यवतमाळ, दि. २६ – ग्रामीण पोलीस ठाण्याच्या हद्दीत असलेल्या सावर येथील एका युवकाचा शारदार शस्त्राने वार करून खुन केल्याप्रकरणी आठही आरोपींना जन्मठेप व पाच हजार रुपये दंड ठोठावला. जिल्हा व सत्र न्यायाधिश तथा अतिरीक्त सत्र न्यायाधिश डि.व्ही. ठाकरे यांनी आज गुरुवारी हा निकाल दिला. राजू दुर्गाप्रसाद गुप्ता (४०), गेंदलाल दुर्गाप्रसाद गुप्ता (४६), जावेद शहा बशीर शहा (३२), शेख हमीद शेख अफजल (३३), अब्दुल राशीद शेख अफजल (३३), मुस्ताक शहा मदार शहा (३८), फरहान शहा मुक्कदर शहा (२८), शेख लालु शेख अप्पु कुरेश (२८) सर्व रा. सावर अशी शिक्षा झालेल्या आरोपींची नावे आहे.
१० नोव्हेंबर २०११ रोजी मृतक अजय उर्फ केटू स्वरुपसिंग चव्हाण रा सावर याच्यासोबत आरोपी राजू याने माझ्या घरा समोर शिवीगाळ का केली या कारणावरून वाद केला. त्यानंतर राजूने आपल्या जवळील धारदार शस्त्राने अजयच्या गळ््यावर वार केले. तर उर्वरीत सातही आरोपींनी धारदार कुºहाड, चाकु, लोखंडी पाईप यासह अन्य शस्त्रांनी वार केल्याने अजय जागीच ठार झाला. या घटनेचा प्रत्यक्षदर्शी मृतकचा भाऊ विजय चव्हाण याने यवतमाळ ग्रामीण पोलीस ठाणे गाठून तक्रार दिली. आरोपींनी संगणमत करून गैरकायद्याची मंडळी जमवून धारदार शस्त्राने खुन केल्याचे नमुद केले होते. त्यावरून पोलिसांनी आरोपीविरूद्घ भादंवि कलम १४३, १४७,१४८, १४९, ३०२, ३४१, १२० (ब), ४/२५ आर्म अ‍ॅक्ट, १३५ मुंबई पोलीस कायद्या अंतर्गत गुन्हा दाखल केला. तपास अधिकारी पोलीस निरीक्षक बाळू गायगोले यांनी आरोपींना अटक करून त्याच्याकडील शस्त्र जप्त केले व तपास पुर्ण करून प्रकरण न्यायप्रविष्ठ केले. येथील जिल्हा व सत्र न्यायाधिश तथा अतिरीक्त सत्र न्यायाधिश डि.व्ही. ठाकरे यांच्या न्यायालयात या प्रकरणाची सुणावनी पार पडली. यामध्ये सरकारी पक्षाच्या वतीने प्रत्यक्षदर्शी फिर्यादी विजय चव्हाण, साक्षीदार राजू व्यास, वैद्यकीय अधिकारी त्रिशुल पडोळे, तपास अधिकारी पोलीस निरीक्षक बाळू गायगोले याच्यासह एकुण १२ जणांची साक्ष तपासण्यात आली. यामध्ये दोष सिद्घ झाल्याने आठही आरोपींना जन्मठेप व पाच हजार रुपये दंडाची शिक्षा सुनावली. सरकारी पक्षाच्या वतीने पि.व्ही. गाडबैले यांनी काम पाहीले.

पुणे – भू संपादन कायद्याविरोधात भाजपा सरकारविरोधात निर्दशने करणारे ज्येष्ठ समाजसेवक अण्णा हजारे यांनी पंतप्रधान नरेंद्र मोदींना कायद्याताली वादग्रस्त कलमांसंबंधी खुल्या चर्चेचे आव्हान दिले आहे.
भू संपादन कायद्याविरोधात गडकरींनी विरोधी पक्षांना चर्चेचे निमंत्रण दिल्याप्रकरणी अण्णांना विचारले असता ते म्हणाले, गडकरी यांचा गृहपाठ कच्चा आहे. आम्ही पंतप्रधान मोदींसह या कलमांवर खुली चर्चा करण्यास तयार आहोत.
‘लोकांनाही ही खुली चर्चा पाहू द्या आणि या कायद्यातील मुद्दे समजून घेऊ दे’, असे अण्णा यांनी राळेगणसिद्धी येथे पत्रकारांशी बोलताना सांगितले. काही दिवसांपूर्वीच केंद्रीय वाहतूक मंत्री नितीन गडकरी यांनी विरोधकांना भू संपादन कायद्याबाबत खुल्या चर्चेचे निमंत्रण दिले होते.

यवतमाळ ,दि. २६ – यवतमाळला सांस्कृतीक वैभवात थर घालणारी रामनवमी शोभायात्रा शनिवार २८ मार्च रोजी निघणार आहे. या शोभायात्रेच्या भव्य आयोजनासाठी श्रीराम जन्मोत्सव शोभायात्रा समिती सज्ज झाल्याची माहिती आयोजन समितीचे राम लोखंडे यांनी पत्रकार परिषदेत दिली.
रामनवमीला दु. २ वा. जयहिंद चौकातील राममंदिरातून शोभायात्रेला प्रारंभ होईल तत्पूर्वी विश्वहिंदू परिषदेचे केंद्रीय विनायक देशपांडे आणि प्रांत कोषाध्यक्ष भाऊसाहेब मारोडकर यांच्या प्रमुख उपस्थितीत रामरथावरील श्रीराम मुर्तीचे पुजन होईल. शोभायात्रेकरिता यावर्षी रबराचा नवीन आकर्षक रथ साकारण्यात आला आहे. यवतमाळातील तरुण, तरुणी उदयास आलेले ‘शिवसमर्थ ढोल – ताशा पथक’ यावर्षी शोभायात्रेत सहभागी होवून रोहर्षीक वादन करणार आहे. टाळ मृदुंगाचा गजर करीत भजनी मंडळ व लेझीम पथकासह, दिंड्या, रामयणकालीन प्रसंगावर आकर्षक झॉकी, सामाजिक प्रबोधनात्मक विविध चित्ररथ व कला क्रिडागुणांचे सादरीकरण करणारे आखाडे, भन्नाटी, लाठ्याकाठ्या, दांडपट्टा व वाद्यवृंदाचा समावेश या शोभायात्रेत करणार आहे. यंदाचे विशेष आकर्षण म्हणजे शोभायात्रेवर विमानातून पुष्पवृष्टी करण्यात येणार आहे. संत सेना चौकात शोभायात्रा समारोपप्रसंगी ५१ विवाहीत जोडप्यांच्या हस्ते श्रीरामाची सामुहिक आरती होणार आहे. संपूर्ण शोभायात्रे दरम्यान सुरक्षा व्यवस्थेसाठी ४०० बजरंग दलाचे कार्यकर्ते सज्ज राहणार आहेत. यवतमाळ करांनी या शोभायात्रेत सहकुटूंब सहभागी होवून शोभायात्रेची शोभा वृद्घींगत करावी असे आवाहन विजय सिंघानिया, राम लोखंडे, मनोज औदार्य, अनुप चमेडीया, अजय चव्हाण व शोभायात्र समितीने केले आहे.

पांढरवकडा, दि. २४ – निसर्गाच्या लहरीपणामुळे शेतकरी हतबल झाला आहे. बँक व सावकाराचे कर्ज कसे फेडावे या विवंचनेत शेतकरी राहत आहे. बोरगाव येथील शेतकºयाने कृषी केंद्रातून किटकनाशक औषध विकत घेऊन रस्तयाने पायी चालत असताना विष प्राशन केले. रुग्णालयात नेत असताना वाटेत त्याचा मृत्यू झाला. आज मंगळवारी २४ मार्च रोजी दुपारी ही घटना घडली.
तानबा वाघू तोडसाम (४०) रा. बोरगाव (कडू) असे शेतकºयाचे नाव आहे. यावर्षी गारपिट व अतिवृष्टीने हाती आलेले पिक मातीमोल झाले. त्यामुळे शेतकरी आर्थीक संकटात सापडला आहे. तीन महिन्यावर खरीप हंगाम येऊन ठेपला असून त्यासाठी पैसे कुठून आणायचे, सावकार व बँकेचे कर्ज कसे परत करायचे, कुटूंबाचा गाडा कसा हाकायचा यासह विविध प्रश्न त्याच्या समोर उभे ठाकले आहे. नैराश्याच्या गर्तत सापडलेल्या या शेतकºयाने पांढरकवडा गाठले. शहरातील लोहार लाईनमधील एका कृषी केंद्रातून किटकनाशक औषध विकत घेतले. तेथून रस्त्याने पायी जात असतानाच किटकनाशक प्राशन केले. ही बाब काही नागरिकांच्या लक्षात येताच सदर शेतकºयाला उपजिल्हा रुग्णालयात नेत होते. अशातच वाटेतच शेतकºयाचा मृत्यू झाला. याप्रकरणी पोलिसांनी अकस्मात मृत्यूची नोंद केली आहे.

मुंबई- कोण आला रे कोण आला .. काँग्रेसचा वाघ आला. काँग्रेस पक्षाचा विजय, नारायण राणे आगे बढो .. हम तुम्हारे साथ है.. अशा गगनभेदी घोषणांनी वांद्रे पूर्व परिसर दणाणून गेला. सर्व जातीधर्मातील लोकांच्या उपस्थितीत, कार्यकर्त्यांचा उत्साह आणि प्रत्येकाच्या मनात जिंकण्याचा निर्धार, अशा उत्साही वातावरणात काँग्रेसचे ज्येष्ठ नेते महाराष्ट्राचे माजी मुख्यमंत्री नारायण राणे यांनी वांद्रे पूर्व विधानसभा मतदार संघातील पोट निवडणुकीसाठी आपला उमेदवारी अर्ज मंगळवारी दाखल केला. यावेळी काँग्रेस – राष्ट्रवादी काँग्रेस, आरपीआय (गवई) गटाचे सर्व प्रमुख नेते उपस्थित होते. पहिल्या मिरवणुकीतच वांद्रे पूर्वचे वातावरण पूर्णपणे काँग्रेसमय होऊन गेले.
वांद्रे पूर्व विधानसभा पोट निवडणुकीसाठी काँग्रेसचे उमेदवार नारायण राणे उमेदवारी अर्ज दाखल करणार आहेत, अशी माहिती मिळताच या भागातील सर्व जाती, धर्म आणि वेगवेगळ्या प्रांतातील लोक मोठ्या संख्येने जमा झाले. खेरवाडी नाक्यावरून मिरवणुकीने नारायण राणे जिल्हाधिकारी कार्यालयाकडे निघाले तेव्हा काँग्रेसच्या झेंड्यांनी वातावरण फुलून गेले होते. कार्यकर्त्यांचा उत्साह ओसंडून वाहत होता. या मिरवणुकीत काँग्रेसचे प्रदेशाध्यक्ष, खासदार अशोक चव्हाण, विधान सभेचे विरोधी पक्षनेते राधाकृष्ण विखे-पाटील, माजी प्रदेशाध्यक्ष आमदार माणिकराव ठाकरे, मुंबई प्रदेशाध्यक्ष संजय निरुपम, खासदार भालचंद्र मुणगेकर, आमदार नसीम खान, माजी मुंबई प्रदेशाध्यक्ष कृपाशंकर सिंह, माजी खासदार प्रिया दत्त, आमदार वर्षा गायकवाड, आमदार जनार्दन चांदूरकर, रिपब्लिकन पार्टी ऑफ इंडिया (गवई गट)चे राजेंद्र गवई, मुंबई राष्ट्रवादी काँग्रेसचे अध्यक्ष संजय दिना पाटील, मुंबई राष्ट्रवादी काँग्रेसचे माजी अध्यक्ष सचिन अहिर, राष्ट्रवादी काँग्रेसचे माजी प्रदेश कार्याध्यक्ष आमदार जितेंद्र आव्हाड, आमदार नितेश राणे, माजी खासदार निलेश राणे यांच्यासह काँग्रेस – राष्ट्रवादी काँग्रेस – आरपीआय (गवई गट)चे हजारो कार्यकर्ते मिरवणुकीत सहभागी झाले होते. मिरवणूक जसजशी पुढे सरकत होती, तसे रस्त्याच्या दुतर्फा उभे राहून लोक नारायण राणे यांना शुभेच्छा देत होते. अनेकांनी पुष्पहार, पुष्पगुच्छ देऊन राणे यांना शुभेच्छा दिल्या. निवडणूक कार्यालयाजवळ मिरवणूक पोहचली तेव्हा खेरवाडी, भारत नगर, बेहराम पाडा, एमआयजी कॉलनी, शासकीय वसाहतीतील हजारो लोक जमा झाले होते. सर्वांना अभिवादन करून नारायण राणे यांनी निवडणूक कार्यालयात जाऊन आपला उमेदवारी अर्ज दाखल केला.

पॅरिस, दि. २४ – स्पेनहून जर्मनीला जाणारे एअर बस ए ३२० हे विमान फ्रान्समधील आल्स पर्वतरागांमध्ये कोसळले असून विमानात १४२ प्रवासी व ६ कर्मचारी असे एकूण १४८ जण होते. अपघातात सर्व प्रवाशांचा मृत्यू झाल्याची शक्यता फ्रान्सच्या पंतप्रधानांनी वर्तवली आहे.
स्पेनमधील बार्सिलोना येथील १४२ प्रवाशांना घेऊन एअर बस ए ३२० हे विमान जर्मनीतील डूसलडॉर्फच्या दिशेने निघाले होते. विमानात एकूण सहा कर्मचारी होते. फ्रान्सच्या हवाई क्षेत्रातून जात असताना आल्स पर्वताजवळ विमानाचा रडार यंत्रणेची संपर्क तुटला. स्थानिक वेळेनुसार सकाळी १०.३० च्या सुमारास वैमानिकांशी संपर्क झाला होता. यानंतर काही वेळाने विमानाचा रडारशी संपर्क तुटला होता.हे विमान आल्स पर्वत रांगाच्या परिसरात कोसळले असून विमानाचे अवशेष आढळल्याची माहिती फ्रान्स सरकारने दिली आहे. विमान ज्या भागात कोसळले तू भाग दुर्गम असल्याने बचाव कार्यात अडथळे येत आहेत. विमानातील १४८ प्रवासी जीवंत असण्याची शक्यता फार कमी आहे अशी माहिती फ्रान्सचे पंतप्रधान मॅन्यूअल वॉल्स यांनी केले आहे. अपघाताचे नेमके कार अद्याप समजू शकलेले नाही.
एअर बस ए ३२० हे विमान जर्मनीतील जर्मन विंग्स या कंपनीचे होते. जर्मन विंग्स ही जर्मनीतील सर्वात स्वस्त सेवा देणारी एअरलाइन्स कंपनी आहे. अपघातातील जीवितहानी विषयी कंपनीने अद्याप प्रतिक्रिया दिलेली नाही. आम्ही या अपघाताची माहिती घेत आहोत असे ट्विट कंपनीच्या वतीने करण्यात आले आहे.

कल्याण,(महाराष्ट्र न्यूज नेटवर्क,सतिष राठोड)
कल्याण डोंबिवली महानगर पालिकेच्या कर विभागाने ज्या बिल्डरांनी पाणीपट्टी भरलेली नाही अशा बिल्डरांच्या विरुध्द कार्यवाही सुरु केली आहे.मनपा ने बिल्डरांना नोटिस दिली असुन त्या नोटिसमध्ये लिहीले आहे की, पाणीपट्टी नाही भरली तर बांधकाम सुरु असलेल्या ठिकाणी पाणीचे सप्लाय बंद करण्यात येईल व बांधकामाची परवानगी घेण्यासाठी अर्धा कर भरावे लागेल.मनपाने या जाहीर केलेल्या यादीत नामवंत बिल्डरही आहेत.
कर वसुल करण्यासाठी मनपा ने अभय योजना सुरु केली असुन,त्यात ९८ करोड रुपयांची वसुली केली आहे.पण या योजनेत बिल्डरांचा फारसा योगदान मिळाले नाही.मनपाच्या या निर्णयामुळे बिल्डरांमध्ये गोंधळाचे वातावरण पसरले आहे.मनपाने नोटिस दिलेल्या कल्याणचे नामवंत बिल्डररांची यादी…..
– निर्मल लाइफ स्टाइल – सचिन देशमुख, सुरेश वाधवा.
– माइल्टोन – शयरीकांत शितोळे, जोहर झोझवाला, अंजना चव्हाण, पुंडलिक मिरकुटे.
– राईसी डेव्हलपर्स – मनोज कुमार पुनामिया, लता पुनामिया, संदिप कुमार सिंग, शंकर म्हात्रे, अशोक शिंदे, मोहम्मद यूसुफ असे अनेक नामवंत बिल्डरांचे नाव समाविष्ट आहेत.
मनपाने सांगितले की,या बिल्डरांनी लवकरात लवकर बाकी असलेली रकम भरावे,नाही तर मनपा कडून कार्यवाही करण्यात येईल.

नवी दिल्ली – ‘सबका साथ, सबका विकास’चा नारा देत सत्तेवर आलेल्या पंतप्रधान नरेंद्र मोदी यांनी विकासाच्या प्रक्रियेत देशातील जनतेला साथीला घेण्यासाठी पुढचं पाऊल टाकलं आहे. यापुढं सरकारमधील भ्रष्टाचार व अन्य प्रशासकीय कामांविषयीच्या लोकांच्या तक्रारी थेट मोदींपर्यंत पोहोचणार आहेत. त्या तक्रारी पोहोचविण्याची सोय असलेले नवे वेबपोर्टल उद्या खुद्द मोदी यांच्याच हस्ते कार्यान्वित होणार आहे.
प्रो-अॅक्टिव्ह गव्हर्नन्स अँड टाइमली इम्प्लिमेंटेशन अर्थात ‘प्रगती’ असं या वेबपोर्टलचं नाव असेल. मनमोहन सिंग यांच्या काळात ‘पीएमओ सीपीग्राम्स’ नावानं लोकांच्या तक्रारीसाठी पोर्टल चालविले जात असे. मात्र, त्यात स्पष्टता नसल्यानं त्या माध्यमातून तक्रारी करणं कटकटीचं काम होतं. मोदी सरकारनं हे पोर्टल बदलून त्याऐवजी जास्त सोपं व सुटसुटीत पोर्टल आणलं आहे. ‘प्रगती’मध्ये भ्रष्टाचाराच्या तक्रारींवर विशेष लक्ष केंद्रीत करण्यात आलं आहे. पोर्टलमधील भ्रष्टाचाराच्या कॉलममध्ये आणखी नऊ प्रकारच्या भ्रष्टाचारांना स्थान देण्यात आलं आहे. टेलिकॉम, रेल्वे, वित्तविभाग, ऊर्जा, पेट्रोलियम, अवजड उद्योग, नगरविकास, परिवहन, ग्राम विकासासह अन्य काही विभागाविषयी तक्रारी करण्याची सुविधाही यात आहे.
विभाग आणि भ्रष्टाचाराच्या वर्गवारीमुळं जनतेला आपल्या तक्रारी नेमकेपणानं सरकारपर्यंत पोहोचविण्याची संधी मिळणार आहे. सरकारच्या एखाद्या विभागात नेमका कोणता व कसा भ्रष्टाचार होतोय याची तक्रार दाखल करता येणार आहे. अन्याय, अत्याचाराच्या तक्रारींची अल्पसंख्याक, एससी/एसटी, मागासवर्ग, महिला, बालक, अपंग अशी वर्गवारी करण्यात आली आहे. पोलिसांशी संबंधित स्तंभात भ्रष्टाचार, अत्याचार व निष्क्रियता असं वर्गवारी करण्यात आली आहे. जनतेकडून आलेल्या तक्रारींवर केंद्रीय तसेच मुख्य सचिवांना विशिष्ट वेळेत स्पष्टीकरण द्यावं लागणार आहे. सरकारकडून सोडविण्यात आलेल्या तक्रारींचा आढावा पंतप्रधान नरेंद्र मोदी प्रत्येक महिन्याच्या बुधवारी घेणार असल्याचं समजतं.

नवी दिल्ली – फेसबुक, टि्वटर या सोशल नेटवर्कींग साईटसवरील आक्षेपार्ह मजकूराबद्दल तात्काळ अटकेचा अधिकार देणारे माहिती तंत्रज्ञान कायद्यातील (आयटी) कलम ६६ (अ) सर्वोच्च न्यायालयाने मंगळवारी रद्द केले. त्यामुळे यापुढे इंटरनेटवरील आक्षेपार्ह मजकूराबद्दल तात्काळ अटक करता येणार नाही.
सर्वोच्च न्यायालयाचा हा निकाल येणा-या काळात परिणामकारक ठरणार असून, यामुळे भारतात इंटरनेट वापरकर्त्यांना अधिक स्वातंत्र्य, मोकळीक मिळणार आहे. ६६ (अ) कायद्याची व्यवस्थित अंमलबजावणी करु हा केंद्र सरकारचा युक्तीवाद पटणारा नसल्याचे सांगत सर्वोच्च न्यायालयाने आयटी कायद्यातील हे कलम रद्द केले. अनेक राज्यांमध्ये आयटी कायद्यामधील या कलमाचा पोलिसांकडून गैरवापर झाल्याने विविध स्वयंसेवी संस्था, नागरी हक्क संघटनांनी या कलमाविरोधात सर्वोच्च न्यायालयात याचिका दाखल केल्या होत्या.कलम ६६ (अ) स्वांतत्र्य आणि अभिव्यक्ती स्वांतत्र्य या लोकशाही अधिकारांच्या मूळावर आघात करणारे आहे असे न्यायालयाने म्हटले आहे. न्यायालयाने त्याचवेळी एखाद्या मजकूरामुळे सामाजित शांतता बिघडणार असेल किंवा, दुस-या देशांबरोबरच्या संबंधांवर परिणाम होणार असेल तर, असा मजकूर ब्लॉग करण्याचा सरकारचा अधिकार अबाधित ठेवला आहे.

नागपूर : डॉ. बाबासाहेब आंबेडकर हे एक महान इतिहासकार सुद्धा होते. त्यांनी केवळ इतिहासाचे लेखनच केले नाही, तर इतिहासाचे संशोधन करीत असताना त्यांनी अनेक नवीन सिद्धांतही मांडले आणि ते विकसित केले आहेत. त्यांच्या सिद्धांताला इतिहासाच्या क्षेत्रात आज जगभरात मान्यता मिळाली असून इतिहासाचा अभ्यास करीत असताना या सिद्धांतांचा विचार करावा लागत आहे, असे प्रतिपादन इतिहासकार व हरियाणा कुरुक्षेत्र विद्यापीठातील इतिहास विभागाचे प्रो. डॉ. एस.के. चहल यांनी शुक्रवारी येथे केले.
राष्ट्रसंत तुकडोजी महाराज नागपूर विद्यापीठातील डॉ. बाबासाहेब आंबेडकर अध्यासनातर्फे दीक्षांत सभागृहात आयोजित दोन दिवसीय डॉ. बाबासाहेब आंबेडकर स्मृती व्याख्यानमालेचा शुक्रवारी सायंकाळी समारोप करण्यात आला. ‘इतिहासकार डॉ. बाबासाहेब आंबेडकर’ या विषयावर डॉ. चहल मार्गदर्शन करीत होते. अध्यक्षस्थानी प्र-कुलगुरू डॉ. मुरलीधर चांदेकर होते. व्यासपीठावर डॉ. आंबेडकर अध्यासनाचे प्रमुख डॉ. प्रदीप आगलावे होते.
डॉ. चहल म्हणाले, भारताचा इतिहास लिहिला गेला तेव्हा त्यात दलित व महिलांना कुठलेच स्थान मिळाले नाही. डॉ. बाबासाहेब आंबेडकरांनी भारताच्या प्राचिन इतिहासावर बरेच संशोधन केले. केवळ संशोधनच केले नाही, तर इतिहासाचे लेखन करताना नवीन सिद्धांत विकसित केले. त्यांच्या इतिहास लेखणीचा नायक हा सर्वसामान्य व्यक्ती होता. दलित होते. शोषित होते. महिला होत्या. ‘शुद्र पूर्वी कोण होते’, ‘रिडल्स आॅफ हिंदुईझम’, ‘द अनटचेबल’ यासारख्या अनेक ऐतिहासिक संशोधनपर ग्रंथाद्वारे त्यांनी प्राचिन भारतातील जाती व्यवस्थेवर प्रकाश टाकला. क्रांती अणि प्रतिक्रांतीसारखा ग्रंथ लिहून त्यांनी इतिहासातील नवे सिद्धांत निर्माण केले. भारताच्या फाळणीवर प्रकाश टाकणारा थॉट्स आॅन पाकिस्तानसारखा ऐतिहासिक ग्रंथ त्यांनी लिहिला. अर्थशास्त्र, समाजशास्त्र, मानववंशशास्त्रासह भारतीय राजकारण, संविधानाची निर्मिती यासोबतच भारताच्या इतिहास संशोधनातही डॉ. बाबासाहेब आंबेडकरांचे योगदान अमूल्य आहे, असेही त्यांनी स्पष्ट केले. डॉ. मुरलीधर चांदेकर यांनीही मार्गदर्शन केले. डॉ. प्रदीप आगलावे यांनी प्रास्ताविक केले. डॉ. रमेश शंभरकर यांनी संचालन केले.