५,६,७,८ नुसार गुन्हा दाखल करण्यात आला होता.
मुलांना ने-आण करणाऱ्या बसमधील बस अटेंडंट अमोल शेरकरने चालू बसमध्ये पीडित मुलीवर लैंगिक अत्याचार केले. बसवरील ड्रायव्हर विनायक कारंडे याने या प्रकाराची माहिती असतानाही तोंडावर बोट ठेवले. या प्रकरणी पीडित मुलीच्या वडिलांनी मुख्याध्यापिकेकडे लेखी तक्रार अर्ज दिल्यानंतर सगळा प्रकार उघड झाला होता. कोर्टाने सर्व बाजू ऐकून घेऊन सुनावणीअंती अमोल शेरकरला दोषी ठरवून १० वर्षांची शिक्षा ठोठावली.

नवी दिल्ली- देशातील सर्वोच्च नागरी सन्मान असणारा भारतरत्न हा पुरस्कार भारताचे माजी पंतप्रधान अटलबिहारी वाजपेयी यांना प्रदान करण्यात आला. राष्ट्रपती प्रणव मुखर्जी यांच्या हस्ते वाजपेयींना शुक्रवारी हा पुरस्कार प्रदान करण्यात आला.
शासकीय शिष्टाचार बाजूला ठेवून राष्ट्रपती आणि उपराष्ट्रपती हमिद अन्सारी यांनी अटलबिहारी वाजपेयी यांच्या दिल्लीतील कृष्ण मेनन मार्ग येथील निवासस्थानी जाऊन त्यांना ‘भारतरत्न’ पुरस्काराने सन्मानित केले. यावेळी पंतप्रधान नरेंद्र मोदी, गृहमंत्री राजनाथ सिंह, अर्थमंत्री अरुण जेटली, केंद्रीय मंत्री नितीन गडकरी, भाजपचे ज्येष्ठ नेते लालकृष्ण अडवाणी, मुरली मनोहर जोशी आदी मान्यवरही उपस्थित होते.
अटल बिहारी वाजपेयी यांच्या निवासस्थानी एक मंडप उभारण्यात आले होते. येथे हा पुरस्कार सोहळा संपन्न झाला. प्रसिद्धीमाध्यमांना कार्यक्रम स्थळापासून दूर ठेवण्यात आले होते.
अटलबिहारी वाजपेयींना भारतरत्न देण्याची घोषणा गेल्या वर्षी २४ सप्टेंबर रोजी त्यांच्या वाढदिवशी करण्यात आली होती. तेव्हा ते फक्त थोडेसे हसले होते. परंतू दोन दिवसांपूर्वी जेव्हा राष्ट्रपती स्वतः घरी येऊन त्यांचा हा सन्मान करणार आहेत, असे सांगितले तेव्हा त्यांनी कोणतीही प्रतिक्रिया दिली नव्हती. अटलजी गेल्या काही वर्षांपासून आजारी आहेत. त्यांना अल्झायमर डिमेंशिया झाला आहे.
भाजपप्रणीत राष्ट्रीय लोकशाही आघाडीचे नेतृत्व करताना वाजपेयींनी दोन वेळा देशाचे पंतप्रधानपद भूषवले. १९९६ मध्ये आलेले त्यांचे सरकार फक्त तेरा दिवस टिकले. त्यानंतर १९९८ मध्ये देशातील जनतेने पुन्हा एकदा वाजपेयींना संधी दिली. त्यांच्या या सरकारने पाच वर्षाचा कार्यकाळ पूर्ण केला. पाच वर्षांचा कार्यकाळ पूर्ण करणारे ते पहिले बिगर काँग्रेसी पंतप्रधान होते.

यवतमाळ, दि. २७ – यवतमाळ जिल्हा श्रमिक पत्रकार संघटनेच्या जिल्हाध्यक्षपदी दै. हिंदुस्थानचे आवृत्ती प्रमुख नागेश गोरख यांची तर सचिवपदी दै. सकाळचे उपसंपादक नीलेश फाळके यांची अविरोध निवड झाली.
जिल्हाध्यक्ष नितिन पखाले, सचिव राजकुमार भितकर यांचा कार्यकाळ संपली. त्यामुळे आज २७ मार्च रोजी अध्यक्ष व सचिवपदाच्या निवडीसाठी पत्रकार भवनमध्ये सभेचे आयोजन केले होते.यावेळी गोरख व फाळके यांची अविरोध निवड करण्यात आली. यावेळी निवडणूक निर्णय अधिकारी म्हणून जेष्ठ पत्रकार गणेश बयास तर सहा. निवडणूक निर्णय अधिकारी म्हणून अनिरुद्घ पांडे, रघुविरसिंह चौहाण यांनी काम पाहीले. यावेळी मावळते अध्यक्ष नितिन पखाले यांच्यासह सर्व पत्रकार उपस्थित होते.

नाशिक, दि. २७ – तिकीट मागितले म्हणून प्रवाशांनी टीसीवर हल्ला केल्याची धक्कादायक घटना शालीमार एक्स्प्रेसमध्ये घडली आहे. या घटनेत गंभीर जखमी झालेले तिकीट निरीक्षक चुनीलाल गुप्ता यांना उपचारांसाठी तातडीने इगतपुरीतील रुग्णालयात दाखल करण्यात आले आहे.
भूसावळ येथे ड्युटीवर असलेले गुप्ता बुधवारी रात्री तिकीट तपासण्यासाठी हावडा ते लोकमान्य टिळक टर्मिनस शालीमार एक्सप्रेसच्या डब्यात चढले. नाशिकरोडहून रात्री साडेबाराच्या सुमारास गाडी सुटल्यानंतर त्यांनी दरवाज्यात उभ्या असलेल्या दोन व्यक्तींना दार लावून घेण्यास सांगत तिकीट दाखवण्यास सांगितले. मात्र त्या प्रवाशांनी त्यांना उडवाउडवीची उत्तरे दिली आणि तिकीट दाखवण्यास नकार दिला. त्यानंतर गुप्तांनी त्यांना जनरल बोगीत जाण्यास सांगितले असता त्या प्रवाशांना राग आणि एकाने गुप्तांच्या चेहे-यावर वस्त-याने वार केले. त्यामुळे गुप्ता जबर जखमी झाले आणि जबर गोंधळ उडाला. गाडी देवळाली स्टेशनजवळ पोहोचताचे ते दोघे आरोपी उडी मारून फरार झाले. इतर प्रवाशांनी गुप्तांना तातडीने रुग्णालयात दाखल केले. याप्रकरणी पोलिसांनी दोन अज्ञात व्यक्तींविरोधात गुन्हा दाखल केला असून पुढील तपास सुरू आहे.